VOL. XXX ISSUE NO. 44 An Official Organ of Y.M.A. Republic Veng Branch Dt. 25.11.

2012

Zohnahthlak hnam zawng zawng te hmangaih hi, hnam hmangaihna dik a ni

CHIBING PAWL LEH ADC THUNEIHNA PEKBELH YMA IN THA TI LO

Republican 25th November 2012 :Central YMA chuan kumpuan 'Ram leh hnam humhalh' chungchanga hmalakna ah Autonomous District Council te thuneihna pekbelh leh chibing zirlai pawl leh hnambil political party leh kohhran te awmlo se a ti. Autonomous District tarlangin Mizo te hi nuai sawm Council te hnena thuneihna sang awrh chauh kan nih avangin zawk pek tumna tha a tih loh chhan inthendarh zawnga chibing thuchhuah siamin Autonomous political party, zirlai pawl leh District Council te hian an mahni kohhran awm thin te hi Zofate tang hma chauh haiin hma an la inpumkhatna atan a thalo in a hre a,2008 kuma District thar puante bawk a ni. pawh a la function theih loh lai a, Electoral Roll, Ration Autonomous District Council te Card leh Residential certificate duhsak taka sum a vur an ni thin te siam nana sawrkar in a phut leh State sorkar leh Central sorkar Baptisma Certificate chu Mizoram lu ti hai khawp a Union Territory leh chhunga kohhran ding pangngai ten direct funding an nawr ngar ngar a lem an pek duhloh laiin chibing thin te chu tha a ti lova ni. kohhran in din chawp ten awlsam He thil hi sorkar dinglai leh takin an pe zung zung a, hei vang political party te tan vote zawng an hian electoral roll a hming chuang nih avangin dodal a har a, chuvangin lo tur tam tak a chuan phah niin a YMA in hma a lak mai a ngai a ni. hre bawk. Hei mai bakah hian Autonomous Hnam bil zirlai pawl ding te pawh District Council hnuaia YMA ding hian hnam in pumkhatna aiin chibil chhun ten District Council lak lam hawia hmalakna an tui pui zawk atangin harsatna an tawk fo thin a, hei hian hnam hrang hrang bawk a, YMA te pawh a ding zui thei inkarah inelna tha lo leh in thik lo hial thin a ni a ti bawk. tawnna a siam chhuak thei a, hnam Chibing pawl chungchangah inpumkhatna ti chhe theitu niah a Central YMA chuan ngaihdan ngai bawk a ni.

BRANCH NEWS
* Ni 17.11.12 Inrinni a Branch YMA O.B meeting chuan dilna hrang hrang lo lut atangin Vohbik Run hnuai luah turin Pu Lalthanpuia, Section-V te chhung chu thlan an ni a, thlan an nih dan hi a pawh a pawh a ni. * Ni 27.11.12 (Thawhlehni) zan dar 6:30 hian YMA Run-ah Branch YMA Executive Committee pawimawh tak neih tur a ni a. Member zawng zawng te kim taka kal tura hriattir an ni. Kohna hmu lo tan hei hi kohna a ngaih nghal tur a ni e. * Fur ruahsur a kiangin khua a lo thal leh ta a,chhung tin te mahni chhungte thlan theuh tihfai i tum ang u.

BPL LEH APL HRIATTIRNA

Kum 2013 Jan.thla atanga hman tan tur RSBY leh Mizoram Health Care Scheme hnuaiah BPL leh APL chhungkua te tan Registration Republic Health Sub-Centre ah office hun chhungin a tih theih ta e.Health Dept. BPL list hi,heng a hnuaia mi te hnenah hian a en theih e: 1) Pu Lalhmingmawia,Venglai 2) Pu V.L.Vuana,Hmarveng 3) Pu Tlanchhuaha,Venghlun 4) Pi Lalkhumi,Venghlun. 5) Health Sub-Centre ah

HMAR VENG PA HO HRIATTIRNA

* Ni 27.11.2012 zan dar 6:30 a tan turin Hmar Veng pa ho zawng zawng leh section-I YMA Executive Committee member te thu pawimawh tak ngaihtuah ho turin T. Romana College ah kal khawm tur a ni e.

