VOL. XXX ISSUE NO. 32 An Official Organ of Y.M.A. Republic Veng Branch Dt. 02.09.

2012

Mizo hmeichhia ten hnam dang pasala an neih hian, an hnam an uiresan tihna a ni

VOHBIK RUN SAK A NI DAWN TA

The Republican 2nd September 2012 : Hun rei tak atanga Branch YMA in a lo tum tawh Tv.Mawitea luah tur Vohbik Run chu sak tan a ni dawn ta.

BRANCH NEWS
Vohbik Run sakna tur atana mi inphal te hnen atanga pawisa dawn te :1. Pu Zoramthanga - 1000/Mission Veng 2. Section-I - 1000/3. Presbyterian Kohhran Republic Veng - 25000/4. Hming thup - 1000/5. F.Vanlaldika (Sec-VII)- 1000/6. Pu BMS.Dawngliana - 500/Sec-III Tanpuina hi a duh apiangte tan thawh theih reng a ni a, tin, a bungrua ala ni.

Ni 6 September atang hian kan Local Council te leh kan YMA hruaitu ten a hmun an lo hual tawh Section-V Primary school II bul, kawngpui an ah sak tan tum a ni. Mi harsa in sak tur hi Branch YMA Executive Committee chuan Vohbik Run tiin a hming sa a, hemi hi sak a nih theih nan Branch YMA chuan theih tawpin hma a la a, veng chhung a mi inphal tak tak te leh kohhran leh pawl hrang hrang bakah veng pawn

atang tein tanpuina sum hmuh a ni. Heng mi inphal tak tak te thil phalna avangin Vohbik Run hi sak a ni thei dawn ta a a lawmawm hle. Vohbik Run sakna atan hian Branch YMA chuan hriat theih chinah Rs.94100/- a dawng tawh a, tin, a bungrua ang zawng pawhin dawn a awm nual tawh bawk a ni. Hetih rual hian tanpuina sum hi la pe duh tan ala pek reng theih a, tin, a bungrua leh hmanrua ang zawng pawhin a pek reng theih bawk a ni.

SECTION YMA NEWS

Section I : Nimin zing khan an section huamchhung tifaiin YMA member leh YMA chhang member te an hnatlang. An section huamchhunga inluah tur neite hnenah lehkha semin kumin chhung a in luah thar zawng zawngte hnenah pem lehkha thehlut turin ngenna siam an tum a, inluah tur nei ten lo hriat sak turin an ngen a ni Section III : Dt.1.9.2012 (Inrinni) zingkar khan Kawipuiah section sum tuak nan Bawng thau tak an talh. Tin Dt.6.9.2012 ( Thursday ) a Branch YMA in "VOHBIK RUN" sak hnatlang a neih turah section YMA member te a tam thei ang ber hnatlanga thawk chhuak turin an in ngen. Section IV : An section secretary Pu Malsawmtluanga chu a hnathawhna Aizawl Secretariat atangin Lawngtlai-ah an sawn. Section V : Branch thu chhuak leh Local Council rem tihna angin Information fund Rs 20/- an rawn khawn dawn a, tha tak a lo pe turin chhung tin te an in ngen bawk. * Vawin chawhnu inkhawm ban hian Anganwadi Centre-ah an Commitee dawn a, member kohna hmulo palh pawhin hei hi kohna ah ngai a kal theuh turin an in hriattir bawk. Section VI : Vanapa Hall a "Khawnglung Run" film Ni 24.8.2012 a chhuah ah section YMA te duty in an in hlawha member te an thawk chhuak tha hle a, Member thawk chhuak te chungah Lawmthu an sawia, inhlawhna hmuh sak tu Pu.C.Lalbuatsaiha Asst.Leader chungah lawmthu an sawi a ni. Section huam chhungah "Ui" chhuah hmuh tur atam leh tawh hle mai a, kan ran te khuahkhirh thar leh theuh turin an han in ngen a, kan ran khuahkhirh loh, lo chhuak ten mi kut palh an lo tuar anih pawhin an sawi buai thei lovang. An section chuan Ni 21.8.2012 zana executive committee in a lo pass tawh angin Branch YMA in "VOHBIK RUN" sak a tum chu tha an ti in Rs.1,000 an pe. Section VIII : An section chuan an section chhungkaw tin a lehkha an lo sem tawh bawhzuiin Anganwadi Fund tur chu tun thla chhung hian in tinah Rs.10/- an rawn khawn tan dawn a, chhungtin te lo inring turin an inngen.

