1 KARANIWANG PANAHON

IKALABIMPITONG LINGGO
sa karaniwang panahon
PASIMULA
Kapag natitipon na ang sambayanan, ang pari at mga tagapaglingkod ay lalakad patungo sa dambana
samantalang ang awiting pambungad ay ginaganap.

Pagsapit sa dambana, ang pari at mga tagapaglingkod ay magbibigay-galang alinsunod sa hinihinging paraan.
Magbibigay-galang ang pari sa dambana sa pamamagitan ng paghalik sa ibabaw. Pagkatapos, iinsensuhan
niya ito at ang krus. Pagkatapos, ang pari ay paroroon sa kanyang upuan.

Matapos ang awiting pambungad, habang nakatayo ang lahat, ang pari at ang mga tao ay magkukrus.
Ipahahayag ng paring nakaharap sa mga tao:

+ Sa ngalan ng Ama at ng Anak at ng Espiritu Santo.

Sasagot ang mga tao:

Amen.
Ilalahad ng pari ang kanyang mga kamay bilang pagbati sa mga tao, habang ipinahahayag:

Ang pagpapala ng ating Panginoong Hesukristo,

ang pag-ibig ng Diyos Ama
at ang pakikipagkaisa ng Espiritu Santo
nawa ay sumainyong lahat.

Sasagot ang mga tao:

At sumaiyo rin.
Ang pari o ang diyakono o sinumang angkop na tagapaglingkod ay makapagbibigay ng maikling paliwanag
tungkol sa buod ng Misang ipagdiriwang.

PAUNANG SALITA
2 KARANIWANG PANAHON

Mga minamahal na kapatid,

sa Ebanghelyo,tinuturuan tayo ni Hesus
kung paano buong puso at diwang sumalig sa kalooban ng Diyos
sa pamamagitan ng Espiritu Santo. 4
Ngayon di’y ipinagdiriwang natin
ang ikalawang Pandaigdig na araw para sa mga Lolo’t Lola
at mga Nakatatanda na may temang,
“They shall bear fruit even in old age” (Ps 92:15).
Ipagdasal natin sila sa misang ito,
lalung-lalo na yaong mga maysakit,
upang madama nilang ganap ang pag-ibig ng Diyos,
sa pamamagitan ng kanilang mga pamilya
at mga taong handang kumalinga sa kanila.
Susunod na gaganapin ang pagsisisi sa kasalanan. Aanyayahan ng pari ang mga tao:

Upang tayo ay maging marapat gumanap

sa banal na pagdiriwang
aminin muna natin at pagsisihan ang ating mga kasalanan.
Magkakaroon ng saglit na katahimikan.

Pagkatapos nito, ipapahayag ng pari:

Inaamin ko sa makapangyarihang Diyos

at sa inyo, mga kapatid,
na lubha akong nagkasala
sa isip, sa salita, sa gawa
at sa aking pagkukulang.

Kaya isinasamo ko
sa Mahal na Birheng Maria,
sa lahat ng mga anghel at mga banal
at sa inyo, mga kapatid,
na ako’y ipanalangin sa Panginoong ating Diyos.
3 KARANIWANG PANAHON

Ipapahayag ng pari:

Kaawaan tayo ng makapangyarihang Diyos,

patawarin tayo sa ating mga kasalanan,
at patnubayan tayo sa buhay na walang hanggan.
Sasagot ang mga tao:

Amen.

KYRIE
Pari: Panginoon, kaawaan mo kami.
Bayan: Panginoon, kaawaan mo kami.
Pari: Kristo, kaawaan mo kami.
Bayan: Kristo, kaawaan mo kami.
Pari: Panginoon, kaawaan mo kami.
Bayan: Panginoon, kaawaan mo kami.