SECTION YMA NEWS

Section III : Ni 20.11.12 (Thawhlehni) zan khan Kawipui Mini Market sakthatna tur lei laih hnatlang an nei a, member thawkchhuak te an hah hle. He Mini Market sak mekah hian hnatlang koh a ni zauh zauh dawn a, member-te lo inring theuh turin an hriattir. Section IV : An section property atan Pu Rodawla'n Gas Pipe a pe a. Tin, Tv. Hruaizela'n Gas Pipe extension a pe bawk a. An chungah lawmthu an sawi. An bawng talh leisak tu zawng zawng te chungah lawmthu an sawi, bawngsa man la per lo ten a rang lama pe turin an ngen. Section V : Ni 13.11.12 (Thawhlehni) zingkar khan YMA chhang ten Commander hovin vengchhung leh thlanmual thenfai hnatlang an nei a, member an thawk chhuak tha hle. Chhungtin te mahni in leh a vel te vawng fai turin an in ngen thar leh bawk. Section VII: An section member Pu H. Lallianmawia sorkar a luh (appointment) lawmnaa sawm an nih angin Executive Committee Member zawng zawngte nen chawhlui an kil ho. Section VIII : Krismas leh kumthar muanawm zawka kan hman theih nan section huam chhunga ruihtheihthil leh a kaihhnawih lo keng lut lo turin Section hruaituten miten te an ngen.

YMA Information Complaint na

YMA Information hi a chhiat thatah m ipuite hian kan mawh phurhna a ni tih kan hriain a lo chhiat pawh in phone No. tarlanah hian i hriattir thin ang u. 9612310138

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 25.11.2012

E DITORIAL B OARD

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Tunhnai chho ah YMA kumpuan Ram leh hnam humhalh chungchang a hmalakna kalchho zel ah Central YMA Coordination Committee in hmalakna tur hrang hrang a rel a, hnambil political party,Chibing zirlai pawl leh Kohhran te awm lo se tih leh Autonomous District Council ten thuneihna sang zawk an neih zel lohna tur a hmalak tih te hian sawi a hlawh zual hle niin a lang. He tih mek lai hian hnampual pawl hrang hrang te chuan thuchhuah te siamin an duh loh thu te pawh an auchhuahpui mek bawk. He mi chungchang ah hian YMA in a ngaih pawimawh em em, kan Ram leh Hnam humhalh tur hian inpumkhatna kan mamawh ani tih hi a ni. Chibil emaw hnambil ang emaw a kan kal nasat chuan chibil hrang hrang karah inelna thalo alo nasa telh telh ang a, chu chuan hnam hrang hrang karah inngeihlohna, inthiktawnna a siam anga, hei hian inthendarh duhna rilru a hringchhuak dawn a ni. Mizo te hi hnam tlem te, Mizoram chhung bikah phei chuan Nuai sawm awrh chauh kan ni a, han inthen hrang leh chuang tham kan awm em ni ? Kan inthen darh hian Ram leh hnam kan humhalh naah kan chak zawk dawn em ni ? tih hi zawhna pawimawh tak a ni. Ram ropui leh hnam ropui tak ni thin te an kehdarh vang a an ropuina kehchhe ta sawitur an awm nual mai, chuvangin hnam ang a kan dinchhuah theihna tur leh kan ram leh hnam kan humhalh theihna tur chuan Mizo kan nihna ah hian chiang tlang ila, Mizo kan nihna in hnamdang hmaah lang bawk ila, inpumkhatna tha a lo chhuak ang a, ram leh hnam hum halhna kawngah pheihkhai rual takin ke kan pen thei dawn a ni.

