Gamvai le Minam Min

[ GAMVAI LE MINAM MIN ] LT TUANG 24 JUNE 2022 Gamvai le Minam Min LTTuang Zol Olna 1. Zo Min ........................................................................................................................................................... 2 1.1 Zo Pen Munlemual Min ............................................................................................................................... 2 1.2 Zo Pen Namke Min ..................................................................................................................................... 4 1.3 Zo Pen Nampi Min....................................................................................................................................... 5 2. Gamleminam Vai-ah Lai Gelhzia le Lai Letzia ............................................................................................. 5 3. Chin Min ........................................................................................................................................................ 7 3.1 Chin Pen Munlemual Min........................................................................................................................ 7 3.2 Chin Pen Namke Min............................................................................................................................... 7 3.3 Chin Pen Nampi Min ............................................................................................................................... 8 3.4 Khiatna Kibang Pau Kibanglo ................................................................................................................. 8 3.5 Tualsuak Chin Min Omlo ........................................................................................................................ 9 3.6 Chin Kicihna Le Kingaihsutna............................................................................................................... 10 * Ka Lungngaih Thu ........................................................................................................................................ 10 4. Zomi Min ..................................................................................................................................................... 12 4.1 Zomi pen Namke Min ............................................................................................................................ 12 4.2 Zomi pen Nampi Min............................................................................................................................. 12 5. Chin State Sung Township Lungsim le Minam Lungsim ............................................................................ 12 6. Minam Siksan Gamvai (Identity Politics) le Khantohna Siksan Gamvai .................................................... 12 7. Zomi le Chin ................................................................................................................................................ 12 8. Zomi Sung Kilamzia le Kivaipuakzia .......................................................................................................... 12 9. Zogam le Chin State..................................................................................................................................... 12 10. Zogam Sung Kilamzia le Kivaipuakzia ..................................................................................................... 