Liturgy 101 2023 Biyernes Santo

Mga DAPAT ihanda sa Pagdiriwang
sa Pagpapakasakit ng Panginoon
• Ang lalagyan ng Krus na gagamitin sa Pagpaparangal ng Krus
• Kopya ng Pasyon ng ating Panginoon para sa mga tagabasa nito
• Mantel, 2 Kandila (para sa altar) 4 naman (sa tabi ng paglalagyan

ng Krus)*
• Banig o carpet para sa pagpapatirapa ng Tagapagdiwang
• Extra Microphone (2)
• Siguraduhing WALANG LAMAN ang Tabernakulo at WALA

ITONG ILAW. MAS MABUTI KUNG TAKPAN ITO NG TELA.
• Krus na may lambong (1)
Biyernes Santo: Pagdiriwang sa Pagpapakasakit ng Panginoon 1 | P a g e

BIYERNES SANTO
Pagdiriwang sa Pagpapakasakit ng Panginoon
Matagal nang kaugalian ng Simbahan ang hindi pagdiriwang ng mga sakramento ngayon at bukas.
Ang dambana ay walang anumang mantel, kandila, at krus.
Gaganapin sa ikatlo ng hapon ang pagdiriwang sa pagpapakasakit ng Panginoon, maliban kung

may ibang higit na mabuting dahilan upang gawin ito sa ibang oras ng hapon o gabi. May tatlong
yugto ang pagdiriwang ngayon: pagpapahayag ng Salita ng Diyos, pagpaparangal sa krus na banal
at pakikinabang.
Dito lamang sa pagdiriwang ngayon maaaring makinabang ang mga tao, ngunit maaaring hatidan
ng pakikinabang ang mga maysakit kahit anong oras maghapon yayamang sila’y hindi makadadalo
sa pagdiriwang na ito.
Ang tagapagdiwang at ang mga tagapaglingkod na kaanib sa banal na orden ay magsusuot ng

damit pang-Misa na kulay pula. Paroroon sila sa dako ng dambana, magbibigay galang dito, at
magpapatirapa o luluhod. Ang lahat ay tahimik na mananalangin.
Pagkatapos nito, paroroon ang tagapagdiwang at ang mga tagapaglingkod sa kanilang upuan.
Haharap sa mga tao ang tagapagdiwang at ipahahayag nang magkadaop ang mga kamay ang
isang panalangin.

Tagapagdaloy:
Natitipon tayo para sa Pagdiriwang ng Pagpapakasakit ng Panginoon. Tinanggap niya ang
kamatayan sa krus upang damayan tayo sa ating mga paghihirap. Gayunpaman naniniwala
tayo na ang kanyang kamatayan ang siyang maghahatid sa tagumpay, at panibagong buhay
naman para sa atin.
Sa halimbawa ni Hesus, pasanin nating ang ating mga krus ng buong tapang at katapatan.
Tignan nawa natin ang ating mga pagsubok sa diwa ng pananampalataya at pagtalima kay
Hesus upang maging ganap ang pagpapakasakit niya alang-alang sa kanyang Katawan, ang
Simbahang kinabibilangan natin.
PAGPASOK AT PAGPAPATIRAPA
Papasok ang tagapagdiwang at lahat ng tagapaglingkod sa altar.
Sa pagdapa ng mga tagapagdiwang, sasabihin ng tagapagdaloy.
Tagapagdaloy:
Magsiluhod po tayong lahat at tahimik na manalangin.
Pagtindig ng Tagapagdiwang.
Tagapagdaloy:
Tumayo po tayong lahat.
PAMBUNGAD NA PANALANGIN
Hindi ito pangungunahan ng “Manalangin tayo.”
ma naming makapangyarihan,
A alalahanin mo ang iyong awa at pagmamahal
at sa iyong paglingap gawin mong banal kaming lahat
na siyang dahilan kaya’t dugo’y dumanak
mula sa iyong nagpakasakit na Anak
upang pagsaluhin kami
sa piging ng Pagkabuhay na kanyang itinatag
bilang aming Tagapamagitan kasama ng Espiritu Santo
magpasawalang hanggan.
Amen.

PAGPAPAHAYAG NG SALITA NG DIYOS
Tagapagdaloy:
Tayo’y magsiupo at makinig sa Salita ng Diyos.
Ayon kay Isaias, ang mahiwagang Lingkod ng Diyos ay isang paglalarawan kay Kristo na
nagtamo ng mga sugat dala ng ating mga kasalanan. Ngunit dahil na rin sa pagpapakasakit
niyang ito, tayong lahat kanyang pinagaling.
UNANG PAGBASA
52, 13-53, 12
Pagbasa mula sa aklat ni Propeta Isaias

Sinabi ng Panginoon,
“Ang lingkod ko’y magtatagumpay sa kanyang gawain,
mababantog siya at dadakilain.
Marami ang nagitla nang siya’y makita,
dahil sa pagkabugbog sa kanya’y
halos di makilala kung siya’y tao.
Ngayo’y marami rin
ang mga bansang magugulantang;
pati mga hari pag siya’y nakita ay matitigilan,
makikita nila ang di nabalita kahit na kailan,
at mauunawa ang di pa narinig ninuman!”
Sagot ng mga tao,

”Sino ang maniniwala sa ibinalita naming ito?
Sino ang makapagpapatunay
na pinahihintulutan ito ng Panginoon?
Kalooban ng Panginoon na ang kanyang lingkod
ay matulad sa isang halamang natanim sa tuyong lupa,
walang katangian o kagandahang makatawag-pansin,
wala siyang taglay na pang-akit para lapitan siya.
Hinamak siya ng mga tao at itinakwil.
Nagdanas siya ng sakit at hirap.
Wala man lang nagtapon ng sulyap sa kanya.
Hindi natin siya pinansin,
para siyang walang kabuluhan.
Tiniis niya ang hirap na tayo ang dapat magbata,
Gayun din ang kirot na tayo sana ang lumasap;
Akala natin ang dinanas niya’y parusa sa kanya ng Diyos.
Dahil sa ating mga kasalanan kaya siya nasugatan;