PAPURI SA DIYOS SA KAITAASAN

Papuri sa Diyos sa kaitaasan
at sa lupa’y kapayapaan
sa mga taong kinalulugdan niya.
4 KARANIWANG PANAHON

Pinupuri ka namin,
dinarangal ka namin,
sinasamba ka namin,
ipinagbubunyi ka namin,
pinasasalamatan ka namin
dahil sa dakila mong angking kapurihan.
Panginoong Diyos, Hari ng langit,
Diyos Amang makapangyarihan sa lahat.
Panginoong Hesukristo, Bugtong na Anak,
Panginoong Diyos, Kordero ng Diyos, Anak ng Ama.
Ikaw na nag-aalis ng mga kasalanan ng sanlibutan,
maawa ka sa amin.
Ikaw na nag-aalis ng mga kasalanan ng sanlibutan,
tanggapin mo ang aming kahilingan.
Ikaw na naluluklok sa kanan ng Ama,
maawa ka sa amin.
Sapagkat ikaw lamang ang banal,
ikaw lamang ang Panginoon,
ikaw lamang, O Hesukristo, ang Kataas-taasan,
kasama ng Espiritu Santo
sa kadakilaan ng Diyos Ama. Amen.

PANALANGING PAMBUNGAD
Pagkaraan ng awit, magkadaop ang kamay na ipahahayag ng pari:

Pari: Manalangin tayo.

5 KARANIWANG PANAHON

Ama naming makapangyarihan,

nililingap mo ang mga walang inaasahan kundi ikaw.
Hindi maidarangal at hindi magiging banal
ang sinumang sa iyo’y napapawalay.
Dagdagan mo ang iyong kagandahang-loob sa amin
upang sa iyong pamumuno at pangangasiwang magiliw
mapakinabangan namin ang mga biyaya mo sa lupa
bilang pagkakamit na namin sa makalangit mong pagpapala
sa pamamagitan ni Hesukristo
kasama ng Espiritu Santo magpasawalang hanggan.
Bayan: Amen.

PAGPAPAHAYAG NG PANANAMPALATAYA
Sumasampalataya ako
sa Diyos Amang Makapangyarihan sa lahat,
na may gawa ng langit at lupa.
Sumasampalataya ako kay Hesukristo,
iisang Anak ng Diyos, Panginoon nating lahat
6 KARANIWANG PANAHON

Sa pangungusap na “Nagkatawang tao siya” hanggang “Mariang Birhen,” ang lahat ay yuyuko.

Nagkatawang-tao siya lalang ng Espiritu Santo

ipinanganak ni Santa Mariang Birhen.
Pinagpakasakit ni Poncio Pilato,
ipinako sa krus, namatay, inilibing.
Nanaog sa kinaroroonan ng mga yumao.
Nang may ikatlong araw nabuhay na mag-uli
Umakyat sa langit.
Naluluklok sa kanan
ng Diyos Amang makapangyarihan sa lahat.
Doon magmumulang paririto
at huhukom sa nangabubuhay at nangamatay na tao.

Sumasampalataya naman ako

sa Diyos Espiritu Santo,
sa banal na Simbahang Katolika
sa kasamahan ng mga banal,
sa kapatawaran ng mga kaslanan.
sa pagkabuhay na muli ng nangamatay na tao
At sa buhay na walang hanggan.
Amen.
7 KARANIWANG PANAHON

IKA-17 LINGGO SA KARANIWANG PANAHON

LINGGO

Tinuturuan kami ni Hesus na buong tiwalang manalangin sa iyo, Ama.

Idinudulog namin sa iyo ang aming mga kahilingan at ng buong Simbahan.
Ating itutugon:

AMA, DINGGIN MO ANG IYONG BAYAN.

Para kay Francisco na aming Papa, mga obispo, pari, at diyakono: masalamin nawa
sa kanila ang pag-ibig mo, Ama, sa pamamagitan ng kanilang paglilingkod sa
kapwa. Manalangin tayo. (T)

Para sa mga pinuno ng aming bayan: lturing nawa nila ang kanilang sarili bilang
mga tagapangalaga at tagapagtanggol ng mga dukha, mahihina, at walang tinig sa
lipunan. Manalangin tayo. (T)

Para sa mga pinanghihinaan ng loob sanhi ng mga pagsubok at problema:

manatiling bukas nawa ang kanilang puso sa kabila ng mga suliranin sapagkat ikaw,
Ama, ay sumasakanila. Manalangin tayo. (T)

Para sa mga nakatatanda: nawa’y mapuspos sila ng galak at maging matatag sa

anumang kanilang pinagdaraanan sa buhay. Patuloy nawa silang kalingain ng mga
taong may tunay na malasakit. Manalangin tayo. (T)

Para sa mga yumao: yakapin mo nawa silang mahigpit sa kanilang pagsapit sa iyong
kaharian upang madama nilang ganap ang iyong pag-ibig at pagpapatawad.
Manalangin tayo. (T)

Ama naming mapagmahal, ipagkaloob mo ang kahilingan ng iyong mga anak.

