Vol. 3.

Issue 9

September 2012
RNI.No. MIZ.MUL/2009/29499. Postal No. MZR 82/2010 - 2012.

(A monthly newsletter of the Zomi Baptist Church)

Editor : Rev. Suan Khan Thang

(A monthly Newsletter of the Zomi Baptist Church)

RNI. No. MIZ.MUL/2009/29499. Postal Regd. No. MZR 82/2010 -2012

LAITAI

Vol. 3. Issue 9 Zon-olna Editorial .......................... Hotkhiatna bukim ........... E khai! Muvanlai bangin..
Thiauzakhup Hangzo

September 2012 01 03 07
Editor : Rev. Suan Khan Thang B.A., B.D., M.T.S +919615558559 Editorial Board : Upa Zam Za Lang Upa Zam Khan Kap Upa Nang SianMung Upa Zam Lian Thang Upa J. Thawmte Business Manager: Sia N. Cin Thang 09615948861 Type setting : T. Sawm Lian Circulation : Pa Thang Khen Muang Address : Laitai, ZBC Office, Champhai - 796 321 Mizoram, INDIA
Office Phone : 09615151893 Email : [email protected] Website : zomibaptist.com

US gama Liberal .............. 09

Chingboi Guite

Zomite, nam min khat ...... 12

P. L Naulak

Mawhlawhtawi .................. 14
Upa S. Zam Khan Thang

Khuado Pawi thu .............. 17 Mizoram ........................... 24 Thu tuamtuam ................ cover
Laitai kum khat tatman : India & Kawlgam ..... ` 50/Gamdangte .......... U.S. $ 10/-

Edited published by Rev. Suan Khan Thang, on behalf of Zomi Baptist Church at Champhai, Mizoram; and printed at V. Tlanglawma Cyber World, Champhai, Mizoram - 796 321, India Copies - 900
1st Issue of Laitai : Sept. 5, 1990

Editorial.......

Khukdina thunget

Khukdina kong thumna Nang hong ngai ding Mrs. Elizabeth Payson (1818 - 1878) in a laphuak Hong itzaw ning Topa cinhna-ah khukdinin thu a nget thu gelh hi. Leitung vaiah a neuzaw in a lianzawte a hopih ciangin zahtakna lim bang hiam khat lak hi. Korea film khawngah zong a za neuzaw in a za lianzaw a hopih ciangin a lu kuun ngeungeu kawmin kihopih hi. Pasian pen ei hong bawlpa, hong Honkhiapa, lei le van a bawl, a uk, a kempa hi a lian mahmah ahih manin amah i hopih ciangin zahtak leh kiniamkhiat kawmin i pumpi mahmah zong a om ding kilawm hi. Khuk tunga phei thuap lenlan kawmin kiphasak takin Pasian hopih kilawm lo hi. Kuate in thu a nget ciangin khukdin uh hiam cih i theih nadingin Lai Siangtho sunga khukdina thungente pawlkhat en ni : 1. Solomon in a Pasian biakinnpi a lam khit ciangin khukdinin thu a ngen hi (2 Khang. 6:13,14) 2. Daniel in ni khat in thumvei ta khukdinin thungen zelzel hi (Dan. 6:10) 3. Jesu in Oliv mual tungah thu a nget lai-in khukdin a, Pa aw, pha na sak leh hih hai tawh hong kipelhsak in.. ci hi (Luka 22:41,42) 4. Mi phak khat Jesu maiah khukdinin Na ut leh nong damsak thei hi ci hi (Mk. 1:40) 5. Jesu sawlna mangin Peter in a ngeen tuili thuk lamah a paih ciangin nga tampi man a, lamdangsa lua-in Jesu khephungah khukdinin Topa aw, mawhnei mi hi ing ci hi (Luka 5:4-8)
Laitai September 2012 1

6. Stefen in martar in a sih ma diakin amah suang tawh a dengte adingin khukdinin thungetsak hi (Sawl. 7:59,60) 7. Peter in a sisa Dorkas (Tabitha) a nuntak kik nadingin khukdinin thungetsakin hong nungta kik hi (Sawl. 9:40) 8. Paul in Efesa pawlpi upate tawh khukdinin thungen hi (Sawl. 20:36) 9. Jesu nungzuite in a zi a tate uh tawh khukdinin thungenkhawm uh hi (Sawl. 21:5) 10. Ni tawp ni ciangin Topa Jesu maiah khuk khempeuh khukdin ding hi (Fil. 2:10, Rom. 14:10) America gama Episcopal biakinn khat ka kikhopnaah mihon in a kituakin thu a nget uh ciangin amau tut mun tek panin khukdin suk diamdiamin thungen khawm diamdiam uh hi. Tamil Nadu state sung Coimbatore panin a gamla lo ah thungetna mun khat kibawl a, tuaah thungente in khukdin kawmin thu a nget theih nadingin khuk ngak nading koih uh hi. Pasian mi siangtho John Hyde in khukdinsain thungen zel a, thunget hahkat lua ahih manin mi pawlkhat in John Hyde ci loin Praying Hyde (A thungen Hyde) ci zawzen uh hi. Nang bek in vanglian Topa na hopih ciangin khatvei beek Pasian zahtaknain khukdinin na hopih ngei hiam? Corigendum Laitai August 2012 issue laimai 11na ah Tulsa khuaah Zomi Innkuan kici pen Florida khuapi ah Zomi Innkuan cih zawk ding hi. Laimai 9-ah, ZNC kici pen .. Zomi National Leaque for Democracy (ZNLD) kici ta hi cih pen maan loin, ZNC kici pen June 7, 2012 in Kawlgam Election Commisionte thukimpihna tawh Zomi Congress for Democracy (ZCD) kici ta hi cih zawk ding hi. - Editor.
2 Laitai September 2012

HOTKHIATNA BUKIM
A hangin, hih lametna sungah eite hotkhiat ihi hi. Ahi hangin a kimusa lametna pen lametna ahi peuhmah kei hi. Kua in a muhsate lamen ahi hiam? Ahi hangin i muh nai lote i lamet leh tuate i ngak keeikai hi (Rom 8:24,25 ZIV). Upna hangin hehpihna tawh hotkhiat na hi uh hi, note sep hang hi loin Pasian hong piakkhong ahi hi (Efe. 2:8).
Hotkhiatna thu tawh kisai in Thuciam Lui buppi sung i et ciang Kha hotkhiatna thu khatvei beek zong kigen kha lo hi. Hebru Bible ah hotkhiatna thu genna dingin YASHA cih kammal 205 vei kizang hi. Hih thu in a gen pen kialna, pulnatna leh a galte uh lak pana hotkhiat thu genna ahi hi. Thuciam Thak i et ciangin hotkhiatna tawh kisai genna kammal nih kizang hi. Tua kammalte Grik pau in SOTERIA leh SOZA kici hi. Thuciam Lui sunga Yasha leh Thuciam Thak sunga Soza te thu kibang, pumpi leh lungsim hotkhiatna (cidamna) thu genna kammal ahi hi. Soteria ahih leh Kha hotkhiatna thu genna in kizang hi. Kha hotkhiatna tawh kisai in eite in i cih ding khat zong om loin Pasian in hong sepsak
Laitai

khin a, hehpihna tawh a khawnkhongin hong pekhin ta cih up ding a hun hi lel hi. Zomite in Kha hotkhiatna i tup lianpen leh i ngim thupipen hi a, Kha hotkhiatna i ngahkhit nak leh a dang kisam sa nawn lo hi hang. Tua in mi tampi thadah sak a, bangmah awlmawh nei loin hong koih hi. Kha hotkhiatna bek bucing zolo ahih manin a dang kisam lai hi. Kha, Lungsim leh Pumpi hotkhiat ding Bible in a tup leh a ngim lianpen hi. I Thes. 5:23 sungah i muh bangin, kha, lungsim leh pumpi a vekpiin mawhna lak pan i kepbit ding leh sianthosak ding Bible in hong hilh dan ahi hi. Kha hotkhiatna bek hunkhop lo a, a vekpi a hotkhiatna i ngah ding Topa deihna hi. Thuciam Lui sungah pumpi leh lungsim hotkhiatna thu bek
September 2012 3

i mu a, tua pen kicing zo lo ahih manin thuciam thak, kha hotkhiatna Topa in bawl ahi hi. Hi sanah Thuciam Lui hotkhiatna leh Thuciam Thak hotkhiatna a kikop ding, a ton ding kisam hi. Tua ahih manin Paul in Rom 8: 24,25 sungah piangthak sate in lungsim leh pumpi hotkhiatna a ngah teiteina dingin lamen dingin hong sawl hi. Kha hotkhiatna bek pen leitungbup in Theology picing in ngaihsun lo hi. Hehpihna zong Van gam tunna ding bek hi loin, Paul in 2 Kor. 8:9 sungah, note mihau na suah theihna ding un cih gen hi. Hih in pumpi hotkhiatna thu gen hi. Lungsim leh pumpi hotkhiatna (soul salvation) ngah dingin Rom 8:24,25 in a gen bangin lametna tawh ngak ding ahi hi. Ngak i cih ciangin ngah teitei dinga thungetna tawh hanciam cihna hi. Hotkhiatn tawh kisai mi siamte leh khamite in hih bangin gen uh a: Hotkhiat sa, Hotkhiat laitak( tu hun mahmah a hotkhiat pah ding), Hotkhiat zel ding, ci uh hi. A piangthak sate in a tawntung adingin kha hotkhiatna ngah khin uh a, lungsim pen tu huna hotkhiat pah ding hi a, pumpi zong hotkhiat zel ding ahi hi.
4 Laitai