Siya ay binugbog dahil sa ating kasamaan.
Tayo ay gumaling dahil sa pahirap na tinamo niya
at sa mga hampas na kanyang tinanggap.
Tayong lahat ay parang mga tupang naligaw;
nagkanya-kanya tayo ng lakad.
Ngunit inibig ng Panginoon

na sa kanya ipataw ang parusang tayo ang dapat tumanggap.
Siya ay binugbog at pinahirapan,
ngunit di tumutol kahit kamunti man;
tulad ay korderong hatid sa patayan,
parang mga tupang hindi tumututol kahit na gupitan,
ni hindi umimik kahit gaputok man.
nang siya’y hulihin, hatulan at dalhin sa dakong patayan,
wala mang nangahas na ipagsanggalang,
wala man lang dumamay.
Siya ay pinatay dahil sa sala ng sangkatauhan.
Siya’y inilibing na kasama ng masasama at mayayaman,
bagaman wala siyang kasalanan
o nagsabi man ng kasinungalingan.
Sinabi ng Panginoon,
”Ang kanyang paghihirap ay kalooban ko;
inihandog niya ang sarili upang sa pamamagitan noon
ay magkaroon ng kapatawaran.
Dahil dito’y mabubuhay siya nang matagal,

makikita ang lahing susunod sa kanya.
At sa pamamagitan niya’y maisasagawa ang aking panukala.
Pagkatapos ng pagdurusa, lalasap siya ng ligaya,
malalaman niyang hindi nawalan ng kabuluhan
ang kanyang pagtitiis.
Ang aking tapat na lingkod at lubos kong kinalulugdan
ang siyang tatanggap sa parusa ng marami
at alang-alang sa kanya sila’y aking patatawarin.
Dahil dito siya’y aking pararangalan,
kasama ng mga dakila;
pagkat kusang-loob niyang ibinigay ang sarili
at nilasap ang kaparusahan ng masasama.
Inako niya ang mga kasalanan
at idinalanging sila’y patawarin.”
Ang Salita ng Diyos.

Salamat sa Diyos.
SALMONG TUGUNAN
Salmo 31, 2. 6. 12-13. 15-16. 17. 25
Ama, sa mga kamay mo habilin ko ang buhay ko.
Sa iyo, O Poon, ako’y lumalapit

upang ingatan mo, nang hindi malupig;
Sa mga kamay mo habilin ko’y buhay ko.
Tagapagligtas kong tapat at totoo.
Lahat kong kaaway ay humahalakhak,

pati kapitbahay ako’y hinahamak;
Dating kakilala ay nagsisiilag,
kung masalubong ko ay nagsisiiwas.
Nilimot na akong tulad ng namatay,
di na pinapansin, parang yagit lamang.
Subalit O Poon, aking tiwala

ay sasaiyo, Diyos na dakila!
Sa iyong kalinga, umaasa ako,
laban sa kaaway ay ipagtatanggol mo;
At sa umuusig na sinumang tao.
Itong iyong lingkod, sana ay lingapin,

ingatan mo ako’t iyong pagpalain;
Iligtas mo ako at iyong sagipin,
tanda ng pag-ibig na di magmamaliw!
O magpakatatag ang mga nilikha,
lahat ng sa Poon ay nagtitiwala.

IKALAWANG PAGBASA
4, 14-16; 5, 7-9
Tagapagdaloy:
Si Hesus ay nagdusa sa pagtanggap niya sa kanyang pagpapakasakit, ngunit hanggang sa
dulo ng kanyang buhay naging masunurin siyang Anak. Sapagkat naranasan niya ang
kahinaan, sakit, at pagdurusa, siya ngayon ang ating dakila at maunawaing tagapamagitan
sa Ama.
Pagbasa mula sa Sulat sa mga Hebreo

Mga kapatid:
Magpakatatag tayo sa ating pananampalataya, yamang
mayroon tayong dakilang saserdote na pumasok sa
kalangitan sa harapan ng Diyos, walang iba kundi si Hesus
na Anak ng Diyos. Ang dakilang saserdote nating ito ay
nakauunawa sa ating mga kahinaan sapagkat sa lahat ng
paraa’y tinukso siya tulad natin, ngunit hindi nagkasala.
Kaya’t huwag na tayong mag-atubiling lumapit sa trono ng
mahabaging Diyos, at doo’y kakamtan natin ang habag at
kalinga sa panahong kailangan natin ito.
Noong si Hesus ay namumuhay rito sa lupa, siya’y
dumalangin at lumuluhang sumamo sa Diyos na
makapagliligtas sa kanya sa kamatayan. At dininig siya dahil
sa lubusan siyang nagpakumbaba. Bagamat siya’y Anak ng
Diyos, natutuhan niya ang tunay na kahulugan ng pagsunod
sa pamamagitan ng pagtitiis. At nang maganap na niya ito,
siya’y naging walang hanggang Tagapagligtas ng lahat ng
sumusunod sa kanya.
Ang Salita ng Diyos.
Bayan:
Salamat sa Diyos.
Tagapagpadaloy:
Tayo’y magsitayo sa paggalang sa Mabuting Balita ng Panginoon.

AWIT-PAMBUNGAD SA MABUTING BALITA
Filipos 2, 8-9
Masunuring Kristo Hesus

naghain ng buhay sa krus,
kaya’t dinakila ng D’yos
binigyan ng ngalang tampok
sa langit at sansinukob.
ANG PAGPAPAKASAKIT NG PANGINOON

Ang pagpapakasakit ng Panginoon ay ipahahayag nang walang nakapaligid na kandila at
pagiinsenso, wala ring pagbati at pagkukrus. Ang gaganap ng pagpapahayag ay ang diyakono o ang
tagapagdiwang kapag walang diyakono. Magagampanan din ito ng mga ibang tagapaglahad ng mga
pagbasa at kung maaari ang mga pangungusap ni Kristo ay aakuin ng tagapagdiwang.
Kung diyakono ang magpapahayag, hihilingin niyang siya’y gawaran ng pagpapala ng

tagapagdiwang alinsunod sa ginagawa bago ipahayag ang Mabuting Balita.
Pagkatapos ng pagpapahayag ng pagpapakasakit ng Panginoon, maaaring magbigay ng maikling

paliwanag o homiliya.
Hindi hahalikan ang Aklat ng Mabuting Balita. Matapos sabihin ng Pari o Diyakono kung saan
halaw ang Pasyon, agad uumpisahan ng Tagapagsalaysay ang Pasyon. WALANG: “PAPURI SA
IYO PANGINOON” Susunod ang homiliya.
MGA MAGSISIGANAP:
1. Tagapagsalaysay
2. Hesus
3. Taong-Bayan
4. Babae
5. Pedro
6. Sundalo/Kawal
7. Pilato
8. Saserdote

BIYERNES SANTO
SA PAGPAPAKASAKIT NG PANGINOON
ABK
 Ang Pagpapakasakit ng ating Panginoong Hesuskristo

