VOL. XXX ISSUE NO. 25 An Official Organ of Y.M.A. Republic Veng Branch Dt. 8.07.

2012

Ka ram tih tur nei sain i lo piang a, chu i ram tan chuan fa duhawm i ni em?

MHIP DAY ROPUI TAKA HMAN A NI!

Central YMA News

* Ni 5.6.2012 dar 1:00pm khan Central YMA Committee Room-ah CEC Meeting neih a ni. Meeting hi Pu Lalbiakzuala, Vice President-in a kaihruai. He Meeting hian Mizoram Sorkar-in The Lushai Hills District (V/C) Amendment Act a siam that turah hmeichhiate tana a hranpa a Women Reservation siam a tum chu tha a ti lova, VC/ LC inthlan hi a vote hmu tam tam tlinna a nih avangin hmeichhe candidate pawh siam ni mahse, an tling lo vek thei thova, chuvangin a hranpa a hmeichhiate tana reservation siam hi a tullo niin a ngai. * Rihdil Group YMA chu Vanhnuailiana Group YMA tia thlak a ni a, S. Vanlalphai Branch YMA pawh S. Vanlaiphai Venghlun Branch YMA tia thlak a ni. * Ni 5-6.6.2012 chhung khan Fire Prevention Evaluation chungchanga hmalakna endikin Pu R.L. Rindika, Asst. Secretary chu Serchhip-ah a kal.

MUP News
Vawiin Pathianni chawhnu inkhawm ban hian Pu Bawihranga In mualvengchungah MUP member te leh associated member ten hla zir tur a ni a. Aizawl South-I Area Meet kan veng in kan thleng dawn a, heta tana inbuatsaihna a nih avangin hla zirna a kim taka kal turin kan in ngen a ni.

The Republican 8th July 2012 : MHIP Republic Veng Branch chuan MHIP Day (ni 6.6.12) vawi 38-na chu Republic Veng Field-ah ropui takin an hmang. MHIP Day Programme hi MHIP lam pawn goal hi an thun ngei session hnih a then a ni a, session a, mahse ball an bawr hneh deuh khatna hi Pi B. Lalthiangi'n avangin a petgoal tu ber an hrelo a (President, MHIP) a kaihruai a. Pu ni. He goal hian inkhel awmzia hi P.C. Thangchunga'n (President, a sawifiah zo lova, team pahnih MUP) hunserh a hman zawh hnuah atanga red card pahnih hmu awm thusawi ngaihnawm tak tak kan hian a inkhel boruak a tan zia chu a ngaithla a, khuallian Pi F. sawifiah awm e. Session khatna zawh hian Lalhuthangi'n (Executive Member, Refreshment a chhunzawm a ni a, AMC) 'MHIP Day hawnna hun a hemi zawh hian session hnihna nei a ni. Hemi zawh hian Opening neih leh niiin session hnihnaah Football Match hlimawm, hian section hrang hrangte chu inhruipawh, inkawikah, balloon hmuhnawm leh nuam tak MHIP leh race, musical race leh basketball MUP ten an khel leh bawk a. He free throw hmangin inelna an nei inkhelah hian MHIP leh MUP hi a. Inelna neih zawh hnu hian hun pangaiah 1-1 a inhnehtawkin lawmman semna hun neih niin Pu penalty-ah MHIP 3-2 in an chak ta Vanlalruata'n (Chairman, Local Council Republic Veng) lawmman zawk a ni. He inkhelah hian MUP tan hi semin, MHIP Day chu felfai taka Pu B.Lianthanga'n goal a thun a, zawh a ni ta a ni.

SECTION YMA NEWS

Section I : Nimin zing kar khan an section huamchhung tifaiin YMA member te leh YMA chhang member te nen an hnatlang. Tin, chhun lamah an Property House siamin YMA member te an hnatlang bawk. Section III : Dt 6.7.2012 (Zirtawpni) khan thuthleng thar siam leh a hlui cheithat hnatlang an nei a,member thawkchhuak an tha hle. An section thuthleng zawng zawng rawng hnawihthar vek an tum bawk. Section V : An project pual a, thawhlawm thawh zawng zawng te chungah an lawm hle a, hetih rual hian la pe lo ten an rawn khawn leh hunah tlawmngaia lo pe teuh turin an inngen nghal bawk. * 6th July Zirtawpni khan sum tuak nan Pu Lalfakzuala vawk an talh a, sum inhlawhna siamsak tu leh an sa zawrh leisak tu zawng zawng chungah an lawm hle.