Tulungan mo kaming lumago sa pagibig at paglilingkod sa isa’t isa. Hinihiling
namin ito sa pamamagitan ni Kristong aming Panginoon. Amen.

PAGDIRIWANG NG HULING HAPUNAN

8 KARANIWANG PANAHON

Pagkatapos, sisimulan ang awit ng pag-aalay. Samantalang ito’y ginaganap, ilalagay ng mga tagapaglingkod
ang telang patungan ng Katawan ni Kristo, ang pamahiran, ang kalis at ang Aklat ng Pagmimisa sa ibabaw ng
dambana.

Nababagay na ang pakikiisa ng mga nagsisimba ay ipahayag sa pamamagitan ng prusisyon ng pag-aalay ng

tinapay at alak at ng iba pang handog para sa Simbahan at para sa mga dukha.

Ngayon nama’y tatayo ang pari sa gawing gitna ng dambana, hahawakan niya ang pinggan ng tinapay nang
bahagyang nakaangat sa dambana, habang dinarasal niya nang pabulong:

Kapuri-puri ka, Diyos Amang Lumikha sa sanlibutan.

Sa iyong kagandahang-loob, narito ang aming maiaalay.
Mula sa lupa at bunga ng aming paggawa ang tinapay na ito
para maging pagkaing nagbibigay-buhay.
Ilalapag niya ang pinggan ng tinapay sa telang patungan ng Katawan ni Kristo.

Kapag hindi ginaganap ang awit ng pag-aalay, ang mga pangungusap na ito ay madarasal nang malakas ng pari
at sa katapusan makapagbubunyi ang mga tao:

Kapuri-puri ang Poong Maykapal ngayon at kailan man!

Ang diyakono o ang pari ay magbubuhos ng alak at kaunting tubig sa kalis habang dinarasal nang pabulong.

Sa paghahalong ito ng alak at tubig

kami nawa’y makasalo sa pagka-Diyos ni Kristo
na nagpagindapat makihati sa aming pagkatao.
Pagbalik sa gawing gitnang dambana, hahawakan ng pari ang kalis nang bahagyang nakaangat sa dambana
habang dinarasal niya nang pabulong:

Kapuri-puri ka, Diyos Amang Lumikha sa sanlibutan.

Sa iyong kagandahang-loob, narito ang aming maiaalay.
Mula sa katas ng ubas at bunga ng aming paggawa
ang alak na ito para maging pagkaing nagbibigay-buhay.
Ilalapag niya ang kalis sa telang patungan ng Katawan ni Kristo.
Kapag hindi ginaganap ang awit ng pag-aalay, ang mga pangungusap na ito ay madarasal nang malakas ng pari
at sa katapusan makapagbubunyi ang mga tao:

Kapuri-puri ang Poong Maykapal ngayon at kailan man!

9 KARANIWANG PANAHON

Pagkatapos, yuyuko ang pari habang dinarasal niya nang pabulong:

Diyos Amang Lumikha, nakikiusap kaming mga makasalanan.

Tanggapin mo ang aming pagsisisi bilang handog
upang kami’y matutong sumunod sa iyo nang buong puso.
Kung minamabuting gawin, iinsensuhan ng pari ang mga alay at ang dambana; pagkaraa’y iinsensuhan ng
diyakono o ng tagapaglingkod ang pari at ang mga nagsisimba.

Pagkatapos, ang pari’y pupunta sa gilid ng dambana, maghuhugas siya ng mga kamay samantalang pabulong
niyang dinarasal:

O Diyos kong minamahal

kasalanan ko’y hugasan
at linisin mong lubusan
ang nagawa kong pagsuway.

