Volume XIV I ssue No.28.

BCM Weekl y News J uly 27, 2014 Phek khatna

BAPTIST TODAY
(Chhuah \an hun: J uly 01, 2001)
KRISTIAN CHHUNGKUA
- Upa T. Lalzika, BCM Kanaan
Kum in 2014 Kristian chhungkaw hapta kan hman liam tak (Dt:18 24.5.2014) kha a hun lo thlen ka nghak
hlel hle a. A hun a lo thleng dawn a, thuzir tur bu kan han dawng a. Ka rinloh lam daih Pathian Ram Thilpek alo
ni a, ka rilru a ka lo in buatsaih ruk dan nen a in persan deuh a, thilpek in zirtir lam pawh a tha tho va mahse kan
ram leh kohhran in a mamawh ber chu (Priority) Kristian chhungkaw din ani. Pathian ram thilpek hi a tlangpui
chuan kan pe tha viau in a lang a, kan Biak In sak dan ah te, Biak In chhung bungrua kan neih dan te han en hian.
Kan Assembly target kan pek dan leh kan khum dan te han thlir kir ila, a ropui hle. Pe zel tur leh hmasawn zel
tur chu kan ni. Tunlai a kan ram leh kohhran in a mamawh ber chu kristian chhungkua hi ani.
Chhungkua din a, chitam tak thlah a, leilung
luahkhat turin Pathianin min ti ani (Genesis 1:28). Nupa
kan in siam a fanau malsawmna Pathian min pek tih pawh
ngaihtuah hauh lo kan tam hle a, chu chuan kan ramah
harsatna min thlen mek anih hi. Awle chungkua han
din tak ah chuan fate kan lo nei a, kan fate hi Pathian ro
min pek ani. (Sam 127:3 chiar teh). He khawvel a kan ro,
in leh lo, ram leh thil hlu kan neih tam tak hi chu Lalpan
ro atih ah hian atello. Zan khat thilthu a chhe thei, kang
thei ani. Keimahni a neitu ngei te pawh hi zankhat thilthu
a boral thei kan ni. Chu kan ro (fate) enkawl tur chuan
Mosia hnenah a lo sawi diam a, Deuteronomy 6:4-7
chhiar teh. Pathian ro min pek Pathian thu in min zirtir
anga kan enkawl duhloh avang in chhungkua kan rum a,
kan buai ta anih hi.
Pathian ro min pek fanaute enkawl leh buaipui a
kan hun tamber fate tana pek ai chuan, kan fate enkawltu
tur hlawhfa kan la a, Mosia hnena Pathian in a sawi angin
kan fate thahnem ngai taka zirtira, an mut lai te, an thawh
hun te, kal kawnga an kal lai te an thut hun te hian enge
kan fate kan hrilh thin? Chhungkua in kan Korean dial
dial mai nge ni a, nauawmtu kutah ngaihtha takin kan dah
a ngaihtha takin kan chhuahsan ve ta mai em ni. Vawin ah
hian kan fa enkawl dan hi chhungkaw Nu leh Pa te hian i
han in en let teh ang u.
An lo lei kanga, an duh zawngte, an ngainat zawngte
hi kan hriatpui em? Hetiang hian kan lo enkawl ngai em
1)An in chei duh dan, hmeichhia puanfen, kawrfual
tih ve lem a chhing lutuk te, kawr ban neilo leh nghawng
zau lutuk te hi naupang anga kan la neih mek lai hian, an
khawlai nun leh sikul nun te hi kan enzui em? Pawisa te
hi engtinnge kan lo pai tir dan leh an hmanna te. An in
chhungkhur nun te hi engtin nge hun an hman thin, an TV
channel en duh zawng leh an mobile hman dan te hi. An
zan mut hun leh an zing thawh hun te hi Nu leh Pa in kan
control nge, kan that en?