* Chawlhni chawhma inkhawm a Biak In Gate bula lirthei dah thin te hian Biak In hnung lam Primary School kawtah dah theih thin se a duhawm hle mai. - Inkhawmve thin-a

KUMPUI SUL ALO VEI CHANG HIAN... - RD Lalrammawia Kumpui sul alo vei chang hian ... ni e, kumpui sul alo vei chang hian kan lunglen hi alo tho ve leh ringawt thin. Kum a thar ruala ka kum pung ringawt pawh hi ka rilrem zawng anih tawh loh nak laiin, kan upa sawt ringawt bawk a, tisa thankin hnu a upat belh zel hi zawng ken tel anei tawh a, a kentel te lah hian kan tan ropuina a rawn hum tel lo em em leh nghal a. Kan tha lo thum tan ta ringawt te, kan sam dum kara sam var lo pung ta ngawt te leh kan hmai zur tan ta te hi, duh lo teh mah ila ngaihthiam chin ka nei. Kan hringnun hman liam tawhte avanga hun herin kan lunglen a kaitho leh zel kher hi chu, a thuah tam mah mah in ka hria a, chimawm ka va ti tak em! Tunah pawh kumpui sul alo vei leh dawn a, thildang ni lovin kan lunglen a ni lo thar leh ringawt tur chu! Heti reng reng hian hringnun hi kan tlingtla dawn a, Mathusela dam chen zet he hringnun khaweng hi hmu ve phei ila chu, lunglenna khua asei ting mai dawn a, vanglai sep rawtui pui tur haihchham tak kan lo nih phei chuan, kan rairahna khua ava sei dawn em!! He hringnun khawvel hi duangtu nei a ni a, a duangtuin hunbi a siam a, chu hunbi chhungah chuan nunna neite a dah a, chatuan daih nunna pai erawh an awm reng reng lo. Chuvangin kumpui sul pawh hi lo vei thin tura duan sa a ni a, kum sang tam alo vei tawh thin a,engzat a tam nge avei leh dawn tih pawh hriat va ni suh. Thil rinbial zau tak chungah kan kala, rinbial kan zawh zel chuan kan kal tannaah kan kir leh thin ang hian, kumpui pawh hian angai tein bul min tanpui leh a, hmana thlasik ang tho kha min herchhuah pui leh a, hmana mi ang tho kha a ni, danglamna a awm lo. A herchhuah pui thin tho kha anlo lang leh a, thlasik a par chi nilo anla par chuang lova, ni reiloh ni ber pawh March thlaah ala insawn chuang hek lo. A kentel khawvawt leh Chhohreivungte pawhin inlar anla thulh lova, Krismas ni eng lo zam thar leh thin pawh hian engtikah tak ban zai rel ang maw? Kuthnathawk tute thlai rah seng hun pawh ala ni reng a, kumtawp anihna ala bo chuang hek lova, a danglam lohna tak hi a ni hringfate tana chimawm chu! He kumpui sul vei hian a ngai renga awm ve theilo hringfate tan chuan, hmuh theih siloh mitthla a awm si nunhlui arawn chhuahpui tel a, chu tak chu a ni kan lung ti zingtu chu. Hnutiang ngaia lunglenna ruamah min luhpui a, sikni eng mawi leh zan boruak thiang chu kan tah mittui koh chhuak tuah anlo chang zo ta! Nikum December thla ang chiah chiah kha arawn herchhhuak leh a, Ramnihawi leh Tlangsam (Pholeng) te pawhin an hun hai hauh lovin par an rawn chhuang leh a, sik ni eng pawh a mawi ngaiin ala mawi reng a,danglamna hmuh tur kei zawng ka hre lo. Kum hmasa lama ka lo hlimpui em em thin kan hmangngaih thenkhat chuan chatuan khua nghak var turin, he Zoram leilungah hian lu nghatin min lo zal san tawh a, he kan mihring mit hian kan hmu leh tawh dawn lo. Mawi leh nalh inti a darthlalang hma a kan dinpui thin kan sakruang hi, in dinthar leh tawh ngai reng reng lo turin lei vaivut nen kan chawhpawlh ta thin a, chu lo chu tih theih dang awm chuang hek lo. Chutiang ang chuan kan hmangaih parmawite leidaiah an zal tawh a, hlim taka kan thlir tlan thin thlasik kawngte leh sirukte anla ngai reng si! Heng angte an rawn inlar chang hian an phenah khian nunhlui an rawn inlar tel a, chu chu a ni; kumpui sul vei vanga lunglen ti tho thin tu chu.

Phek li-naah chhunzawm a ni...