A kician zaw in gen leng, i lungsim pen Gal.5:24; 2Kor.10:4 in a gen gitlohna hong lut ding lak pan kep bit ding hi a, i pumpi zong nisim Satan khut sung pan hotkhiat zel ding ahi hi. Ka gil hong na a thungetna tawh Topa in damna hong pia hi. Ka gil na ngei nawn lo ding cihna hi lo a, a nat kik ciang hong damsak kik zel ding cihna hi. Hih pen Yasha leh Soza in a gen hotkhiatna ahi hi. Soza leh Yasha in a ngim bulpi pen gentheihna, natna, dahna leh haksatna tuamtuam pana hotkhiat ahi hi. Paul in Rom 8:24,25 sungah a gen bangin, hihte lak pan mi in Pasian hotkhiatna a lamet leh Topa in hotkhiatna pia ci hi. Tua ahih manin lungsim leh pumpi hotkhiatna thu ah thu um mite in sep ding, cih ding i nei hi. Piangthak ihih manin , i sih ma loh nisim in lungsim leh pumpi in hotkhiat kisam pha peuhmah hi. Tu hun ciang mi piangthak, nuntak etteh huai het lo kitam ta. Hih pen kha nuntakna i neih loh man hi loin lungsim leh pumpi hotkhiatna (soul salvation) i neih loh man, i ngah loh man hi pen leh kilawm. Miten i nuntak hong en a, etteh huai sa lo hi. Hih in thu um mi khat thu
September 2012

um lote tawh guam khat sungah i nuntak khop man ahi hi. I lungsim hotkhiatna dingin Jos. 1:8,9 in a gen bangin, Bible thu gengen mai ding ahi hi. I lungsim in i pumpi makaih ahih manin, Pasian thu tawh i lungsim dimsak kisam pha peuhmah hi. Tua pen i pumpi gamtatna ah miten Pasian thu a muhna ding leh eimah ah hong lut ding gitlohna lak pan kidalna ding ahi hi. Thuhilhkikna 15:4-6; Paikhiatna 15:26 ah i muh bangin gentheihna, pulnatna, kialna, dahna leh mangbatna lak pan hotkhiat genna hi. I pumpi adingin Topa hong hotkhiatna thu kigen tawm lua ahih manin, mi kimkhatte bangin thu um mite pen hih leiah genthei den ding leh haksatna thuak den ding bangin ngaihsun hi. Kumpi David in Late 33:22 sungah, ka lamet bangun na itna kip hong omsakin, ci hi. Samuel nu Hannah in, Topa in mi zawngte leivui panin phongto, ci hi (ISam.2:8). Bible in a gen bangin Hannah in nau a neih theih lohna lak pan Topa in honkhia hi. Nang e le, na nuntakna ah Topa hotkhiatna bangci na lam en a? Noah te innkuan tuiciin lak
Laitai

pan Pasian in honkhia hi. Na nuntakna ah mawhna tuipi bangzahta in hong khang phial zongin, Noahte innkuan honkhepa in nang hong hotkhiat lah ding na um hiam? Tua Pasian kikhel nailo ai ve! David in sahang leh vompi khutsung pan amah a honkhepa mahin Goliath khutsung pan zong honkhe ding cih lametna nei a, David tunga Topa nasep zia i thei hi. Tu laitakin na nuntakna ah bang haksatna tuak na hi hiam cih kong theihpih het kei hi. Ahi zong kong vaikhak nop thupi penin, Topa ah lametna na neih nak leh Topa in na lamdang a bawl na mu ding, cih thu hi. Rom 4:18 sungah lamet ding a om nawn het lo thu ah Abraham in Topa a muan thu i mu hi. Leitung ngeina ah Abrahamte nupa adingin ta neih ding lametna om nawn lo hi. A zi ciing a, a si hul khin ta hi. Ahih hang Abraham in Pasian kamciam muangin lamen gige a, kum za khat mi ahih in Topa in tapa pia cih i thei hi. Natsia hiam ahih kei leh haksatna khatpeuh hangin na beidong hia? Abraham te nupa tunga a cih bangin na haksatna pan hong honkhe dingin Topa kikhel nai lo hi.
September 2012 5

Daniel te lawmta teng en leng, Sadrak, Mesak, Abednego te in meiphualpi leh Nebukhadnezzar khut sung pan suahtak ding lamen uh hi. Topa in meiphualpi lak mangsak sawm lo a, a zah sagih a sa meiphualpi tawh kipelhsak tuan lo hi. Ahih hang meiphualpi bangmah sem thei loin koih a, a sam uh zang khat bek nangawn kang lo hi. Pasian in hih leitungah thuaknate, ze-etnate leh khemnate omsak loh sawm lo a, amah ah lametna a nei mite tua haksatnate lak pan hotkhiat ding leh a thahatna lahkhiatna dingin zang nuam hi zaw. Daniel humpinelkai buk sungah a khiat laiun, humpinelkai la mang dingin Pasian kithawi lo a, bangmah hih thei lo dingin bawl

zaw hi. Hih leitungah i nuntak sungin haksatnate a bei ngei ding hi lo a, a hangin hihte a sumang dingin Pasian in ma a lak loh man ahi hi. Ahi zongin hihte a tun ciang bangmah hih thei lo dingin bawl a, tua haksatna pan a mite hotkhiat ding a tup hi zaw hi. Sanggam, hih thu na ngai dih ve. Na haksatna sangin Topa thahat zaw a, na buaina sangin Topa lian zaw hi. Pian.18:14 in a gen bangin Topa adingin a haksa bangmah om lo hi. Amah lamen in, tu in na haksatna leh buaina lak pan hong honkhe dingin Topa a kigingsa in om hi.

Ka buaina teng sang lianzaw ka lauhna sang lianzaw, Topa Pasian in muhtheih leh muhtheihloh mual sangin lianzaw Ka theihloh khempeuh thei a na khempeuh sang lianzaw Topa Pasian in muhtheih leh muhtheihloh mual sangin lianzaw
( Hih thu Evan. C. Laldingliana in a gelh, Thutak Puangtu March 2012 Issue pan Rev. Gin Lam Thang in a tei ahi hi.)

Laitai tawh kisai Kum 2013 cianga Laitai a la zom nuamte in tukum (2012) November kha beima in Laitai tatman piak kul hi. Tatman batzah a kawm (cover) nung lam, min kigelhna tungah kigelh hi.
6 Laitai September 2012

E khai! Muvanlai bangin aw le..

- Thiauzakhup Hangzo, IRS China leh Japan gamah mau nam khat Moso bamboo om hi. Ni khat in feet 2 leh a lang in khang a, Nipikal guk sungin feet 90 bang pha thei hi. Hih pen a pualama thakhatin hong khang henhan a bat hangin tua bang bek hi loin a zung pen kum 5 sung bang Km bangzah hiam a zaam kht ciangin a pualamah muh theihin hong khang pan ahi hi. Siamsinna leh neek le taak zonna lamah bang tan hiamah i khangto hi. Moso mau banga tomcik sunga a khangkhia lak i kisak khak ding hi lo hi. Manipur gam sung leh a pua gam tuamtuamah i kithehthang gawp a, hun bang tan hiam a zung a kha i hi hi. I pu i pate bawlloh inn hoih pipi leh hostel nuam mahmahah i om pen i biak Pasian in thupha hong piakna hang hi, cih mangngilhloh dingthupi hi. Lam tuamtuamah i khantoh lai-in, lungsim leh bang lam hiamah i niamkiatna zong om hi. Nidang laia singtanggama mite hoihna leh thusiamnate ettehhuai mahmah hi. 1968 tan singtang gam Bungpilawn leh Songtal ah ka om ngei hi. Tua hun laiin inn a kinusiat ciangin tawhtang tawh kikalh cih bang om sese loin, van mang zong a om kei hi. Tulaiin Laitai vanmang leh kisuhsak cihte a tamta hi. Hih pen leitung siatna in hongpuak i sak khak ding hi lo hi. Shimla khuapiah khualzin mite baanna ahi The Mall kiciah ka innkuan un va paiin maan ka kizaih uh hi. Tua panin ka paikhiat khit uh ciangin ka maanbu (camera) ka nusiat khak lam uh phawkin, muh kik ding zong kilamen ngam loin, kilungkim saknain ka va kilehkik a, ka zon leh mi khat in, Camera zong na hi uh hiam? hong ci a, ka camera zon uh amah in hoih takin a kep thu hong hilhin, Na zuak nop uh leh hong leisak un hong ci hi. Tua zah a van manpha a mupa in hong piakkik ka theih ciangin lamdangsa lua-in, Khristiante sangin muanhuaizaw uh hi ka ci kha zawzen hi. I pute hun lai-in mi khatpeuh in van khatpeuh hong piak ciang kisuanglah kawmin i saang hi. Mite ii huhsa a om ding zumhuaiin kingaihsun hi. Tuma lamin Japan gama Kobe khua-ah zinlinna hangin inn tampi a beimang laiin gam khangto gama mihaute in huh nuamin a thu a kan uh leh Japante in gamdangte huhna a la nuam het kei uh hi. A lak sunsun uh pen Switzerland gam panin uisiam 4 September 2012 7