2)An incheina lepler tak te hi, Nu leh Pa ten kan
pawisak loh chuan an nunah zahthlak angin a lang lovang
a, nakinah chuan a siam that theih loh ang. Thufingte 22:6
ah chuan, Naupang chu a kalna awm kawngah chuan zirtir
ula, a upat hun pawh in a thlah lovang atia. Pathian thu
hian min lo hrilh vek a min zirtir vek a. Chuvangin kan
fate kan zilh a, kan zirtir naah hian, thing, min ti duh fo.
Thing, engmah hrelo min tih lai a Nu leh Pa in thing tak
tak emaw kan intih a min hneh zawk chuan kan fate nun
chu kan hloh tan ani. Nu leh Pa te aia fate min
hmangaihsak tu tumah an awm lo, Pathian chauh lo
chu. Chuvangin kan fate hi Pathian duhdan leh Pathian
thu a kan kaihhruai chhung chuan thing min ti mahsela,
Pathian in thing a ti ve lo. Fate nun pawh check ngam
lo, an nun thalo, an incheina en hreawm tak tak te
sawisel ngam lo Nu leh Pa kan nih chuan fate tan chuan
Nu leh Pa duhawm lo tak kan ni ang. Tunlai kan fanu te
kekawr bul lutuk nen a khawlai a an leng ngam te hi
Nu leh Pa te hian changkanna ah kan ngai em ni? Zan
mutna chang hrelo khawp a Facebook leh Television
an khalh dan te hi, Nu leh Pa te hian engtin nge kan tih
thin. I fa thunun tim suh, tiangin i vua anga a thi dawn
silo, tiangin i vua anga Seol ata a nunna i chhanchhuak
ang. Chuvangin kan fate awmdan leh nundan mawilo
zirtir leh zilh a, an nun siamthat hi Lalpa min phut leh
kan fate laka kan mawhphurhna min pek ani. Fate zilh
nachang hrelo, eng anga an nun pawha, zilh leh a tul
chuan tiang lek duhlo, Nu leh Pa te hian fa tha neih hi
a har viau ang. Tawngtai ringawt hi a tawk lo, kan
tawngtai sakna hlawhtlin nan an nun siam hi Nu leh Pa
mawh ani. Chu kan thawhrah chu Pathian in mal a sawm
dawn ani.
Zofate hi fate enkawlna kawnga kan in thlahdah
em avangin kan faten kawngdik lo an zawh a, a chhiat
tawh hnuah siam kan tum a, a theih tawh silova,
chhungkua ah phurrit an ni a, a chhiat tawh hnuah kan
rum a, kan tawngtai hluam hluam a, a sawt tawh si lo.
Chuvangin a hunlai a kan zirtir a kan enkawl hian
chhungkua chu Lalpa chen theihna hmun kan siam ani.
Chhungkua atanga nun dan tha leh mumal tak a
enkawl loh chhungkua avangin kan rum a, kohhran a
nghawng a, khawtlang a nghawng a, kan vai buai ta anih hi.
Chuvangin Kristian chhungkua kan din theihnan keini,
Nu leh Pa te hian kan fate enkawl danah hian Pathian
thu in min hrilh ang hian i zirtir ang u. Nu leh Pa te
pawh hian fate entawn tlak nun kan neih hmasak a tul
bawk.
Kan chhungkua, kan khawtlang, kohhran hi
Lalpa chen theiha a awm leh theih nan chhungkua atang
hian i tan thar leh ang u. Heng Pathian thu Deuteronomy
6:6-7 leh Thufingte bung 22 leh 23 thu ang hian
chhungkua ah bul i tan leh theuh ang u.
Lalpan mal min sawm theuh rawh se Amen!