ayon kay San Juan 18, 1-19, 42
Walang pagbati ni pagkukrus ang pagbasa ng Pasyon. Walang sagot ang bayan.
Tagapagsalaysay:
Noong panahong iyon: Umalis si Hesus kasama ang kanyang mga alagad. Pumunta sila sa
ibayo ng batis Cedron at pumasok sa isang halamanan doon. Ang lugar na ito’y alam ni Judas
na nagkanulo sa kanya, sapagkat madalas magpunta roon si Hesus at ang kanyang mga
alagad. Pumaroon si Judas, kasama ang ilang bantay sa templo at isang pangkat ng mga
kawal na padala ng mga punong saserdote at mga Pariseo. May dala silang mga parol, sulo
at sandata. Alam ni Hesus ang lahat ng mangyayari sa kanya, kaya’t sila’y sinalubong niya at
tinanong,
Hesus:
“Sino ang hinahanap ninyo?”
Bayan:
“Si Hesus na taga-Nazaret,”
Hesus:
“Ako si Hesus.”
Tagapagsalaysay:
Kaharap nila si Judas na nagkanulo sa kanya. Nang sabihin ni Hesus na siya nga, napaurong
sila at nabuwal sa lupa. Muli siyang nagtanong,
Hesus:
“Sino nga ba ang hinahanap ninyo?”
Bayan:
“Si Hesus na taga-Nazaret,”
Hesus:
“Sinabi ko na sa inyong ako si Hesus.
Kung ako ang hinahanap ninyo,
hayaan ninyong umalis ang mga taong ito,”
Tagapagsalaysay:
Sinabi niya ito upang matupad ang kanyang salita, “Walang napahamak kahit isa sa mga
ibinigay mo sa akin, Ama.” Binunot ni Simon Pedro ang kanyang tabak at tinaga ang alipin
ng pinakapunong saserdote. Natigpas ang kanang tainga ng aliping yaon na ang pangala’y
Malco. Sinabi ni Hesus kay Pedro,
Hesus:
“Isalong mo ang iyong tabak!
Dapat kong inumin ang kalis ng paghihirap
na ibinigay sa akin ng Ama.”
Tagapagsalaysay:
Si Hesus ay dinakip at ginapos ng mga bantay na Judio at ng pangkat ng mga kawal sa
pamumuno ng kanilang kapitan. Siya’y dinala muna kay Anas na biyenan ni Caifas na
pinakapunong saserdote nang panahong yaon. Si Caifas ang nagpayo sa mga Judio na mas
mabuti para sa kanila na isang tao lamang ang mamatay alang-alang sa bayan. Si Simon
Pedro at ang isa pang alagad ay sumunod kay Hesus. Kilala ng pinakapunong saserdote ang
alagad na ito, kaya’t nakapasok siyang kasama ni Hesus sa patyo ng bahay ng pinakapunong
saserdote. Naiwan naman si Pedro sa labas ng pintuan. Lumabas ang alagad na kilala ng
pinakapunong saserdote, kinausap ang dalagang nagbabantay sa pinto, at pinapasok si
Pedro. Si Pedro’y tinanong ng dalaga,
Babae:
“Hindi ba’t isa ka sa mga alagad ng taong iyan?”
Tagapagsalaysay:
Sumagot si Pedro.
Pedro:
“Hindi,”
Tagapagsalaysay:
Maginaw noon, kaya’t nagpabaga ng uling ang mga alipin at mga bantay at tumayo sa paligid
ng siga upang magpainit. Nakihalo si Pedro at nagpainit din. Si Hesus ay tinanong ng
pinakapunong saserdote tungkol sa kanyang mga alagad at sa kanyang itinuturo. Sumagot
si Hesus,

Hesus:
“Hayagan akong nagsasalita sa madla;
lagi akong nagtuturo sa mga sinagoga
at sa templo ng mga Judio.
Wala akong sinabing palihim.
Bakit ako ang tinatanong ninyo?
Ang tanungin ninyo’y ang mga nakarinig sa akin;
alam nila kung ano ang sinabi ko.”
Tagapagsalaysay:
Pagkasabi nito, siya’y sinampal ng isa sa mga bantay na naroroon.
Sundalo:
“Bakit mo sinasagot nang ganyan ang pinakapunong saserdote?”
Tagapagsalaysay:
Sinagot siya ni Hesus,
Hesus:
“Kung nagsalita ako ng masama, patunayan mo!
Ngunit kung mabuti ang sinabi ko, bakit mo ako sinampal?”
Tagapagsalaysay:
Si Hesus na nakagapos pa noon ay ipinadala ni Anas kay Caifas, ang pinakapunong saserdote.
Samantala, naroon pa rin si Simon Pedro at nagpapainit. Siya’y tinanong nila,
Bayan:
“Hindi ba’t alagad ka rin ng taong iyan?”
Tagapagsalaysay:
Sumagot si Pedro.
Pedro:
“Hindi!”
Tagapagsalaysay:
Tinanong naman siya ng isa sa mga alipin ng pinakapunong saserdote, kamag-anak ng
lalaking tinigpasan niya ng tainga,

Bayan:
“Hindi ba ikaw ang nakita kong kasama ni Hesus sa halamanan?”
Tagapagsalaysay:
Muling itinatwa ito ni Pedro. Siya namang pagtilaok ng manok. Mula sa bahay ni Caifas, si
Hesus ay dinala nila sa palasyo ng gobernador. Umaga na noon. Hindi pumasok ang mga
Judio sa palasyo ng gobernador, upang sila’y huwag maituring na di karapat-dapat kumain
ng Hapunang Pampaskuwa. Kaya’t sa labas sila tinanggap ni Pilato at tinanong,
Pilato:
“Ano ang sakdal ninyo laban sa taong ito?”
Tagapagsalaysay:
Sumagot sila,
Bayan:
“Kung hindi po siya gumawa ng masama,
hindi namin siya dadalhin sa inyo.”
Tagapagsalaysay:
Sinabi sa kanila ni Pilato,
Pilato:
“Dalhin ninyo siya, at hatulan ayon sa inyong kautusan.”
Tagapagsalaysay:
Sumagot ang mga Judio,
Bayan:
“Wala po kaming kapangyarihang humatol ng kamatayan kaninuman.”
Tagapagsalaysay:
Nangyari ito upang matupad ang sinabi ni Hesus tungkol sa paraan ng kanyang pagkamatay.
Si Pilato’y pumasok uli sa palasyo at tinawag si Hesus,
Pilato:
“Ikaw ba ang Hari ng mga Judio?”
Tagapagsalaysay:
Sumagot si Hesus,
Hesus:
“Iyan ba’y galing sa inyong sariling isipan,
o may nagsabi sa inyo?”
Tagapagsalaysay:
tinanong siya ni Pilato.
Pilato:
“Ako ba’y Judio?”
“Ang mga kababayan mo at ang mga punong saserdote ang nagdala sa iyo rito. Ano ba ang
ginawa mo?”
Tagapagsalaysay:
Sumagot si Hesus,
Hesus:
“Ang kaharian ko’y hindi sa sanlibutang ito.
Kung sa sanlibutang ito ang aking kaharian,
ipinakipaglaban sana ako ng aking mga tauhan
at hindi naipagkanulo sa mga Judio.
Ngunit hindi sa sanlibutang ito ang aking kaharian!”
Pilato:
“Kung gayon, isa kang hari?”
Tagapagsalaysay:
Sumagot si Hesus,
Hesus:
“Kayo na ang nagsasabing ako’y hari.
Ito ang dahilan kung bakit ako ipinanganak
at naparito sa sanlibutan:
upang magsalita tungkol sa katotohanan.
Nakikinig sa aking tinig ang sinumang nasa katotohanan.”
Tagapagsalaysay:
tinanong siya ni Pilato.
Pilato:
“Ano ba ang katotohanan?”

