I tillegg kan vi nemne at vertskapet var veldig imøtekomande, laga god mat og kunne tilby god plass til knapt 50 damer væpna med strikkepinnar og garn.
Hyttene var ikkje så store, men det var heller ikkje nødvendig. Vi skulle jo berre sove der:) Vi tilbrakte dei aller fleste timane denne helga i andre etasje på Fjellstova på Ørskogfjellet. For dei som hadde lite garn i heimen, eller berre hadde lyst på noko nytt, var det gode muligheiter til å handle. Fleire av damene stilte med garnsalg frå ulike butikkar, og eg handla ørlite;) Det vart vel 1200 gram meir i heimen etter at eg kom heim... Nokre av garnnøsta var gåver frå damene i bresjen for helga. Vi vart nemlig tekne imot på aller beste vis: Alle fekk posar med eit par garnnøste i, og nokre ultrasøte miniatyrnøste frå Järbo. Dei trur eg er best egna til pynt!
Eg var så heldig å dele hytte med Elligo og Toneab, og kunne ikkje valt betre damer å dele krypinn med.
Det vart mykje tid til strikking, og skravling. Støynivået var ganske høgt til tider;)
I det nydelege veret var det godt å la fingrane og hjerna koble ut litt. Vi gjekk ein lang og god tur i varm haustsol.
Eg har strikka litt:)
Eg fekk ferdig eit skjerf, og så kom eg ganske langt på eit par sokkar og ein topp.
PÅ vegen heim fekk eg til og med vere litt kulturell. Det var Musikanten som var på scenen saman med Big Odd Band, leia av Odd Fossum. Dei er eit storband med korrekt besetning, så vidt eg veit:) Og dei som spelar er stort sett i alderen 15-20 år. Svært dyktige, og svæææært sjarmerande.