ahi hi. Amau vang a kemsiam (self respect) minamte pen minam dangte in zong tung-et uh hi. Pilna siamna a saan tektek leh bang hangin nidanglaia i cihtakna, i vaang i kepsiamna leh i muanhuainate bei hiaihiai mawk hiam? Siamsinte in moral & religion lam i thupisakloh man hi hiam, ahih kei leh Nipi Sang leh kumpi sanga i sin thute etkik kul hi hiam, kingaihsuthuai hi. Hoih i sakte, thupi i sakte, zahtakhuai i sakte leh zumhuai i sakte suut kik dih ni. Gentehna in, mi kua hiam khat in a hauh nop manin khamtheih za a zuak ciangin, deihtelna a zang siam lo honpi khat in tua zate leiin siatlawh uh hi. Hauh ding i kideihsak hangin midang khat in a siat lawh nading ahih leh tua hauh nopna pen i do ngam ding ahi hi. Mi tampi in zu leh za a zuakzuak khawng pen mi a si zongin phamawh a sa zo nawn lo cihna ahi hi. I gam leh i minam adingin siatna tun hi cih thei napi-a do sawm lo a i omsan hithiat leh i tu leh tate in a sinkhiat ding a hoih het lo om a, tua in hauh nading ahih nak leh na khatpeuh hih, zuak, khoih phamawh lo hi cih a sisanun hong khanpih ding a, mulkimhuai hi.

nakpi takin kapin ann tang liangin thungen hi. Nehemiah in amah tha bek tawh Jerusalem kulhpi puah ding pen a piangthei lo ahih lam tel mahmah hi napiin, Pasian a muanna hangin lungsim takpi tawh Jerusalem khuapi puah kik sawm hi. Kumpipa in phalna pia a, a vanzat ding nangawn guan hi. Pasian in tua na thupi sep zawh nadingin vaihawm siamna leh nasep siamna guan hi. Jerusalem khua kisiat bangin i gam, i khua leh i society kisiagawp ta hi. Genkhiat ngamloh ding zah dongin siatna mulkimhuai pipi in hong nawk a, tunung cianga i gam leh pawlpi makai ding i khangnote nuntakna kisia-in, mangthang gawp ta hi. Nehemiah mah bangi i sep ding i mawhpuaknate awlmawhin i gam leh i mite dam nadingin mabung khawm lehang Pasian in hong huh ding hi. I maingat kum zalom 21 sungah a mulkimhuai siatna hong tung thei lai hi. Tua siatna laua kibuksan hiam sawm loin do huan i sawm ding ahi hi. Huihpi guahpi lakah Akpi in a kha khup deduin innkiu lakah a kibuk lai-in, Muvanlai ahih leh tua huihpi a hat tektek leh vansang lamah leng toto hi. Muvanlai tung panin sin ding i nei hi. Muvanlai bangin aw le!

Jerusalem kulhpi kisia gawp (Hih thului pen Siamsin Pawl Ancih a theih ciangin Babilon kumpi nual Magazine 1966 laimai 6-8 Artakzksis ii haitawipa Nehemiah panin kiteisawn ahi hi - Ed) 8 Laitai September 2012

US gama Liberal leh Conservative Khristiante

- Chingboi Guite, Ph. D (O.T) Student, Chicago

May 9, 2012 in US President Barack Obama in pasal leh pasal, numei leh numei kiteenna a saan thu gen hi. Tua thu a sang thei tampi om a, a sang thei lo zong tampi mah om hi. Aug. 16, 2008 in Obama in numei leh pasal kiteenna pen kiteenna siangtho ahih thu gen hi. US ah pawlpi mite a kikhensak a lianpen in numei le numei, pasal leh pasal kingaihna (homo-sexuality) hi. Tuni a note kianga kong gennop thu-in a Lai Siangtho zat uh kibang napi, paidan leh updan kibang lo nam nih - Conservative leh Liberal Khristian ka tuahkhakte, a kibatna leh kibatlohna uh ka gen nuam hi. Hih Khristian nam nihte tung panin sin ding bang om hiam cih en dih ni : A kibatnate : A nih un Pasian leh Jesu Khris a upna uh kibang hi. Pasian sapna theiin Jesu ii nasepna maban a zomin kingaihsun tuak uh hi. A tangpi thuin Conservativete in saan zawhloh hau-in a lungsim uh kawciik (closed) a, liberalte in
Laitai

ahih leh saan theih hauin a lungsim uh tangzai (open) in suakta uh hi. A kibatlohnate : 1. Numei Pasian nasepna : Conservativete in Pasian nasem dingin numei ordain nuam lo uh hi. Ahi zongin conservative mahmah hi napi American Baptist Pawlpite bangin Pasian nasem dinga sapna a ngah leh numei zong ordain lel uh hi. 2. Siangtho nekkhawmna : Conservativete lakah siangtho nekkhawmna pen pawlpi upate bekin hawm thei a, piangthaksa tuikiphumte bekin ann kuang siangtho sawk thei hi. Liberalte lakah bel Topa in ama ann kuang pen mi khempeuh nek dingin lui hi, ciin a kikhawm khatpeuh siangtho ann kuang sawksak hi. Conservative pawlkhatte, pastor leh upa ahi lo, biakinn a zat tangzang (usher) khatpeuh in siangtho nekhhawmna a hawm zong om veve hi. 3. Pasian nasepna : Conservativete in kha lam pianthakna, misawnari nasepna,
September 2012 9

biakinn sung leh pawlpi tungtawna nasepna pibawl uh a, mimal ii khalam dinmun thupibawl uh hi. Liberalte in ahih leh mihing buppi ii nuntakna leh a dinmun pibawl uh a khawtang (society) nuntakna lam pibawl uh hi. Gentehna in khawtang nuntakna a khat le khat kideidanna a omloh ding (social justice), minam leh vun zong (colour) hanga kideidanna (racism), numei hih mana kisimmawhna (gender inequality / discrimination), numei pasal vaia kisimmawhna (sexual discrimination) cihte leh tuate hanga hamphatna leh thuneihna (rights and privilage) kidalsak cihte awlmawh uh hi. 4. Lai Siangtho saandan : Conservativete in Lai Siangtho pen khalam, salam leh khawtang nuntakna ah thu tawp bawl nadinga kingakna (siksan) dingin Lai Siangtho kicing hi ciin, Lai Siangtho pen absolute authority in sang uh hi. Liberalte in Lai Siangtho a saan uh hangin a kigelh huna thupiang leh tu huna thupiang kibang nawn lo ahih ciangin tulaia i nuntak-gamtat khuaheidan (culture) leh mihing leh khawtang paizia (society & anthropology) tawh a kituak Lai Siangtho thute bek saan theih hi, ci uh hi.
10 Laitai