Tagapagsalaysay:
Pagkasabi nito, muling lumabas si Pilato at sinabi sa mga Judio,
Pilato:
“Wala akong makitang kasalanan sa taong ito. Ngunit ayon sa inyong kaugalian, dapat akong
magpalaya ng isang bilanggo kung araw ng Paskuwa. Ibig ba ninyong palayain ko ang Hari
ng mga Judio?”
Bayan:
“Hindi!” “Huwag siya, kundi si Barrabas!”
Tagapagsalaysay:
Si Barrabas ay isang tulisan. Kaya’t ipinakuha ni Pilato si Hesus at ipinahagupit. Ang mga
kawal ay kumuha ng halamang matinik, ginawang korona, at ipinutong kay Hesus. At
sinuutan siya ng balabal na purpura. Isa’t isa’y lumalapit sa kanya at ang wika,
Kawal:
“Mabuhay ang Hari ng mga Judio!”
Tagapagsalaysay:
At si Hesus ay pinagsasampal. Lumabas uli si Pilato at sinabi sa kanila,
Pilato:
“Ihaharap ko siya sa inyo upang malaman ninyo
na wala akong makitang kasalanan niya!”
Tagapagsalaysay:
At inilabas si Hesus na may koronang tinik at balabal na purpura. Sinabi sa kanila ni Pilato,
Pilato:
“Narito ang tao!”
Tagapagsalaysay:
Pagkakita sa kanya ng mga punong saserdote at ng mga bantay, sila’y sumigaw:
Bayan:
“Ipako siya sa krus! Ipako sa krus!”
Tagapagsalaysay:
Sinabi ni Pilato,
Pilato:
“Kunin ninyo siya, at kayo ang magpako sa kanya.
Wala akong makitang kasalanan niya.”

Tagapagsalaysay:
Sumagot ang mga Judio,
Saserdote:
“Ayon sa aming kautusa’y nararapat siyang mamatay,
sapagkat siya’y nagpapanggap na Anak ng Diyos.”
Tagapagsalaysay:
Lalong natakot si Pilato nang marinig ang mga pananalitang ito. Muli siyang pumasok sa
palasyo at tinanong si Hesus,
Pilato:
“Tagasaan ka ba?”
Tagapagsalaysay:
Subalit hindi tumugon si Hesus. Ani Pilato.
Pilato:
“Ayaw mo bang makipag-usap sa akin?”
“Hindi mo ba alam na maaari kitang palayain o ipapako sa krus?”
Tagapagsalaysay:
At sumagot si Hesus,
Hesus:
“Kaya mo lamang magagawa iyan
ay sapagkat ipinagkaloob sa iyo ng Diyos
ang kapangyarihang iyan,
kaya mas mabigat ang kasalanan ng nagdala sa akin dito.”
Tagapagsalaysay:
Nang marinig ito ni Pilato, lalo niyang hinangad na palayain si Hesus. Ngunit nagsigawan
ang mga tao,
Bayan:
“Kapag pinalaya mo ang taong iyan, hindi ka kaibigan ni Cesar!
Sinumang nagpapanggap na hari ay kalaban ng Cesar.”

Tagapagsalaysay:
Pagkarinig ni Pilato sa pangungusap na ito, inilabas niya si Hesus. At siya’y lumuklok sa
hukuman, sa dakong tinatawag na “Ang Plataporma,” Gabata sa wikang Hebreo. Araw noon
ng Paghahanda sa Paskuwa at mag-iikalabindalawa na ng tanghali. Sinabi ni Pilato sa mga
Judio,
Pilato:
“Narito ang inyong hari!”
Tagapagsalaysay:
Sumigaw sila,
Bayan:
“Patayin siya! Patayin! Ipako sa krus!”
Tagapagsalaysay:
tanong ni Pilato
Pilato:
“Ipapako ko ba sa krus ang inyong hari?”
Tagapagsalaysay:
Sumagot ang mga punong saserdote,
Saserdote:
“Wala kaming hari kundi ang Cesar!”
Tagapagsalaysay:
Kaya’t si Hesus ay ibinigay sa kanila ni Pilato upang ipako sa krus. Kinuha nga nila si Hesus.
At lumabas siya na pasan ang kanyang krus, patungo sa lugar na kung tawagi’y “Dako ng
Bungo,” Golgota sa wikang Hebreo. Pagdating doon, siya’y ipinako sa krus, kasama ng
dalawa pa — isa sa gawing kanan at isa sa kaliwa. Sumulat si Pilato ng ganitong
pangungusap at ipinalagay sa krus: “Si Hesus na taga-Nazaret, ang Hari ng mga Judio.”
Nasusulat ito sa mga wikang Hebreo, Latin, at Griego at marami sa mga Judio ang nakabasa
nito, sapagkat malapit sa lungsod ang dakong pinagpakuan kay Hesus. Kaya’t sinabi ng mga
punong saserdote kay Pilato,
Saserdote:
“Huwag ninyong isulat na Hari ng mga Judio, kundi, ‘Sinabi ng taong ito, Ako
ang Hari ng mga Judio.’“
Tagapagsalaysay:
Sumagot si Pilato,
Pilato:
“Ang naisulat ko’y naisulat ko na.”
Tagapagsalaysay:
Nang maipako na ng mga kawal si Hesus, kinuha nila ang kanyang kasuotan at pinaghati-
hatian ng apat. Kinuha rin nila ang kanyang tunika; ito’y walang tahi at hinabi nang buo mula
sa itaas hanggang sa ibaba. Nag-usap-usap ang mga kawal,
Sundalo:
“Huwag nating punitin ito; magsapalaran na lamang tayo para malaman kung kanino ito
mauuwi.”
Tagapagsalaysay:
Nangyari ito upang matupad ang isinasaad ng Kasulatan, “Pinaghati-hatian nila ang aking
mga kasuotan; at ang aking damit ay kanilang pinagsapalaran.” Gayon nga ang ginawa ng
mga kawal. Nakatayo sa tabi ng krus ni Hesus ang kanyang ina at ang kapatid na babae
nitong si Maria, na asawa ni Cleopas. Naroon din si Maria Magdalena. Nang makita ni Hesus
ang kanyang ina, at ang minamahal niyang alagad sa tabi nito, kanyang sinabi,
Hesus:
“Ginang, narito ang iyong anak!”
Tagapagsalaysay:
At sinabi ni Hesus sa alagad,
Hesus:
“Narito ang iyong ina!”
Tagapagsalaysay:
Mula noon, siya’y pinatira ng alagad na ito sa kanyang bahay. Pagkatapos nito, alam ni Hesus
na naganap na ang lahat ng bagay; at bilang katuparan ng Kasulatan ay sinabi niya,
Hesus:
“Nauuhaw ako!”
Tagapagsalaysay:
May isang mangkok doon na puno ng maasim na alak. Itinubog nila rito ang isang espongha,
ikinabit sa sanga ng isopo at idiniit sa kanyang bibig. Nang masipsip ni Hesus ang alak ay
kanyang sinabi,

Hesus:
“Naganap na!”
Tagapagsalaysay:
Iniyukayok niya ang kanyang ulo at nalagot ang kanyang hininga.
Dito luluhod ang tanan at sandaling mananahimik.