Pagbalik ng pari sa gawing gitna ng dambana, ilalahad niya ang kanyang mga kamay sa mga tao at muli niyang
pagdaraupin habang kanyang ipinahahayag:

Manalangin kayo, mga kapatid,

upang ang paghahain natin ay kalugdan
ng Diyos Amang makapangyarihan.
Sasagot ang mga tao:
10 KARANIWANG PANAHON

Tanggapin nawa ng Panginoon

itong paghahain sa iyong mga kamay
sa kapurihan niya at karangalan
sa ating kapakinabangan
at sa buong Sambayanan niyang banal.
Pagkaraa’y, ilalahad ng pari ang kanyang mga kamay at darasalin niya ang panalangin ukol sa mga alay.

PANALANGIN UKOL SA MGA ALAY

Pari:
Ama naming Lumikha,
tanggapin mo ang mga alay na sa iyo rin nagmula
at ngayo’y aming inihahanda sa iyong dambana
upang sa aming ginaganap na pagdiriwang
ang iyong paglingap ay magtaguyod sa tanan
at magpabanal sa aming pamumuhay sa kasalukuyan
at mag-akay sa amin sa ligayang walang katapusan
sa pamamagitan ni Hesukristo
kasama ng Espiritu Santo magpasawalang hanggan.
Bayan: Amen.
11 KARANIWANG PANAHON

PAGBUBUNYI O PREPASYO
Pari: Sumainyo ang Panginoon.
Bayan: At sumaiyo rin.
Pari: Itaas sa Diyos ang inyong puso at diwa.
Bayan: Itinaas na namin sa Panginoon.
Pari: Pasalamatan natin ang Panginoong ating Diyos.
Bayan: Marapat na siya ay pasalamatan.

Ama naming makapangyarihan,

tunay ngang marapat
na ikaw ay aming pasalamatan.
Sa iyong kagandahangloob kami’y iyong ibinukod
upang iyong maitampok sa kadakilaan mong lubos.
Kahit na ikaw ay aming tinalikdan
dahil sa aming pagkasalawahan,
gumawa ka pa rin ng magandang paraang
may manguna sa amin para ikaw ay balikan.
Kaya’t ang iyong minamahal na Anak
ay naging isa sa mga taong hamak
upang may kapwa kaming makapagligtas
sa aming pagkapahamak at pagkaligaw ng landas.
Kaya kaisa ng mga anghel
na nagsisiawit ng papuri sa iyo
nang walang humpay sa kalangitan,
kami’y nagbubunyi sa iyong kadakilaan:
Santo… o kaya, Banal ka, Poong Maykapal…
12 KARANIWANG PANAHON

IKALAWANG PANALANGIN
NG PAGPUPURI AT PAGPAPASALAMAT
Nakalahad ang mga kamay ng pari sa pagdarasal.

Ama naming banal,

ikaw ang bukal ng tanang kabanalan.
Pagdaraupin ng pari ang kanyang mga kamay at lulukuban ng mga kamay niya ang mga alay habang siya’y
nagdarasal.

Kaya’t sa pamamagitan ng iyong Espiritu

gawin mong banal ang kaloob na ito
Pagdaraupin ng pari ang kanyang mga kamay at kukrusan niya ang tinapay at kalis, samantalang kanyang
dinarasal:

upang para sa ami’y maging Katawan at Dugo +

ng aming Panginoong Hesukristo.
Pagdaraupin niya ang kanyang mga kamay.

Ang mga salita ng Panginoon sa mga sumusunod na pangungusap ay ipahahayag ng malinaw at nauunawaan
ng tanan ayon sa hinihingi ng kahulugan ng mga ito.

Bago niya pinagtiisang kusang loob

na maging handog,
Hahawakan ng pari ang tinapay nang bahagyang nakataas sa ibabaw ng dambanan habang kanyang patuloy
na inihahayag:

hinawakan niya ang tinapay,

pinasalamatan ka niya,
pinaghati-hati niya iyon,
iniabot sa kanyang mga alagad at sinabi:

Bahagyang yuyuko ang pari.