5. Homosexuality : Liberalte in neih kibang kiteenna pen amau ut thu hi loin Pasian in tua banga kikhialah dingin a bawl hi ciin pastor ding nangawnin saang uh a, conservativete in hi bang a neih kibang kiteenna pen mihing paizia tawh kituak lo (unnatural) bek tham loin Lai Siantho thu tawh kituak lo (unbiblical) hi ci uh hi. 6. Biakna dangte saandan : Liberalte in biakna dangte amau hihna bangin theisiam a saan ding hi ci uh a; conservativete in Jesu Khris bekah hotkhiatna om ahih manin Khristian a suak dingin biakna dangte deihsak uh hi. Hih thute pen a pua lam pan a zate adingin awilohna neih theih hi. Gentehna in Liberalte in numei leh pasak khentuamna om lo a a kibanga koih cih zawzen cih bang, ahih kei leh Conservativete in Pasian nasem dingin Pasian sapna a ngah numei om hi zenzen leh tua bangte saan theihloh cih lawmlawm, cih bangin awilohna neih theih hi. Keimah muhna-ah hihte in amau saandan uh tawh kituakin Pasian na a sem hi ciin ka tuat hi. A kibatlohna bulpi pen uh in na a etdan uh kibang lo hi. 1. Liberalte in mihingte dinmun
September 2012

leh a haksatna lim etin thupi bawl uh a, Pasian in mi khempeuh a kibangin hong itna thu pibawl uh hi. Vun zong (skin colour) a kibatlohna, numei leh pasalna leh neih kibangte kingaihna cih khawng mihingte in i mawhsak ding hi lo hi. Mawhneite a mawhsak ding Pasian ahi hi. Amah khutah koih ding hi, ci uh hi. 2. Conservativete in bel Pasian in a et ding bangin mihingte en a, khialhna pen zam ngaihsut loin do ding, a mikhial pen it ding, a khialte a kisik nading hanciam ding hi, ci uh hi. Pasian pen itna tawh kidim ahih hangin a siangtho Pasian ahih manin mawhnakhialhna koihkhong lo hi, ci uh hi. Ei gama Khristiante pen Conservative mahmah hi hang. Hih mite tung panin sinhuai ka sakte : Liberalte tung panin sin ding i neih pen tangpi-tangta nuntaknaah nasepna ahi hi. Gospel in a huap za mahmah a, khalam nuntakna ding ciang bek hi loin, khawtang nuntakna dong hong sukkhak ding ahi hi. Bang hang hiam cih leh, Topa Jesu Khris leitungah hong pai lai-in Judahte thusinna (synagogue) ah a kikhop
Laitai

hun om a, khawpi leh khawtaah vakin tua hun laia a siang lo in a koih uh numei si luang lai hopihin, phak natna veite damsakin (Luk. 5:12-13), dawiveite damsakin (Mat. 17:14-18; Luk. 4:33-36), misi lakah omin (Joh. 11:43-44), mite nawlkhin siahdongte lakah va paiin na va sem hi. Farisaite bang tai ekekin mihaute zong dawm tuan lo hi. I gama Satan Pawl a hong om khawng, numeite thagum tawh buanna (rape) khawng, mulkimhuai taka kithahna cihte pen gospel in a sukkhak ding ahi hi. Hih khawtang gitlohna (social evils) minam makaite leh gam makaite (NGOs) bek dosak ding hi loin pawlpi in zong i do ding ahi hi. I sermonte, i pawlpi projectte in biakinn pualam zong a khoih ding ahi hi. Hih thute ka gen ciangin pawlpi a mawhsak hi pahzaw loin hih Liberal leh Conservativete nasepna panin Pasian na i sepdan ding leh i sepzia ding sinkhiat theih om hi lo hiam ka ci hi. Amaute tung pan i sin ding a om leh tuate a semkhia zo dingin mimal leh pawlpite Pasian in tha thak hong guan hen.
(Ruth Messenger Vo. XVII, No. 4. pages 13-16 pan kiteikhia hi) September 2012 11

ZOMITE, NAM MIN KHAT, PAU KHAT

- P. L Naulak, Champhai Vengthar
Leitungah a poimawh pen thudik theihna hi a, a zumhuai pen minam hihna (identity) theihloh ahi hi. Tuhun Zomite dinmun pen thudik theihlohna leh minam hihna kitheihlohna ahi hi. Zomite in i hihna thei loin, Paite, Tedim Chin khawng peuh i kici hi. Hihte i nam min dik tak hi loin, mite hong simmawhna leh mun min khawng peuh ahi hi. Min tuamtuam i neih manin Zomite lakah kipumkhatna leh ki-itna om lo hi. Mite Computer Age ah a om laiun Zomi ten i hihna diktak zong i thei zo nai kei hi. I kipumkhat nading pen Nam min khat leh pau khat neih ahi hi. Nam min khat i neiloh manin i mi leh sate nangawn midang et a ki-en, unau laigui zoppihte nangawn namdang mi i kici uh hi. Nam khat unau khat i hih manin pau khat i zat ding hi. I nam min dik tak i theih nangin i minte i en masa ding hi. C HI N : Research Scholarte gendanin Chin pen Kawlpau hi a, Seng/Bawm cihna hi. Zomi ten seng leh bawm pua i hih manin Chin hong kici a, i pu i pate in ahih leh Chin kici ngei lo hi cih Chin Hills Deputy Commissioner H.N.B Stevenson in 1943 kuma a gelh The Economics of the Central Chin Tribe laimai 1-na ah hih bangin gen hi. Though known to us as the Chins, the people do not recognise the name ci hi. Captain F.M Rundallin in, I do not know the origin of man Chin, it is Burmese I funcy; anyhow the Chins do not know the word and called themselves Zo, Zote being the plural na ci ngiat hi. PAITE : Manipur leh Mizoram a teengte Paite hong kicihna hangin ah i pu i pa min hi lo hi. Pu B. Lalthangliana laibu INDIA, B UR MA , B A NGL A DE S H - A M IZ O CHANCHIN laimai 117-na ah hih bangin gen hi ; Mizo hnahthlak zinga hlawm lian tak Paite hi Burma ramah chuan Tedim Chin tiin an in ko a. Manipur ah chuan hun reitak atang khan Paite tia koh an ni a, official anga puan taktakna chu Paite National Council kum 1948 a an din a tang khan a ni. He political party ngenna avang hian schedule tribe ah kum 1956 ah India sawrkarin a pawm ta a ni. Tin, Paite tih hi Lusei ho kohdan ani a, chu chu hman tlanglawn ber a ni zui ta a. Keini pawh in India leh Burma a cheng zawngzawngte huapin Paite ti zelin kan sawi dawn a ni ci hi. PIANNA TUUNNU NAUBANG KAP E.. Ka vontawite aw, khut khat, khe khat, nawitui khat a kong vaak, ka sung ka lai pana piang ka tate aw, bang hanga min tuamtuam kiphuakphuak na hi uh hiam? Unau khat, sa khat pum khat na hih lam uh kithei unla, ki-

12

Laitai

September 2012

it tuaha pangkhawmin, min khat, Manipur leh Mizoram a teeng pau khat, nam khatin na om ta te n Paite kici in India kumpi un. Midangte silhpuan (nam min) theihpih in schedule tribe ah om hong piakte sut khia in na Tuunnu ta hi. Chin State a omte ahih leh in silhpuan kongpiak na silh zaw Zomi min tawh kigawmkhawm un. Na etlawm zaw uh hi theita uh a, Zomi in ka piang a, I minam mim diktak Zo hi Zomi in ka nungta a, Zomi in ka si a, a kizat pat hun pen i gen thei ding hi ci ta uh hi. Lamka leh kei hi. I Pu Zo suan le khakte Tedim in lai kibang zangkhawm lo, Zomi kici i hi hi. Khasite min pau (awsuak) kibang zang lo, lei Kha pen a pi uh min hi a, Si leh pau in gamgi neilo hi lo hiam? pen mi cihna hi. Zomite kitawm Hihte hangin kitanauna leh mahmah a, Paite, Tedim cih kipumkhatna om thei lo hi. Lai banga kikhen tham om lo hi hang. khat (common alphabet), pau Pandit Jawahar Lal Nehru in, A khat (common langguage) i neih tawm pawla pan khak pen theih nadingin Zomi Christian Litkamsiatna khat hi ci hi. Zomi erature Society (ZCLS) Kawlgam ten i theih ding ah, Ngasa in a leh Paite Literature Society (PLS) tam sihpih, mihing in a tam hin Lamka ten ma i pat ding ahi, i kai pih ci hi. Zomite in i hihna dingin luat ma in. Kawlgam Vaigama teng Zota ten India gama om Zomite in i lung kituak takin ZOMI ah tuibang ngaihsut dingin Manipur a Paite luankhop ding ahi hi. pau zang mihing 45,000 valte, Chin Hills ah kum 1953 panin Mizorama Paite pau zang 20,000 Zomi cih zang uh a, tua kum mahin leh Paite hi napi a zang nawn lo Sukte T. Hau Go makaihna tawh mi 50,000 valte leh Kawlgama om Tedim, Falam, leh Hakha Asso- i unau 6,00,000 valte ciation panmakai 10 ciat kigawmkhawm hi leng 7,05,000 paikhawmin National Name teel val ten laimal khat (common aldingin Falam khuapi ah kikhopna phabet) i neih ciangin tuhuna nei uh hi. Tua munah Zomi Bap- magazine copy 1,000 mihing tist Convention (ZBC) cih lungkim 45,000 laka khot haksa i sak pen, takin teel uh a, Zomi Baptist tua hun ciangin mihing 7,05,000 College(Falam), Zomi Baptist lakah i zuak ta ding hi. Zomite in Press (Falam), Zomi Baptist lai khat leh pau khat i zat hun Academy (Tedim) hong kiphuan ciangin Paite Lai Siangtho, Paite khia hi. Kum 1980 in Zomi Chris- Labu, Tedim Lai Siangtho, Tedim tian Literature Society (ZCLS) Labu i nei nawn kei ding a, Zogam kiphuan in Hqrs. dingin Kawlpi hong paalin, a zu Zomi ten i dawn zang uh hi. Kum 1988 in Kawl ta ding hi. kumpi theihpihna tawh Zomi Na(Laitai November 2005, laimai 13-15 pana kitei hi.) tional Congress (ZNC) kiphuan hi. Laitai September 2012 13

