MMbyn News

Script
Both: Nagaalerto, naggagabay at nagpapasigla, ito ang MMbyn
news na pinagtatangol ang katotohanan.
(Sound effect at transition)
Angel: Magandang araw buong pilipinas at sa lahat ng mga
kababayan sa buong Luzon, Visayas at Mindanao.
Brianna: Ganon rin sa karating bansa!
Both: Kami ang MMbyn news, ang stasyon na nagpapalawak ng
kaalaman sa buong mundo.
Angel: Ako si Angelica Olegario
Brianna: At ako naman si Brianna Casey Doctor.
Both: Maghahatid ng balita para sa inyo.

Angel: Ang Department of Education o DepEd ay naglabas ng abiso

hinggil sa mga klase sa darating na transport strike. Nakatutok,
Joyce Ballon.
(Ang Script ni Joyce)
(Transition)
Brianna: Higit tatlong-daang pamilya nasunugan sa Mandaluyong
noong February 13 ngayong taon. Ipapahatid ni Kassandra Plan.
(Transition)
Kassy: Tinatayang nasa tatlong-daang pamilya ang nawalan ng
tirahan matapos tupukin ng sunog ang nasa kabahayan sa
Mandulyong City kahapon ng umaga.
 (Simula ng clip)
Kassy: Ayon kay Mandaluyong City Fire Marshal Fire
Superintendant, Nazrudyn Cablayan, nagsimula ang sunog bandang
umaga ika-anim mula sa isang pagsabog na hinihinalang nagmula sa
napabayaang kalan o nakaiwang naka-charge ng selpon.
(Wakas ng clip)
Kassy: Sa pagtaya ng BFP, nasa walong milyong pesos ang halaga
ng danyos sa mga ari-ariang nasunog.
(Transition)
Angel: Personal na namahagi ng tulong si Senator Christopher Bong
Go sa mga residente mula sa Barangay Additional Hills,
Mandaluyong City na naapektuhan ng sunog kamakailan.
(Transition)
Ysabella: Ang mga grocery packs, face masks, mga bitamina,
meryenda, at kamiseta ay ibinigay ni Senator Bong at ng kanyang
koponan sa dalawang-daan at sampung pamilya o kabuuang pitong-
daan at animnapu na nasunugan sa panahon ng relief activity na
ginanap sa Molave Covered Court. Nagbigay din sila ng bisikleta,
cellular phone, sapatos, relo, cap, bag, kalendaryo, at bola para sa
volleyball at basketball sa mga piling benepisyaryo.
(Simula ng clip)
Ysabella: Sa kanyang mensahe, ay nangako na patuloy pa rin nitong
gagampanan ang tungkulin na pagsilbihan ang sambayanang
Pilipino sa kanyang makakaya.
(Wakas ng clip)
Ysabella: Pinuri at tiniyak ni Mandaluyong City Mayor Benjamin
Abalos Sr. ang propesyonalismo at pagiging maaasahan ng senador
bilang isang taga lingkod-bayan at bilang isang kaibigan, binanggit
ang maraming pagkakataon na siya ay tinutulungan ng senador.
 (Transition)
Brianna: Sa napakainit na panahon ng Pilipinas parang gustong
gusto ko na yata umulan.
Angel: Tungkol pala sa ulan, hindi ka ba nacucurious kung uulan ba
talaga? Baka kahit may heat wave ngayon, may paparating na
bagyo.
Brianna: Buti na lang nandito si Justin Plan na magpapahatid ng
balita tungkol dito.
(Transition)
Justin: Magandang araw Ma’am Doctor at Ma’am Olegario!
Both: Magandang araw din sayo!
Angel: Ang tanong namin at ang mga kababayan namin sayo, may
paparating bang bagyo?
Justin: Aabutin ng lima hanggang walong bagyo ang maaaring
tumama sa bansa mula Hunyo hanggang Agosto ngayong taon.
Ayon kay PAGASA deputy administrator Flaviana Hilario, dahil sa
patuloy ang pananatili sa bansa ng panahon ng tag-tuyot o El Niño
phenomenon, hindi naman sobrang lakas ang mga pag-uulan na
mararanasan sa panahon ng pagpasok ng inaasahang walong bagyo
sa bansa hanggang Agosto.
Brianna: Salamat Sir Plan.
Justin: Salamat din sayo Ma’am.
Angel: Abangan! Nagbigay kamakailan ang Department of Labor
and Employment (DOLE) sa munisipyo ng San Emilio ng
P1,032,500.00. Ipapahatid ni Cris Daniel Fresa.
(Informercial break)
Brianna: Nagbabalik ang MMbyn news, ngayon ay ipapahatid ni
Cris Daniel Fresa ang balita tungkol sa pagbigay ng DOLE ng
P1,032,500.00 sa munisipyo ng San Emilio.
 (Transition)
Cris: Sinabi ni DOLE Regional Office No. 1 Director Henry John S.
Jalbuena na ang tulong-pangkabuhayan ay binubuo ng makinarya sa
pagsasaka na kanilang magagamit, partikular ang mga magsasaka na
kasapi ng Tiagan Vegetable Growers Association.
(Simula ng clip)
Cris: Ipinamahagi ang tulong-pangkabuhayan, kasama ang limang
traktora at limang kuliglig, sa limang grupo ng magsasaka sa Ilocos
Sur noong Enero 16, 2017 ng DOLE Regional Office No. 1, na
pinangunahan ni Emmanuel Hagad ng Ilocos Sur Field Office. Ang
tulong-pangkabuhayan ay sa ilalim ng Integrated Livelihood and
Emergency Employment Program ng DOLE.
(Wakas ng clip)
Cris: Tinanggap ni San Emilio Mayor Ferdinand Banua, kasama ng
benepisaryong asosasyon, ang mga makinarya at kagamitan kasabay
ng pangako na magbibigay din siya ng halagang P323,500.00 upang
ipambili ng isandaang pirasong water hose. Nagpasalamat si Juan
Bacolod, presidente ng unyon, sa DOLE para sa tulong-
pangkabuhayan na pakikinabangan ng mga magsasaka sa nasabing
probinsiya.