13 KARANIWANG PANAHON

TANGGAPIN NINYONG LAHAT ITO AT KANIN:

ITO ANG AKING KATAWAN
NA IHAHANDOG PARA SA INYO.
Ipamamalas niya ang ostiyang itinalagang maging Katawan ni Kristo, ipapatong niya ito sa pinggan, at
luluhod siya bilang pagsamba.

Ang pari ay magpapatuloy.

Gayundin naman, noong matapos ang hapunan,

Hahawakan ng pari ang kalis nang bahagyang nakataas sa ibabaw ng dambanan habang kanyang patuloy na
inihahayag:

hinawakan niya ang kalis,

muli ka niyang pinasalamatan,
iniabot niya ang kalis sa kanyang mga alagad
at sinabi:
Bahagyang yuyuko ang pari:

TANGGAPIN NINYONG LAHAT ITO AT INUMIN:

ITO ANG KALIS NG AKING DUGO,
NG BAGO AT WALANG HANGGANG TIPAN,
ANG AKING DUGO NA IBUBUHOS
PARA SA INYO AT PARA SA LAHAT,
SA IKAPAGPAPATAWAD NG MGA KASALANAN.

GAWIN NINYO ITO SA PAG-ALALA SA AKIN.

Ipamamalas niya ang kalis, ipapatong niya ito sa telang patungan ng Katawan ni Kristo, at luluhod siya bilang
pagsamba.

Pagkatapos, ipahahayag ng pari:

14 KARANIWANG PANAHON

Ipagbunyi natin ang misteryo ng pananampalataya.

Ang mga tao ay magbubunyi:

Si Kristo’y namatay!
Si Kristo’y nabuhay!
Si Kristo’y babalik sa wakas ng panahon!
Ilalahad ng pari ang kanyang mga kamay samantalang siya ay nagdarasal:

Ama,
ginagawa namin ngayon ang pag-alala
sa pagkamatay at muling pagkabuhay ng iyong Anak,
kaya’t iniaalay namin sa iyo
ang tinapay na nagbibigay-buhay
at ang kalis na nagkakaloob ng kaligtasan.

Kami’y nagpapasalamat
dahil kami’y iyong minarapat
na tumayo sa harap mo
para maglingkod sa iyo.

Isinasamo naming kaming magsasalu-salo

sa Katawan at Dugo ni Kristo
ay mabuklod sa pagkakaisa
sa pamamagitan ng Espiritu Santo.

Ama,
lingapin mo ang iyong Simbahang
laganap sa buong daigdig.
15 KARANIWANG PANAHON

Puspusin mo kami sa pag-ibig

kaisa ni FRANCISCO na aming Papa,
ni JOSE na aming Obispo,
at ng tanang kaparian.

Alalahanin mo rin ang mga kapatid

naming nahimlay,
nang may pag-asang sila’y muling mabubuhay,
gayun din ang lahat ng mga pumanaw.
Kaawaan mo sila at patuluyin sa iyong kaliwanagan.
Kaawaan mo at pagindapatin kaming lahat
na makasalo sa iyong buhay na walang wakas.

Kaisa ng Mahal na Birheng Maria na Ina ng Diyos,

ng kabiyak ng puso niyang si San Jose,
kaisa ng mga apostol, ni SAN JUAN BAUTISTA,
at ng lahat ng mga banal
na namuhay dito sa daigdig nang kalugud-lugod sa iyo,
maipagdiwang nawa namin ang pagpupuri
sa ikararangal mo
Pagdaraupin ng pari ang kanyang mga kamay.

sa pamamagitan ng iyong Anak

na aming Panginoong Hesukristo.

Hahawakan ng pari ang pinggang may ostiya at ang kalis na kapwa niya itataas habang kanyang
ipinahahayag:

Sa pamamagitan ni Kristo, kasama niya at sa kanya,

ang lahat ng parangal at papuri ay sa iyo,
16 KARANIWANG PANAHON

Diyos Amang makapangyarihan,

kasama ng Espiritu Santo,
magpasawalang hanggan.
Ang mga tao ay magbubunyi:

Amen

ANG PAKIKINABANG
Pagkalapag ng kalis at pinggan sa dambana ipahahayag ng pari nang may magkadaop na mga kamay:

Sa tagubilin ng mga nakagagaling na utos

at turo ni Hesus na Panginoon natin at Diyos,
17 KARANIWANG PANAHON

ipahayag natin nang lakas-loob:

Ilalahad ng pari ang kanyang mga kamay at ipahahayag niya kaisa ng lahat:

Ama namin, sumasalangit ka.