Hihintayin ang pari na tumayo, at saka patatayuin ang kongregasyon.
Noo’y Araw ng Paghahanda, at ayaw ng mga Judio na manatili sa krus ang mga bangkay sa
Araw ng Pamamahinga sapagkat dakila ang Araw ng Pamamahingang ito. Kaya’t hiniling nila
kay Pilato na ipabali nito ang mga binti ng mga ipinako sa krus, at alisin doon ang mga
bangkay. Naparoon nga ang mga kawal at binali ang mga binti ng dalawang ipinakong
kasabay ni Hesus.
Ngunit pagdating nila kay Hesus at makitang patay na siya, hindi na nila binali ang kanyang
binti. Subalit inulos ng sibat ng isa sa mga kawal ang tagiliran ni Hesus, at biglang dumaloy
ang dugo at tubig. Ang nakakita nito ang nagpapatotoo — tunay ang kanyang patotoo at alam
niyang katotohanan ang sinabi niya — upang kayo’y maniwala. Nangyari ang mga ito upang
matupad ang sinasabi ng Kasulatan, “Walang mababali isa man sa kanyang mga buto.” At
sinabi naman ng ibang bahagi ng Kasulatan, “Pagmamasdan nila ang kanilang inulos.”
Pagkatapos nito, si Jose na taga-Arimatea ay nagsadya kay Pilato upang humingi ng

pahintulot na makuha ang bangkay ni Hesus. Si Jose’y isang alagad ni Hesus, nguni’t palihim
nga lamang dahil sa takot sa mga Judio. At pinahintulutan siya ni Pilato; kaya’t kinuha ni Jose
ang bangkay ni Hesus. Sumama sa kanya si Nicodemo, may dalang pabango — mga sandaang
libra ng pinaghalong mira at aloe. Siya ang nagsadya kay Hesus isang gabi. Kinuha nila ang
bangkay ni Hesus, at nilagyan ng pabango habang binabalot sa kayong lino, ayon sa
kaugalian ng mga Judio. Sa pinagpakuan kay Hesus ay may isang halamanan, at dito’y may
isang bagong libingang hindi pa napaglilibingan. Yamang noo’y araw ng Paghahanda ng mga
Judio, at dahil sa malapit naman ang libingang ito, doon nila inilibing si Hesus.
Tagapagdiwang:
Ang Pasyon ng Panginoon
Hindi hahalikan ang Aklat ng Mabuting Balita
Pinupuri ka namin, Panginoong Hesukristo.
Maaring magkaroon ng maikling homilya o paliwanag pagkatapos ng pagpapahayag

tungkol sa pagpapakasakit ng Panginoon.

PANALANGING PANGKALAHATAN
Ang pagpapahayag ng Salita ng Diyos ay wawakasan ng panalanging pangkalahatan. Tatayo
ang tagapagdiwang sa harap ng kanyang upuan, o sa pook ng pagbasa, o sa dambana. lpahahayag
nang magkadaop ang mga kamay ng tagapagdiwang ang pambungad na naglalahad ng bawat
kahilingan. Lahat ay luluhod at saglit mananalangin nang tahimik. Pagkatapos nito, ihahayag ng
tagapagdiwang ang panalangin. Ang mga nagsisimba ay maaaring lumuhod o tumindig sa buong
panalanging pagkalahatan.
Maaari rin namang ipasyang gawin ang dating paanyayang lumuhod at manalangin: “Magsiluhod
tayo - Tumindig tayo.”
Tagapagpadaloy:
Tumayo po ang lahat.
Si Hesukristo ang ating Panginoon at Tagapagligtas na mag-alay ng

kanyang sarili para sa lahat ng tao. Sa pagkamatay niya sa Krus, inilapit
niya at pinag-isa ang lahat ng tao sa kanya. Manalangin tayo ngayon sa
ating Ama sa langit para sa mga pangangailangan ng Simbahan at
sanlibutan.

1. Para sa Banal na Simbahan
Tagabasa:
Idalangin natin, mga mahal kong kapatid,
ang banal na Sambayanan ng Diyos sa buong daigdig.
Upang pagkalooban ng kapayapaan at pagkupkop,
pagkakaisa at pagtataguyod
ang mga kaanib nito sa sansinukob
at upang tayo’y bigyan ng pamumuhay na matiwasay
para tayo’y makasamba sa Diyos Ama
nating makapangyarihan.
Tagapagpadaloy:
Magsiluhod po ang lahat.
Tahimik na mananalangin ang lahat. Pagkaraa’y aawitin ng tagapagdiwang ang sumusunod na
panalangin na nakalahad ang mga kamay.
ma naming Makapangyarihan,
A sa katauhan ng Anak mong si Kristo

ipinahayag mo ang iyong kadakilaan
sa lahat ng mga tao.
Lingapin mong ang iyong mga ginagawa dahil sa pag-ibig
upang ang iyong Sambayanang laganap sa buong daigdig
ay mamalaging matatag sa pananampalatayang iyong bigay
para sambahin ang banal mong ngalan
sa pamamagitan ni Hesukristo
kasama ng Espiritu Santo magpasawalang hanggan.
Bayan: Amen.

2. Para sa Santo Papa
Tagapagpadaloy:
Tagabasa:
Idalangin natin ang ating Banal na Papa na si Francisco,
na hinirang ng Diyos sa hanay ng mga tagapangasiwa
upang kanyang bigyan ng kalusugan at mahabang buhay
para sa kapakanan ng kanyang banal na Sambayanang
ipinagkatiwala para paglingkuran.
Tagapagpadaloy:
A sa iyong kapasyahan umiiral ang sanlibutan.

Paunlakan mo ang aming kahilingan
na iyong lingapin si Papa N., na iyong hinirang
para kami pangasiwaan upang ang
Sambayanang Kristiyano na iyong pinamumunuan
ay mapamahalaan niya nang may kaunlaran
sa pananampalataya at gawang kabutihang
iyong inaasahan sa pamamagitan ni Hesukristo
Bayan: Amen.

3. Para sa Kaparian at Lahat ng Kaanib ng Simbahan
Tagapagpadaloy:
Tagabasa:
Idalangin din natin si Sofronio, na ating Obispo,
gayun din ang lahat ng mga Obispo, mga pari,
at mga diyakono at ang tanang kabilang
sa Sambayanang Kristiyano.
Tagapagpadaloy:
A ang iyong Espiritu ay nagpapabanal
at nagtataguyod sa buong Simbahan.
Dinggin mo ang aming pagluhog
para sa iyong mga tagapaglingkod
upang mapaglingkuran kang matapat
sa tulong ng iyong kagandahang-loob
Bayan: Amen.