Volume XIV I ssue No.28. BCM Weekl y News J uly 27. 2014. Phk Hnihna
Website
http://www.mizobaptist.org
Email:
[email protected]
[email protected]
Chief Editor
Rev. V. Vanlalchhunga
9436372408
Executive Editor
Rev. C.Lalbiakzama
9862241184
Circulation Manager
H.Lianchhngi
9436370532
Editor
KMS. Dawngliana
9436371385
Members
Upa J .Lawmsanga
Upa Rosangliana
Upa Sangthanzuala Ralte
Address:
Baptist Today
BCM Office
Srkwn, Lunglei
P.O.Zotlng- 796691
Mizoram
A man
Thla khatah ` 5/-
Kum khatah ` 60/-
Edited by KMS. Dawngliana
and Published by
Communications Department,
BCM; Printed at BPP,
Srkwn,Lunglei. 11,500/c
CH H UNGK AW T H U H L A
CALENDAR
(Committee leh
Ni pawimawhte)
July 30
TKP Day
August 01
Kohhran Upa
Exam Ni
August 03
Thlai thar
hlan Ni
August 06-07
Mission
Committee
August 08-10
BMP Meet
(Bazar veng, Lli)
August 12
Service
Committee
August 13
Central
Committee
August 22-24
Tleirawl pawl
Meet
(Chanmari, Lli)
Augast 26-28
Assembly
Executive
Committeee
August 29-31
Pastor
Conference
Serkawn
ssion
@
Chhungkaw tin hi
classroom a ni a, Pa zawng
zawng hi Zirtirtu an ni.
Macdonald
@
Chhungkaw beidawnna
laka chhanchhuahna turin
sum leh pai aiin Tlarau mit
varna nei Pa an pawimawh
zawk. Dr.J ames Dobson
@
Mi tam tak chuan
Pathianin hmeichhiate
mawhphurhna tura a pek
nilo chhungkua a hruaitu
mawhphurhna chu kan
phurh luih tir thin a ni.
Anthony T.Evan.
Mi Ropuite Thusawi
ECM Puipa-te leh Zaipawlte Lunglei-ah:
Evangelical Church of Maraland Hruaitute leh Zaipawlte nimin leh vawiin
ni hmangin BCM min rawn tlawha. ECM Senior Executive Secretary
Rev.P.Riabi-aho te leh BCM Puipate vawiin tlai dar 2.00ah BCM
Committee Hall-ah meeting an nei ang. Vawiin Pathianni hian Lunglei
Kohhran hrang hrangah hetiang hian zaipawlte nen hun an hmang
ang.Inrinni zan: BCM Venglai,Pathianni zing: BCM Electricveng,
Pathianni zan BCM Rahsiveng:
Salvation Camping Lailakah:
Dt.21-28.July 2014 chhung hian BCM Lailak Khawruhlian Pastor bialah
BCM Rahsiveng buatsaihin Salvation Camping an nei meka, Speaker-
ah Upa H.Lalchhuansanga Rahsiveng hmangin mi 17 an kal.
Seminer on Social Concern:
Dt.26.7.2014(Sat) chhunah hian BCM Central Church Biak Inah
Republic Bial leh Mission Vengthlang Bial chhunga Tualchhung Kohhran
leh FOD-te buatsaihin tunlai kan ram khawtlanga sualna lo pung zel
dona tur chungchangah Seminer neih a nia. Resource Person-ah
Rev.Lalbiaksanga Chinzah AGS, Director leh Rev.Lianchhunga
Khiangte Org. Social Concern Department te hman an ni. Vawiin hian
Kohhran hrang hrangah thuchah sawiin hun an hmang nghal bawk ang.
MTKP Intodelh Seminer:
Ni 26.7 2014 zan a tanin vawiin 27.7.2914 hian BCM Central Church-
ah Aizawl City chhunga Pastor Bial sarih huapin MTKP chuan Intodelh
Seminer a buatsaiha. Rev.Lalbiaksanga Chinzah AGS-te, Upa
R.Lalduhawma S.A leh Rev.R.Lalbiakliana President ten Thuchah an
sawi anga. Pu Lalnuntluangn Paper presentation a nei ang.Zaipawl leh
Soloist hrang hrang ten hlaa rawngbawlna an nei bawk ang.
