جڑانوالہ

جڑانوالہ
(انگریزی میں: Municipal Committee Jaranwala)
تاریخ تاسیس	1908
نقشہ
انتظامی تقسیم
ملک	پاکستان
دار الحکومت برائے	تحصیل جڑانوالا
تقسیم اعلیٰ	تحصیل جڑانوالا
جغرافیائی خصوصیات
متناسقات	31°20′03″N 73°25′10″E
بلندی	184 میٹر
آبادی
کل آبادی	150380 (پاکستان میں مردم شماری ) (2017)
• گھرانوں کی تعداد	23670 (2017)
مزید معلومات
رمزِ ڈاک	37250
فون کوڈ	041
قابل ذکر
باضابطہ ویب سائٹ	باضابطہ ویب سائٹ
جیو رمز	1176106

جڑانوالہ صوبہ پنجاب کا ایک شہر ہے جو فیصل آباد سے تقریباً 35 کلومیٹر پر واقع ہے۔ یہ فیصل آباد کی مشہور اور سب سے بڑی تحصیل ہے۔ اس کا شمار پاکستان کے بڑی تحصیلوں میں ہوتا ہے۔۔ یہ شہر تقریبا 400 سال پرانا ہے۔عنقریب ضلع بن جائے

مشہور ٹاؤنز

2005ء میں ملک کے دوسرے بڑے شہروں کی طرح فیصل آباد میں بھی سٹی ڈسٹرکٹ گورنمنٹ نظام لاگو کیا گیا، جس کے مطابق اسے 8 مختلف ٹاؤن میں تقسیم کر دیا گیا۔ ماضی کی تحصیلیں بھی اس نئے نظام کے تحت ٹاؤن کا درجہ پا گئیں۔ جڑانوالہ ٹاؤن بھی ان آٹھ ٹاؤنز میں سے ایک ہے۔ اس میں 57 یونین کونسلیں ہیں۔ اس شہر کی مشہور ٹاؤنز میں منڈی روڑالہ، کھرڑیانوالہ، ستیانہ، لنڈیانوالہ اور منڈی بچیانہ شامل ہیں۔

گورنمنٹ ڈگری کالج جڑانوالہ فار بوائز رقبہ کے لحاظ سے پنجاب کا سب سے بڑا کالج ہے جو 48 ایکڑ پر محیط ہے۔

جڑانوالہ کے مشہور سیاست دانوں میں میاں غلام باری جو قائد اعظم محمد علی جناح کے ساتھ تھے، رائے عارف وزیر ریلوے، چوہدری وصی ظفر وزیر قانون، رائے حیدر علی مشیر وزیر اعلیٰٰ اور چوہدری ظہیر الدین وزیر پراسیکیوشن رہ چکے ہیں۔ تاریخ آزادی کی مشہور شخصیت سردار بھگت سنگھ کا تعلق بھی اسی شہر سے ہے

تقریبا چار سو سال پرانا یہ شہر نہروں کے بیچ آباد ہے۔ شہر کی تاریخ ایک دروازے پہ درج ہے جسے پاکستانی گیٹ کہا جاتا ہے۔ پرانی نشانیوں میں ایک جیوٹ مل ہے اور ایک جامع مسجد، مل ویران ہو چکی ہے اور مسجد آباد۔

اس سے بھی پہلے شہر میں تین مندر ہوا کرتے تھے۔ دو مندر تو ڈھے گئے جب کہ ایک مندر اب بھی باقی ہے، جس کے تہ خانے میں نقاشی کا بہت عمدہ کام کیا گیا ہے۔ نیشنل بنک کے سامنے واقع یہ مندر اب بھی دیکھنے والوں کے لیے کھلا ہے مگر سفر شرط ہے۔ کہیں کہیں ڈھونڈھنے سے کچھ برجیاں بھی نظر آتی ہیں۔

مندروں کے علاوہ یہاں ایک مڑھی ہوا کرتی تھی جو اب کالج بن گئی ہے۔ شہر میں بسنے والوں کی بڑی تعداد اب ملک سے باہر بستی ہے۔ یہ بیرون ملک مقیم کچھ تو پاکستانی ہیں اور کچھ ہندوستانی جن کے آبا و اجداد اپنے وقت کی اس مشہور غلہ منڈی میں رہا کرتے تھے۔

پنجاب لوک بولی میلہ

نومبر 2008ء میں جڑانوالہ میں پنجاب لوک بولی میلہ لگا جس میں پنجاب کے روایتی کھیلوں اور پنجابی لوک ورثے کی نمائش کا اہتمام کیا گیا۔