INFORMATION FUND
Tunah hian Information Fund a awm tawh lova, Information Network hi veng chhung thil pawimawh kan inhriattirna ber a nih av angin Local Council-te remtihnain thla thar September, 2012-ah Section tin ten mahni Section huam chhung In tinah Rs. 20/- theuh khawnin September thla chhungin Branch Finance Secretary hnenah thehluh tur a ni.

TRAINING OF BLOOD DONOR MOTIVATOR

CYMA leh Association for Voluntary Blood Donation (AVBD) \angkawpin 13rd September, 2012a Blood Donor Motivators Training, I&PR Auditorium-a a buatsaih turah kan Branch aiawha kal turin Pu Lalramchhana Pachuau Sec-I leh Pu Vanlalhriata Sec-VIII te ruat an ni.

LAWMTHU SAWINA
Pi Mabiaki w/o Pu Lalremtluanga (Patai-a) chuan ni 30.8.2012 (Ningani) zan a Library sawn hnatlangte in tur coffee a tum sak a, a chungah lawmthu an sawi

REPUBLICAN MAN
Republican man thehlut tawh te : Sec VII (Rs 8100/-), Sec IV (Rs9150/-), Sec- V (Rs.7700/-) La theh lut lo section ten a rang lama theh lut turin kan in ngen e.

