RQ-2 Pioneer

RQ-2 Pioneer
	RQ-2 Pioneer Իրաքում
Տեսակ	ԱԹՍ
Ենթատեսակ	հետախուզական
Արտադրող	IAI / AAI Corporation
Առաջին թռիչք	դեկտեմբեր 1985
Շահագործման սկիզբ	1986
Շահագործման ավարտ	2007
Կարգավիճակ	2007-ից չի կիրառվում
Միավոր արտադրված	175 արտադրված, 35 ծառայության մեջ
Բազային մոդել	Tadiran Mastiff
	RQ-2 Pioneer Վիքիպահեստում

AAI RQ-2 Pioneer (թարգմանաբար՝ Պիոներ), հետախուզական ԱԹՍ, նախագծվել է ամերիկյան AAI Corporation և իսրայելական Israel Aircraft Industries կազմակերպությունների կողմից^[1], օգտագործվել է ԱՄՆ ՌԾՈւ-ի, ԱՄՆ ԾՀԿ-ի և ԱՄՆ բանակի կողմից։ Սկսել է օգտագործվել 1986 թվականից մինչև 2007 թվականը։

ԱԹՍ-ն փորձարկվել է USS Այովա հածանավի վրա, օգտագործվել է որպես կրակի կառավարման և ծովային հետևակի գործողությունները կառավարելու համար։

Pioneer-ը ստեղծվել է Tadiran Mastiff ԱԹՍ-ի մոդեռնիզացման արդյունքում, ավելացնելով նրա օգտակար բեռի ծավալը ԱՄՆ ՌԾՈւ-ի համար։

Շահագործում

Թռիչքից վերադարձած RQ-2 Pioneer Այովա հածանավի վրա

ԱԹՍ-ն արձակվում է կատապուլտի միջոցով նավի տախտակամածից, կամ ուղղակի թռիչք է կատարվում թռիչքուղուց։ Վայրէջքը կատարվում է ցանցի միջոցով։ 1991 թվականից սկսած Pioneer ԱԹՍ-ները կիրառվել են Իրաք-քուվեյթյան պատերազմում, Սոմալիում ՄԱԿ-ի կողմից իրականացված գործողություններում, ՆԱՏՈ-ի կողմից Բոսնիա և Հերցոգովինայի վրա հարձակման ժամանակ, Հարավսլավիայի վրա կատարված հարվածների ժամանակ և Իրաքյան պատերազմում։ 2005 թվականին ԱՄՆ ՌԾՈւ-ն ուներ մեկ Pioneer համակարգերով համալրված ստորաբաժանում, իսկ Ծովային հետևակը երկու, ամեն ստորաբաժանումն ուներ հինգ կամ ավելի ԱԹՍ։ Pioneer համակարգեր օգտագործվում են նաև Իսրայելի և Սինգապուրի զինված ուժերի կողմից։ 2007 թվականին Pioneer ԱԹՍ-ները ԱՄՆ ՌԾՈւ-ի կողմից փոխարինվեցին RQ-7 Shadow սարքերով։