Theiriat Bial Champhai Bialah:
Dt.25-27 July 2014 hian Theiriat Pastor bial Mission Hruaitute leh
Bial Zaipawlte chu Champhai khawchhunga Kohhran pathumte tlawhin
hun an hmang mek a ni.
Thisen pe( Blood donation):
Aizawl TKP Co-Ordination buatsaihin TKP DAY(30th July)pualin ni
26 July 2014(Inrinni) hian BCM Ramhlun North-ah Aizawl City -a
TKP member ten Aizawl Civil Hospital tan thisen pek runpui an nei.
Mission Co-Ordinator Programme:
Rev.B.Lalrinawma Mission Co-Ordinator chu Mission programme a
zin chhuakin,Ni 26-27 J uly 2014 BCM Kolosib-ah Mission
Convention a nei anga, ni 28-29 July chhungin Bairabi leh Awngpuara
khua kan thawktute a tlawh nghal ang.
BLP Campaign Lungleiah:
Baptist Literature and Printing Press Hruaitute Rev.PC.Liandula
Gen.Manager leh Upa K.Lalnuntluanga Manager BPP chuan Lunglei
Kohhran thenkhat Salem,Moria,Bazarah BLP chungchangah campaign
an nei.
Evangelism Programme:
Rev.F.Sangvela chuan dt.15-27.714 thleng BCM Kikawn Bazarah
Campingleh Crusade a nei mek. Rev.H.Lalengmawia Speakera
hmangin BCM Khawngbawkah Camping leh Crusade an nei
mek.Kraws Thupuangtu Team: (Speaker:Vanlalengmawia Sailo)
ten Thaltlangah Dt.23.7.14 atangin rawngbawlna an nei.Mizoram for
Christ( Speaker: Upa C.Tlangmawia) te chuan Lunglawnah Camping
leh Crusade an nei mek.Gospel Messenger(Speaker:Upa
B.Lalthanliana)ten MualthuamN-ah Camping an nei mek.Gospel
for All(Speker:Upa F.Lalnuntluanga) ten Zotlangah Camping an
nei mek.Gospel Herald(Speaker:Upa Lalhuliana Chhangte) te
chuan Rotlang W-ah Campers reunion leh Crusade an hmang mek.
Volume XIV I ssue No. 28. BCM Weekl y News J uly 27, 2014. Phk thumna
Zirtawp zan. 8th.8.2014
6:30-7:00 PM : Zaihona
7:00-9:30 PM : Inkhawm
Hruaitu : Upa Dr.LH.Lalrammawia W&M
Comt member
Meet Hawngtu : Rev. H.Sangchema President
Thusawitu : Rev. H.Sangchema
Thupui : Rawngbawlna awmzia leh tobul
Zaipawl : Zohnuai, Zotlang, Cherhlun,
Lawngtlai E, Electric NHnahthial,
IBC Hauruang, Immanuel Tlabung
Group zai: Electric Lunglei, Kanaan Lunglei,
Solo : Lawmkima Colney Kikawn,
C.Vanlalruala Lunglawn,
Biakmuanzuala Tawipui N-1,
Lalhlumawii
Inrinni chhun. 9th.8.2014 (10:30Am-1.00 Pm)
(Variety Programme)
Hruaitu : Rev.Lalremsiama Fanai W&M
Comt. member
Camperes : Nl.Lalnunsiami Bazar Veng
Nl.C.Thangzikpuii Serkawn
Zaipawl : Pangzawl Bial,Electric Lunglei,
Pukpui, Pehlawn, Rahsiveng
Group zai : Bungtlang, Kawrthah, Cherhlun
Solo : P.C.Lawmkima, R. Lalramhluna