Angel: Patay ang isang hinihinalang karnaper nang manlaban

habang inaaresto ng mga pulis sa Quezon City, kahapon. Abangan,
John Clifford Perez.

Clifford: Inaalam pa nila ang pagkakakilanlan sa napatay na suspek

na inilarawang   na nasa 5’4”  ang taas, katamtaman ang laki ng
pangangatawan, fair complexion, nakasuot ng itim na hoody jacket,
brown na short pants at may mga tattoo na “Lito Gomez sa kanang
braso at “Edwin Ching” sa likod.
 (Simula ng clip)
Clifford: Lumilitaw sa ulat na dakong ika-dalawa ng madaling araw
habang nagsasagawa ang mga otoridad ng anti-criminality operation
nang ma-monitor nila sa radio flash alarm mula sa District Tactical
Operation Center o DTOC ang isang carnapping incident na
kinasasangkutan ng isang maroon/white SYM motorcycle na
pwersahang tinangay ng dalawang ‘di kilalang suspek dakong ala-
una ng madaling araw sa Dhalia St. corner Walnut St., Brgy.
Fairview, Quezon City.
(Wakas ng clip)
Clifford: Agad na rumesponde sa tawag ang mga pulis kung saan
naispatan nila ang mga suspek na sakay ng kani-kanilang
motorsiklo.

(Transition sa sports)
Kian: Handa na ang Gilas Pilipinas sa kanilang huling laro ngayong
Lunes sa 6th window ng FIBA World Cup Asian qualifiers kontra
Jordan na gaganapin sa Philippine Arena sa Bocaue, Bulacan.
(Simula ng clip)
Kian: Ayon kay national men’s basketball team coach Chot Rehyes,
magsasagawa lang sila ng ilang adjustment para sa laban kontra
Jordan. Matatandaang nakabawi at nakaganti ang Gilas kontra
Lebanon noong Biyerner matapos nitong tambakan ang Lebanon,
107-96.
(Wakas ng clip)
Kian: Pinasalamatan din ni Reyes ang mga mambabatas ng bansa
dahil sa napabilis ang naturalization process ni Justin Brownlee na
siyang bumandera sa laban nila kontra Lebanon.
Christian: Sa FIG Artistic Gymnastics World Cup naman tayo.
Hindi uuwing luhaan si Tokyo Olympics veteran Carlos Edriel Yulo
matapos masungkit ang tansong medalya sa men’s parallel bars sa
FIG Artistic Gymnastics World Cup Series na ginanap sa Cottbus,
Germany.
 (Simula ng clip)
Christian: Nasiguro ng Pinoy gymnast ang podium finish matapos
magtala ng 15.166 puntos sa naturang event. Mas maganda ito
kumpara sa 14.933 puntos na nakuha ni Yulo sa qualifying round.
(Wakas ng clip)
Christian: Napasakamay ni Illia Kovtun ng Ukraine ang ginto
bunsod ng nakuha nitong 15.366 puntos habang pumangalawa si
Matteo Levantesi ng Italy na may 15.266 puntos. Magandang
pakonsuwelo ito kay Yulo matapos mabigong makapasok sa final
round ng ibang apparatus.
(Transition)
Brianna: Buti na lang may lakas sila na magpasigla, mahirap kaya
magcompetition lalo na kapag international competition.
Angel: Tama ka diyan, goodluck sa kanila!

(Transition)
Angelica: Ito ang balita ngayon. Muli, ako si Angelica Olegario.
Brianna: At ako naman si Brianna Casey Doctor.
Both: Nagaalerto, naggagabay at nagpapasigla, ito ang MMbyn
news na pinagtatangol ang katotohanan.
(Wakas ng Balita)