MAWHLAWHTAWI
- Upa S. Zam Khan Thang (L), Vaikhawtlang

Bang hangin Jesu in mawhlawhtawi hiam cih leh, mi khempeuh mawh khin uh a,Pasian maipha a ngah nading uh kisia hi (Rom 3:23) Mi khempeuh a cih ciangin leitunga mihing khempeuh a genna hi a, mi pawlkhat bek a genna hi lo hi. Pasian in Adam mawhna pen mi khempeuh mawhnain simsakin, Mi mawh hi u teh hong ci hi. Rom 5:12 ah Adam mawhna pen thei kilkel napi a Pasian thupiak a manlohna hi. Tua gu in tuni ciang dong eite hong zelin hong huam hi. Adam in a deihtelna tawh singgah a nek manin leitung mi khempeuh mi mawh kihi-in Pasian hehna thuak ding, peel lo a hell sung tung dingin thukhenna omsa ahi hi. Tua ahih leh, thumanlohna pen mawhna hi a, siangtho Pasian tawh hong kikhensak, hong tuam omsak hi. Mawhna thute en khawm leng, na nu leh na pa thumang in (Eph. 6:1). Nu leh pate thu ka mang hi, a cih bangbang un om ing na ci hia leh Nu leh pa thu a mang lote Pasian in mimawh hong ci hi. Kei lo Pasian dang nei kei un. Pasian dang bia kei un (Pai.
14 Laitai

20:3,4) ci hi. Zomi ten Pasian hau lua - TV, zu, sum, minthanna, huaihamna. Tua ahih manin i tungah Pasian heh hi. Nu leh pa mawhna na bawl kei ding uh hi (Pai. 20:14) hong ci hi. Tulai nungak leh tangvalte virgin (a bit) om nawn lo phial hi. Pasal tawh lumkhawm numei tawh lumkhawm, nupa lah hi lo. Nupite papite zong e, mi zi peuh luppih, mi pasal peuh luppih. David ngaihsun un. A mawhna hangin Pasian in thuaksak hi. Hihte hangin Pasian heh hi. Mi na that kei ding uh hi (Pai. 20:13) Ken mawhna nei kei veng aw, i cih cih leh bel zuau phuak i hi hi. Thuman thutak i sungah om vet lo cihna hi (I John. 1:8). Sanggamte aw, Huaiham ngei keng, zuau phuak ngei keng, sum deih luatna lungsim nei keng, mi mudah ngei keng, thuman takin om ing, mi simmawh ngei keng, angkawm ngei keng, ka nu leh pa khem ngei keng, ka zi ka ta, ka pasal khem ngei keng, khamtheih guihtheih
September 2012

hih ngei keng, mi tawh mawh ngei keng, golhguk la ngei keng, ka van zuaknaah tehna maan lo tawh zuak ngei keng, tehna dik mah zang ing i ci uh hiam? Hihte khempeuh hangin Pasian min kosiat gensiat a om pen nang hangin Pasian minsia, pawlpi minsia, minam minsia ahih manin na tungah Pasian heh mahmah hi cih phawk in. Ananias leh Safiraste nupa in a lo man uh kimkhat sel a, sawltakte khe phungah kimkhat a piak manin Pasian hehin sihlawh uh hi (Sawl. 5:1-11). Siate, upate, makaite mihing ahih manun khemzo kha mah ni teh. Ahi zongin Pasian pen bangci bang mahin khemzo lo ding hi teh. Pasian khemzo hi leh Akhante innkuan leh Safirate innkuan si lo ding uh hi. David in Uriah zi a luppih kuanman mu lopi, Pasian in mu hi. Kamsang Nathan in David kiangah, Na inn sungah namsau-in vaihawm ding hi ciin va gen hi (II Sam. 11-12, I Kum 13:1-30, I Kor. 6:9). Kei tel kha kei veng aw na ci lai hia? Nang kidiksakin na mawhna na imcip lailai hiam? Na lungsim na khauhsak lai hiam? (I Kor. 10:111). Mawhna kisik nuam loin ci le sa deihna zui ten mawhna
Laitai

thukhenna thuak uh hi (I Kor. 11:27-32). Nang kimuhna leh Topa hong muhna khinkhai inla, Topa leh nang kua dikzaw? Pasian in hun a sak takteh na mawhna hong pholak ding hi. Samaria numeinu ngaihsun in (Joh. 4:16,17, 4:28,29). Thumaan mahmah kisa na hih leh thumaan na kisakna teng simin na khutme kuai sin aw leh, bangzah na suah a? Farisite leh laitheite Jesun a taigawp banga tai gawp ding pawlah na kihel kha hiam? Na khua theih a kipan na gamtatna, na kampauna, mit a na muh, mit utna, khuta na khoih na khempeuh, bila na zak thu khempeuh, na kam pana a gingkhia khempeuh, na khe in a tot khak khempeuh na lungsimin a ngaihsut khempeuh ngaihsun pha sin leh, dik na kisa hiam? Dik na kisak leh nang mawhna pua dingin Pasian Tapa hong pai lo cihna ahih manin Hell sung na tunloh phamawh cihna hi. Midikte sam dinga Jesu hong pai hi lo hi (Marka 10:10, 11:2,17). Nang hong bawl a mihing hong suaksak pa vanglian Pasian maiah kisel zo kei ve ni teh aw... Nang hong Bawlpa in na sungtum pan na pusuah hong en kilkel a,
September 2012 15

na lungsim a bawlpan na ngaihsutna khempeuh a vekpi in thei sinsen hi. Pasian khem dah mai in. Lot zi banga cikhuam suak nuam na hih kei leh hong mawhsakpa na khempeuh tua vaihawmpa Jehovah sangbel Pasian langpan in nial dah lel in. Siampi Eli bangin thalpuk in si kha ni teh. Na mawhna bangbang mawhlawh na tawi ding lam thei in, Nang lungsim genloh suangpi a kitamsak pan leitung ah nungta taak hong sa lo a, na lungsim a puakkhapsak khak ding lauhuai hi. Kumpi Faro lungtang a khauh manin ta upa in sihlawh hi. David pen Uriah zi tawh mawh a, Uriah gal sungah a sihsak manin a tapa in sih lawh a, a tapa Absalom in a pa do a, David lungkhamin khitui tawh galtai hi. Mite maiah dik na kicih a, a hoih theithei a na kigen hangin, na omdan, na gamtat dan, na ngaihsutdan hong mu, hong tel, hong en Pasian in hong telmuh lam theician zaw mai ve. Aksite nang thu-in a tang uh hiam? Ni leh Khate mial un na cih ciangin a mial uh hiam? Typhoid natna hikte si un na cih ciangin a si uh hiam? Sathak in ta a neih ding uh ciangin hong sam uh hiam? Na lu a na sam mal bangzah pha na
16 Laitai

thei hiam? Hih i teenna leitung a phacia ding Pasian in hong dong hiam? Misisa na thokiksak thei hiam? Pasian in na mawhna hong teldot leh bangci dawn ding na hiam? Pasian langpan zo dingin na kimuang hiam? Pasian in, Mawh hi teh hong ci hi. Nang, Kei mimawh hi keng ci. Kua dikzaw ding? Pasian pen itna tawh kidim ahih laitakin, a thu manglote tungah a heh thei lo a mawhna maisak teitei dingin ngaihsun kei in. Pasian hehna a thuak Thuciam Lui sung hi taleh, Thuciam Thak sungah hi taleh, mi tampi om hi. A khial vantungmite pammaih a sa lo Pasian in nang zong pammaih hong sa lo ding hi (2 Pet. 2:4) cih mangngilh ken maw. Nang mawhna mah nang mahin mawhlawh na tawi kul in ciai. Mawhna nei keng na ci tentan lai hiam? Thuman mahmah ing na kici giugiau lai hiam? Hinna leh sihna, thupha leh samsiatna na deihdeih tel thei hi ve cin. Nang tungah kinga hi ei. Na mawhlawhtawi ding thei gige o maw. A sim khempeuh mawhna kimucian a, kitelcian dingin Topan thupha hong pia ciat ta hen.
September 2012