12 1 Gamvai le Minam Min LTTuang 1. Zo Min "Zo" cih pen Zosuante sungah muhna tuamtuam om hi. Lai pen awsuah zui-in kigelhzaw pian aa, “Zo” cih laimal gawmziate zongh atawm atam kibanglo hi. Gtn. Zo, Zou, Zhou, Cho, Asho Zo Pen Munlemual Min "Zo" cih pen munlemual panin a kingah min khat bangin a ngaihsun om hi. Simh le Zo cih pen amun amual kilawhna hi. Zo lamte, simh lamte cih bangin kham le zang khen dan mahin kikhen hi. Zo lam aa omte pen Zote, Simh lam aa omte pen Simte cih bangin kisapna pan hong piang min khat bangin a ngaihsun om hi. Zo Pen Namke Min "Zo" cih pen Zomi sungah namke khatin a ngaihsun om hi. Dim, Gangte, Khuano, Kom, Losau, Mate, Paite, Saizang, Simte, Sizang, Teizang, Thahdo, Thangkhal, Vaiphei, Zo (Zou) le Ngawn (Kihuai zo leh) cih bang dan namkete lak pan namke khat bangin a ngaihsun om hi. Zo Pen Nampi Min "Zo" cih pen Kuki, Naga, Mizo le Chin in ciaptehna thuak (Dai, Hualngo, Khumi, Laimi, Laizo, Mara, Matu, Zomi, Zophei, Zotung, cbd.) te ii neihtang min khat bangin a ngaihsun om hi. Hih Zo nuai aa om, minte nuai ah namke min tuamtuam a omsuk sawnsawn hong suak hi. 1.1 Zo Pen Munlemual Min Munlemual min zui-in kipulaakna le kisapna om hi. Tua vengte, tua khuate, tua kualte cih bangin kisam hi. Ahi zongin tuate pen minam min hilo hi. Mun Tuamtuamte A Dawldawlin Khenna No. Mun Zaina Level 1. Inn 2. Innveng/Munveng 3. Lampi/Lamdung 4. Veng 5. Khua (Village) 6. Khua Oh-suh (Khua Pawlkhat Kizopna) 7. Township 2 Gamvai le Minam Min LTTuang 8. District 9. State/Division/Region Sung (Eastern, Western, Southern, Northern/Upper, Middle, Lower) 10. State/Devision/Region Bup (Gtn. Kachin State, Sagaing Devision/Region) 11. Gam (Gtn. Myanmar) 12. ASEAN (Association of Southeast Asian) 13. Asia (Middle East, Near East, Far East) 14. Continent (Asia, Africa, Europe, North America, South America, Australia/Oceania, Antarctica) 15. Earth (Leitung) 16. Solar System (Ni le Akiim Aa Teng) 17. Interstellar Neighborhood 18. Milky Way Galaxy 19. Local Galactic Group 20. Virgo Supercluster 21. Local Superclusters 22. Kan Zawhtan Universe 23. Universe Bup Hih atung aa mun tuamtuamte a dawldawlin khenna zui aa i tuntunna ah kidot zia, kipulaak ziate kikhel thei hi. Gtn. Khuata sung aa tengkhawm tuaktuak kidong kidawng uh leh, koi lampi, koi veng aa om ci-in kigen hi. Tua veng kibanglo mi 2 te Tedim/Tonzang tung uh leh, a veng uh tawh kigen nawnlo aa, a 2 un a khuamin uh tawh kigen kul hi. Tua mah bangin Tedim /Tonzang aa te, Kalay, Falam, Khalkha tung uh leh, a khualui min tawh hilo aa, Tedim/Tonzang ci aa kigen kul hi. Tua Tedim/Tonzang, Falam, Khalkha lamte Mandalay, Yangon tungsuk uh leh Chin State pan kicih kul hi. Hih bang danin a dawldawl zui aa I kipulaak zia, hong kitheih dan kikhel deudeu hi. Ahi zongin hihte pen minam min hilo hi. 3 Gamvai le Minam Min LTTuang AD 1420 kum kiim pawlin Zomite ading Ciimnuai khua pen mi tam a tenpenna khua ahih manin Ciimnuai mah kitheipen hi. Tua hangin Ciimnuai tate mah kici tangtang hi. Ahi zongin Ciimnuai pen minam min hilo hi. Tua hun pawl mahin Lai khua pen tulai Pawi lamte ii mi tam a tenpenna khua a nahih manin Laimi mah na kici uhhi. Lai khua ii a zo lamteng pen Laizo kici uhhi. Ciimnuai mi pen Laimi, Laizo cihte tawh min i ngah zia, i kilawh zia kibang hi. Laimi, Laizo cihte pen Zo tawh kikimlo aa Ciimnuai mi, Ciimnuai tate cih ciang bek