Eleccións xerais de España de 1920

Eleccións xerais de España de 1920
	← 1919 1923 →
Data	19 de decembro de 1920
Tipo	Eleccións xerais en España
Cargo elixido	Deputado das Cortes
Resultado da votación

As eleccións xerais de España de 1920 foron convocadas para o 13 de decembro de 1920 e celebradas baixo o sufraxio universal masculino.

As eleccións estiveron marcadas pola debilidade extrema do sistema político e a gran conflitividade social debido á guerra do Rif e os disturbios en Barcelona. O Partido Conservador estaba dirixido nese momento por Eduardo Dato, mentres o Partido Liberal estábao por Manuel García Prieto.

A maioría conservadora permitiu que os principais líderes dese partido ocupasen as principais maxistraturas do Estado. José Sánchez Guerra foi nomeado presidente do Congreso dos Deputados e Joaquín Sánchez de Toca y Calvo foi o presidente do Senado. O xefe do goberno foi Eduardo Dato.

Entre 1920 e 1921 endureceuse a violencia anarquista en Barcelona, o que derivou na represión militar do xeneral Severiano Martínez Anido, gobernador militar da cidade, e ao fin, co asasinato do presidente Dato o 8 de marzo de 1921. Dato foi substituído por Manuel Allendesalazar, un conservador ciervista, quen abandonou o goberno en xullo dese mesmo ano polo Desastre de Annual. Formouse entón un goberno de concentración nacional entre os conservadores, os liberais de Romanones e a Lliga Regionalista dirixido por Antonio Maura, cuxa finalidade residía en ocuparse do problema marroquí. José Sánchez Guerra formou un novo goberno en marzo de 1922 con apoio da maioría de conservadores e mauristas xunto á Lliga, aínda que foi destituído por orde de Afonso XIII debido a que Sánchez Guerra autorizou ao Congreso a investigar o resultado do Expediente Picasso, que acusaba ao xeneral Dámaso Berenguer do Desastre de Annual. Tras isto foi nomeado presidente Manuel García Prieto.

Composición do Congreso dos Deputados

Eduardo Dato

Manuel García Prieto

← Eleccións Xerais en España, 13 de decembro de 1920 →
Partido	Escanos	Líder
Partido Conservador	216	Eduardo Dato
Conservadores	153
Conservadores ciervistas	22	Juan de la Cierva y Peñafiel
Conservadores mauristas	19	Antonio Maura
Conservadores datistas	18	Eduardo Dato
Conservadores independientes	4
Partido Liberal	121	Manuel García Prieto
Liberal-demócratas	62	Manuel García Prieto
Liberais	30	Alvaro de Figueroa y Torres
Esquerda liberal	20	Santiago Alba Bonifaz
Liberais agrarios	5	Rafael Gasset Chinchilla
Liberais nicetistas	4	Niceto Alcalá-Zamora
Lliga Regionalista	15	Francesc Cambó
Partido Reformista	9	Melquíades Álvarez
Partido Republicano Radical	4	Alejandro Lerroux
Partido Socialista Obrero Español	4	Pablo Iglesias Posse
Comunión Nacionalista Vasca	1
Partido Católico Tradicionalista	1	Juan Vázquez de Mella
Agrarios	1
Partido Integrista	1	Manuel Senante y Martínez
Republicanos diversos	9	Francesc Layret Francesc Macià
Outros, independentes ou indefinidos	23
Vacantes	32
Total	437

Os deputados que resultaron elixidos en Galicia foron os seguintes:^[1]