Jiloca (komarko)
Jiloca [ĥiLOka] estas komarko de Aragono (Hispanio) en la nordokcidento de la provinco Teruelo. Ties administracia ĉefurbo estas Calamocha kaj la ĉefurbo por agrikultura disvolvigo estas Monreal del Campo. La komarko estas en la Iberia Sistemo, ĉirkaŭ la meza fluejo de la rivero Jiloca, de kiu ĝi ricevas nomon, norde de la komarko Comunidad de Teruel. Ĝi havas areon de 1932,10 km² kaj populacion de 14 584 loĝantoj.
La komarko Jiloca enhavas 40 municipojn kaj 58 loĝlokojn, ĉiuj el ili apartenantaj al la provinco Teruel kaj al la regiono Aragono. La plej gravaj kaj loĝataj municipoj de la komarko estas Calamocha (4776 loĝ.) kaj Monreal del Campo (2744 loĝ.). La komarko estas en la koridoro inter la urboj Teruelo kaj Zaragozo, integrita en la nomita Corredor Mediterráneo-Cantábrico, unu el la ĉefaj aksoj por transporto de Nordorienta Hispanio kiu ligas la urbojn Valencio, Zaragozo kaj Bilbao.
Municipoj
redakti
La komarko enhavas la jenajn 40 municipojn:
- Allueva
- Bádenas
- Báguena
- Bañón
- Barrachina
- Bea
- Bello
- Blancas
- Bueña
- Burbáguena
- Calamocha
- Caminreal
- Castejón de Tornos
- Cosa
- Cucalón
- Ferreruela de Huerva
- Fonfría
- Fuentes Claras
- Lagueruela
- Lanzuela
- Loscos
- Monforte de Moyuela
- Monreal del Campo
- Nogueras
- Odón
- Ojos Negros
- Peracense
- Pozuel del Campo
- Rubielos de la Cérida
- San Martín del Río
- Santa Cruz de Nogueras
- Singra
- Tornos
- Torralba de los Sisones
- Torrecilla del Rebollar
- Torre los Negros
- Torrijo del Campo
- Villafranca del Campo
- Villahermosa del Campo
- Villar del Salz
Geografio
redakti
En la komarko Jiloca la plej gravaj ekonomiaj sektoroj estis historie agrikulturo kaj brutobredado, kiel plej granda parto de la hispana rura medio; ĉefaj kultivoj estas cerealoj, vitoj, safrano, kanabo kaj beto. Krome estis minado de kupro kaj fero. Tamen, el la 20-a jarcento, aperis en la komarko industrio rilata al la transformado de produktoj el agrikulturo kaj brutobredado (ŝafoj kaj porkoj). Krome, en la komarkaj ĉefurboj (Calamocha kaj Monreal del Campo) estas ankaŭ pluraj servoj. Aparte estas forstado kaj elfosado de salo kaj gipso. Lastatempe floris turismo ekzemple rilate al naturo (Lageto Gallocanta).