Linselus…eller?

 Kjekt å ta litt bildeseriar innimellom…”Offera” er meir eller mindre motvillige;o)

Rakel poserar gjerne,

medan storebror har begynt å bli litt meir motvillig…

Nusse nyt alltidt merksemda bildetakinga gir, og poserar så villig som berre ein katt kan,he he…Arbeidshelga er over…ungane i seng…og eg har berre leika meg med litt fotoredigering!!

♥ 3 x 3 hurra for Rakel Kristine ♥

I dag fyllte den flotte jenta mi 8 år ♥
Full av omsorg og humor…Sta som eit esel…Alltidt klar for nye eventyr…
  
Dagen har gått slag i slag, og kl. 18.00 var det duka for avslutning med oppvisning for leikarringen!!

Stor var overraskelsen når ho vart kalla fra på scena og det vart opplyst at ho hadde bursdag. Heile salen sang for henne, og det trur eg var stort…
I tillegg fekk ho ein sprettball i bursdagsgåve med eigaren av favorittleikebutikken. Ho fekk det ho ønska seg av oss, og alt i alt har det vore ein bra dag…

Laurdag brakar det laus med barneselskap frå 12.00 – 15.00, etterfulgt av “voksenbursdag” frå kl. 18.00…

Magiske auger…

Litt må det jo vere lov for ei Mamma å skryte… Eg tykkjer verkeleg at dottra mi har dei mest magiske auger ein kan tenkje seg:o)

Det er utruleg frapperande med dei (som det står i passet) multifarga augene, som er innramma av dei tettaste, lengste og mørkaste augevippene som overhodet er muleg å førestille seg…*sukk*

Så enkelt kan ein lage ein skrivepult!!

Hobbyplata hadde vi frå før, men eg må vedgå at vi har vridd hjernecellene litt for å finne ut korleis vi skulle lage skrivepulten. Men så kom naboen vår med eit glimrande forslag....Vi kunne forhøyre oss hos ein kjøkkenforhandlar om dei hadde ståande nokre skuffer som dei ville bli kvitt. Ho var i Førde når ho kom på det, og tilbaud seg å stikke innom kjøkkenforhandlarane. Hos Gravdal kjøkken fekk ho napp, og dersom vi ville ha skuffene slik dei sto, så skulle vi få dei for 200 kroner. Eit kupp for skuffer som opprinneleg kosta rundt 2 500 kroner.
Og det passa jo glimrande at dei var kvite:0)

Vi skrudde plata fast i veggen på eine sida, og ned i skuffeseksjonen på den andre sida.
Voila!! Rakel har fått ein kjempeflott skrivepult.
Bøttene til fargeblyantar, tusjar m.m er innkjøpt på Ikea.

Vi har og skrudd to hylleknektar ned i plata, så fekk ho bokplass på
skrivepulten sin. Planen er å få laga samme type skrivepult til Fredrik, men den har eg lyst til å ha i sølv.

Litt provisorisk seng foreløpig, men etter jul vert det innkjøp av nye senger, lampar og diverse...
Ingen av dei har bilder på veggane enno, for dei meinte at bilda på gamleromma var for barnslige;9)
Vurderar å forstørre opp litt bilder som eg har tatt, men har ikkje heilt bestemt meg enno...
Nyttar og anledninga til å takke for alle koselege gratulasjonsmeldingar på blogg, facebook, mail og sms.
Einaste skåret i tantegleda er at eg ikkje får sett det lisje nurket før i begynnelsen av desember:0(
Har arbeidshelg no til helga, så vert vi vekke to helgar i forbindelse med ferien vår, og deretter er det arbeidshelg att *sukk*

Smart på barnerommet:0)

Den siste veka har eg jobba med eit prosjekt på dei nye romma til ungane...

Eg har grunna, malt, pussa og malt igjen og VOILA!!
Innsida på romdørene har blitt til eit tavleeldorado:0)
Eg har brukt tavlemaling på heile døra, kjøpt inn svamp og tavlekritt, så no er det berre å la kunstnarane utfalde seg.
Det vart ein ubetinga suksess, og dei har tegna, svampa vekk, tegna og kost seg i massevis i kveld.

Dette var det fyrste Fredrik tegna og skreiv...
*Smelt*

Og Rakel ropte omtrent samtidig. ho hadde tegna Mamma og sola og skreve: "Eg likar deg"
Skjønningane mine...Då er det sanneleg verdt anstrengelsane....
Og dette kan trygt anbefalast vidare!!

I går var ein stor dag...

Frode og Fredrik reiste under Osfossen kl 09.30 i går formiddag. Eg og Rakel var heime og pusla med litt forskjellig...
Kl 12.30 ringte telefonen...Fredrik hadde fått laks...STORLAKS!! Eg hadde litt problem med å la det synke inn og trudde fyrst at det var Frode som hadde fått den.
Men neida, det var nok Fredrik!!
Det var litt uklart om det var ein villaks, og som kjent så må jo villaksane utatt i...Her var det berre ein ting å gjere sidan vi berre har ein bil for øyeblikket.


Eg og Rakel kasta oss på syklane, og ho sykla 6 kilometer i forholdsvis raskt tempo utan å kny:0)) Flinke jenta mi...
Men det var nok ingen villaks, og dermed vart den avliva....


