II Petera 2:4 Vantirhkohten thil an tihsual lai khan Pathianin a zuah lo va, hremhmunah a

paih a, rorelsaka khek turin khuarkhurum thimah a khung zawk si a.

12:5 Amaherawh chu tunge in hlauh tur ka hrilh lawk ang che u:A tihhlum hnu pawha
Gehena-a paih theihna thu neia chu hlau rawh u; a ni, ka hrilh a che u, amah mawlh chu hlau
rawh u.

Zanina kan sermon thupui tur chu HREMHMUN tih hi a ni a. Hremhmun chungchang
hian sermon thupui hi a luah khat hle mai a. Ka han ngaihtuah let vang vang pawh hian kan
pulpit tlangah ngei pawh hian hremhmun chanchin han sawi rawtui vak hi ka hre lo hle mai.
Enge maw sermon karlaka han zeh te chu awm bawk mah se. Hremhmun chungchang han
sawi vaka, han sawi hlauhawm chiam te phei chu changkan lohnaah kan ngai deuh ta a ni ber.
Tunlaia kan sermon lawm zawng leh duhzawng chu practical tak, biakin pawn han chhuah
pawha zawm nghal maina tur chi a ni deuh vek mai, eng pawh nise a tha vek tho e.
Bible chang kan han tarlan takah khan Lal Isua ngei hian hlauhtur min hrilh a.
Pathian thu dangah leh thil dangah hian Lal Isua hian kan hnena a awm avanga thihna hial
pawh hlau lo turin min chah lawm lawm a. Hlau suh suh, hlau suh u, tih hia a ni deuh vek
mai. Amaherawhchu thil pakhat hlau em em turin min hrilh, chu chu kan ngai nepin kan
zuam viau dawn em ni. Chu chu thlarau tihlum thei lotu Gehena/Hremhmun hi a ni tlat mai .

Hremhmun hi a awm tak tak em?