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 02.09.2012

E DITORIAL B OARD

Ka Pa Fam Chan Ni Kha

- Rooney Opa, ZoFooty Author
Ka mutui lai chu ka nu in min rawn sawi nawk nawk avangin ka harh hlawl a. Hlauthawng aw tak maiin, I pa te an accident a nih chu, tho la, insiam vat rawh. a rawn ti a. Harh chiang manghlei lovin ka thu hlawl a, engmah tihna chang hre lovin ka melh ngai ka melh reng a. Ka nu insiam zo chuan ka la insiam lo tih a hmuh chuan Insiam vat vat rawh kal a hun a nia. a rawn ti leh a. Ngawi rengin sitting room ah ka phei a, thutthleng ah ka thu ringawt a. Engmah tihna chang hre lovin ka rilru a buai vek ringawt mai a ni. Engemaw ti ti a kan innawr hnu chuan ka pi, ka pu, ka nau, ka nu leh thenawm nu Lali leh mi engemaw zat nen kan chhuak ta a. Kalkawngah chuan engmah sawi lovin ka ngawi reng a. Ka pa te accident chu engtiang taka na nge ni ang tih ngaihtuah rauh rauh chungin ka thu ve kar mai a ni. Tichuan kan kal ta zel a, damdawiin lam pan tura inngai khan ka pu te in lam kan pan ta tlat mai! Eee!!! A na vak lo a nih dawn hi. Damdawiina dah pawh a ngai lo a nih dawn hi. ka ti rilru a. Ka lawm angreng hle a. Mahse, ral atanga ka pu te in hmuh theihna atanga kan thlen chuan tap thawm leh zai ri ka hre ta a nih chu! Ka bing mum mum a, ka kha a chih a, ka awmah hian hnawhtu awm ang maiin thawk a harsa talh mai a. Ka nu hnenah chuan thil awmzia ka zawt a, min chhang lo! [Han in mualpho law law ila, ka pa hi zu leh khawvel thila a buanchak loh deuh avangin ka nu nen inthenna pawh awm chuang lovin ka pu (ka pa pa) hian a nun te a insiam that theih beiseiin an in lama a hruai phei lai a ni a. Keini erawh chu ka nu leh ka nau nen kan in luah ah kan khawsak lai mek a ni.] Tichuan, kan hnaih tial tial a, zai thawm a ring tial tial aka lungphu a rang tial tial bawk a. Kan thlen chuan ka pa, a hma tlai lawka dam tha taka ka hmuh kha khumah pawh zalh lovin kuang chhungah zalhin ka zuk hmu ta a nih chu! Ka awi thei lova, ka ring thei bawk hek lo! Mahse, ka mumang a ni si lo! Ka ni te leh ka pi ten min lo kuah a. Te-a, i pa hi mihring a tling zo tawh lo. an lo ti a. Sawi tur reng reng ka hre lo. Ka tawt up up a, engmah tihtheihna reng ka nei lo. Ka tawng thei lova, ka tap thei bawk hek lo. Ka pa ruang bulah chuan ka thu a, a kuang tlang bawhin a biang ka chul ka chul ringawt mai a ni. Khatih lai boruak kha engzat pawh hlawh turin tawng nawn leh dawn mah ila ka duh hauh lovang. Rilru leh ngaihtuahna ah ka nu leh pa te hian engtikah emaw chuan min la boral san dawn a ni tih hriain a dawnsawn dan tur lo ngaihtuah lawk mah ila, a taka han tawn meuh chuan thu a sawifiah thiam rual lohvin a na a ni. A na thlawt!!! Boruak rit tak hnuaiah zan hun chu kan tlingtla hram a. Khua a lo var chuan ka pi te chuan thingpuite ina intiharh turin min ti a, mahse, ka pa ka kalsan duh loh avangin ka hnial a. Ni a lo tlangsang deuh a, ka patea chuan ka thiante hrilh awm ang ang hrilh turin min ti a, phone ka la neih loh avangin ama phone ah chuan ka thiante ka hriat theih ang ang ka phone kual a. Ka phone zawh hnu chuan chaw ei tura an chhuah zawh hlawm avangin ka bulah ka pu a lokal a, Te-a, chaw te i ei duh lawm ni? I pa pawh kha a riltam tawh ang zu laksak tawh. a rawn ti a. Hreh tak chungin chaw ei turin ka kal ta a. Bar hnih khat lek ka bar a, ka ei theih ngang loh avangin ka pa bulah bawk ka chho leh ta a. Ka pa bulah chuan nunhlui ka chhuikir a. Min duat zia leh zirna lama ka tihthat changa min chhuan thin zia te ka ngaihtuah chhuak a. Vawiin hi inrinni a ni a, nimin khan inhmu turin min thlah a ni si a. Hei ka lokal asin. Min hmuah dan hi a va mak ve! ka ti a. Ka lung chu a chhia, mahse ka tap thei lo. Ka pa tan hian ka mittui ka ui a ni lova, atana ka neih zawng zawng sen pawh ka huam laiin mittui farkhat pawh ka seng thei lo a nih chu! A mak khawp mai! Hemi ni hian mihringten kan hma lam hun kan hriat loh zia ka hriatchian phah hle a ni. Ni e, nimin lawk Zirtawpni tlai khan ka sikul bangin uniform leh lehkhabu Phek 4-naah chhunzawm a ni....

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

Huang Zalen hi.....

