Gödöllő

Gödöllő [godolO] estas urbo en Hungario en regiono Meza Hungario, en departemento Pest, en Distrikto Gödöllő, kies centro ĝi estas. Máriabesnyő estas ekstera parto de Gödöllő.

Gödöllő
Hungaria urbo vd
Flago	Blazono
Administrado
Ĝemelurboj Brandýs nad Labem-Stará Boleslav Żywiec Hillerød Aichach Bogor Valdemoro Wageningen Turnhout Dunajská Streda Gießen Laxenburg Bad Ischl Senta Forssa Miercurea Ciuc vd
Poŝtkodo	2100
En TTT	Oficiala retejo [+]
Demografio
Loĝantaro	32 524  (2024) [+]
Loĝdenso	525 loĝ./km²
Geografio
Geografia situo	47° 36′ N, 19° 22′ O (mapo)47.619.366666666667 [+]
Alto	207 m [+]
Areo	61,98 km² (6 198 ha) [+]
Horzono	Mezeŭropa tempo [+]
Gödöllő (Pest) DEC Situo de Gödöllő
Alia projekto
Vikimedia Komunejo Gödöllő [+]

Ĉefplaco de Gödöllő

Gödöllő

Gödöllő situas ĉe mildaj deklivoj, laŭ fervojo kaj ĉefvojo Budapeŝto-Miskolc, aŭtoŝoseo M3 preteriras, fine tie finiĝas interloka tramo el Budapeŝto.

Historio

La komunumo dum la turka erao senhomiĝis. Poste Antal Grassalkovich (graŝalkoviĉ) faris tie centron de siaj bienoj. Li estis malriĉa, sed talenta advokato, kiu faris karieron. Lia tasko estis redoni la bienojn al la posteuloj post la 150 jara turka erao. El tio li profitis kaj iĝis unu el la plej riĉaj hungaroj. Li konstruis imponan kastelon. Baldaŭe imperiestro Francisko Jozefo la 1-a (Aŭstrio) kaj lia edzino Elizabeta uzis ĝin. Poste Miklós Horthy ofte ripozis en la kastelo. Dum la socialisma erao la soveta armeo loĝis tie. La kastelo preskaŭ detruiĝis. Nuntempe parto de la konstruaĵo estas renovigita kaj troviĝas en ĝi muzeo, krome oni aranĝas koncertojn.

Kastelo de Gödöllő

La komunumo iĝis opidumo en 1763, en 1884 grandvilaĝo, en 1966 urbo. En 1933 okazis Monda Renkontiĝo de skoltoj. Ekde 1950 Agrara Universitato funkcias.

Apuda iama vilaĝo Máriabesnyő, nun apartenaĵo al Gödöllő estas pilgrimloko.

Vidindaĵoj

• Kastelo de Gödöllő
• Universitato Reĝo Sankta Stefano ankaŭ historia monumento
• urbodomo

Sakralaj vidindaĵoj

• Preĝejo Sankta Triunuo (Gödöllő)
• Grek-katolika preĝejo Sankta Kruco (Gödöllő)
• Kalvinana preĝejo (Gödöllő)
• Luterana preĝejo (Gödöllő)
• Kapelo Johano Nepomuka (Gödöllő)
• Kapelo Koro de Jesuo (Gödöllő)
• Kapelo Sankta Spirito kaj Anunciacio (Gödöllő)

Akvoturo en Gödöllő

Urbodomo de Gödöllő

Famuloj

• En Gödöllő naskiĝis:
  • aktoroj László Földényi kaj Miklós Turek
  • biologo Zsolt Szendrő
  • József Balogh (filologo)
  • futbalisto József Dzurják
  • gitaristo Gergő Szávai
  • inventisto Dénes Mihály
  • kuracisto Miklós Baranyai
  • monaĥo Román Rezek
  • operkantisto József Mukk
  • reĝisoro Kornél Mundruczó
  • tradukisto Margit G. Beke
  • verkistoj Ambrus Bor kaj Antal Hidas.
• En Gödöllő mortis:
  • agronomoj Gábor Almási kaj István Pacs
  • István Mészáros (bestokuracisto)
  • Antal Grassalkovich (krongardisto)
  • Antal Grassalkovich (ĉambelano)
  • ĉefministro Károly Grósz
  • juĝisto Gyula Zachár
  • János Szabó (kanoniko)
  • Lajos Mészáros (pedagogo)
  • Sándor Nagy (pentristo)
  • verkisto István Katona Szabó.

Esperanto en Gödöllö

En 1981 la Internacia Ligo de Esperantistaj Instruistoj ILEI havis en tiu urbo sian ĉiujaran Konferencon.

Ĝemelurboj

• Aichach, Germanio (2006)
• Bad Ischl, Aŭstrio (2012)
• Beregszász, Ukrainio (1991)
• Bogor, Indonezio (2009)
• Brandýs nad Labem-Stará Boleslav, Ĉeĥio (2009)
• Miercurea Ciuc, Rumanio (1990)
• Dunajská Streda, Slovakio (1994)
• Forssa, Suomio (1990)
• Gießen, Germanio (1988)
• Laxenburg, Aŭstrio (1997)
• Turnhout, Belgio (1999)
• Valdemoro, Hispanio (2008)
• Wageningen, Nederlando (1992)
• Senta, Serbio (1994)
• Ĝanĝou, Ĉinio (2013)
• Żywiec, Polio (2002)

Vidu ankaŭ

• BHÉV