1.

LISTAHAN NG MGA MAHAHALAGANG PANGYAYARI NA TUMATAK SA ISIPAN.

Pagalis ni Jules para makibaka sa rebolusyon.
Pagiging aktibistang manunulat ni Emman.
Paghuli at pagpapahirap kay Jules.
Pagpatay kay Jason.

2. SINO-SINO ANG MGA TAUHAN? ILARAWAN ANG BAWAT ISA.

Amanda Bartolome - Isang tipikal na ina noong dekada 70 na sunudsunuran sa mga ninanais at panuntunan ng kaniyang asawa.
Julian Bartolome - Tipikal na Pilipinong ama ng tahanan na tumatayong
haligi ng pamilya. Hindi niya ninais na magtrabaho ang asawa dahil ang
panuntunan niya ay siya ang dapat bumuhay sa kanilang pamilya bilang
ama. Isa rin siyang mapagrespetong ama sa kaniyang mga anak.
Julian Jules Bartolome - Pangany na anak nila Amanda at Julian na
sumapi siya sa isang kilusang kontra sa pamahalaan. Doon naipakita niya
ang kanyang pagmamahal at katapatan sa bayan.
Emmanuel Bartolome - Isa sa mga anak nila Amanda at Julian na may
sariling pamamaraan ng pagpapakita ng kaniyang idelohiya sa lipunan.
Gani Bartolome - Anak na sumali sa US Navy.
Jason Bartolome - Pinaka masayahing anak nila Amanda at Julian.
Benjamin/Bingo Bartolome - Bunsong anak nila Amanda at Jules na
mapang-asar kay Jason.
3. ANO ANG MGA SULIRANING KINAHARAP NG BAWAT TAUHAN SA KWENTO?
ISA-ISAHIN ANG MGA ITO.
Amanda - may itinatago pang sariling pangarap. Iyon ay ang maging
malayang maipahayag ang kanyang sarili at ikarangal ang sarili sa
kaniyang sariling pagsisikap at layunin sa buhay.
Julian - Hindi nya maipahayag ng lubos ang nararamdaman nya, kaya nya
din nasabi na Kahit ang mga lalaki ay nasasaktan at kinikimkim na
lamang ang kanilang nararamdaman dahil hindi magandang makita silang
umiiyak o nagsasalita ng tungkol sa problema.
Jules - Sumali sa kilusang makakaliwa. Nakaranas ng ibat ibang uri ng
pagpapahirap sa kamay ng mga militar.
Emman - Sumunod sa yapak ng kuya Jules at naging isang aktibistang
manunulat na nagsusulat ng mga illegal-political exposes at banned
literature.
Gani - Sumali sa US Navy kahit na hindi ito sinangayunan ng kanyang
mga kapatid. Maagang nakapagasawa at hindi nakapagtapos ng kolehiyo.

Jason - Gustong bumilis ang oras para siyay lumaki na agad-agad at

magkaroon ng sariling kalayaan sa pagkilos at paggawa ng kanyang mga
gusto.
Benjamin/Bingo - Tipikal na bunso na ang problema ay mapansin ng
magulang dahil sa dami nilang magkakapatid, hindi sya nabibigyan ng
atensyon di gaya ng sa mga panganay sa kanya na maraming suliranin.