The REPUBLICAN WEEKLY

Y.M.A. REPUBLIC VENG BRANCH

Dt. 25.11.2012

NAUTE THAR
* Pu Lalruatfela Section-I Asst. Secy-te nupa chuan fapa duhawm tak 3.4kg a rit chu Synod Hospital, Durtlang ah an nei. * Pu H.Lalremruata kan news editor leh Pi Linda Rosangzuali te nupa Sec-III chuan ni 23.11.2012 khan fanu thar duhawm tak 3kg a rit Aizawl Hospital-ah an nei bawk. * Pu Lalchhanhima leh Pi Lalrinsangi, Section VIII te nupa chuan kar hmasa ni 15.11.12 (Ningani) khan Synod Hospital, Durtlang ah fapa duhawm tak Lalmawizuala an nei thar. * Pu Ramnienga leh Pi Lalinmawii, Section VIII te nupa chuan ni 19.11.12 (Thawhtanni) khan Kulikawn Hospital-ah fanu duhawm tak Remruatfeli an nei thar. Republican Editorial Board ten kan lawmpui hle.

ZIN & HAW

* Section VIII Leader Pu F. Vanramsanga chu Champhaiah a hna thil avangin a zin.

KOHHRAN
* Republic Veng Presbyterian Kohhran chuan Synod Camping Centre, Sihphir Neihboih-ah Gospel Camping a buatsaih mek a. Kar kalta khan chhawng khatna rawngbawltute pual a neih a ni a, tunkar lo awm turah hian chhawng hnihna tan buatsaih leh tur a ni.

MIZORAM PREMIER LEAGUE Mizoram Premier League First Phase-ah a vawihnih nan fixtures tih danglam a ni a. A vawikhatnaah chuan Chanmari FC leh FC RS Annexe te inkhelh hun tihdanglam a ni a, hei hi chhum zin vang a ni. He inkhel hi nimin ni 24.11.12 a khelh niin result erawh kan hre hman lo. A vawihnihna erawh Mizoram Police in Police meet an khelh dawn vanga sawn a ni thung. Round 7 a Aizawl FC leh Mizoram Police inkhelh hun hi December ni 14 a khelh tur anga duan ni mahse Police Meet vang hian December ni 8 (Inrinni) dar 11:30 AM-ah sawn. Hetihlai hian Aizawl FC in 21st Royal Gold Cup 2012 khelh an dil chu phalsak ni mahse an fixtures erawh tih danglam sak a ni lo. Hemi anih avang hian Aizawl FC hian Royal Gold Cup a final an lut anih chuan Round 5 a Chanmari FC an tum hunah an first team an khelh tir thei lovang. MPL Round 5 inkhel turte Ni 28.11.12 (Wednesday): MRP Vs FC Kulikawn Ni 29.11.12 (Thursday) : Aizawl FC Vs Chanmari Ni 30.11.12 (Friday) : Luangmual Vs RS Annexe Ni 01.12.122 (Saturday) : Reitlang Vs Dinthar

BBC African Footballer of the Year 2012

BBC African Footballer of the Year 2012 atan player panga thlan chhuah an ni a. Chung players te chu Man City player pawimawh Yaya Toure te, Chelsea atanga Sanghai Shenhua a lut Didier Drogba te, Newcaslte striker Demba Ba te, Morocco leh Montpellier star player Younes Belhanda leh Zambia Captain Christopher Katongo te an ni a. Tunah hian vote thlak theih niin ni 13.12.12 (Ningani) thleng a vote theih ang. He award lo dawng tawh tute: 2011 - Andre 'Dede' Ayew (Marseille & Ghana) 2010 - Asamoah Gyan (Sunderland & Ghana) 2009 - Didier Drogba (Chelsea & Ivory Coast) 2008 - Mohamed Aboutrika (Al Ahly & Egypt) 2007 - Emmanuel Adebayor (Arsenal & Togo) 2006 - Michael Essien (Chelsea & Ghana) 2005 - Mohamed Barakat (Al Ahly & Egypt) 2004 - Jay Jay Okocha (Bolton & Nigeria) 2003 - Jay Jay Okocha (Bolton & Nigeria) 2002 - El Hadji Diouf (Liverpool & Senegal) 2001 - Sammy Kuffour (Bayern Munich & Ghana) 2000 - Patrick Mboma (Parma & Cameroon) T.V. SCHEDULE Ni 25.11.12 Zana BPL-a Inkhel tur 7:00 PM : Swansea City vs Liverpool - ESPN 8:30 PM : Southampton Vs Newcastle United 9:30 PM : Chelsea vs Manchester City - ESPN 9:30 PM : Tottenham vs West Ham United Moto GP - Star Sports 9:15 PM : FIA F1 World Championship 2012 - Main Race 11:15 PM : FIA F1 World Championship 2012 - Chequered Flag