Awm tak tak e. Luka bung 16:19-31 a mi hausa leh Lazara chanchin atang ten chiang
takin kan hre thei a. Tin bible ah hian hremhmun tih hi ngialngan tak chuan thuthlungtharah
hmun thumah-Mathaia, Jacoba, II Petera ah te kan hmu a, thuthlunghlui lam chuan
hremhmun tih taka lehlin chu pakhatmah a chuang lo thung. Hremhmun tih a chuan tam loh
avangin hremhmun hi a awm lo ta mai em ni ang? Thuthlunghlui lama mite hian hremhmun
chanchin an va hre ve awm lo ve. Amaherawhchu bible hian hremhmun tih ngialngan hi
hmang lo mahse he hremhmun sawina hi tawngkam chi hrang hrang an hmang thung. Heng-
Seol, Gehena, mithi khua, Meidil, rawhtuina mei, Chatuan mei, khuarkhurum tithe hi
hremhmun sawina vek a ni a, khuarkhurum tih te, seol, mithi khua ti te phei chu vawi za tam
a lang thung.
Hremhmun chungchang hian sawi a hlawh a, thuhriltu tam tak pawhin a awm ngei leh
ngei loh chungchang hi huai takin an sawi ngam ta lo hle mai, a chhan niawma lang chu
mihringte hian hremhmun chanchin hi kan hre tam ang tih hi SETANA/HMELMAPA hian a
hlau em em a. Rawngbawltute ngei pawh mi a khap thiam em em a ni. Hremhmun
chungchang sawi nep tur leh; a phuba lakna tur lam sawi lova a hmangaihna lampang sawi
uar tur hian mi a thlem thiam em em a, a suhdan phei chuan sawi lo tawp hi a duhdan a ni.
Khawvel a changkang zel a, mihring inzahtawnna lam humanism kan ngaisang tual tual a,
kristian lote hnena hremhmun chanchin sawi phei chu thei phei ila chuan tam tak chuan khap
an duh hial ta awm e.
Pathian rawngbawltu langsar leh rin hlawh Billy Graham-a meuh pawhin hetiang hian
hremhmun chungchang hi a sawi. “Hremhmun hi Pathian nena in mihranna a ni mai a, a eng
hmu pha lovin, amah pawl pha lova awmna a ni a. Mei tak takin a kanna hmun ang chuan ka
sawi ve lo, ka hrechiang tlat lova. A rapthlak zia sawina tawngkamah mei a hmang mai a, mei
aia rapthlak, tihrehtheih loh khawpa Pathiana tuihalna a sawina a ni mai thei,” tiin a sawi feih
feih chauh a, a sawi huai ngam bik lo khawp mai.
Evangelical Theologian lar tal Sunday Schoolah pawh a chanchin kan zir kan zir John
R.W.Stott a ngei pawh hian damchhunga an thil tihsual a vanga hrem ngawt chu inphu lovin
a hria a, misual hremte hi chatuana tuar tir reng lovin a tiboral zawk dawn ni a ngaih dan
“ANNIHILATIONISM” chu pawm nuam a ti zawk nghe nghe nghe a ni. Hetianga ngaitute
hian Biblein ‘THI’ a tithe “BORAL’ a tithe hi hengho chuan ‘BORAL DER’ (Annihilated)
emaw ‘Tiral daih’ ‘Awm tawh lo’ (Non-Existed) tihna emaw niin an ngai. Hetiang ngaihdan hi
Mizoramah chuan Seventh Day Adventist pawlte leh Jehova Witness pawlte hian an thlawp a,
anni thurin kalpui dan chu ‘CONDITIONAL IMMORTALITY” an tit hung.
Mizoten kan hriat lar, Bible hrilhfiah nana kan rawn zin em em, Scot mi William
Barclay a ngei pawh hian, eng sakhaw mi pawh nise mi zawng zawng chhandam ni vek tura
ngai pawl “Universalist” a nih thu a thih hma lawkin a sawi nghe nghe nghe a ni.
Pu K.Lianthanga, Sinners’ Friend Founder & Speaker hian Pathian thu a zirlaiin
Maharashtra state chhunga mission filed pakhat a tlawh a. An khaw hotupa…
Thuthlunghlui chu sawi loh thuthlungtharah ringawt pawh hian bung 260 a awm a,
hremhmun leh Pathian rorelna lo awm tur chungchang sawina hi vawi 234 ngawt mai a awm
a, hei hian hremhmun a awm zia leh chuta luh chu rapthlak tak mai a nih thu min warning na
a ni. Zinkawng thui tak zawh dawna hlauhawm leh fimkhurna tur sign chi hrang hrang kawi
tinah a lo intar thet thut chuan mi fing pangai chuan zinkawng ralti tak leh hlauhawm tak a
ni tih an hrethiam nghal vat thin a ni.

Hremhmun chanchin chiang deuh zawkin I bih teh ang.

Hremhmun chu khawnge a awm?

Helai atang hian hremhmun awmna engtin tehlul nge kan hriat ang. Heta tang chuan
kan hre thei reng nang, mahse thih hnu piah lam ram min hriattir theitu bible atang hian I
han chhui dawn ve dawn teh ang.
Isaia5:14 Chuvângin Seol chuan a duhna chu a lo tizau va, a ka chu teh rual loh
khawpin a ang ta a: tichuan an ropuina te, an mipui te, an ropui hbung bungna te, an zinga
lâwm taka awmte nen chuan an lût thla ta duah duah a.
Hnuai lam zel a sawi a.

Thupuan 9:2Tin, ani chuan leilawt khuarkhurum chu a hawng a; tichuan

khuarkhurum ata chu meikhu, rawh tuina mei nasa tak khu ang a chhuak chho va; tin,
khuarkhuruma meikhu avang chuan ni leh boruak chu a lo thim ta a.