KEIMAHNI
Republican hi a man thehluh leh a hun dawn tawh a, section tin agent te a khawn zo tawh kan awm chuan Republican Manager Pu Ngurthanmawia, Section-VII hnenah thehluh tur a ni a, tin, tun thla chhung hian section tin ten a man hi theh lut turin kan in ngen a ni.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 8.07.2012

E DITORIAL B OARD

I HNAM CHHAN NAN I CHANGKANG DAWN EM ??

- R.D.Lalrammawia, Sec - VII Tunlai kan khawvel hi Computer Age ni tawh mai lovin, Cyber Age a ni tawh e tiin thenkhat chuan changkanna dawhsana kan lawn san tawh zia an sawi ta fo mai. He kan khawvel deiduai pawh hi a kilometre mal te te a chhut chuan zau tak ni mahse, he changkanna hian a tizim zova, a zau tawk tawh lo. Khawvel let liama chil zu chhak turin darkar tam hun kan mamawh tawh lova, Kawlvalenchham hlatna namnulin hlate khua ami te nen kan inbia a, kan hmuh khat takte lehkha thawn a i dam thin maw? Tunlai in dam lai anih ka beisei tih biahthu kan thawnna ber, dakpute hna pawh, tunah chuan a thamral tan ta! Heng changkannate hian thatna kawng neiin kan nun ti awlsam mahse, kan rahbi ala ngheh tawk loh avangin, Zofate tan chuan hlauhawm a kengtel tlat. Beach leh Holywood vela lenlai chen thei khawp a thawkrim leh hlawhtlingte nunphungin kan sitting room a luah a, an nundan dahau leh entawn tlak loh laiin, kan thalaite thinlung chhung a bu a khuar tlat tawh chuan, Zo zia hmusita, kan Mizona hnuchhawn duh mai thalai rual punlam pan chu awm tak a ni. Thil awm ni mahse thil tha a ni lova, hnam anga mahni mawng hlimna zahthlak zet mai a ni zawk. Tunlaia kan thalai rualte mitthla a awm leh kan TV hmaa thut hmun min sawhngheh tirtu pakhat leh chu, Korean film hi a ni. Kan sam style te, kan kawr hak duhdante leh kan malno langa kan tuallen dan mai bakah, an ban vai dan lamin kan entawn a, thenkhat phei chuan mumang lam thleng thlengin an mangphan a ni awm e. Heng ang filmte hi an chhe ngawt lova, tha hlang pawh an ni hek lo. An nundan tha lai, an fai ziate,hnathawh neilo leh awm mai maite chan chauh ziate, mahni intodelh tura an thalai rual tan nasat ziate leh thawhchhuah nei silova an nula tlangvalte inneih an ngam loh dante hi, kan entawn tur anih zawk laiin, helam hlamchhiah a, an style a kan lo tuiral anih chuan, Zoram thalai rualte tan hian film thaah ka ngai thei lo. Kan hmabak theuha khaw lo var leh tur atana kan nun leh midangte tan pawha tha hi, heng film atang hian zirchhuah kan tum tur a ni. Korean filmah chuan Korean nulain hnamdang tlangval pasalah an nei ngai meuh lo. Lo nei emaw, lo ngaizawng emaw anlo awm pawhin, dinhmun tha an luah ngai bawk hek lo. Chumi ina a entir chu, Korean filmah hian nationalism a inphum a, hnam humhim duhna an telh a, thalai rualte tiphur zawng leh fuih (motivates) in, eizawnna (business) an in kawhhmuha, film hmangin ram leh hnam an humhalh a ni. An thawh rimna avanga an hlawhchhuah tawh changkanna chu, thawkrim ve silova, awmhmun atanga kan lo entawn ve ngawt chuan, inti changkang viau mah ila, changkanna kawrawng a ni tho tho. Mi changkang chu thawh theih tawk rim taka thawka, mahni intodelhte hi an ni. Cyber Ageah kan cheng tawh miau a, mi dawngdahte chu ruhno an ni a,ruh chang zawkten an nek chhuak a, an tan dinkhawchhuahna tur ni, khawchhak atanga chhuak thin khian a chhuahpui ve thei lo. (chhunzawmna phek leh lamah)

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Kawngpui sir a motor dah.... Kan veng kawngpui hi a chhuk chho hle mai, duh angin a zau tawk lo leh nghal bawk nen, kawngsira motor kan dah hian kawngpui a ti chep hle mai a, traffic jam te pawh a siam hial thin reng a ni. A bik in kawipui leh Pi Pangi peng inkar hi zing lam office kal hunlai hian a jam nasa leh ta hle mai. Traffic SP in zinglam dar 8:30 atanga dar 10:00 thleng kawngsir a motor dah phal loh tih order a chhuah khan traffic police ten duty in an fang kual thin bawk a, traffic jam kha a ziaawm hle thin a ni. Tun hnaiah kan dah leh nasa ta hle mai a, traffic police ten an rawn fang kual hman lutuk lo bawk nen, dan zawm lamah kan tlahniam leh ta hle mai. Motor neitu ten tan kan lak thar leh hle a ngai a ni.