KHUADO PAWI THU Thu masa : Tedim gam sungah Khuado a kizat ciat hangin, lasak a kipan gamtatnate kibang kim lo hi. Bang hang hiam cih leh, omna mun kikhat lo ahih mah bangin ih omna mun tawh kituakin gam min, khua min, lui minte tampi-in phuisam, lasak leh gamtatna-ah kizang ciat hi. A kibang lo nengneng a om hangin, Khuado ngeina kician om lo hi, ci-a ngaihsut ding hilo hi. Khuado thu ih gen a kibat kim lohna zong a thupit mahmahna hi zaw hi, ci-in ngaihsut ciat ding ka deih hi: Khuado pawi ih cih pen Zomite pawi neih thupi pen leh lim zat pen ahi hi. Hih pawi pen tuuk annlak khit ciang kibawl ahi hi. Khuado pawi bawl hun leh Vaite pawipi Diwali Puja leh Kawlte pawipi Mithuun Puai bawl hun kituak a, Khuado pawi ih bawlzia tawh kibat mahmahna nei-in mei kide tek hi. Kawl leh Vai ten Khuaimeivak de-in, Zomite in Meilah ih de hi. Hih panin Zomite pen minampite mah banga ngeina zia leh tong kicing a nei Ih hih lam kilang mahmah hi. Tua banga ngeina zia leh tong kicing a nei minam picing kihi napi in, minam picing hong hisak Ih minam pawipi Khuado ih neihna natawm a theilo tampi ki-om ding hi. Minam pau, lai, ngeina, pawi leh khanglui vante kician a nei lote minam picing kici theilo ahih manin a it lo, a keem lo, a puah lote minam khangto suak ngeilo hi. 1 . A khiatna: Khua cih in khiatna nam tuamtuam nei hi. Pasian genna-in Khuavak kizangin, Dawite genna-in khuazing kizang hi. DO Ih cih in zong khiatna nam tuamtuam mah nei-in, a sia lam leh a hoih lamin kizang khawm thei hi. Ih it ih ngaih hong zin, hong lengla a om ciangin zin do, lengla do ci-in Do zatna mun a om mah bangin, hong bawlsia thei dawi leh gaalte ih sim ciangin zong Do ci-in zatna mun mah om veve hi. Zomite in PAWI ih cih pen Mikangte in Festival/Feast, ci-in, Vaite in Puja ci-in, Kawlte in puai na ci uh a, Luseite in Kut na ci uh hi. Tua ahih manin Khuado pawi pen thupha hong guan Pasian i zindona, lungdam kohna leh thupha ngetna pawi hi-in; A lang khat lamah hong bawlsia thei dawi leh kaute lak pan kisiansuahna dinga dawi leh kaute hawlkhia-a dona (nawlhna) pawi ahi hi. 2. Kipatna leh a kizatna : Khuado Pawi ih neih zawh kum za guk peuhmah sawt khin dingin ki-um hi. Khuado pawi pen khangthak ngeina zui-in Manipur gamah Tedim Chin Cultural Club makaihna tawh October 11, 1969 kumin Taangnuam khua-ah zat kipanin, Mizoramah Zomi Society makaihna tawh November 12, 1994 kumin Aizawl khuate in Sairang, Tlawng lui-ah kizang hi. September 17, 2011 (Nino ni) in

Laitai

September 2012

17

Champhai a Zomi Baptist Church in Khuado Pawi a biakinn huangsung uhah zang hi. Tuipi gaalkaai Zomi ten Singapore Zomi Innkuante makaihna tawh 1995 kum panin Singapore khuapi-ah Leitung Bup Zomi Khuado Pawi min vawhin zat hong kipan to-in, tu ciangin leitung bupa Zomite omna peuhah kizang kawikawi ta hi. 3. A zat hun: Khuado pawi in Ni neilo-in a hun bek nei hi Ahi zongin kum simin September leh October kha sung hi hamtang hi. Bang hang hiam cih leh Khuado pawi in tuk hun anlak khit ciang a kibawl hi a, kumkhat leh kum khat khua khat leh khua khat an lak hun a kituah lianlian theih loh banah khua sungah mipite om kim lam tawh kigeel a kibawl ahih manin ani kiciangtan lian theilo hi. Ahi zongin Khuado ni ding leh vai khempeuh taangpi tawh kisai ahih manin Hausa leh upate in a gel loh phamawh hi. Upate in atunga ih gen kal sungin ni khat seh phot uh hi. Banghang cih leh khualzin gamvakte tua sungin hong tungkim thei leh cih deihna ahi hi. Lam khat panin Aizawl dan khawng a khuapite-ah Khuado pawi ni ding kician khat seha kipsak pen akilawm lahna om tuanlo ding hi. Bang hang hiam cih leh, khamtung nuntak ngeina dan a annlak cih bang omlo hi. Tua a hih mah bangin Mizoramah Zomi Cultural Society in 1998 kum panin Khuado ni dingin September 25 ni sehin kipsak hi. Minipur Zomite in bel October 2 ni seh uh hi. Bang hang hiam cih leh October ni 2 ni pen India makaipipa Mahama Gandhi pianni phawkna ni holiday hi-in mi kim in hun awng a neih ni khat ahih man ahi hi. Ni khat ni ciangin Zomite in a ni kituakin Khuado pawi a zat ni uh hong tung lai dingin ka um hi.. Khuado pawi pen ih Zo pawi thupi pen leh lim zat pen ahih mah bangin hihna, ngimna, deihna tuamtuam tawh a kidim, a nuai a bangin tuunkhawm tampi nei hi. Kum khen Pawi: Zolai sim bu sungah K, Khuado pawi Kum khen pawi ci-a a kisin mah bangin Khuado pawi in Zomite kum khenna hunpi khat ahi hi. Hih a kitelna dingin khanglui ten La ih cih in thu hi, a cih bangin Khuado pawi-a kisa la dawng khat en lai le hang: Kum kikhen e, solkha dang e, Zin in a vang khua zong hen aw, Ziin in a vangkhua zong hen aw, Sian sung tui bang siang hen aw, Tu kawl tawi kum khua ih khen a, Ningzu khum lai aisa aw e, Ningzu khum lai aisa aw e, Khan kumsawt ciam lai leng e,

18

Laitai

September 2012

Hih la in Khuado pawi pen Zo kum lui leh kum thak khenna a hih lam kiciansak hi. Tuhun ciangin Mikang hun khenzia Gregorian Calendar zui-in kum lui beina December 31 ni leh kum thak kaina January ni 1 ni dan ih zuih zenzen hang Zo kum lui leh kum thak khenna in Khuado ahi hi. 4. Annlak Pawi: Khuado pawi pen Annlak Pawi zong kici thei hi. Bang hang hiam cih leh Khuado pawi in tuuk annlak khit bek cianga a kibawl leh tua an thak khai thakte muanga a kibawl hi a, kum khat sung tawntung ih khawh ih ciinnate pana hong piang thupha - khai leh ann tuamtuamte aihna leh tuate hong pia, hong siam Pasian tungah lungdam kohna-in a ki zang pawi ahi hi; 5. Khuailak Pawi : Khuado pawi cianga a minthang mahmah khat pen Khuailakna hi. Khuado khuailak ih cih ciangin a kimawk lak hi loin, khuaibu (khuaipheng) panin hong tung ding kum, kum hoih ding maw, sia ding; ki cidam ding maw, kina ding cihte theihnopna-a aisannain a kizang ahi hi. khuaibu leh a note omzia panin kum thak sunga mabaan ding kithei ci-in khangluite in ngaihsun uh hi. 6. Meidet pawi : Khuado pawi a kilawmsakpi pen meidetna ahi hi. Khuado ni masa pen meilah lak ni-in kizangin Meilah lak ni a ci zong om hi. Hih meilahte pawi sung tawntung kilim zat mahmah hi. Dawi leh kaute dona (kaubetna, meidetna) a kipan khawsiam pasian a vaak tawh donna-in zong a kizang, a kitangsak, a kivaak zihziah ahih manin khuado in mei det pawi zong cih theih hi. 7. Siansuah Pawi : Khuado pawi pen siansuah pawi zong ahi hi. Ih pu ih pate in mihingte a nasak, a sisak leh mihingte tunga tuahsiatna tuamtuam a tungsak pen dawi leh kaute ngawh uh hi. Tua dawi leh kaute tawh a teengkhawm hi dingin kingaihsun lai uh hi. Khuado cianga Kaubetna leh Meidetna in a ngiimpi pen zong mihingte a bawlsia dawi leh kaute notkhia-a innsung, khuasung, gam sung siansuah ahi hi. 8. Kigin ni: (a) Sa gawhna: Khuado pen neihsa, khawhsa, vulhsa teng tawh hih theih zahin kibawlin vok kigo pen hi. Zingsang vaikuan hun ciangin, Lawm papite in a pawl a pawlin vok go-in, ni thum sung a khom ding siit tuam pah uh hi. Sa semna-ah sakuang nam nih omin, sasem papite in a vok khawite leh a langte tan ding tuak a khen ma-un amau teng khamkhop ding thuuk masa uh hi. Tua pen Sakuang baal neek kici hi. Vok vulhte leh a langte hawm pen Sakuang Hawm kici leuleu hi. Sagil bawl kawm, sa sem kawmin zu luup zu dawn kawmin taang ziahziah uh hi. Tua lai takin inn nupite in a inn tek uhah taaksih ngaan huan uh hi. Naupangte in khuang leh zam, daktal leh sialki