4. Para sa mga Inihahandang Tao sa Pagbibinyag
Tagapagpadaloy:
Tagabasa:
Idalangin din natin ang mga inihahandang tao
sa pagbibinyag upang ang kanilang kalooban
ay makatugon sa pagtawag ng Diyos Ama
nating makapangyarihan para sa tubig ng binyag
sila’y muling maisilang sa ikapagpapatawad
ng lahat ng kasalanan at sa ikapagkakamit
ng pakikisalo kay Hesus na Poong mahal.
Tagapagpadaloy:
A lagi mong pinauunlad ang Sambayanan

sa pagkakaroon ng karagdagang kabilang.
Sa pananampalataya at pagkaunawa
ay magkaroon nawa ng pag-unlad
ang mga inihahanda sa pagbibinyag
upang sa muli nilang pagsilang bilang binyagan
siIa’y mapabilang sa mga kaanib ng iyong angkan
Bayan: Amen.

5. Para sa Pagkakaisa ng mga Kristiyano
Tagapagpadaloy:
Tagabasa:
Idalangin din natin ang lahat ng ating mga kapatid
na pawang kay Hesukristo nananalig
upang marapatin ng Diyos Ama nating makapangyarihan
na sila’y tipunin at lingapin sa iisa niyang Sambayanan.
Tagapagpadaloy:
A tinitipon mo ang mga nawalay

at tinatangkilik mo ang mga nagkakatipon
sa iyong Sambayanan.
Lingapin mo ang mga kabilang sa kawan ng iyong Anak
na sa iyo itinalaga sa buklod ng iisang binyag
upang sila’y magkabuklod sa buong pananalig
at sila’y magkapisan sa buklod ng pag-ibig
Bayan: Amen.

6. Para sa mga Judio
Tagapagpadaloy:
Tagabasa:
Idalangin din natin ang mga Judio
na unang pinagpahayagan ng Diyos na totoo
upang ipagkaloob niyang sa pag-ibig sa kanyang ngalan
sila ay umunlad sa pagiging matapat sa kanyang tipan.
Tagapagpadaloy:
A pinangangatawanan mo ang iyong mga pangako

kay Abraham at sa tanang sa kanya ay sumilang.
Dinggin mo ang pagluhog ng iyong Sambayanan
upang ang mga tao na iyong unang hinirang
ay pagindapating sumapit sa kaganapan ng kaligtasan
Bayan: Amen.

7. Para sa mga Di Sumasampalataya kay Kristo
Tagapagpadaloy:
Tagabasa:
Idalangin din natin ang tanang hindi pa sumasampalataya
kay Kristo upang tahakin nila ang landas ng kaligtasan
na nililiwanagan ng Espiritu Santo.
Tagapagpadaloy:
A gawin mong ang mga hindi pa nananalig sa iyong

Anak
ay makatuklas sa katotohanan sa pamumuhay nilang wagas
at kaming sa pag-ibig mo ay laging umuunlad
sa pagmamalasakit sa tanang sa iyo’y humahanap
ay maging mga saksing mapapaniwalaan
ng iyong dakilang pag-ibig sa sanlibutan
Bayan: Amen.

8. Para sa mga Hindi pa Sumasampalataya sa Diyos
Tagapagpadaloy:
Tagabasa:
Idalangin din natin ang mga hindi pa
sumasampalataya sa Diyos
upang pagindapating sa kanya’y makadulog
sa paniniwalang wagas na kanilang sinusunod.
Tagapagpadaloy:
A nilikha mo ang lahat ng mga tao

upang lagi kang hanapin
at pag natagpuan ka’y masiyahang walang maliw.
Ipagkaloob mong kahit may mga di kanais-nais na balakid
mabanaagan pa rin ng tanan ang mga pahiwatig
ng iyong pag-ibig at matanggap nito
ang mga gawang kabutihan
ng mga sumasampalataya bilang kaakit-akit na katibayan
na ikaw ang Diyos na totoo at Amang aming pinanggalingan
Bayan: Amen.

9. Para sa Umuugit sa Pamahalaan
Tagapagpadaloy:
Tagabasa:
Idalangin natin ang mga may tungkuling maglingkod
sa bayanat umuugit sa ating pamahalaan
upang ang kalooban nila ay itaguyod ng Amang Maykapal
alinsunod sa kanyang kinalulugdan
sa ikapagkakamit ng kapayapaan at kalayaan ng tanan.
Tagapagpadaloy:
A nasa iyong kamay ang adhika at karapatan ng tanan.

Tunghayan mo ang mga umuugit sa aming
pamahalaan
upang sumagana ang tanan sa sanlibutan
sa ikapagkakamit ng kapayapaan
at ikapapanatili ng kalayaan
na ikaw ay sambahin
alinsunod sa iyong loobin
Bayan: Amen.

10. Para sa mga may Tanging Pangangailangan
Tagapagpadaloy:
Tagabasa:
Idalangin natin, mga kapatid,
sa Ama nating makapangyarihan
na ang sanlibutan ay maibsan ng tanang katiwalian,
ang mga karamdaman ay malunasan,
ang kagutuman ay maparam,
ang mga nasa piitan ay lumayang tuluyan,
ang mga naaapi ay mahango sa kawalang-katarungan,
ang mga naglalakbay
ay maluwalhating sumapit sa paroroonan,
ang mga nasa ibang bansa ay makauwi sa kanilang bayan,
ang mga maysakit ay magkamit ng kagalingan
at ang mga nag-aagaw-buhay ay matiwasay na mahimlay.
Tagapagpadaloy:
A binubuhayan mo ng loob ang mga nasa kapighatian,

pinatatatag mo ang mga may mabigat na pinapasan.
Paunlakan mo ang mga kahilingan
ng mga dumaraing dahil sa maraming mga pinagtitiisan
upang bawat nasa kagipitan
ay magkamit ng kasiyahang madama ang iyong pagmamahal
Bayan: Amen.

PAGPAPARANGAL SA BANAL NA KRUS
Pagkatapos ng panalanging pangkalahatan, gaganapin ang pagpaparangal sa krus na banal.
(Souce: Ceremonial of Bishops # 322).
Ang Obispo, ang mga kaparian, mga diyakono, at ang sambayanan ay lalapit nang paprusisyon
upang magbigay-galang sa krus. (Ang obispo ay walang mitra, walang chasuble, sapatos, at
skullcap). Unang magpaparangal ang Obispo at pagkatapos ay babalik siya sa Katedra at magsusuot
ng chasuble at sapatos. Ang Obispo ay walang mitra habang nakaupo at ginaganap ang
pagpaparangal. Ang mga magpaparangal sa krus ay luluhod pagsapit sa harap ng krus at hahalik sa
krus. Ang mga nakapagparangal na sa krus ay uupo.
PAGTATANGHAL SA KRUS NA BANAL