* Huang Zalen a thuchhuah reng reng hi Editorial Board ngaihdan a ni vek kher lo, huang zalen a chhuah tur thawntu ten hming kan tih lan loh pawn phone number ti lang thin turin kan in hriattir e. Editorial Board * Kan Branch hruaitu hlui lumen zan a Republic nula leh tlangval tih takzet a kan han zai dup dup mai kha chu Republic Veng nih ava nuam em i tang sauh sauh ang u. - 9612127128 * Hall chunga motor dah hi a him that viau laiin, motor banga thil bel leh side glass khawih ching naupang sual leh awmhlei deuh kha kan hre tawh che a. Mi motor khawih tawh lo turin kan ngen a che. - Motordah thina * Sangsangi Pa i sawi dik khawp mai, gas chungchangah na na na chuan kan Local Council te u in ti tha thlawt, gas bur khat lek la tur a zing tak atanga intlar a ngai ta lo, bur khat pawh kan chan ve hma a bur 3, bur 4 chang hman te an awm leh si thin te pawh thiam leh fel takin in ti reh ta....kan fak a che u. - Empy Gerrad (9862029617) * Pi Zothanpari , MHIP Day Opening Match a lut miah lo a Red Card i hmuh khan MHIP tana i tan zia leh i in pek zia a lang a, kan chhuang hle che a ni. Man of the Match Drogba Kaphlira (MUP) leh Best Goalkeeper Casillas Chhani te inkhel pawh kha kan hmu kham mawlh lo. - Republic Veng nu ho

The REPUBLICAN WEEKLY

Y.M.A. REPUBLIC VENG BRANCH

Dt. 8.07.2012

* Pi Marly Vankung W/o Pu Ngurthanmawia, (Branch Vice President) sec-VII chu an hna thilah Delhi ah a thang mek.

RBC One-Day Tournament a hlawhtling!

* Republican Chanchinbu in Euro Rindik a buatsaihah R. Lalrinzuala (Sec-III) chu pakhatna niin Tei (Sec-V) leh Numani (Sec-V) te chu pahnihna leh pathumna an ni thung. Pahnihna leh pathumna hi an point a inang avangin thumvawr a ni a, Tei (Sec-V) hi a vannei ta zawk a ni. Pakhatna hian Rs 200/- dawngin, pahnihna leh pathumna hian Rs 100/- leh Rs 50/- an dawng dawn bawk a ni. * Republican Editorial board chuan 'Euro Rindik' a lawmman dawngte kan lawmpui a, he rindikna a rawn tel zawng zawng chungah lawmthu kan sawi bawk a ni.
Article chhunzawmna.... He hringnun khawvela chengte hian tunlaia kan thiltih langsar ber chu, intih changkan siak hi ni berin ka hria. Heng ang changkang kan tih zawng zawngte hian ken tel nghet tak mai a nei a, chu chu pawisa, saptawnga money, rual u deuh tena sum an tih hi a ni. Inti changkangin tuallaiah lo hawi pir viau mah la, pawisa i neih loh chuan, changkanna tehfunga teh inih hun hunah, i tla nghal ang a, i buk a rit dawn lo. Company lian leh ropui tak tak ten, changkang kan tih thil eng eng emaw an rawn siamchhuak a, a thatna pel hretin min fakmawi khum zui a, chung ang lo lei chat chat thei chu hausa an ni tawh mai lova, changkang an ni tel tlat tawh. Chung ang nunphung chuan he kan Zoram dung leh vang hi afan chhuak tawh a, sum chuhin hmaisen mai kan chhuah tawh lova, kan tha leh rilru neih zawng zawng bakah, mawnglam tha nen kan tang ta a, kartawpa Biakin lama kan tawngtainain, kan sual a tleng fai pha ta meuh lo chu anih tak hi! Kan nula ho zingah pawh hian Mobile topup man neihloh avanga hmeichhe rohlu hralh ta mai pawh hi kan tam tawh awm a nia. (Issue lehah chhunzawm tur)