KEIMAHNI
* Kan Republican Manager Pu Ngurthanmawia te chhungkua pawh Guwahati lamah hun engemaw chen an thang hnuin dam takin an rawn haw leh ta. * Kan Editor Tv. H. Lalhriatpuia chu RepublicPresbyterian Kohhran in a camping a buatsaihah a lut

CONCERT CONCERT
Vanapa Section, ITI Br YMA chuan mi harsa te tanpui nan ni 29.11.12 zan dar 6:30 hian ITI GSA Ground-ah concert an huaihawt dawn. Ticket man : RS 100 , Rs 50 & Naupang tan Rs 20. Zai turte : Mami Varte, Biakmuana, Rosy K. Remsangpuii, Zoramchhani, Scavenger Project etc. .

PIC OF THE WEEK

Pic : Branch YMA Library, YMA Run hnuai ami

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 25.11.2012

Chhiattawk Lawmthu Sawina Chungchang

Hun engemaw chen kal ta atang khan chhiat tawh chungchanga lawmthu sawina hi kan chhuah ngai tawh lova, a chhan chu lawmthu sawina hi tih ngei ngei tura ngaihna chhiat tawk chhungtin te rilruah alo awm tak vang leh chhiartu lam atang pawhin ngei ngei tur anga ngaih anih tak vang a ni. Tin, khawhar chhung ten YMA zan thum chhung a lawmthu an sawi thin hi a tha tawk leh tling tawk a ngaih a ni a. Hei hian ruangchhuak leh khawtlang huap a tha leh zung thawhna thil a lawmthu sawina erawh a huam tel lo. Chutihrual chuan chhuah ngei ngei tura tih a ni lo tih kan in hriattir nghal bawk e.

YMA NIHNA : YMA chu Politics rawngkai lo tlawmngai pawl a ni.