Ang tagapagdiwang o ang diyakono o sinumang tagapaglingkod na inatasan ay paroroon sa gawing
pinto ng simbahan. Siya ay sasamahan ng mga iba pang tagapaglingkod. Sa gawing pinto ng
simbahan, kukunin niya ang krus na mayroong lambong. Kukunin naman ng mga kasamang
tagapaglingkod ang mga kandilang may sindi. Sila’y magpuprusisyon sa gitna ng simbahan patungo
sa gawing dambana. Sa malapit sa pinto ng simbahan, sa gitna ng simbahan, at sa pasukan ng gawi
ng dambana, ang nagdadala sa krus ay hihinto, itataas niya ito, at aawitin niya ang paanyayang ”Sa
kahoy ng krus na banal.” Lahat ay sasagot ng ”Purihin at ipagdangal.” Pagkatapos ng bawat sagutan,
lahat ay luluhod at tahimik na magbibigay-galang sa krus alinsunod sa paraang nasasaad sa itaas.
Ilalagay ng Tagapagdiwang ang krus sa Cross-stand sa harap ng altar. Ang krus ay nakaharap sa mga
tao. Doon iiwan ang krus. Ang mga kandila ay ilalagay sa magkabilang gilid ng krus.
Tagapagpadaloy:
Magsitayo po ang lahat.
Magbibigay-galang tayo ngayon sa krus ni Hesus.
Mula sa pagiging sagisag ng kalupitan at kahihiyan,
ang kahoy na krus ay naging sagisag ng kaligtasan ng sanlibutan
dahil sa pagpapakasakit at pag-ibig ni Hesus para sa atin.
Dadalhin sa gawi ng dambana ang nalalambungang krus kasabay nito ang tagapagdala ng may
sinding kandila. Itataas ng pari ang krus nang tatlong beses, aawitin ang paanyaya.
Tagapagdiwang: Bayan:
a kahoy ng krus na banal Purihin at ipagdangal ang ating
S ni Hesus na Poong mahal

nalupig ang kamatayan
at sa muling pagkabuhay
Poong Maykapal:
Ama na Bukal ng buhay, Anak na
s’ya nating daan,
ang pag-asa ay sumilay. Espiritung ating Tanglaw.
Ito ay tatlong beses na gagawin, hanggang sa ang buong krus ay makarating sa dambana.

Matapos humalik ang mga lingkod aanyayahan ng Tagapagpadaloy na lumuhod ang lahat para sa
pagtataas ng Banal na Krus.
Tagapagpadaloy:
Pagkatapos maging parangal ang Tagapagdiwang, Pari, at Apostoles ang lahat ay aanyahan na
magbigay-parangal sa Krus sa pamamagitan ng pagyuko.
Tagapagpadaloy:
Ngayon ay naganap na ang Pagpaparangal sa Banal na Krus ng Tagapagdiwang.
Mga Hinugasan ng paa at mga Lingkod o Apostoles, at ang lahat ng dumalo sa
pagdiriwang ay magkakaroon ng pagkakataong makalapit sa Banal na Krus.
Gagawin po natin ang pagbibigay-parangal sa Krus sa pamamagitan ng pagpila ng
dalawang linya sa gitna o center-aisle. Pagkalapit sa Krus ay yuyuko o mag-bow
lamang, hindi maaaring hipuin, punasan, at halikan ang Krus.
Panatilihin po natin ang katahimikan at pagnilayan ang ginawa ng ating Panginoong
Hesukristo para sa ating kaligtasan.
Matapos ang pag-tataas ng Banal na Krus, ihahanda na ang Altar para sa banal na pakikinabang.
Tagapagpadaloy:
Magsiupo ang lahat.
Matapos ang paglapit sa Krus ng mga mananampalataya, ang Kura Paroko ay may sasabihin
patungkol sa Love Offering.

ANG PAKIKINABANG
Ang dambana’y lalatagan ng mantel at ang telang patungan ng Katawan ni Kristo gayundin ang aklat
ay ilalagay sa ibabaw nito. Ang diyakono o ang tagapaglingkod sa pakikinabang o ang
tagapagdiwang ay siyang susundo sa Banal na Sakramento mula sa pinaglagakan upang ito ay dalhin
sa dambana. Habang ito ay dinadala roon, lahat ay tahimik na nakatindig. Dalawang tagapaglingkod
ang magdadala ng may sinding kandila at ang mga ito’y ilalagay sa dambana o sa paligid nito.
Tagapagpadaloy:
Magsitayo ang lahat.
Ipapatong ang Banal na Sakramento sa ibabaw ng dambana at ang lalagyan ay bubuksan. Dudulog
ang tagapagdiwang sa dambana at luluhod at saka siya aakyat sa baitang nito. Malakas niyang
ihahayag ito nang magkadaop ang mga kamay:
a tagubilin ng mga nakagagaling na utos
S at turo ni Hesus na Panginoon natin at Diyos

ipahayag natin nang lakas-loob:
Illalahad ng tagapagdiwang ang kanyang mga kamay at ipahahayag niya kaisa ng lahat.
Ama namin, sumasalangit ka.
Sambahin ang ngalan mo.
Mapasaamin ang kaharian mo.
Sundin ang loob mo
dito sa lupa para nang sa langit.
Bigyan mo kami ngayon

ng aming kakanin sa araw-araw.
At patawarin mo kami sa aming mga sala
para nang pagpapatawad namin
sa nagkakasala sa amin.
At huwag mo kaming ipahintulot sa tukso.
At iadya mo kami sa lahat ng masama.

Nakalahad ang mga kamay ang tagapagdiwang sa pagdarasal:
Hinihiling naming
kami’y iadya sa lahat ng masama,
pagkalooban ng kapayapaan araw-araw,
iligtas sa kasalanan
at ilayo sa lahat ng kapahamakan
samantalang aming pinananabikan
ang dakilang araw ng pagpapahayag
ng Tagapagligtas naming si Hesukristo.
Pagdaraupin niya ang kanyang mga kamay.
Wawakasan ng sambayanan ang panalangin sa ganitong pagbubunyi:
Sapagkat iyo ang kaharian at ang kapangyarihan
at ang kapurihan magpakailanman! Amen.
(Walang gagawin na pagbati)
Pagdaraupin ng tagapagdiwang ang kanyang mga kamay at pabulong na magdarasal:
Ang pakikinabang sa katawan mo, Panginoong Hesukristo,

ay huwag nawang magdulot ng paghuhukom
at parusa sa kasalanan ko.
Alang-alang sa iyong pag-ibig nawa’y aking matanggap
ang pagkupkop mo sa akin at kaloob mong lunas.
Luluhod ang tagapagdiwang at pagtayo niya’y kanyang hahawakan ang ostiya na itataas sa ibabaw
ng sisidlan. Paharap sa mga tao siyang magsasabi nang malakas:
to ang Kordero ng Diyos.
I Ito ang nag-aalis

ng mga kasalanan ng sanlibutan.
Mapalad ang mga inaanyayahan sa kanyang piging.
Panginoon, hindi ako karapat-dapat na magpatuloy sa iyo
ngunit sa isang salita mo lamang ay gagaling na ako.