tawh kikim ahi hi. Hih Ciimnuai, Laimi, Laizo cihte pen minam min hilo hi. Tua mah bangin Zomi tading Tedim pen khua lianpen khat hong suak hi. Tedim mah kitheipen ahih manin kipulaakna khatpeuh ah zongh Tedim tawh kigen lehang kithei baih pen hi. Tua ahih manin Tonzang lam pante nangawn Tedim ci aa kithei hi. Falam khua pen tua kiim aa dingin a lianpen hong suak ahih manin tua kiimnai aa minam/namke tuamtuamte in Falam a kicih uh ciang kithei baihpen Falam kici suk ziauziau thei hi. Khalkha, Mindat le a khuapi tuamtuamte zongh tua bangmah ahi hi. Tua panin township zui aa kilawhna, kisapna, kipulaakna pen hong kilim zat semsem hi. Ahi zongin hihte pen minam min hilo aa khuamin hilel hi. 1.2 Zo Pen Namke Min Minam kibang pipi, pau kibang gegu, omna zui-in awkaih zia, awsuah dan atawm atam kidang thei hi. Kizopna om le omlo zui-in kammal zat atawm atam hong kibanglo thei hi. Ahi zongin hihte pen pau tuam tuak cihna hilo aa I awkaih zia, I awsuahte a kibanglo bek ahi hi. Hih i kisapna, i kilawhna, I kipulaakna; minam min a kisa thei khua minte, munlemual minte a phuak na om hi. Tua ahih manin khua min, mun min tawh minam khat bangin kigennate pen kilehbulh hi. A khua sang’ a mi om masazaw hi. Tua khua min tawh minam hihna sangin a khuasat mite ii minam khat na om masazaw limlim ding hi. Beh min tuamtuamte aa kipan, i awkaih awsuah zui aa namke tuamtuam a kisate pen Ciimnuai pan I kikhenma zongh na om nailo maitak kha ding hi. Ciimnuai pan kikhen khit, kizop kikawmna a om zawhloh ciang damdamin a kidang pan awsuah awkaihte ahi hi. Cih nopna ah, pau khat, nam khat, si khat, sa khat vive I hi hi. Tua ahih manin munlemual, khua le tui, beh le phung, awkaih awsuah kibatlohna pen namdang hihna hilo hi. I gui I zaam, I beh I phung, I awkaih kidanna, namke tuam danin kitheihna in minam tuam hihna hilo hi. Awkaih kibangteng, namke tuam khatteng bek pen minam tuam khat bangin ngaihsut khak hetloh ding thupi mahmah hi. Zomi Laimi Laizo Kuki Dim Gangte Khuano Kom Losau Mate Paite Saizang Simte Sizang Teizang Mizo Chawngthu Hmar Hualhnam Hualngo Khiangte Pang Ralte Renthlei Tlau 4 Naga Gamvai le Minam Min LTTuang Thahdo Thangkhal Vaiphei Zo (Zou) Hih atung aa table bangin “Zo” cih pen Zomi sung pan namke khatin a om bang aa ngaihsutna hi. Hih teng baanah minam khat bangin a tuam din suah Zosuan sung pan om lai hi. Gtn. Asho, Cho, Khumi, Kuki, Laimi, Laizo, Mara, Mizo, Naga, Zomi Note: - Kuki zongh Zo/Zomi sung mah hi ci-in a huai nuam zongh kiom hi. 1.3 Zo Pen Nampi Min Zosuan a kicite sungah pauleham le ngeinate pen atawm atam kibang hi. “Zo” pen a deihlote in zongh Zosuan/Zofate cih pen kisangkim thei tek pian lel hi. A diakdiakin Zo mintang nuai sung pan Mizo le Zomi in Zosuan pen kisang thei diak hi. Zo mintang nuai sung pan, Laimi, Laizo cih bang dante in zongh Zosuan cih a thupit gen tangtangloh uhhang, Zofate/Zosuante pawi cih bang dan ciangin lawp tak aa kihel veve uhhi. Zosuan ci aa, Pu Zo cih bang om takpi hiam, om takpilo hiam a ci nuam zongh kiom kha thei hi. Ahi phial zongin, Zosuan sung pan Zomite diakdiak in Zo-ngeina, Zolaam, Zola, Zozu, Zopuan, Zolai, Zopau, Zothau, Zo-ak, Zo-akui, Zovok, Zophualva/Zovaphual, Zogam, cbd. te bel kizangkim tek hi. Zo Asho Cho Khumi Kuki Laimi Laizo Mara Mizo Naga Zomi Hih atung aa table bangin “Zo” cih pen minam tuam tek bangin a tuam din suah Zosuante ii minampi min, mintang khat bangin ngaihsutna hi. 