Ramlaitui, R.Lallianzuala Gilgal,
Recitation : Kanaan Hnahthial
Inrinni zan. 9th.8.2014
6:30Pm-7:00Pm: Zaihona
7:00-9:30 Pm : Inkhawm
Hruaitu : Pu Moses Lalrohlua Sailo
W & M Comt member
Thusawitu : Rev.Lalremsiama Ralte
W & M Comt member
Thupui : Rawngbawlna chhungkuaah
Zaipawl : Chanmari Lunglei,
Serkawn, Leite, Serchhip
S.Vanlaiphai, Ramhlun N
Group Zai : Zion Lunglei, Gosen Lunglei
Solo : H.Lalramzauva Elect Lunglei,
Thingsai 11 ?,
Churchil Lalchamliana Central
Church Aizawl, Bethsy Lalrinsangi
Pathianni zing. 10th.8.2014
10-10:30Am : Zaihona
10:30-12:30 : Inkhawm
Hruaitu : Upa C.Thantluanga W&M
Comt member
Thusawitu : Rev.H.Lianngaia, General Secretary
Thupui : Rawngbawlna Kohhranah
Zaipawl : City Church Aizawl, Nazareth
Lawngtlai, Kikawn Lunglei,
Thingsai, Hnahthial N Bial,
BCM choir
Group zai : Zotlang N, Lunglawn,
Solo : B.Hmingthanmawia Serkawn,
TK.Chunga Lawngtlai Bazar,
C.Lalrinsanga SalemLunglei,
Pensy B.Lalthangliani,
TBC.Zaithanpuia
MIZORAM BMP MEET
A hun : August 8-10, 2014
A hmun : BCM Biak in Bazar veng, Lunglei
Thupui: : Rawngbawlna ( J oshua 24:15)
Pathianni zan. 10th .8. 2014
6;30-7:00Pm : Zaihona
7:00-9:30 Pm : Inkhawm
Hruaitu : Upa PC.Liankhama W&M
Comt Member
Thusawitu : Rev.KV. Thanga Director,
Worship & Music Comtt
Thupui : Rawngbawlna rah
Zaipawl : Ramlaitui, Zobawk S Bial,
Central Church, Zotlang N,
Chanmari Vengthlang,
BCM Choir, Bazar Kohhran
zaipawl
Group zai : Venglai Lunglei, Pukpui, :
Lalzaidama Pukpui,
Lalkunga Pachuau Chanmari,
TBC Zaithanpuia, Lalhlumawii
Note:
1.Inkhawm apiangin thawhlawm lakkhawma ni anga, a dawltu
Kohhranin a tul anga an hman turin pek a ni ang.
2.Thuchah hi Minutes 30 theuh pek an ni.
3.Programme hi a tul anga tihdanglamtheih a ni ang.
2013 - 14 TARGET PEK ZAT
T I H D I K N A.
Baptist Today June 01, 2014 chhuakah khan
nikum 2013 14 chhunga Pastor Bialtinte Target zat leh an pek
zat kan tarlanah khan tihsual palh kan nei a. Phaileng kohhran
Pangzawl Biala awmthin chu Haulawng Bialah kum laklawhah
sawn an ni a, an Target Rs 293,000/- pawh an insawnna Bialah
an chhawm a, chu chu Finance Dept. lamin kan lo hriat loh avangin
kan tisual palh a ni. Min lo hrethiamdawn nia. Hetiang hi Haulawng
Bial leh Pangzawl Bial Target zat leh an pek zat a ni zawk e
Sn.Bial hming- Target zat- Target pek zat Khumna zat
1. Haulawng Bial - 3,071,000 - 3,114,164 - 43,164
2. Pangzawl Bial - 2,950,000- 3,257,490- 307,490
Sd/-
S.HMINGTHANGA,
FINANCE DIRECTOR.