Sambahin ang ngalan mo.
Mapasaamin ang kaharian mo.
Sundin ang loob mo,
dito sa lupa para nang sa langit.
Bigyan mo kami ngayon
ng aming kakanin sa araw-araw.
At patawarin mo kami sa aming mga sala
para nang pagpapatawad namin
sa nagkakasala sa amin.
At huwag mo kami ipahintulot sa tukso.
At iadya mo kami sa lahat ng masama.

Nakalahad ang mga kamay ng pari sa pagdarasal:

Hinihiling naming
kami’y iadya sa lahat ng masama,
pagkalooban ng kapayapaan araw-araw,
iligtas sa kasalanan
at ilayo sa lahat ng kapahamakan,
18 KARANIWANG PANAHON

samantalang aming pinananabikan

ang dakilang araw ng pagpapahayag
ng Tagapagligtas naming si Hesukristo.
Pagdaraupin niya ang kanyang mga kamay. Wawakasan ng sambayanan ang panalangin sa ganitong
pagbubunyi:

Sapagkat iyo ang kaharian,

at ang kapangyarihan at ang kapurihan
magpakailanman. Amen.
Pagkatapos, malakas na darasalin ng paring nakalahad ang mga kamay:

Panginoong Hesukristo,
sinabi mo sa iyong mga Apostol:
“Kapayapaan ang iniiwan ko sa inyo.
Ang aking kapayapaan ang ibinibigay ko sa inyo.”
Tunghayan mo ang aming pananampalataya
at huwag ang aming pagkakasala.
Pagkalooban mo kami ng kapayapaan
at pagkakaisa ayon sa iyong kalooban
Pagdaraupin ng pari ang kanyang mga kamay.

kasama ng Espiritu Santo magpasawalang hanggan.

Sasagot ang mga tao:

Amen.

Ang pari’y paharap sa sambayanang maglalahad at magdaraop ng mga kamay sa pagpapahayag.

Ang kapayapaan ng Panginoon ay laging sumainyo.

Sasagot ang mga tao:

At sumaiyo rin.
Maidaragdag, kung minamabuti, ang paanyayang ipahahayag ng diyakono o pari:
19 KARANIWANG PANAHON

Magbigayan kayo ng kapayapaan sa isa’t isa.

Alinsunod sa kaugalian ng iba’t ibang pook, ang mga nagsisimba ay magbibigayan ng kapayapaan. Ang pari at
mga tagapaglingkod ay makapagbibigayan ng kapayapaan.

Pagkatapos, hahawakan ng pari ang ostiya at hahati-hatiin niya ito sa ibabaw ng pinggan at isasawak niya
ang kaputol sa kalis habang pabulong niyang dinarasal:

Sa pagsasawak na ito
ng Katawan sa Dugo ng aming Panginoong Hesukristo,
tanggapin nawa namin sa pakikinabang
ang buhay na walang hanggan.
Samantalang ginaganap ang paghahati-hati sa ostiya, aawitin o ipahahayag ang pagluhog na ito:

Kordero ng Diyos,
na nag-aalis ng mga kasalanan ng sanlibutan,
maawa ka sa amin.

Kordero ng Diyos,
na nag-aalis ng mga kasalanan ng sanlibutan,
maawa ka sa amin.

Kordero ng Diyos,
na nag-aalis ng mga kasalanan ng sanlibutan,
ipagkaloob mo sa amin ang kapayapaan.
Magkadaop ang mga kamay ng pari sa pabulong na pagdarasal:

Panginoong Hesukristo, Anak ng Diyos na buhay,

sa kalooban ng Ama kasama ng Espiritu Santo,
binuhay mo sa iyong pagkamatay ang sanlibutan.
Pakundangan sa iyong banal na Katawan at Dugo,
iadya mo ako sa tanang aking kasalanan at lahat ng masama,
gawin mong ako’y makasunod lagi sa iyong mga utos,
at huwag mong ipahintulot na ako’y mawalay sa iyo kailanman.