Laitai

September 2012

19

tumin a sisate phawkna-in mualte hah siang uh hi. (b) Daihawhna: Sate a min phetin a sin a lung, a tuap leh a kalte themno kha tek eukhia-in sawm tangvalte in tua kum sunga misi a nei innkuanpihte puak uh hi. Hih sa sungkuate pen misite a ding a kikoih tuam hi-in, sun lam ciangin nupite in zu khaihsa leh taaksih tawh tua sate kengin haanah misite va lui uh hi. Hih pen Daihawh kici hi. A sisa a innkuanpihte luguh sathau zuutzuutin zu leh sa leh taaksih tah uh a, tua pen Si-annsuah kici hi. Khuado pen a si leh a hingte kizopna tawpna, kikhakna hunin kingaihsun ahih manin khuado ciangin mi pawl khat lungleeng khawngai-in kapkap mai uh a, la zong hih bangin na sa khawm uh hi : (a) Do na lingling, do na lingling e, Gual in kum khua do na lingling e, (b) Gual in kum khua do na lingling e, Dohanah nau bang va kap tang e,

(c)Annkuang umna: Daihawhte nupite inn hong tun kik masiah ann kineeksan theilo hi. Nitaak annkuang uum dingin kikai khawm uh a, mi a kim tak teh, papi a tal taak pen in zu kam khat teepin phihin phuisam hi. Tua khit ciangin, a ban a baanin zu gual teep uh a, annkuang sa kuang uumkhawm uh hi. (Hih in tu laia i ann nek thunget dan ahi hi.) Ann neek khit ciangin ih Zo ngeina bangin ki-it, kingaihna, kideihsakzia lahna-in sabaak leh sangoi kibaak khengkhangin gualnuam thei mahmah uh hi 9. Kaubetna : Khanglui ih pu ih pate hun lai-in misi a om ciangin a kha misi khua-ah pai pah lo-in, innsung, innnuai, innkuun leh sumtawng teng khawngah khuado masiah thaamcip den dingin ngaihsun uh hi. Tua ahih manin misite pen a gil uh a kial mahmah dingin ngaihsutna tawh misi a om teh kawsah, ann khai, lukhung ann cih bang kilui hamtang hi. Khangluite in misite pen dawite peh hi, ci-in ngaihsun uh hi Tua ahih manin khuado sunga gilna laina a om lohna dingin dawi leh kaute notkhia-in kau kibeng hi. Ann neekna a man khit uh ciangin kaubet nadingin meilahte sau silselin lim takin tenin alom alomin kihencip hi. Kaubet ding ciangin kong sak leh kong khangah meilah taakna ding nahtangkuak kikoih masa phot hi. Hausapa innah pasal teng kikaikhawmin phiit lem uh hi. Tua ciangin inn kimin meilah de ciat uh hi. Tualteekpa (siampipa) in a thau lawnin kaubet hong kipan pah hi. Tualteekpa khit ciangin midangte in beng thei pan hi. Kaubet pen pasal tangzang khat peuhin khut lang khat lamah meilah lom det kawmin tuga, heiga leh singkhuah bawk khat peuh tawi-in innsung tawng panin inntung innnuai innkawm teng baan satin:

20

Laitai

September 2012

Dawi hang kau hang nam hang aw, na zun na ek namsia, Na ni na kha cing ta, na zi na ta ten hong lametna sawt ta, Na inn na lo zuan in ...ci-in hawkin kiko gamgam hi. Tua bangin innkawm teng baan sat a, innkong biang a tun ciangin a tuga daipua denna-in, A khe buuk, a ngaltaak sat kha ing ei, ci-in a meilah ken khen nih suahin, lom khat khang gawlah, lom khat sak gawlah a kuangsa-in siatin nusia hi. Hih pen dawite hong lut kik ngam nawn lohna ding ahi hi. Tua kaubengpa pen mi thumin zui-in, khat in khuang, khat in daktal leh khat in thau tawi hi. Kaubet kipat ding ciangin thau khatvei lawnin, inn kong biang a tun ciangin khatvei lawn kik hi. Inn khempheuhah kau a kibet lai takin tumtheih tummawh teng tumin, thau lawnin kisa ngeingai hi. 10. Meidetna : Inn khempeuhah kaubetna a man khit ciangin, sawm tangval tengin gua dawnah meilah siatin a desa-in khuang, zam leh daak tawh a honin hausapa inntualah kisutuahin thum vei kiimvial uh hi. Dena kaubetna kammalte mah zangin kizui kawmin awngin kiko damdam uh hi. Tua panin tum theih teng khempeuh tumin a lawhsa kammal teng mah lo kik zelin khuatual (Tualbiakna) ah pai-in thum vei mah kiimvial leuleu uh hi. Hih pen dawi neng, kau neng, bang neng peuhmah om nawn kei hen a cihna uh ahi hi. Sawm tangvalte khua sung hong lut kik uh ciangin meilah tum baangte hong lutpih kik theilo uh hi. Bang hang hiam cih leh, dawi nawhna lamah meilahte nangawm niin baangin siangtho nawn lo dingin seh uh hi. Meilah tum baangte khuanawl sing dawn, phung dawn peuhah siatin nusia uh hi. Mun khenkhatah tua meilah a tum baang teng kaikhawm uh a, meiphual sat uh hi. A khu a tam theihtheih nangin sawlbawk tawh khuh uh a, meikhu a paikhiatna dingin a laizang mun khat vangsak uh hi. Tua munsan pan meikhu hong zamkhiat ciangin siampipa in : Sim kum pha hen na cih leh simah kai in, Zo kum pha hen na cih leh zo-ah kai in, Khaigui kha gah kong ngetna hi; Zo kum kong ngetna hi. Sim kum kong netna uh hi. Tang bem kong ngetna uh hi. Mim bem kong ngetna uh hi. Cidam ludam kong ngetna uh hi. Tu sawn ta sawn kong ngetna uh hi. Khi awh pha tau bulh pha kong ngetna uh hi. Gal mang lu samang lu kong ngetna uh hi ....ci-in phuisam hi. Meikhu pen khua sung lamah a kaai leh khua sung kicidam ding hi, ci-in khanglui mite in upna nei uh hi.

Laitai

September 2012

21

11. Khuailakna : Kaubet zawh lamna dianna teng a man ciangin, a kihawisa khuaibu la dingin sawm tangvalte kuan uh hi. Tua khuaibu leh a note omzia panin kum thak sungah ann leh tui kham leh kial, nat leh dama kipan tuahsiat tuahphat ding kihilna-in ngaihsunin aisannain a kizang ahi hi. Tua hi a, khuailakna pen kithupi seh mahmah hi. Khuado khuai lakte pen zu (khuaizu)a nei nam hilo-in, no a nei nam, mi a deh thei nam, sing tung ahih kei leh, lei sunga a kaai namtuunpi, tuunpi malneu, ngaltuun, ngaltheen, khuaimul leh khuaithumte khuaibu (khuaipheng) kila pen hi. Tua ciangin khuailakna-ah zat dingin Khuang khat, sialki khat, daktal a kipua zo zahzah, zubeel peeng siatsa beel khat, khuaisah zu a vekin, phiit bu a kibawl zahzah, naang lukhu kikeng hi. Zan puan ding leh a zing cianga kizepna ding puan a koihcingte zong pua uh hi. Khuailakna a kikeng zu pen Khuaisah Zu kici hi. Zute pen hausapa-a kipan haam upate in beel khat ciat a sik uh, sawm tangval teng in zingsang lama a don, nitaak lama a khaihkholh uh zute hi. Khuai omna mun a tun uh ciangin khuai pen mei tawh kihal lo-in a pi teng khut tawh khatkhatin manin, ahih kei leh gua taitep tawh tepin that khin masa uh hi. Khuaipi teng a mat khit uh ciangin khuaibu pen a kua ahih leh to uh a, a pheng ahih leh phelkham uh hi. Khuaibu sungah a pheng dal sawm ciang bang pha thei hi. Tua khuaiphengte lak panin a hoih a limci pen leh a tak pen ciamteh uh hi. Tua banga ciaptehna a bawl khit uh ciangin khuainote tunga saphuklai banga a pa dildel dam takin hawkkhia uh hi. Khuaino zawngkhal khempeuh zong paikhia-in, a etlawm lo khempeuh nulsiang uh hi. Kum saanna ding khuaibu a kisia lo dingin dawm takin lakhia uh a, naang lukhu sungah koih uh hi. Hih khuaibu lakhiapa tualteekpa in thuneihna a piakpa bek hi thei hi. 12. Khekleh Ni : Hih ni pen Khuado ni nihna Khekleh Ni kici hi. Hih ni-in khuai tawh ai kisanin, nitaakin annkuang sa kuang ki-uumkhawm leuleu hi. Zingsang khuavak tuungin khuailate khuaibu tawh inn lam zuanin ciah uh a, khuasungah lut suak lo-in khawmualah kinga-in khuaibu taangpi taangta muh theih dingin singkung tungah koih uh hi. Khawmuala khuailate neek ding dawn ding khawsung pan nungakte in annphel tunsa leh zu va puak uh a, Khuailate in khawmualah khuazaangpi kim ngakna-in la tuamtuam- khuai la, mualbawl la, khuamualpi late sa-in lamlam uh hi. Khuazaangpi a tun kim khit ciangin zu kitulh, ann kibaakin nuamsa mahmah uh hi. Tua khit ciangin Tualteekpa in khuaibu sangin khuasung lutpih uh hi. 13. Khuai tawh Aisanna : Khawsung a tun ciangin khuaitawipa mah masa-in khuaibu pen Tual biakna mun lam manawhin kipaipih leuleu