4 Bial leh Unit tinin mahni Flag ken theuh tur
5.Detailed Programme Bialtu Pastor hnenah rawn thawn a ni
dawn a, Bial leh Unit ten lo ngaihven tur a ni e.
6.Riak lut turte chuan mutbu ken theuh ni se
7.July 15, 2014 hma lama in report te chauh Programme sheetah
kan tarlang a ni.
Sd/- K.V. Thanga,
Director, Worship & Music Department
Inkhawm Kaihhruaina Bu a lei theih ta.
BCM Inkhawm Kaihhruaina Bu ( Worship Manual) chu
Revised&Enlarge a ni a. Tunah hian BLS Bookrom hrang
hrangah lei theihin dah a ni tawh e. A man hi bu khat Rs
50.00 a ni e.
Sd/
Rev.PC.Liandula
Gen.Manager BLP
Volume XIV I ssue No. 28. BCM Weekl y News J uly 27, 2014. Phk Lina
KOHHRANTE HNENA NGENNA LEH THUCHAH
(Rev. Dr. K. Lalrinthanga AGS Mission BCM)
MizoramBaptist Kohhran member zawng zawngte kan Lalpa Isua Krista, missionary ropui ber hmingin chibai ka buk a che u.
Mission rawngbawlna lama in thahnemngaihna leh inpekna thuk tak avangin kan Pathian chu fakin awmrawh se. Tun tumah hian
thil in lo hriat chiangkuan zawk theih nan BCM Assembly 2013-in Missionary Supporter Policy a revised, Missionary Supporter
Policy 2013 a tih leh Private-a Missionary ChawmDan a rel thar chu kan rawn tar chhuaka he policy leh dan hi tuna kan hman
lai mek a ni tih ka han hriattir a che u. Kan policy leh dan hi zah ila zawmtumbawk ila a lawmawmhle ang. Khawngaih takin kan
dan thar ang tak hian kal tumila, dan ang taka kan ti thei lo anih chuan ti lo mai ila, kan thahnemngaihna chu Lalpan min hriat pui
tho ang a, BCM anga kan inrelbawl dan leh kalphung ti chhangchhetu nih loh hramtumtheuh turin kan inngen a ni e.
MISSIONARY SUPPORTER POLICY 2013
I. Missionary Supporter Sawifiahna: Mission rawngbawlnaa
thahnemngaitu ten missionary chawmnan suman pek hi a ni.
II. Missionary Supporter tura beiseite:
1.Bial: Pastor Bialte, Bial Mission, BMP, BKHP, TKP te.
2.Kohhran: Tualchhung Kohhran
3.Unit: Fellowship hrang hrangte
4.A dangte: Pawlho, Chhungkua leh mimalte
III. Missionary Supporter Sum Hmanna: Missionary
Supporter sumhi mission rawng bawl nan hman tur a ni.
IV. Missionary Supporter Thliar felna: Missionary Supporter
(Chawmtute) chu hetiang hian thliar hran a ni.:-
A. BCM Headquarters: Hei hi Church Contribution Target
sum petute an ni.
B.Non-BCM Headquarters or Private: Hei hi BCM
Headquartershma lakna nil ova direct-a Missionary chawm(Tir)
tute an ni.
V. Missionary Support (Chawm) Dan:
BCM Headquarters Sumatanga Missionary chawmdan:
1.Missionary Nghet (Substantive) chawmtute: Thla tin Rs.
5,000/- (Five Thousand) Missionary chawmna petute chu
missionary nghet pakhat chawman ni.
2.Hunbi nei Missionary (Contract basis) chawmtute: Thla
tin Rs. 3,000/- (Three Thousand) petute chu hunbi nei Missionary
pakhat chawm an ni ang.
3.A ram mi Missionary (Native) chawmtute: Thla tin Rs.
2,000/- (Two Thousand) petute chu a ram mi Missionary
(Native) pakhat chawman ni ang.