Vitale mål var: 89 cm og 6,7 kilo.
Det er litt av ein bragd for ein tiåring å hale ein laks av den størrelsen i land på eigen hand. Guten hadde eit skikkeleg adrenalinkick og han var så utruleg lykkeleg. Mamma, Pappa og Rakel er stolt over storfiskaren vår, og eg reknar med at jeger og fiskeforbundet no har fått verva inn eit livsvarig medlem!!

Fotoshoots...

...der den vakre dattera mi spelar hovedrolla:0)

Rakel lånar fiskebrillene til Pappa!

Artig med bilder der objektet ikkje ser direkte i kamera.

Ja ja, Mamma, er du snart ferdig no?

Eit favorittbilde. vart litt kornete når eg blåste det opp, men dersom du klikkar på det ser du det i ein skarpare versjon:0)

Barneselskap:0)

I dag kl 16.30 bar det laust med festen!!
19 glade gutar og jenter samla seg på plenen der Rakel sat ved eit bord å opna gavene...
Deretter bar det ned i paviljongen til pølser, kake og is:0)
Når sangane var sungne og maten fortært var det duka for skattejakt, les:jakt etter snop)
No var det frileik...Mange barn å halde styr på, men med ein grei gjeng så går det så bra så....

Prinsesse for ein dag

Borda....

Hello Kitty kake etter inspirasjon frå Silje. Silje lagar dei mest fantastiske kaker ein kan tenke seg. Stikk innom bloggen hennar for å sjå og nyte, og ikkje minst bli inspirert....

Litt av gavene..Ho fekk mange flotte gaver og er superfornøgd!!
Ei slita men lykkelig prinsesse er no fallt i søvn, og drøymer mest sannsynleg om dagen mange inntrykk:0)
Mora og faren er og fornøgde med at begge årets barneselskap er vel overstått;9)
Tusen hjerteleg takk for alle koselege bursdsagshelsingar vi har fått gjennom bloggen, facebook og sms...
Dei er høgt verdsette alle som ein:0)
No skal eg slange meg på sofaen og slappe av med Criminal Minds...

Mammas skatt og Pappas apekatt fyller år!!

Kl 15.35 den 10.06.2002 kom ei nydelig lita jente til verden på Førde sentralsjukehus. Underet var 3 268 gram og ein gyllen halvmeter lang:0)

Vegen fram til denne fødselen var lang og tornete, men Mamma og Pappa gløymte alt dette i det øyeblikket du kom og vi fekk helse på deg for fyrste gang....

Var på jordmorkontroll i det eg passerte veke 32. Brith sa då at dersom noko skjedde no, så fekk eg vere i Førde. Om natta kjente eg ei stund på ein del ubehag. Sto opp kl. 02.00 sidan "kynnarane" var såpass ubehagelege.... Etter ei stund gjekk det opp for meg at dette var merkverdig regelmessig, og dermed slo sjokket inn over meg med full tyngde...Dette var rier....
Vekte Frode som var noko fortumla...Ringde føden og fekk beskjed om å komme raskt....Vanskeleg å få tak i nokon, men fekk omsider svar hos Tante Anita, Fredrik kunne komme opp der...

Kom på sjukehuset og det vart fastslått at dette verkeleg var rier. Fekk lungemodningssprøyte nr 1, og stoppande drypp vart hengt opp... Hadde ca 1 cm opning, det roa seg etterkvart ned, og fødselen vart stoppa!!

Eg hadde ein veldig kraftig reaksjon på dryppet, og det vart avslutta før tida. Dei valgte og å ikkje gi meg tbl fram til termin pga dette. Fekk reise heim etter tre dagar!!

Dei neste vekene vart tunge med stadige rier og mange turar på føden...Fødselen kom aldri i gang, og vi var jo takknemlege for all den ekstra tida ho fekk i magen...Men slitsomt var det for heile familien med stadige falske alarmar....

Søndag 9 juni kl. 11.00 gjekk vatnet, og vi reiste på sjukehuset att...

Timane gjekk, men ingen rier viste seg....Mandag den 10 vart eg sett på kur, og då tok det ikkje mange sekunda før riene var i gang. Var oppe og gjekk litt, og dermed vart det full dramatikk...Fosterlyden forsvant heilt, og legane vart tilkalla i lag med anestesien... Men så kom fosterlyden att heldigvis...Etter det fekk eg ikkje bevege meg, og kunne kun ligge på høgre side...Ingen smertestillande, likar å ha kontroll...Etter 4,5 time kom lisje skatten vår ut i rekordfart, jordmora trudde mest ikkje sine eigne auge...Rekna med at dette ville ta lenger tid!!

Spurte kva det vart, og sjukepleiarstudenten som var med svarte at det var ein gutt..Det stemmer ikkje tenkte eg, hadde heile tida hatt ei sterk kjensle av at dette var ei jente...Så høyrde eg at jordmora sa at det var ei flott jente, og eg huskar at eg svarte at det var det eg visste, no kom jenta mi:0)

Navnet hadde ho fått tre mnd tidlegare: Rakel....

Vi valgte og å legge til Kristine, som er ei oppattkalling etter Pappa som heitte Knut!!

Det morosame då var at eg fekk vete at Kristine har vore brukt som mellomnavn i fem generasjonar på Mamma si side!!

Invitasjonar er laga og vart utsendt for ei veke sidan...Bordkorta er i boks, koppar, fat og godteposar likeså...Idag står kaka for tur, og i morgon entrar 18 glade barn heimen:0)

GRATULERER MED DAGEN RAKEL KRISTINE!!

Mammas skatt og Pappas apekatt...