Kan chanchinbua chhiar hlawh ber column nia lang Huang Zalen ah hian mi chi hrang hrangin ngaihdan hrang hrang an thawh thin a, thenkhatin insawiselna lam an thawn laiin, fakna lam pawh a awm ve tho bawk. Mi chi hrang, ze hrang, chawr chhuahna hrang, veng khat a cheng khawm kan nih avangin kan rilru put hmang pawh a inanglo hlawm hle. Thenkhat chuan "Huang zalen ah hian insawiselna lam hlir in chhuah a, chuvangin tih tawp mai hi a tha lawm ni" an tih mek laiin, thenkhat ve thung chuan " Huang zalen ah hian in chhuah dawih lutuk, ka thu thawn pawh in chhuah ve ngam lo" an ti ve mek bawk. Nia, Huang zalen hi a dinchhuaktu kan mithiam, kan chanchinbu lo enkawl hmasa te'n an lo tih chhuah nachhan ni awma lang chu, Khawtlang/vantlang hmasawn theihna tur a sawisel ngaite sawiselna tur, rawtna(advice) tha neite tan rawtna hmun, fak tlak khawtlang tana tangkai leh an thil tha tihte fakna hmun a ni. Mimal inhuatna emaw, intihlar tumna lam te hi he huangin a tum a ni lo, hetiang thilah hian Editorial Board te paw'n kan thiam ang leh theih ang tawkin kan lo thlifim ve thin, amaherawhchu issue thenkhatah chuan kan thiam tawk lohna leh tlin tawk lohna laite pawh a lang thin ang tih kan ring. Chuvangin he huanga thu thawn tur ten khawtlang tana hmasawnna/ hriselna tur lam hawi, insawiselna a nih pawhin insiamthat leh theihna lam hawi thawn ni thei se, kan tawngkam hmanah pawh mi thin khei lutuk lo tur deuh i zawng hram ang u. He huangah hian kan veng chhunga mi tupawh, thil engpawh a lian ber atanga a te ber thlengin kan leng a ni tih hria ila, eizawnna vang emaw, chhungkaw thil vang emaw a khawtlang/ vantlang tana inhmang hman lo; khawtlang hmasawnna tura ngaihtuahna lo hmang thinte pawhin he huang hi infinchhuah nan hmang thin ila, hmasawnna leh inpumkhatna tha kan rilruah riak bawk se, khawtlang hruaitute leh mipui mimir tan darthlalang tha tak kan chhawpchhuahsak thin dawn nia.

* Ui khawlai leng hi...a ek hi a tenawm in, ui hlau chi tan phei chuan...'awi ka nu'. Vengthlangah khu chuan neitu awmlo ui khawlai leng chu manin Local Council ah an hlan zel a. Kan vengah hian tih ve thei lawm ni... - Mr-X

The REPUBLICAN WEEKLY

Y.M.A. REPUBLIC VENG BRANCH

Dt. 02.09.2012

NAUTE THAR
Pu Henry Lalrohlua te nupa (Sec-III, Pu C.Laldawngkima fapa) chuan ni 22.8.2012 khan Ruthi Lalruatfeli an nei thar a, Republican Editorial Board ten kan lawmpui hle.

BEST PLAYER - CH.CH-A

Aizawl District Football Association buatsaih Season Opening Football Tournament-ah Bethlehem V.T. FC chuan Chaltlang Sporting Club hnehin 2nd Div-ah an Champion a, Bethlehem VT FC-ah hian Republic Veng tlangval Lalchhanchhuaha (Ch.Ch-a), Section VIII chu khelin he tournament-ah goal 3 thunin, finala an chakna penalty a thun bawk a, he tournment-ah hian Best Player ah thlan a ni.

LAWMPUINA
Pu C.Laltlanthanga (Sec-III) chu Mizorama Sports Association (State Level) 32 inthlunkhawmna Mizoram State Sports Council Secretary thar atan Mizoram sawrkar chuan a ruat. Ni 29th August 2012 khan Secretary-a ruat tharna order hi Mizoram sawrkar chuan a tichhuak a ni. Pu C.Laltlanthanga hi MSSC (Mizoram State Sports Council)-a Senior Sports Promotion Officer hna chelhlai a ni a, technical lam mi, MSSC-a Secretary hna chelh hmasa ber a ni. Branch YMA leh Republican Editorial Board ten kan lawmpui hle.