Mosia hunlai khan hremhmun hi a hring ahranin a rawn inlar bawk a.

Numbers 16:30 LALPAN thilthar a siam a, leiin a ka a an a, anmahni leh an ta zawng

zawng a lem a, Seol-ah a nunga an luh erawh chuan heng mite hian LALPA an lo ngainep a ni
tih in hria ang," a ti a.
16:31 Tin, heti hi a ni a, chung thu zawng zawng chu a sawi zawh chuan an hnuai lei
chu a lo khi chat ta phuk mai a; 16:32 tichuan lei chuan a ka a ang a, an chhûngkuain Kora
mite zawng zawng, an bungrua zawng zawng nen a lem ta vek hlawm a. 16:33Chutichuan
anmahni leh an ta zawng zawng chu Seol-ah chuan a nung chungin an pil ta vek a, lei chuan a
ka a chip hnan a, pungkhawm zing ata chu an boral ta a.
Helai chang atang hian hremhmun hi leihnuaia awm a ni tih a chiang hlein ka hria. Lal
Isua Krista pawh khan engtin nge a tih, Matthaia 12:14 ‘ Jona chu ni thum leh zan thum
nghapui kawchhunga a awm ang khan, mihring fapa hi ni thum leh zan thum lei
kawchhungah a awm bawk dawn a ni’ a ti.

Bible ang ema rin tur ni lo mah se heng Christian website hrang hranga an tarlante hi
beng ti vartu atan leh mi te bengkhawn anih bawksi avangin tarlang ve ila a tha awm e.
 HREMHMUN AN LAI CHHUAK EM NI?

Kum 1990 khan Siberia vur ram hmuna Geologist Scientist rual ten tuialhthei zawnga
lei thuk tak mel 9 vel an laih hnu-ah leilung che vel ngaihthlak tumin microphone an han
thlak thla a, an beisei loh ri an hre tat lat mai. Mipui tam tak na tuar ri an hre ta tlat mai. An
khawl chhe ri emaw an ti a, thil dang ri a han ngaigbel an tum ngial pawhin mi maktaduai
tam tak natuar ri chu thliar hran loh chi a ni lo reng reng. Scientist zinga a chanve zet chuan
laih zui zel an ngam ta thlawt lo a ni. Finland rama newspaper pakhat chuan, leiverh kua a
tang chuan bak anga thla nei, mi eng deuh vuai pakhat a lo thlaw chhuak a, Russia tawngin “I
hneh ta” tiin a tawngchhuak tih a sawitel nghe nghe.
Communist pachal an hotu Dr.Azzacove chuan, “Communist ka nihna ang chuan
vanram leh bible hi ka ring hauh lova, Scientist ka nihna atang erawh chuan Hremhmun a
awm tih ka ring ta” a ti tawp mai a ni.
Azzacove chuan”,….Lei kan verhna khawl chu nasa deuh hian a vir ta nawk nawk mai
a, hmun thawrawng emaw, puk chhung emaw kan zu verh pawp tih a entir a ni a ti. A satzia
tehna atang pawhin Fareinheit degree 2000 ah a kai chho dawrh mai a ni” tiin a sawi zui.

Amosa 9:2 ah kum sang tam tak kalteah khan engtin nge a lo tarlan daih tawh? “Mitthi
khaw thlengin lai tlang mah sela, chuta ta chu ka kutin ka la chhuak ang” tiin.

Heng hi lo dahtha tai la, kum zabi 14-na hun laia tlangkang atanga tap leh au thawm
Casper Peucer leh midang tam takin an hriat te, Jacque Costeau an ten tuifinriat hnuaia
mipui rum thawm an hriatte pawh thilmak satliah chu a ni hauh lo. Jacque Costeau-a tui lut
thiam hmingthang tak hian a hna a bansan chhan chu hei ngei hi a ni.