2. Gamleminam Vai-ah Lai Gelhzia le Lai Letzia Minam picing khat suah nadingin lai pen kiciantak aa neih ding kisam mahmah hi. Hih lai pen namdang laite tawh letna ah zongh gelhzia (format) kician takin a om theih ding thupi toto hi. Tangtawng pek pan a kizangzang sa, pauleham kammal zatte laimal gawmzia le lai letzia pawlkhat, Zolai, Kawllai (Burmese) le Mikanglai (English) tawh ensuk ni. 5 Gamvai le Minam Min LTTuang Zolai Kawllai (Burmese) Mikanglai (English) Lai စာပေ Literature Zolai ဇို စာပေ Zo literature Pau စကာား Language Zopau ဇို စကာား Zo Language Ngeina ရို ားရာ Culture (Traditional) Zo-ngeina ဇို ရို ားရာ Zo Culture (Zo Tradition) Gam ပေည် Country/State/Land Zogam ဇို ပေည် Zo Country/State/Land Minam လူမ ား (အမ ားသာား) National Zo minam ဇို လူမ ား (ဇို အမ ားသာား) Zo National Hih atung aa table bangin Zolai pan Kawllai, Mikanglai ah let lehang a dikpen lai letzia ahi hi. - Na (Noun) khat limlim I malgawm ciang laimal lom khatin gawm gai cih zongh option khat hi. Gtn. Zolai, Zopau, Zo-ngeina, Zogam, Zominam, Zopuan “Zo” cih laimal pen minam min genna ahih leh, tang khat lian bekin koih aa, a kizoppih laimal peuhpeuh tawh hal cih zongh option khat hi. Gtn. Zo lai, Zo pau, Zo ngeina, Zo gam, Zo minam, Zo puan “Zo” pen tuam gelh lehang, Kawllai, Mikanglai le namdang pau/lai khatpeuh tawh letnate ah kilungbuailozaw, telhaklozaw le a gelhzia, a letziate format kician om suahzaw hi. “Zomi” cih kammal ultung sakluatna tawh ahih leh lai gelhzia le lai letziate ah alum alet suakgawp thei hi. Tua in Zolai, Zopau a sin nuam namdangte hita leh, namdang lak aa khangkhia Zomi/Zosuante dongin lungbuaina, nawngkaisakna le Zolai, Zopau sin nop nawnlohna dongin piangsak thei hi. Mikanglai (English) Kawllai (Burmese) Zolai Zomi National ဇိုမား လူမ ား (ဇိုမား အမ ားသာား) Zomi Minam Zomi Literature ဇိုမား စာပေ Zomi Lai Zomi Language ဇိုမား စကာား Zomi Pau Zomi Culture (Zomi Tradition) ဇိုမား ရို ားရာ Zomi Ngeina Zomi State ဇိုမား ပေည်နယ် Zomi Gam Zogam State ဇိုဂမ် ပေည်နယ် Zogam Gam Zo State ဇို ပေည်နယ် Zo Gam 6 Gamvai le Minam Min LTTuang Hih atung aa table bangin Mikanglai le Kawllai-in a kigelh thei zel laite pan Zolai ah lehletkik lehang, a kingah Zolai pen tangtawng pek pan pupa zatzatsa, I Zopau dan hong suak nawnlo hi. Mikanglai le Kawllai pen Zomi tadingin I bulpi (original) hilo hi. Zopau pen Zomi tadingin I bulpi (original) hizaw hi. Tua ahih manin, Zomi tading gamleminam vai ah a bulpi Zopau mah siksanin, tua tungtawn aa Zolai/Zopau pan namdang laite I let ding thupi hi. Namdang lai leh I ngeina, I pauzat, I laimalte I lethleh leh I pau, I lai, I ngeina le I kammal zatte alum alet suakmang thei hi. 3. Chin Min Zo pen munlemual min, namke min le nampi min cih bang aa sehna tuamtuam a om mah bangin Chin min zongh Zosuante sungah muhna, sehna, ngaihsutna tuamtuam om hi. 3.1 Chin Pen Munlemual Min Chin pen state min hi. Munlemual min hi ci-in a sang kiom hi. Chin land, Chin special division, Chin state cih bangin munlemual gamgi siksanin Chin ii huamna kisehin Chin ii zaina munlemual tungtawnin kiciangtan hi. 3.2 Chin Pen Namke Min Nampi Zo Namke Chin Namkemeng Asho Cho Dai Khumi Laimi Laizo Mara Matu Zomi Kuki Naga Mizo Amau aa ciat Amau aa ciat Amau aa ciat Note: - Chin nuai ah munlemual siksan aa township zui-in kikhenzaw hi. Minam view pan et ciangin munlemual hilozaw aa, tua munlemual ah a teng minamte siksanin etna hi. Kuki zongh Zo/Zomi sung