TV SCHEDULE
Barclays Premier League 2012/13 (Sunday Zan) Liverpool vs. Arsenal (ESPN) 05:55 P.M. Southampton vs. Man Utd (ESPN) 8:25 P.M. Newcastle vs. Aston (Star Sports) 8:25 P.M. Liga BBVA 2012/13 (Sunday Zan) Barca vs. Valencia (Star Sports) 11:30 P.M.

SEC- VIII WELFARE COMMITTEE THUCHHUAK

Vengchhung alo thianghlim zawk theihnan heng ahnuai a hmun kan han tarlanah te hian ZU LEH RUIHTHEIH THIL dang te tih phalloh a ni a, ti lui an awm a. Duty ten an man chuan thuneitu te hnenah hlan zel an ni ang. 1. Sub Centre hnuai BAZAR leh a chheh vel. 2. Vety Compound chhung Hmawngkai kawng chho. 3. College Veng nena kan inrina lai Motor silna bawr vel. Khawngaihtak a he DAN zam hi min zawm sak a, min zahsak hram turin mipui te kan ngen e.

TIH DIKNA
Issue hmasa a kan chhuah Section- I Pa ho Committee hruaitu kan tarlanah hming chhutsual kan nei a, tihsual palhah ngaihdam kan dil nghal e. Tih dikna hetiang in :Chaiman : Pu.Lalthanghuta Vice Chairman : Pu.Laldosanga Sailo Secretary : Pu.R.Sawichhingpuia Asst Secretary : Pu.C.Vansanga Treasurer : Pu.Zothansiama Fin.Secretary : Pu.V.L.Chhuanga

DAWR SAWN
Ka 'Lu mehna' dawr Community Hall hnuai ami chu Pu.VL.Chhuanga Venglai, Biak In kawtah ka insawna min pan thin tu te ka hriattirin mi pan leh zel tur pawhin ka sawm a che u. In thian, D.V-A

DAM LO
* Pu Thangzela H/o Pi Rosiamliani Section III ami chu Presbyterian Hospital ah enkawl mek ani. * Pu Lalthuama, Section - III, zawngtah tuikhur bul ami chu inlamah enkawl mek ani. * Pu Lalremruata S/o Pu Lalhmachhuana section-VI ami chu Aizawl Hospital ah enkawl mek ani. * Pi.Irene Lalrindiki w/o Pu K.Lalmalsawma sec-VI ami chu Aizawl Hospital ah enkawl mek ani.

KEIMAHNI
Kan Joint Editor Pu Robert Zosangliana chu damlohna avanga hun engemaw chen damdawi ina a awm hnuin, Ni 31.8.12 khan in lama in enkawl turin a rawn chhuak. Dam thuai turin duhsakna kan hlan.

HAN NGAIHTUAH TEH

1. Faina kawngah miin engtinnge an sawi thin che? 2. I inchhung leh compound piah lam ingaihtuah thleng ngai em? 3. Bawlhhlawh paih motor hi i hman tura tih anih zia i hre chiang em? 4. Bawlhhlawh paih man khawntute i In atangin eng rilru pu in nge an chhuah leh thin? 5. Damlo enkawlna te,nau ek leh Sanitary napkin ang chi te uluk taka fun tha a paih thin i ni em? 6. Kristianna leh faina hi a inhmeh mai ani lova, a inzawm zawk ani tih i ngaihtuah ngai em? 7. Heng thil hi chhungkua ah apawimawh zia in sawiho ngai em? Issued by Sanitation Committee,Republic Veng.

PIC OF THE WEEK

Pic : Local Council Member-te Kawi pui chhak Pu Lalsiama Ralte (L) in bul step siam dan tur en felin LC member-te an hnathlang.