Lei hnuai chu hremhmun awmna lo nita se a sitawm viau angem? Tlang kang te hian
hremhmun min suangtuah thin em? Setana hremhmun ngaihsak lek lo tura thlamuang tura
min tihlai hian kan khawvel ngei hian min rawn hriattir a ni thei em? Pathian hian eng vangin
nge kan awmna lei chhungril hi sa em em a lo dah ringawt ang le? Kum sang thum 3000 vel
kal tawhah khan Joba chuan Mei leh kata khat dil hi an lo sawi daih tawh a. Mei leh kata
(Sulphur leh brimstone) khat hi kan lei hnuaiah kan chenna hmun dangah a awm lo lei
chhungrilah lo chuan. Kum 1980 a USA a St.Helena tlang kang khan lei chhungril atangin kat
ton 1,50,000 zet a rawn phuhchhuaka, chu chu scientist ten Joba sawi hnu kum 3000 hnuah an
lo hmuchhuak ve chauh mai a ni.
“Tlang rin aiin tlangkangte hian hremhmun an lo ang zawk. Tlangkangte hian
kat tui an rawn phuh chhuak a, Pathian thu hriltu tam tak ten mei leh kat chungchang te,
hremhmun chungchangte an sawi peih tawh loh hnuin, leilung chanchin zirna Geology buin a
rawn pho chhuak leh ta e” an ti hial a ni.

HREMHMUN LUNG:

Bible hian hremhmunin lung a neih thu a sawi tlat bawk.

Marka 9:47,48 Tin, i mitin a tihtluk che chuan kher chhuak mai rawh; mit khing hnih
neia Gehenna, an lung thih ngai lohna leh mei mih ngai lohnaa paih ai chuan, mit khing khat
neia Pathian rama luh i tan a tha zawk e.
Isaia 66:24 Tin, an kal chhuak thin ang a, ka laka bawhchhetute ruang chu an en ang: an
lungte chu an thiin, an mei chu tihmihin a awm dawn si lo; mi zawng zawng tan thil tenawm
tak an ni ang.
 He kan lei kawr hi khawmualah chuan mel 50 vela chhah a ni a, chumi hnuai chu meisa
tak a ni tawh a, a thuk poh leh a sa a ni mai. Tuifinriat hnuai hmun thenkhatah chuan lei
kawr hi mel khat vel leka chhahte a ni bawk.
TV.Velah kan thlir thinin a rinawm, Tuifinriat hnuai lei khi phuk kara mei alh chhuak
mai tur awma lang so bulh bulh thinte kan hmu tawh awm e. Chung tuihnuai mei sa lutuk
karah pawh chuan Scientist ten thil lung sei leh rapawm em em mai, khawvel hmun danga an
la hmuh ngai loh, rulhut ang feet 8 laia seite an man a. Tui thuk chhunga mei rawn chhuahna
(vents) kaw bulah chauh chung chu an awm a, hremhmun lung te hian hremhmun awmzia an
rawn puangchhuak ta mai em ni.

Helam chu lo duhtawk tai la, hremhmun chu eng ang chiah nge tih tawite in sawi leh lawk teh
ang.

1. Innghaisakna hmun a ni:

Thupuan 14:11 Tin, chung mite nghaisakna meikhu chu chatuanin a chho vang a;
sakawlh leh alem chibai buktute, a hming chhinchhiahna nei apiangte pawh chuan achhun
azanin chawlh reng an nei lo vang,” tiin anni chu a rawn zui a.
2. Chatuana zahna leh hmuhsitawmna.
Daniela 12:2 Tin, an zînga tam tak lei vaivuta mihîl tawhte chu an lo hangharh anga ,
thenkhat chu chatuan nunaah,thenkhat zahna leh chatuan hmuhsitawmnaah.
3. Harhfima tuarna hmun:
Mi hausa leh Lazara a tangin.
4. Sualsimna hmun, tawngtai sawt tawh lohna.