Ni 6.2012 (Inrinni) khan Republic Basketball Club (RBC) chuan RBC Court-ah veng chhung Basketball lama tuimite tan One Day Tournment an buatsaih a, hetah hian section hrang hrang atangin team 7 lai an tel a. Ruahsur in inkhel tihbuai zauh nei mahse, tluang taka zawh fel a ni. He One Day Tournament-ah hian Venglai Chhak Team chuan Venghlun Chung Team chu hnehin an champion a. Champion Team te hian Rs.1000/- an dawng a, Runner up hian Rs.500/- an dawng bawk. He tournament hian kan vengchhungah basketball a ti hmasawn satliah lova, vengchhung inlungrualna pakhat a siam tel avangin tihzel theih atan a duhawm hle a ni.

RBC NEWS
* RBC Jersey hring la kawl ten a rang lamin Tv.Vanlalchawimawia Property Secy. hnenah thehlut turin an inhriattir e. * MBBA in Season Opening Tournment a buatsaih turah ngawrh takin an inbuatsaih mek.

REPUBLIC VENG BODY BUILDING CLUB NEWS

Dt.20.6.2012(Sat) khan RB&HC chuan GYM tihfai hnatlang an nei a, member hnatlang an thawkchhuak tha hle. Vengchhung ah a duh tan member anih theih e.

TANPUI NGAI IN SAKSAK DAWN

Kan Branch YMA chuan Tv.Lalthanmawia (Mawitea) Sec-V chenna tur in sak sak tum in hma a la tan ta. Tv.Lalthanmawia (Mawitea) hi i hretawh ngai em? September ni 8. 1979 khan Treasury Square a DC.Office saknaah a chesuala a. He chetsualna avang hian a kawng hnuai lamin nikhua a hre ta lova. Heta chinah hian zun/ek pawh hre lovin khumah thiar sak ngaiin a lo awm ta a ni. A zun leh ek thiar saka amah enkawl thintu a pa Pu Saitea chuan December ni 8, 2006 khan a boralsan leh tak avangin, enkawl tu mumal tak a nei ta lova. Chhungkhat laina leh mi tlawmngaite enkawlna chauh chu a beiseina neihchhun a ni ta. Hemi anih avang hian YMA pawn tanpui ngaiah a ruat a, amah tanpuina tur hian a awmna tur in sak sak tum a ni. He in sak na tur hian sum thahnem tak mamawh a ni a. Amah tanpui tur hian i penchhuak ve dawn em?

PIC OF THE WEEK

Section-III te chuan ni 6.7.12 (Zirtawpni) khan thuthleng siam hnatlang an nei

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 8.07.2012

DAWR THAR
TATA TISCON (Internet tha chi), Brick, Cement, Balu kan zuar e. Biak In, office leh mahni In sa tur tan duhthusam a ni. Buk tling lo a awm ve lo. Tuikual 'A' tuichhunchhuah thlangah kan awm e. Mamawh i neih chuan min rawn pan ve teh. KT MAWIA ENTERPRISE TUIKUAL, SAIRANG ROAD TUICHHUNCHHUAH THLANG (3-2) Ph : 9436153365

YMA NIHNA : YMA chu Politics rawngkai lo tlawmngai pawl a ni.

LOCAL COUNCIL HRIATTIRNA

1. RGSA : Republic Veng chhunga Game Discipline hrang hrangte khaikhawmtu tur Republic Veng Games and Sports Association (RGSA) kum 2012-14 chhunga hruaitu tur thlanna neih a ni dawn a, Republic veng chhung Game Discipline hrang hranga OB leh Executive committee member leh veng chhung mi infiamna lama tuimi zawng zawngte chu a hnuaia hun leh hmun ruatah hian kal khawma RGSA hruaitu tur thlang ngei turin kan in ngen a ni e, inthlang tham kan kal lo anih chuan Local Council in tul leh tha a tih angin a kal pui ang. A hmun : YMA Run. A hun : Ni 17.7.12, dar 7:30 P.M. 2. Ration Card : DCSO Aizawl 'W' atanga Ration card revision tih chhuah tharah Local Council ten in report hun a siam a in report loh avanga Ration card chhuakve lo kan awm nual niin hriat a ni a, heng mite hian Chairman Local Council Pu H. Vanlalruata hneah emaw Member Pu PC Malsawma hnenah emaw Ration Card leh chhungkaw hotu ber voter ID xerox copy kengin Ni 12.7.2012 ral hmain in report tur a ni e, hun tiam chhunga in-report lo chuan engmah an sawi buai thei lovang. 3. Gas Card : MIZOFED Gas consumer card, Local council hnena la in-report lote chu Pu Lalremtluanga member Local Council hnenah ni 12.7.2012 ral hmain in-report vek tura hriattir kan ni e. In report lo ten Gas lak chungchangah harsatna an tawhin Local Council-ah engmah an sawi buai thei lovang. 4. Bawlhhlawh paih motor lian 407 tipper tlan tan hun zing dar 7:00 am ni thin chu tih danglam a ni a. Dt. 9.7.12 atang chuan zing dar 6:30 am ah a, a khawmna hmun pangngai atangin thu leh awm hma chu a khawn tan tawh ang.