4. SAAN NANGYARI ANG KWENTO AT SA ANONG PANAHON.

Ang tagpuan ng Dekada 70 ay nangyari sa isang ordinaryong tahanan
sa Maynila noong kapanahunanng rehimen ni Presidente Marcos noong na
nagsimula noong hulihan ng dekada 60 hanggang 1983.
5. PANGYAYARI NA LABIS TINUTULAN. ANO AT BAKIT?
Ang pagtorture ng mga military kay Jules. Hindi ito makatarungan at
makatao.
Ang paniniwalang ang mga lalaking nasasaktan ay dapat kinikimkim na
lamang ang kanilang nararamdaman dahil hindi magandang makita silang
umiiyak o nagsasalita ng tungkol sa problema. Ang paniniwalang ito ay
idinikta ng lipunan at kulturang Pilipino.
Maraming Pilipino ang hindi sang-ayon sa pamumuno at patakaran ni
Presidente Marcosna ultimo mga mag-aaral sa kolehiyo ay nag-aaklas
atsumasali sa grupong laban sa military.
6. ANO ANG LAYUNIN NG AKDA SA PAGSULAT NITO?
Ang layunin ng manunulat ay maipahayag ang totoong pangyayari sa
lipunan noong dekada 70 sa panahon na ipinatupad ng pangulong si
Ferdinand E. Marcos, isang pasistang diktador, ang Martial Law o batas
militar. Layunin nitong unti-unting gisingin ang kamalayan at kaalaman ng
mga mambabasa sa bawat kabanata na nagpapakitang magkakaibang
katangian sa bawat isa subalit nananatiling magkakaugnay.
7. MAY MGA PANGYAYARI BANG NASA AKLAT NA NAGPAPAALALA NG IYONG
KARANASAN O NASAKSIHAN MULA SA ISANG KAIBIGAN, KAPAMILYA O
KAKILALA? ILARAWAN.
Naalala ko ang ilang kwento sa akin ng aking tita at pinsan. Ang tita ko
ay isang aktibista noong kapanahunan ni Marcos, eksakto sa tagpuan ng

nobelang nabasa ko. Narinig ko ang mga kwento nya kung saan naranasan
din nya ang paghihirap sa mga rally. Naranasan nyang makaladkad ng
militar, matapunan ng teargas, mabasa ng tubig na binobomba at makwestyon ng mga militar, maihahalintulad sya kay Jules. Ang pinsan ko
naman ay isang makabagong aktibista sa UPLB kung saan naikwento din nya
na isa din syang aktibistang manunulat gaya ni Emman Bartolome sa
kanilang unibersidad.
8. ANO ANG MAHALAGANG ARAL NA NAKUHA SA KWENTO?
Ilan sa mga aral na natutunan ko sa nobela ay ang aral na bawat tao
ay may kani-kaniyang pangarap at paninindigansa buhay. Importante ang
pagrespeto ng mga magulang sapaniniwala ng anak subalit dapat din
intindihin ng anak at timbangin ang bawat desisyon na kanilang gagawin.
Ang bawat mamamayan ay may tungkuling dapat gampanan sa lipunang
kanyang ginagalawan. Sa mga panahong gaya ng dekada 70na dekada ng
pagkamulat at pakikibaka. Natutunan natin ang aral na ang bawat isa'y
bahagi ng mas malawak na lipunan kung saan ang mga kabataan ngayon, na
"isang malinaw na mata at tainga at tinig ng kanyang panahon", ang siyang
magpapasya ng kinabukasan tao ng bayan.
9. ANO ANG IDUDULOT SA BANSA KUNG PATULOY NA MAGAGANAP ANG MGA
PANGYAYARING NABASA SA KWENTO?
Sa kasalukuyang panahon, nangyayari pa rin ang mga pangyayaring
nakasaad sa nobela. Wala pa ring pagbabago sa lipunan. Ang nakikita kong
posibilidad para sa bansa natin ay ang pagkalugmok nito lalo sa kahirapan,
paglaganap ng krimen at pang-aapi ng mga nasa itaas.
10. PAANO MATITIYAK NA LAGING MANANAIG ANG KATARUNGAN SA ATING
LIPUNAN?
Ang kasamaan at kabutihan ay nakabase sa ating moralidad o
moralities o ang pagkakakilala ng tao sa kung alin ang tama at mali. Ito
ang pamantayan ng pag-uugali at magandang asal. Makakatiyak tayong
mananaig ang katarungan sa lipunan kung ang lahat ng tao ay may
kakayahang paganahin ang kanyang moralidad. Kaya para sa akin, ang
mainam na gawin ng mga magulang ay ang hubugin sa kaisipan ng mga
bata ang ideyolohiya ng moralidad upang makaiwas na ang mga susunod na
henerasyon ay matulad sa mga dating uring mapang-api. Samakatuwid, sa
pamamagitan ng moralidad, mananaig ang katarungan at kabutihan sa lahat
ng bagay.