رقبہ

جرانوالہ ٹاؤن کا رقبہ 1,770.04 مربع کیلومیٹر ہے،

آبادی

اس کی مجموعی آبادی 1,186,514 افراد پر مشتمل ہے۔

وجہ تسمیہ

جڑانوالہ دو پنجابی لفظوں کا مجموعہ ہے، جڑاں اور والا، جہاں جڑاں کے معنی ہیں ”جڑیں“ اور ”والا“ کا مطلب جگہ ہے۔ ایک روایت میں ہے کہ چک نمبر 240 جی بی کے قریب ایک تالاب کے کنارے پر ایک برگد کا درخت لگا ہوا تھا جس کی جڑیں آس پاس پھیلی ہوئی تھیں یہی درخت اس نام کی وجہ بنا۔

تعلیمی ادارے

• گورنمنٹ کالج جڑانوالہ فار بوائز
• گورنمنٹ کالج جڑانوالہ برائے خواتین
• لاہور گرائمر ہائی سکول جڑانوالہ
• گورنمنٹ ہاہرسیکنڈری سکول اواگت
• گورنمنٹ اسلامیہ ہاہی اسکول جڑانوالہ
• گورنمنٹ کالج آف کامرس جڑانوالہ
• ڈویژنل پبلک اسکول جڑانوالہ
• ہاہرسیکنڈری اسکول آف اکسیلنٹس جڑانوالہ
• گورنمنٹ وکیشنل کالج جڑانوالہ
• وکیشنل کالج جڑانوالہ برائے خواتین
• پنجاب کالج کنال روڈ جڑانوالہ
• دی ایجوکیٹرز اسکول نیو سٹی جڑانوالہ

نزدیکی شہر

• فیصل آباد
• روڑالہ روڈ
• بچیکی
• سیدوالہ
• کھرڑیانوالہ

نقشہ فیصل آباد سٹی ڈسٹرکٹ گورنمنٹ

2

مجوزہ ضلع

سابقہ وزیر اعلیٰ پنجاب عثمان بزدار حکومت نے پنجاب میں ایک اور نیا ضلع بنانے کا فیصلہ کیا ہے۔ ان کی ہدایات پر کمشنر فیصل آباد نے تحصیل جڑانوالہ کو ضلع بنانے کے لیے ضروری تفصیلات بورڈ آف ریونیو کو ارسال کر دی ہیں۔ مراسلے کے مطابق مجوزہ ضلع جڑانوالہ 9 قانگوئی اور 92 پٹواری سرکلز پر مشتمل ہوگا 2017 کی مردم شماری کے مطابق جڑانوالہ کی آبادی 17 لاکھ 19ہزار 250 افراد پر مشتمل ہے، جڑانوالہ کا کل رقبہ 4لاکھ 37ہزار 386 ایکڑ ہے جبکہ دو میونسپل کمیٹیوں جڑانوالہ اور کھرڑیانوالہ، 59 یونین کونسلز ہیں۔

اس کے علاوہ زرعی انکم ٹیکس، لوکل ریٹس آبیانہ اور اسٹیمپ ڈیوٹی سے کل آمدن 61 کروڑ 50 لاکھ روپے ہے جبکہ جڑانوالہ کی حدود میں سات تھانے جڑانوالہ سٹی، صدر، بلوچنی، لونڈیانوالہ، ستیانہ اور کھرڑیانوالہ آتا ہے۔

واضح رہے کہ مجوزہ تحصیلوں میں جڑانوالہ، کھرڑیانوالہ، ستیانہ بنگلہ اور بلوچنی شامل ہے۔

مزید دیکھیے

• جڑانوالہ
• فیصل آباد
• ضلع فیصل آباد
• اڑکانہ

بیرونی روابط

• فیصل آباد کا حکومتی موقع جالآرکائیو شدہ بذریعہ faisalabad.gov.pk
• پنجاب کا حکومتی موقع جالآرکائیو شدہ بذریعہ pportal.punjab.gov.pk

تصاویر

• 
  پاکستانی دروازہ
• 
  جڑانوالہ کا دروازہ (لاہور موڑ جڑانوالہ)
• 
  کمیٹی باغ
• 
  چار بتی چوک
• 
  مہتاب مسجد
• 
  صابری چوک

بیرونی روابط

• پنجاب لوک بولی میلہ جڑانوالہ
• جڑانوالہ کے بارے میں مزید جاننے کے لیےآرکائیو شدہ بذریعہ jaranwalacity.blogspot.com