ICFAI UNIVERSITY MIZORAM

(Approved by UGC) Kum 2012 atan ADMISSION hawn mek a ni. Zir theih te: BBA,BCA,BHTM-(Pawl XII,pass emaw result nghak mek) MBA -(Gradute-Arts,Science,Commerce pass emaw result nghak mek tan) Heng ah hian admission form a lak chhuah theih 1) City Office ,ZoCareer Solutions, Near Axis Bank,Chanmari,Aizawl Ph:0389-2306789,9615755388 2) University Campus,Durtlang North Ph:0289-2361232,9862596226 3) Wedsite:www.iumizoram.edu.in (3-1)

EASTERN HARDWARE & ELECTRICALS

WHOLE SALE & RENTAL REPUBLIC VENGLAI Insakna bungrua leh electric bungrua chi hrang hrang bazar lam pan buai ngai lovin veng chhungah kan nei ve ta. Min rawn pan ve rawh le.

LAWMTHU SAWINA
MHIP Day ropui tak leh hlawhtling taka kan hman theihna tura min tawiawmtute chungah lawmthu kan sawi a. Kan khuallian PI F. Lalhuthangi (Executive Member, AMC) te, MUP Republic Veng Unitte, LOcam Council member te, Branch YMA OB te chungah lawmthu kan sawi a. Tin, Sports Bungrua min petu Pu C. Laltlanthanga, SSPO, Sports Council chungah leh bungrua kan mamawh ang min hawhtirtu Aizawl High School, Section VII (Mualvengchung) Section, Section VI (Biak In Mual) Section chungah te, tlawmngai a min puitu kan fatu leh kan puanthui zirlaite leh zirtitute leh field a min buaipuitu zawng zawngte chungah lawmthu kan sawi a. Nilenga kan thla la tura min awmpuitu kan cameraman Pu Biakchhawna, Local Council Member chungah lawmthu kan sawi bawk. Hetianga MHIP Day hlawhtling taka kan hmanna chhan chu memberte vang kan ti lo thei lova, kan inlungrual mai bakah kan tihtur theuh tha taka kan tih vang a tih theih a. Hei vang hian member zawng zawng chungah lawmthu ka sawi bawk a ni. 'MHIP vul zel rawh se'
Secretary M H I P, Republic Veng B ranch

Contact : 9436141117 Properietor (3-1) 9612161955 V.Rothangpuia

THLANMUAL FUND HMAN DAN TLANGPUI

Thlanmual Fund hi Rs.100/- a khawn thin a ni a. Pawisa tling khawm hi kuang siamna hmanrua leh tul dangte lei a ni thin. Kuang tuamna puanthan roll eng emaw zat lei a ni bawk. Mitthi tlaivarpui zana eiin senso te, kuangduan hnatlang eiin senso te, thingphel leina te han chhut vek chuan a hautak khawp mai. Mi pakhat thih hian tlaivar ngai a nih chuan Rs.6000 - 7000 vel kan seng ral thin a, tlaivar ngai lovah chuan Rs.2500 - 3500 vel kan seng ral thin a ni. Ruang chhuak tur a awmin kuang kan tumsak a, puanin kan khuh thin bawk a ni. Chhiat tawh aYMA in a sen ral zat hi mahni a in tum turah chuan tam tham tak a ni a, chuvangin Thlanmual Fund hi bituk zat kan pe thei lo a nih pawhin kan remchan dan ang pawh pek hram a tha. Thlanmual Fund, tun a pawisa kawl lai hi hman zawh tep tawh a ni a, remchang hmasa berah section tinah an rawn khawn tan leh dawn a, phur takin i lo pe theuh ang u.

Published by Republic Veng Branch YMA, Printed at Zo-Awm Press, Khatla, Copy750