Article chhunzawmna...
Kei ngei pawh hi kum hmasa ai chuan ka lo awngrawpin sawngnawi lam ka pan a, kan vanglai ve pawh he kumpui sul hian dan rual lohvin mual a liam pui a, kan upat sawt rualin kan tar ta sawt bawk. He rual elna khawvelah hian, tute emaw chungtlak thei tur khawpin hma sawn kan inti pawh a ni mai thei. Heng hmasawnna kan tih zawng zawngte hi tisa a kan vanglai ti nuamtute an ni a, kan khawthlir aia kan chal a thui tawh zawk hnu hi chuan, hmasawnna kan tihte hian naupang inkhual te lemna hmanrua pawh a tluk tawh lo. Ropui leh changkang kan tih zawng zawngte hi lei daiah kan la tawihral san vek dawn a, thil ropui kan ngaihsan em em te kha ropui lo takin ka la mangtha dawn. Chu hun chu kumpui sul avei apiang hian ka hnaih sawt sawt a, hlat tawlh tawlh duh mah ila, remruattu rem ruat naah kan tel ve silo. Lungawina leh hlimna zawngin he hun bi tiam chhungah hian kan vakvel a, chantawka lungawi kawngah chuan kan pachhe hlawm em em lawi a, lungawina puakchhuah pui tur hre mang silo hian, kan lungawi lai ni ni chuang lo kan nunhlui liam hnute ngaih lunglen lamah chuan tu zirtir mah kan ngai silo. Kan hmalam hun theuhah beisei neiin chu hun chu tlumtea thlirin kan thlir a, hun chuan min hnungtawlh pui lova hmalam min pan pui zel a, kan lawmna aia buk rit zawk lunglenna hian min lo uai leh thin lawi a, kan hriat rengna tlo lutukte hi a chang chuan a hnawk lek lek mai. Tupawh mai hian kan tawpna ni tur panin ni kan chhiar a, thla kan hmangral a, kumsul kan vei pui a, kan tawp dan turah khuarel bak pel thei tumah kan awm silo. Tuna kan duat em em kan tisa ve hi engtik hunah emaw chuan ala tawihral dawn tih hi hre lawk kur mah ila, chu hun lo mitthla lawk a tun huna lo indawm kun ngawih ngawih hian awmzia a nei chuang lova, hriat lawk lohna avang hian a thawven theih phian a, thil hriat lawk loh tangkai vena pakhat chu a ni awm e. La thamral vek tur hringfate hi kan hmel a in ang vek lo ang hian, kan hlim ni pawh an in thurual thei ngawt lova, kan lungngaih hun pawh a intawng fuh ngawt hek lo. Thenkhat tana an vanglai hun duhawm, he kumpui sul vei hian alo chhuahpui mek pawh a ni thei, mahse chu hun chu nakum lama an lunglen kaitho tu anla ni ve tho tho dawn. Kan hriat rengna ti pawngpawrh a, thinlai muhnu kai harh leh tura kumpui sul alo vei leh thin hi chu chimawm tak a ni. Kan nunhlui tuaithar leh turin hmana vul tawh hnu an rawn vul tha leh a, hmana lo vul ve tawh thin tho kan hmangaih kal ta ten vul thar ve leh zai an rel silo. Kohkir theih tawh loh nunhlui ngaia in dawm kunin, kan tah mittui leiah a luangral a,chantawk khuarel a ni e, a na vawng vawng kan ti chuai raih thin chu anih hi!! Thlasik kawng eng paw riai leh chhohreivungte, siruk leh dingdi puan tahte khi, hmanah chuan rual kimin kan thlir tlang thin kha a ni a, thlir leh theih turin rawn inlar chhen lo se chu, hnutiang ngaih lunglen a pawngpawrh lovang a, a zia awm deuh tur. Mahse khuarel a ni a, kan Bible-in Vante khian Pathian ropui zia a lantir thin... ti mahse, a anpuia siam hringfate nep zia pawh a tlangzarh ve tho chu anih hi.

GAS CHUNGCHANGA HRIAT TUR PAWIMAWH

IOC-in Gas Consumer Card an rawn tih thih sak, an Consumer Card thih thu MIZOFED atanga hriattirna dawngte chu EPIC (xerox copy) leh Passport size thlalak (copy 2) kengin MIZOFED Office-ah in report tur a ni. Tin, MIZOFED chuan midang hminga Consumer Card nei/hmangtute tan Consumer Card, mahni hminga thlak theihna hun an hawng a, hming thlak duh tan a hnuaia hming ziak hnenah hian affidavit siamtir tur a ni a, affidavit siamtirna man Rs. 350/- ken tur a ni. Thil hriat chian duh nei tan MIZOFED Office, 0389-2317073 Babutlang-ah Office hun chhungin zawh fiah mai tur a ni e. SAMUEL VANLALHRIATA ADVOCATE Contact No. 9436195913 Office Residence, D-30/1 PWD Tlang (Near MIZOFED Office, Babutlang) Zarkawt, Aizawl, Mizoram.

ADMISSION NOTICE
M.Sc (H.Sc.) Specialization in Human Development enkawl - LITTLE STEPS ( Pre-School, Daycare & After School Care ) Republic Venglai ah 2013 Session atan admission hawn ani leh ta e. Hrechiang duh tan Phone No.0389-2321633 / 9612386946 (3-2)

SOFA SOFA SOFA

Sub-Centre hnuai, Sec VIII ah Sofa Design chi hrang hrang kan siam thei in a order theih reng e. Chu mai bakah THINGZAI lei tur a bulah kan zuar bawk e. Contact : 9862536430 Lalhruaia (3-3) 8974798707 Republic Hmar Veng

Y2GGOAL MPL PREDICTIONS

ZoFooty buatsaih Y2Goal MPL Predictions Round 5 chu a predict leh theih a. A predict duh chuan http://www.zofooty.com/prediction/6 hi thlawh mai tur a ni. Winner : FC Kulikawn Jersey + 90 Minutes Magazine + MPL Ticket 2

Issue lehah chhunzawm a ni ang...

Published by Republic Veng Branch YMA, Printed at Zo-Awm Press, Khatla, Copy750