mah hi ci-in a huai nuam zongh kiom hi. 7 Gamvai le Minam Min LTTuang 3.3 Chin Pen Nampi Min Chin Kuki Asho Amau aa ciat Cho Dai Khumi Naga Amau aa ciat Mizo Amau aa ciat Laimi Laizo Mara Matu Zomi Note: - Chin nuai ah munlemual siksan aa township zui-in kikhenzaw hi. Minam view pan et ciangin munlemual hilozaw aa, tua munlemual ah a teng minamte siksanin etna hi. Zo pen Zomi nuai ah a kiseh ciang, Chin sangin Zo min pen zaizaw nawnloin Chin pen nampi bangin a sehzaw hong om hi. Kuki zongh Zo/Zomi sung mah hi ci-in a huai nuam zongh kiom hi. 3.4 Khiatna Kibang Pau Kibanglo Zopau Lai tong Laizo tong Bawngsa Cawsa Caw saa Zogam Lairam Lairam Zomi Laimi Laizo Matu Kawlpau Mikangpau Vaito sa, Saelsa, Panasa အမဲသာား Beef ခ င်ားပေည် Chin State ခ င်ားလူမ ား Chin Matu (ခ င်ားအမ ားသာား) Kawlgam Kawlram Kawlram ပမန်မာနင ို င ် ံ Burma Sen တရိုတ် China/Chinese Tuluk Tuluk Note: - I gen kibang, I pau I ham a kibanglo bek hi cih lamin a sang zongh om hi. 8 Gamvai le Minam Min LTTuang 3.5 Tualsuak Chin Min Omlo - Chin in ciaptehna thuak minam/namke khempeuh sungah Chin (ခ င်ား) cih kammal a nei, a zangh khat zongh omlo hi. A kinaipen kammal a nei bel Zomite ahi hi. Cin cih min le kammal kinei hi. Cope Topa in Zolai hong bawlsak tung lai-in Cin pen Chin in na gelh hi. Kicinna pen Kichinna, Cin Sian Mang pen Chin Shian Mang cih bangin hong na gelhsak hi. Mikangte Zomite khat a na kimuhpihna pan tua ii min pen Cin (tua hunin Chin) a na hihna zui-in khamtung mi khempeuh Chin hong cisuk gai ziau ahi diam? Mikangte pen Australian Aboriginal minamte tawh a kimuh ciang, Sa-ip nei ganhing pen, hih bang ganhing hiam, bang kici hiam a cih ciangin, Aboriginal minamte in a pau uh theilo ahih manin “ken theilo” ci aa amau pau tawh dawngkik hi. “Ken theilo” cih pen Aboriginal pau-in “Kangaroo” kici hi. Tua panin Mikangte in Sa-ip nei ganhing pen Kangaroo ci aa sam uhhi. Zomi khat tawh a kimuh ciang, a kimuhpih pen in Cin (tua hunin Chin) hing a na kicihna pan Chin in a samsuak, hong ciamteh gai ahi diam cih nop huai hi. Hih bel, laigelhpa ii ngaihsutna mawkmawk bek ahi hi. - Ciamnuih bang khatin a kigen dang khat pen; Kawlte in ei le ei, ei tuaktuak hi hang ae ci aa အခ င်ားခ င်ား (အခ င်ားခ င်ားေဲ) cihna pen ခ င်ား (Chin) ci aa ong kilosuak hi, ci-in a gen zongh om hi. Hih bel, laigelhpa in sang zolo hi. Zomi ahilo namdang tampi tungah zongh hih bangin a na ci theilua thu hi aa, tuate ciang ခ င်ား (Chin) in na losuak tuanlo uhhi. - ခ င်ား (Chin) min deihlohna lam tawh a kigen khat pen; Zomite in bawm pua, seng pua I hih manin a kawlpau un bawm pen ပခင်ား (Chin) kici aa, bawm puate cihna tawh hong sapna hi, a ci zongh kiom hi. A laimal gawm ခ င်ား le ပခင်ား kibanglo hi. Tua bel a kilam dingin a khen bek uhhi a ci kiom hi. Hih zongh, laigelhpa in sang zolo hi. Banghang hiam cih leh, bawmpua sengpua pen Zomite bek hilo aa Shan te aa kipan minam dang tampi om lai hi. Minam min bangin a kizangh, a kilo, a kiciamteh phial mawk min tuamtuam pen a hun zui-in kikhelkhel hi. Ciimnuai mah khua lianpen ahih laitak, Ciimnuai mi kici hi. Tedim mah khua lianpen hong hih ciang, Tedim mi, Tedim pau, Tedim pau, Tedim lai, Tedim gam cih bangin zongh tawlkhat sung kizangh mahmah man hi. Tedim khuahuam bek thamlo, Tonzang khuahuam lam aa Zomite nangawn in mundang namdang lak ah Tedim hing, Tedim Chin hing kici tangtang thei lai hi. Pu Kam Hau ii thahat sung, Kam Hau mi, Kam Hau gam zongh