4.Hming hmerh loh Missionary chawmtute: BCM Finance
Rules in a sawi angin, thla tin Rs. 1,000/- (One Thousand) aia
tlemlo petute chu Missionary pakhat chawman ni ang.
5.Missionary pakhat chawm thei lote pawhin, thla biin emaw
kumkhat biin emaw Missionary an Support thei ang.
VI. BCM Headquarters-s pawisa pek dan: BCM
Headquarters Target a Missionary Support sum petute sum
pek dan tur chu hetiang hi a ni ang: -
1.Lunglei District huamchhunga mite chuan BCM Headquarters
Office-ah, Bial kal tlangin emaw, direct-in emaw an pe lut ang.
2.Aizawl District huamchhunga mite chuan BCM Aizawl Area
Executive Secretary Office-ah Bial kal tlangin emaw, directin
emaw an pe lut ang.
3.Lawngtlai Area huamchhunga mite chuan BCM Lawngtlai
Area Executive Secretary Office-ah Bial kal tlangin emaw,
directin emaw an pe lut ang.
4.Pastor Bial kal tlanga pete chu, a petu hming leh pek zat chiang
taka ziakin, Bial treasurerin a theh lut thin ang.
5.Tualchhung Kohhran, Pawlho leh mimal direct-a supporter
theh lut turte chuan, a petu hming leh pek zat chiang taka ziakin
an theh lut ang.
6.Bial leh Unit BKHP, TKP leh BMP te, Missionary Support
theite chuan, Bial BKHP, TKP,BMP emaw kal tlangin an
theh lut ang.
NON-BCM HEADQUARTERS OR PRIVATE A HMA
LAKNA (DIRECT)-A MISSIONARY CHAWM DAN
VII.Non BCM Headquarters or Private a hmalakna
(Direct)-a Missionary chawm dan:
1.BCM Mission Field/Station a BCM Missionary awmsa
te bakah tul bikna avanga mimal, pawlho etc in an support
duh a nih chuan BCM Mission Board phalnain, Contract
Baisi-in an ruai thei ang.
2.BCM Pay Rules in a sawi angin an ruai ang. (Tunah hian
BCM Pay Rules angina Missionary hlawh hniamberte chuan
Rs. 9,775/- an hlawh).
3.Awmna tur in te, an rawngbawlnaa an veivahna (T.E) te
an ngaihtuah sak ang.
4.Supporter te hian an support na pawisa chu BCM
Headquarters Office ah an thehlut ang a, Designated Fund
ah Accountant in a kawlsak thin ang.
5.Recognised Missionary turin kum hnih an thawh hnuah
Mission Board ah an dil sak thei ang.
6.Supporter te hian an missionaryu te tlawh leh thilpek te an
duh chuan Mission Board hriatpuina leh remtihna an la hmasa
tur a ni.
VIII. Non BCM Headquarters or Private Missionary
te dinhmun leh mawhphurhna:
1.BCM Mission Field/Station huamchhunga thawk an nih
chuan Field Director/Missio Director/Supervisor/Circle in
charge te enkawlna hnuaiah an thawk ang.
2.BCM Mission School a thawk turte chuan BCM In
Educational Qualifications a phut an nei tur a ni.
3.Missionary dangte ang bawkin BCM Mission
Inkaihhruaina a zawmtur a ni.
4.Supporter in missionary an rawihte chuan Fellowship
emaw, kohhran emaw, anmahni pual bika an din phal a ni
lovang.
IX.BCM Headquarters thuneihna leh mawhphurhna:
Non BCM Headquarters or Private Missionary te
chungchanga BCM thuneihna leh mawhphurhna chu hetiang
hi a ni ang:
1.Thawktu lak chungchangah Supporter leh BCM aiawh
ten mawh an phur ang.
2.Missionary Orientation Class a tul dan azirin a buatsaih
sak ang.
3.BCM enkawlna hnuaiah an thawk ang.
4.Posting leh Transfer ah thu a nei ang.