Luluhod ang pari at pagtayo niya’y kanyang hahawakan ang ostiya na itataas sa ibabaw ng
pinggan. Paharap sa mga tao siyang magsasabi nang malakas:
20 KARANIWANG PANAHON

Ito ang Kordero ng Diyos.

Ito ang nag-aalis ng kasalanan ng sanlibutan.
Mapalad ang mga inaanyayahan sa kanyang piging.
Idurugtong niyang minsanan kaisa ng sambayanan:

Panginoon, hindi ako karapat-dapat na magpatuloy sa iyo

ngunit sa isang salita mo lamang ay gagaling na ako.
Siya’y makikinabang nang magalang at nakayuko sa dambana habang pabulong na nagdarasal:

Ipagsanggalang nawa ako ng Katawan ni Kristo

para sa buhay na walang hanggan.
Mapitagan niyang tatanggapin ang Katawan ni Kristo.

Pagkatapos, hahawakan ng pari ang kalis at pabulong na magdarasal:

Ipagsanggalang nawa ako ng Dugo ni Kristo

para sa buhay na walang hanggan.
Mapitagan niyang tatanggapin ang Dugo ni Kristo.

Hahawakan niya ang pinggan o lalagyan ng ostiya at lalapitan niya ang mga nakikinabang, bahagyang itataas
ang ostiya at sasabihin ng malakas sa buong kapulungan:

Katawan ni Kristo.

Ang nakikinabang ay tutugon: Amen.

Para sa pakikinabang sa Dugo ni Kristo, gaganapin ang nasasaad sa ika-240 hanggang sa ika-252 talata ng
Pagkalahatang Tagubilin ng Aklat ng Pagmimisa sa Roma.

Pagkapakinabang at pagkalinis ng pinggan at kalis, makababalik ngayon sa upuan ang pari. Makapag-uukol ng
ilang saglit na katahimikan o makaaawit ng papuri o salmo.

Pagkaraan, ang pari ay titindig sa harap ng upuan o sa gawi ng dambana at paharap sa mga nagsisimbang
magpapahayag:
21 KARANIWANG PANAHON

PANALANGING PAGKAPAKINABANG
Pari: Manalangin tayo

Bayan:
Ama naming mapagmahal,
pinagsaluhan namin sa banal na pakikinabang
ang alaalang walang kupas ng iyong Anak na nag-alay
ng sarili niyang buhay para sa aming kaligtasan.
Ipagkaloob mong ito ay magdulot ng pag-unlad
sa ipinamana niya sa aming pagliligtas
bilang Tagapamagitan kasama ng Espiritu Santo
magpasawalang hanggan.
Amen.

MARINGAL NA PAGBABASBAS
Sumainyo ang Panginoon
Pari: S
Bayan: At Sumaiyo rin A

PAGBABASBAS
Mahal na Poong Jesus Nazareno,
inihayag mo sa pamamagitan ng Krus
ang walang maliw na pag-ibig ng Diyos sa sangkatauhan
pakinggan mo ang kahilingan ng iyong Angkan
na nagsusumamo sa iyo,
makamtan nawa nila ang iyong katugunan
at tanggapin ang kasagutan
na may utang na loob na tinatanaw.
(Basbasan rin po ninyo
22 KARANIWANG PANAHON

ang mga dala-dala nilang imahen at dasalan )

Sa pamamagitan ng bendisyong ito,
nawa’y maalaala nila ang pangako nila noon sa binyag
na ikaw ay kanilang iibigin at paglilingkuran
bilang Panginoon,
magpasawalang hanggan. Amen.

Babasbasan ng pari ang mga tao habang kanyang ipinahahayag:

At pagpalain kayo ng makapangyarihang Diyos,

Ama at Anak  at Espiritu Santo.
Bayan: Amen.
Humayo kayong taglay ang kapayapaan
upang ang Panginoon ay mahalin at paglingkuran.
Sasagot ang mga tao: Salamat sa Diyos.
23 KARANIWANG PANAHON