Ngayon ay gaganapin ang pakikinabang ng mga tao. Maaaring umawit ng anumang naaangkop
ngayon. Pagkapakinabang, ang sisidlan ng Banal na Sakramento ay dadalhin ng tagapaglingkod sa
isang sadyang inihandang paglalagakan sa labas ng simbahan o, kung hinihingi ng pagkakataon,
maaaring ito’y ilagak sa tabernakulo.
Pagkatapos ng ilang saglit na katahimikan, ipahahayag ng tagapagdiwang ang sumusunod na

panalangin:
PANALANGIN PAGKAPAKINABANG
Manalangin tayo.
ma naming mapagmahal,
A pinapakinabang mo kami
sa banal na pagkamatay at pagkabuhay ni Kristo.
Panatilihin mo sa amin
ang ginanap ng iyong dakilang pag-ibig
upang kami’y makapamuhay nang matapat
sa pakikisalo sa dulot mong pagliligtas
Amen.

PAGPAPANALANGIN SA SAMBAYANAN
Ang Tagapagdiwang o diyakono ay magpapahayag ng paanyaya:
Magsiyuko kayo habang iginagawad ang pagbabasbas.
Sa paghayo, haharap ang pari sa sambayanan at itataas niya ang kanyang mga kamay upang
lukuban ang mga pananalanginan.
ma naming bukal ng pagpapala,
A ang iyong pagbabasbas ay manaog nawang

masagana
sa iyong sambayanang gumanap ng paggunita
sa pagkamatay ng iyong Anak
na siyang pagkabuhay ng nagtitiwala.
Ang iyong pagpapatawad ay sumapit nawa sa tanan.
Ang iyong pakikisamang maaasahan ay iyong ibigay.
Ang pananampalatayang banal nawa’y maging matibay.
Ang kaligtasang walang maliw ay patatagin mong lubusan
Amen.
Tahimik na lilisan ang tanan. Ang dambana ay aalisan ng mantel pagsapit ng kaukulang panahon.
Ang Panalanging Pangtakipsilim ay hindi gaganapin ng mga nakikilahok sa katatapos na
panghapong pagdiriwang.

Liturgy 101 2023 Biyernes Santo

Uploaded by

Copyright:

Available Formats

Liturgy 101 2023 Biyernes Santo

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Liturgy 101 2023 Biyernes Santo

Uploaded by

Copyright:

Available Formats

Mga DAPAT ihanda sa Pagdiriwang

• Ang lalagyan ng Krus na gagamitin sa Pagpaparangal ng Krus

• Kopya ng Pasyon ng ating Panginoon para sa mga tagabasa nito

• Mantel, 2 Kandila (para sa altar) 4 naman (sa tabi ng paglalagyan

• Banig o carpet para sa pagpapatirapa ng Tagapagdiwang

• Extra Microphone (2)

• Siguraduhing WALANG LAMAN ang Tabernakulo at WALA

• Krus na may lambong (1)

Biyernes Santo: Pagdiriwang sa Pagpapakasakit ng Panginoon 1 | P a g e

Ang dambana ay walang anumang mantel, kandila, at krus.

Gaganapin sa ikatlo ng hapon ang pagdiriwang sa pagpapakasakit ng Panginoon, maliban kung

Ang tagapagdiwang at ang mga tagapaglingkod na kaanib sa banal na orden ay magsusuot ng

Biyernes Santo: Pagdiriwang sa Pagpapakasakit ng Panginoon 2 | P a g e

Biyernes Santo: Pagdiriwang sa Pagpapakasakit ng Panginoon 3 | P a g e

Pagbasa mula sa aklat ni Propeta Isaias

Sagot ng mga tao,

Biyernes Santo: Pagdiriwang sa Pagpapakasakit ng Panginoon 4 | P a g e

Ngunit inibig ng Panginoon

Dahil dito’y mabubuhay siya nang matagal,

Ang Salita ng Diyos.

Ama, sa mga kamay mo habilin ko ang buhay ko.

Sa iyo, O Poon, ako’y lumalapit

Ama, sa mga kamay mo habilin ko ang buhay ko.

Lahat kong kaaway ay humahalakhak,

Ama, sa mga kamay mo habilin ko ang buhay ko.

Subalit O Poon, aking tiwala

Ama, sa mga kamay mo habilin ko ang buhay ko.

Itong iyong lingkod, sana ay lingapin,

Ama, sa mga kamay mo habilin ko ang buhay ko.

Biyernes Santo: Pagdiriwang sa Pagpapakasakit ng Panginoon 6 | P a g e

Pagbasa mula sa Sulat sa mga Hebreo

Ang Salita ng Diyos.

Biyernes Santo: Pagdiriwang sa Pagpapakasakit ng Panginoon 7 | P a g e

Masunuring Kristo Hesus

ANG PAGPAPAKASAKIT NG PANGINOON

Kung diyakono ang magpapahayag, hihilingin niyang siya’y gawaran ng pagpapala ng

Pagkatapos ng pagpapahayag ng pagpapakasakit ng Panginoon, maaaring magbigay ng maikling

Biyernes Santo: Pagdiriwang sa Pagpapakasakit ng Panginoon 8 | P a g e

 Ang Pagpapakasakit ng ating Panginoong Hesuskristo

Biyernes Santo: Pagdiriwang sa Pagpapakasakit ng Panginoon 10 | P a g e

Biyernes Santo: Pagdiriwang sa Pagpapakasakit ng Panginoon 11 | P a g e

Biyernes Santo: Pagdiriwang sa Pagpapakasakit ng Panginoon 13 | P a g e

Biyernes Santo: Pagdiriwang sa Pagpapakasakit ng Panginoon 14 | P a g e

Biyernes Santo: Pagdiriwang sa Pagpapakasakit ng Panginoon 15 | P a g e

Biyernes Santo: Pagdiriwang sa Pagpapakasakit ng Panginoon 17 | P a g e

Dito luluhod ang tanan at sandaling mananahimik.

Pagkatapos nito, si Jose na taga-Arimatea ay nagsadya kay Pilato upang humingi ng

Maaring magkaroon ng maikling homilya o paliwanag pagkatapos ng pagpapahayag

Biyernes Santo: Pagdiriwang sa Pagpapakasakit ng Panginoon 18 | P a g e

Si Hesukristo ang ating Panginoon at Tagapagligtas na mag-alay ng

Biyernes Santo: Pagdiriwang sa Pagpapakasakit ng Panginoon 19 | P a g e

A sa katauhan ng Anak mong si Kristo

Biyernes Santo: Pagdiriwang sa Pagpapakasakit ng Panginoon 20 | P a g e

A sa iyong kapasyahan umiiral ang sanlibutan.

Biyernes Santo: Pagdiriwang sa Pagpapakasakit ng Panginoon 21 | P a g e

Biyernes Santo: Pagdiriwang sa Pagpapakasakit ng Panginoon 22 | P a g e

A lagi mong pinauunlad ang Sambayanan

Biyernes Santo: Pagdiriwang sa Pagpapakasakit ng Panginoon 23 | P a g e

A tinitipon mo ang mga nawalay