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 2.09.2012

MUP ZAI INTIHSIAK

Mizoram Upa Pawl hian Mizo mize mil a lengkhawm zai a Pathian fakna hla sak leh Mizo lunglen hla a Mizo tak a ram awih veng veng hi a ngaisang a. Thangthar zel pawhin eng ram ram emaw zai uar viau ai chuan Mizo ze mil hi hnam boral loh nan pawh chin chhoh zel ni se, Mizoram Upa Pawl duh dan chu a ni. Awle, engkim mai hi a hun leh hmun ngaih pawimawh hi Puitling zia a ni hrim hrim mai a, tunah pawh Aizawl South-I Area, Mizo lengkhawm zai a intihsiak hun chu , tunkar lo awm tur ni 7.9.12 (Zirtawpni) hian a lo ni ta der mai a. Heta hla vawikhat tal zir tawh zawng zawng he hun hi ngai pawimawh hram a zir hun leh intihsiakhun a lo tel theuh turin kan inngen nawn leh a ni. Zir hun kan neih tlem tak avangin thahnem i ngai theuh teh ang u. In zai siak ni hian local tv LPS leh Zonet te pawh cover sak turin kan ngen a, Zoram pumah a en theih dawn a ni. Hla zir hun hnuhnung a ni ta. A hun : 2nd Sept 2012 Pathian Ni Chawhnu A Hmun : Community Hall,Republic Veng, Inkhawm ban veleh. Kan veng hian Hall lamah Rualawh pawh ana hle. Kan dawn vawi khat na a ni bawk a hlim tak a hun hman kan lo in beisei a, chhun ril tam hunah Ar sawhchiar tuihnai tak leh thingpui a inhnawh puar tum ani.Ushering pawh MC&DC te mizo inchei Ngotekhwrh sin etc a mawi tak siin an lo duty dawn bawk ani. Min fatu sak turin ,YMA Mualvengchung Section beisei an ni bawk a. Kan sawmna te min lo tih hlawhtlin sak theih dawn avang pawhin, an chungah pawh kan lawm tak zet a. He hun hi a duh apiangin a chhim theih ang. Sd/- Secretary, MUP

YMA NIHNA : YMA chu Politics rawngkai lo tlawmngai pawl a ni.