kiciman kawikawi hi. Kawlpau in I pau ciang, Chin minam, Chin puan, Chin lai, Chin pau, Chin ngeina cihte genna ah Chin cih kammal pan kizangh ngei hi. Chin cih kammal tawh bulh ding bang kidangnal mahmah zawlai hi. Official in ciaptehna taktak ah Chin State, Chin minam cih bangin ahi phial zong, Khamtung gam, Khamtung mi cih bangin zongh ei le ei I kilo ziauziau thei zel lai hi. Tangthu zongh diktak kiptak ciiptakin kiciantak aa a neilo, tuanthu zongh saupi a khum theilo, a kem zolo, Ciimnuai hun matan pen mipil, minam liante ii sang theih taktak ding, up zawh taktak dingin a suut thei, a khelkhia zo ding haksa cih theih hi phial mawk hi. Minam min nangawn kiciantakin a omlo a kikhelkhel kibang pian mawk hi. Ahi zongin, tuhun ciang Pasian in a tate hong lamsang aa, 9 Gamvai le Minam Min LTTuang ko bang minam hi ung ci-in ei le ei a kigen thei, a kipulaak thei dinmun ah I om ta hi. Tua ahih manin hun khat lai aa, lai theilo, I pu I pate hun lai pekpek bangin hong kilawhna, kisapna, kiciaptehna bangbang sangsuk ziauh ding hi nawnlo hi. Ei kua cih I kigen hun, I hihna I kilak hun hita hi. 3.6 Chin Kicihna Le Kingaihsutna Vai khatpeuh om leh, a vai tawh, a thu a la, I kihopih, I kizoppihte tawh kizui-in Chin cih zongh a zaina le a huam tan kikhelkhel thei lai hi. Tua vengte, tua kualte, tua khuate cihna pan Tedim te, Falam te, Mindat te, Matu te cih bangin a dawldawlin om hi. Gtn. Mawtaw khat bang tuahsia leh, a si a liam lakah eimite a om hia ci-in Zomite khat le khat I kidot ciang, Pasian hepihna tawh om samkei, Khalkha te khat bel liam ven, cih bangin kidawng thei hi. “Eimite cih kammal ah, “ei” I cih ei le ei I kigenna, “ei” I cih I kibatna kammal sungah Chin in hong kiciaptehpih khempeuh kihuamsak gai hetlo hi cih kilangh hi. Hih pen kihilhtawmna, kigenpihpihna pan hilo aa, I zat dan kammalte tungtawn pan I sehtan thute ngaihsutna hizaw hi. Ahi zongin, namdang khatpeuh tawh kiho ciang Chin a kicih leh, Cikha pan Paletwa dong aa namke tuamtuam teng a huam bangin kingaihsun kha thei hi. Hih te bel ahih leh, kihilhna le hong kihilh, hong kisinsakna tawh zongh kizui thei hi. * Ka Lungngaih Thu 1. Nursery pen Tedim khua, Myoma veng aa Bethel AG pawlpi ii mucu ah ka kah hi. Tua lai ah a tamzaw thamtham AG pawlpi mite vive hi. Neulai-in bang veng, bang pawlpi cihte a kingaihsun thei baan hilo hi. 2. Tan-4 sang pen Khangsang a kici, Tedim khua, Lawibual veng aa B.E.P.S-5 (tua hun aa primary school) sangah ka kah hi. Tua lai ah a tamzaw thamtham pen Lawibual veng pan vive hi. Hih mun ah, ko AG, ko Tuiphum, ko RC, ko SDA, ko UPC cih bangin kigen hi. Veng kibang vive pan ahihmanin Lawibuai pan hi maw, hilo cih tawh kibuailo aa bang pawl cih tawh kikhenzaw hi. 3. Tan-5 pan tan-7 ciang pen Sangsang a kici, Tedim khua, Lawibual veng aa B.E.H.S-2 sangpi-ah ka kah hi. Tua lai ah a tamzaw thamtham pen Tedim khua pan le khuanai teng pan vive ahi hi. Hih mun ah, ko Lawibual pan, ko Leilum pan, ko Sezang pan, ko Dimlo pan, ko Saizang pan, ko Phaileng pan, ko Lamzang pan, ko Gawng pan cih bangin kigen hi. Tedim khuahuam vive pan ahih manin Tedim maw, Falam maw cihte tawh kibuailo aa Lawibual maw, Leilum maw cih dante bek tawh kibuaizaw, kikhenzaw hi. 10 Gamvai le Minam Min LTTuang 4. Tan-8 pen Kalay Myo, Tahan aa YCW boarding sangah ka kah hi. Tua lai ah a tamzaw thamtham pen Chin state aa khua tuamtuam pan ahi hi. Hih mun ah, ko Tedim, no Falam, no