22

Laitai

September 2012

hi. Tua muna a na ngak upate in, Sanno na hih leh na kik in, miim leh sawmtaang na hih leh hong lut in, ci-in na kal uh a, tua leh khuaitawipa in, Sanpi, sanno hi keng; miim leh sawmtaang hing ci-in tua banga thumvei a kikalh a kidawn khit uh ciangin lutsak pan uh hi. (Sanpi, sanno cih pen natpi, natneu cihna hi). Tual a lut khit uh ciangin vial khat kiimkotin hih bangin khuai la sa uh hi: (a) Ngaltun e, ngalthen e, khuai aw e, Ka lo pam a khuai aw e, sim ngalthen, zo ngalthen, (b) Nang in kum khua na thei a kong dong e, Ningzu a ken dong aisa a ken dong, Tua khit ciangin khuaibu tualsuang tunga a kiciing mawngkung tungah koih uh hi. Khuaibu tungah khawlu lam, khawtaw lam giitin ciaptehna kibawl a, khuainote paan a honsa-in koih uh hi. Tua khuaibu numei naupang leh nupi naupaaite et kiphal lo hi. Nitaak lam ciangin Upate in khualbu veel uh a, khuaibu sunga khuainote inn a a khuhna a paan a na lam kik uh leh miimbeem taang beem a lamlam hi, ci uhin kum kik ciangin ann kihau ding hi, ci-in ngaihsun uh hi. Khuaino a si peuh a na om leh kum kik sungah a si a mang om ding hi hang, ci-in khuazaang mite mabaan ding hilhkholhna-in ngaihsun uh hi. Upate in khuaibu pen sia leh pha leh, mipi lungnop theihna dingin Khuai Hoih Hi ci-in pulak pong uh hi. Thu khupna: Zomite Kumlui leh Kumthak Khenna, kum khat sung tawntung ih sep ih bawlnate-ah thupha hong guan ih biak Pasian kiangah lungdam kohna, mailam ading Thupha ngetna, Siatna hong tun thei Dawi leh Kaute tawh ih kipelh nang leh eimah-mahah ih hoih lohnate tek pana ih kisiansuahna ding hun thupi Khuado Pawi bawl pen Khristian ngeina leh Pasian deihna tawh kikingkalh lawmlawm lo hi, cih ih phawk thak ding deihhuai mahmah hi. Khangthakte in Khuado pawi ih zat ciangin, Ih pu ih pate in ih khanglui hun lai leh ih Zo ngeina tawh kituaka a zat danun kizang thei nawnlo hi. Ih theih ding thupi-a ka ngaihsut pen Khuado Pawi ih zat ciangin Khuado Pawi a khiatna leh a deihna ngaihsunin, tua leh ih Khristian biakna leh tuhun tawh kituakin ih omna mun tek tawh kituakin ih zat ding kisam sa ing. Tuhun ciangin Zomite leitung mun tuamtuamah ki-om ta a, Ngeina kician neite Minam kician a hih mah bangin ih omna tekah ih Zopawite khahsuah lo-in keemcingin, Ih Zo ngeina ahi ih Pawi thupi Khuado pawi ih thupitsak ding kisam ka sa hi. (Hih thu Rev. Thang Siam Lian in Zomi tawh kisai article tuamtuam a kaihkhopna sung ah om, Vaphual.net pan a kila ahi hi)

Laitai

September 2012

23

MIZORAM
A omna A letna Khuahun Guahzu : Latitude 21058&24035N; Longitude 92015& 93029E : North to South 277 Km.; East to West 121 Km. : 110 - 210 Phalbi; 200 - 300 Nipi : 250 per annum

Population (2011) : 10,91,014 Assembly Constituencies : 40 MLA District Block : 8 (Mamit, Kolasib, Aizawl, Champhai, Serchhip, Lunglei, Lawngtlai, Saiha) : 26

Sub Division : 23 Laisiamna (2011) : 91.58% Mi bitna density (2011) : 52

Mizoram House 1. Visant Vihar

New Delhi - 110 021 Ph.(RC) : 011-23016408 (O), 25675166 (R) 2. 24, Old Ballygunge Road Kolkata - 700 019 Ph. No : 033 - 24756430 / 24757887 / 24757064 3. Block IB Plot No. 168, Sector 3, Salt Lake, Kolkata - 700 091 Ph. No. : 033 - 23343209 / 23354144 4. Mizoram Khualbuk Naperol Tower, B Plat - 35 Ravi Ahmed, Kidwai Marg, Wadala, Mumbai Ph. No. 022 - 24163264 24 Laitai 5. Mizoram House Cleve Colony Tripura Castle Road Shillong - 793 003 Ph. No. : 0364 - 2225068 6. Mizoram House Christian Basti, G. S Road Guwahati - 781 005 Ph. No. 0361 - 252944 / 252626 7. Mizoram Run Sinai Road, Silchar - 788 005 Ph. No. : 03842 - 226166 / 225419 8. Liaison Officer Govt. of Mizoram Nongrim Hills, Shillong Ph. No. 0364 - 2420315 September 2012

Thu tuamtuam
1. Vapar khua-a upa orden Upa Cin Sian Thang, ZBC Mission Board a Vice Chairman ii tanu Lia Cing Deih Kim pen Uttar Pradesh state, Varanasi district sunga Tuara khuaah minam dangte lakah lungdamna thu tangkopih dingin kuankhia a, a omna gam minamte pau a sin laitak ahi hi. ZBC khangnote lakah crossculture missionary masapen ahi hi. Amah pen Mission for Christ nuaia nasem ahi hi. 2. ZBC President Upa Z. K Thang ii tanu Lia Cingboih in New Delhi a company khatah nasepna hoih tak khat ngah a, August 2012 panin a nasep kipan ding hi. 3. Aizawl ZBC biakinn keempa Nang Khaw Suan ii tanu Lia Thang Sian Huai pen BCM tawh nasepkhopna-ah Champhai Area a Field Assistant dingin ZBC-EC in la a, amah in August 2012 panin a nasep kipan hi. 4. Dr. Billy Graham tapa Franklin Graham in a sai Operation Chrstmas Child of the Samiritan Purse saina nuai panin Aizawl leh Thuampui ZBC naupang Nipi sang a kahte in letsong a ngah thu Tg. K Joseph tung pan kiza hi. 5. Sialkal Area ZBC hanciamna tawh Hiangmun khua a pastor quarters lim takin kipuah cih thu kiza hi. 6. Champhai Area ZBC in pastor quarters thak ding cement khuam 6 phut ta uh hi. 7. Hiangmun ZBC in Naupang Nipi Sang hall Rs. 1,90,000/- beiin lam khin ta uh hi. 8. Champhai BYF in August 12, 2012 in Sesih ZBC pha uh a, Pa Thangthang leh Pa Suan Lian Thangte in a mawtaw uh zangsak cih thu kiza hi. 9. August 5, 2012 in Ngaizawl BYF in New Champhai ZBC pawlpi pha uh cih thu kiza hi. 10. August 14, 2012 in Bethel Veng CDC ah a kah dingte maanzaihna om hi cih thu kiza hi. 11. Lydia Project nuaia numeite in August 3, 2012 in Vok leh Ak khawidan traning nei uh a, Dr. Ngursailova, State Vety Dispensary, Khawzawl in sinsak hi.

Laitai sunga thute a thupuakte saandan hi a, amau mawhpuakna zong hi pah hi.

From :

Rs. ........................ from .............. to ................

LAITAI ZBC Office, Champhai - 796 321 Mizoram, India

To
-------------------------------------------------------------------------------------------------------------------------------------------------------------

BOOK POST

RNI. No. MIZ.MUL/2009/29499

Postal No. MZR 82/2010 -2012