Mizo, cih bangin khat le khat kipulaak kigen hi. Chin vive in kitheikhawm ahih manin Chin hi maw, hilo cih tawh kibuailo aa Tedim maw Khalkha maw cihte bek tawh kibuaizaw, kikhenzaw hi. Hih bang hun ciang, Lawibual maw, Leilum maw, Sezang maw, Dimlo maw cihte tawh kibuai nawnlo aa, tua teng khempeuh, Tedim kicikhawm ta hi. 5. Tan-9 le tan-10 pen, Pyin Oo Lwin (Maymyo) khua aa Soe San boarding sangah ka kah hi. Tua lai ah pen Myanmar gambup mun tuamtuam pan minamkim phial kihel hi. Hih mun ah, Chin state (ahk) Chin minam maw, Shan minam maw, Kayin maw, Kachin maw, Kawl (Burmese) maw cih bangin kikhen aa, omna kibatna gam Myanmar hi maw hilo cih tawh kibuai khollo hi. Hih bang hun ciang, Tedim maw, Falam maw cihte tawh kibuai nawnlo aa, tua teng khempeuh, Chin kicikhawm ta hi. 6. University pen Kalay myo aa Kalay University ah English (E-Major) ka kah hi. Tua lai ah Chin state pan bek thamlo, Kalay khuahuam pan zongh kikah ngeingai hita hi. Hih mun ah, University ah Chin, Kawl, Kala cih bangin a pai hun om hi. Chin ci aa kipawlna sung bek leuleu ah, Tedim te, Falam te, Khalkha te cih bangin a pai hun zongh na om leuleu hi. 7. India khuapi, Delhi ah Computer Diploma course kum khat ka va kah hi. Tua lai ah, atamzaw thamtham pen India gam sung aa state tuamtuam pan ahi uhhi. Hih mun ah, Tedim maw Falam, Chin maw Shan cihte hi nawnloin, Myanmar maw Indian cih dan hong hito ta hi. Hih bang hun ciang, Chin kici aa Tedim, Falam kici aa, Kawl a kici zongin Myanmar kicikhawm ta hi. 8. United Kingdom – UK ah BSc @ Salford University, Manchester le MSc @ Loughborough University ka kah hi. Tua lai ah, a tamzaw thamtham pen gammite le Europe pan aa hong kahte ahi uhhi. Hih mun ah, Zomi maw Chin maw cihte ciang hilo, Chin maw Shan maw cih dan bek hilo aa, Myanmar maw Indian maw cihte zongh hong hi nawn phalo hi. Asian maw White maw cihdan hong hizaw hi. White kicite sung ah zongh, amau le amau in a kituam khensuksukna uh zongh na omlua hi. 9. Vangam I tun ciang zongh, Zomi maw Chin maw, Chin maw Shan maw Kachin maw Rakhine maw, Myanmar maw Singaporean maw Malaysian maw, Asian maw European maw, Mivom maw Mikang maw cihte om nawnlo ding aa Gupna ngah maw ngahlo cih bek hong om ta ding hi. I buaina tampite pen I dinmun, I omna zui-in khat le khat kibanglo hi. Pawlkhatte pen veng tawh, khua tawh buai ding hi. Pawlkhatte pen pawlpi tawh buai ding hi. Pawlkhatte ciang state level ah buai ding hi. Gambup level ah buai ding hi. International level ah a buai zongh om ding hi. A tawpna ah I tun nading pen Vangam ahihkei le Hell gam khat zawzaw hi hamtang ding cih pen teltakin theih huai hi. Tua hun the, koi bangin buaina pen a thupipen hong hi ding hiam? Gupkhiatna ngah maw ngahlo cih mah a level sangpen, a thupipen le a buaipih taakpen hong suak hi. 11 Gamvai le Minam Min LTTuang 4. Zomi Min Hun ngah ciang aa gelh ding 4.1 Zomi pen Namke Min Hun ngah ciang aa gelh ding 4.2 Zomi pen Nampi Min Hun ngah ciang aa gelh ding 5. Chin State Sung Township Lungsim le Minam Lungsim Hun ngah ciang aa gelh ding 6. Minam Siksan Gamvai (Identity Politics) le Khantohna Siksan Gamvai Hun ngah ciang aa gelh ding 7. Zomi le Chin Hun ngah ciang aa gelh ding 8. Zomi Sung Kilamzia le Kivaipuakzia Hun ngah ciang aa gelh ding 9. Zogam le Chin State Hun ngah ciang aa gelh ding 10. Zogam Sung Kilamzia le Kivaipuakzia Hun ngah ciang aa gelh ding Lungdam mahmah hi. Lian Than Tuang (LTTuang) 12