Article chhunzawmna....
leina dilin an office ah ka tlawh kawi a. Ani chuan chhuang tak maiin a thawhpuite bulah, Hei hi ka fapa St Pauls a kal mek a nih hi. a ti a. Ka thil dilte chu a daih tawk pawisa a ah loh avangin a tuk Inrinni a an ina lam mai turin min ti a, Tennis Court bul bus stand thleng min thlah a nih kha. Kha kha ka pa damlai hmel ka hmuh hnuhnun ber tur a ni tih reng reng ka hre lo. Mahse, a ni miau si! Vuina hun hmang turin mi an lokal sap sap a. Ka thiante pawh an lokal ve a. An va fel tak em! Mami of Chaltlang te, Ruati of Ramhlun te, Kima of Dulte te, Mawi Mawii of Chaltlang te in lo chhiar ve a nih chuan khami nia ka ngaihsak that tawk loh che u khan ngaihdam ka dil duh che u a, ka chunga in thatna hi ka hre reng fo ang. Vuina tan hma in a khat tawkin ka pa chanchin leh amah fakna thu an chhak chhuak reng a. Ka pa in ka nu nen an inneihna a a thianpa, Middle sikula kan zirtirtu in middle sikul ka kal laia scholarship dilna form a kum khata Rs 100,000 aia tam lalut lo tan tih a nih vanga a dil duh loh thu a sawite phei chu ka lo theihnghilh tawh thil a ni a, lung a chhe duh kher mai. Mi tam takin ka pa zaidam zia leh biak nawm zia te, a hlim theih zia te an sawi a. A awm tak loh vanga fakna mai a ni tih hre mah ila ngaihthlak hrehawm a awm lo. Vuina hun kan hmang zo dawn tawh, amah thlah nan Isua hnenah ka him ang tih hla kan sak laiin tlangval hovin a kuang an rawn chhin dawn meuh chuan kumkhua atan ka pa hi ka hmu leh ngai tawh dawn lo tih ka ngaihtuah a, a hmaa tap thei lo, mittui pawh far thei lo kha a dana dan sen rual lohvin ka biangah mittui a lo luang ta zung zung a nih chu! A na ka va ti tehreng em Vuina hun kan hman zawh chuan thlanmual thleng ka zui ve a. A kuang an chhilh laite chuan mittui a dir zung zung a. Thiannu Ruatin min rawn kuah a, lungchhe takin kan let leh ta a. Hemi ni hi June 2, 2007 a ni a. Vawiin hi a champha chiah a ni. Kum 5 lai a liam tawh a nih chu! Ni e, kum 5! Hemi kum 5 chhung hian vawikhatmah ka theihnghilh ngai lova, hemi nia thilthleng zawng zawng hi nimin lawka thleng ang maiin a la chiang a. Zantin mut dawnin ka chhuikir ziah thin. Ni e, he kum 5 chhung hian lunglen vangin ka kur nguai lova, zirna bahlah khawpin ka sun hek lo. Mahse, engtiklai mahin ka rilru atangin ka dah bo ngai lo. Ka pa kan vui liam atanga thla 2/3 vel kha chu chaw ka ei thei lova, ka mu thei hek lo. Ka chau ngawih ngawih a, chanchinthara an accident thu an rawn puan a a na tuar lai video ka en ngat phei kha chuan a hrehawm duh kher mai. Ni e, hringtu pa meuh chan chu a lo na nangiang mai! An sawi thin, A kiang thin khuareiah thlafam zun ngaih chu. tiin. Kum 5 a liam ta. A la kiang lo. Khuarei chu engtia rei nge ni a? Engtikah nge a lo thlen ang? Ka pa ka ngaihna a reh dawn ai chuan khuarei chu lo thleng mai se ka va ti em! Aizawl ka chhuahsan dawn apiangin a thlan tlawhin malsawmna ka dil thin a. Ka pa malsawmna nena ka chhuah chuan engmah ka hlau ngai lo. Engmah! Ka pa thihna hian nu leh pa hlutna min hriat nawn tir awn awn a, ka pa kha vawikhatmah Ka hmangaih che ka la ti ngai lova, a thu ka awih loh leh fing nia ka inhriat avanga a thu ka hnial thin avangin ngaihdam ka la dil hek lo. Mahse, tunah chuan duh sateh mah ila ka thei tawh si lo. He ka inchhirna hian ka nun a khalh ngil a, thlafam changin raltiang kai tawh mah se minung ram hi rawn thlir rengin ka ring thin a. Chu chuan min thunun a ni. A chang phei chuan thli thaw te hi min rawn biak a tumna ah ka ngai hial thin nia! Chuvangin he ka thuziak tlawmte hi i lo chhiar ve a nih chuan i nu leh pa leh i chhungte nen inrem la, i hmangaih thu hrilh rawh. An boral hunah meuh chuan i tlai tawh ang. Ka pa, ka hmangaih che.

BIKE HRALH DUH

Bullet bike lei duh tan, Bullet Machismo 350 la thar tha tak Aizawl khawpui chhung chauh a khalh thin chu rokhawlhna angin hralh duh a ni a. Aman chunghcang chu in biak remna a ni ang. Contact :Paul Lalremruata 9862334740 Section - VII (3-1) Mualvengchung

ADMISSION
Rastra Bhasha Vidyalay Venghlui 3rd September 2012 atangin class tan a ni leh ta. Admission hawn mek zel a ni. BA IInd year thleng a tih theih e. Contact :Principal 94361469787 Rastra Bhasha Vidyalay (2-1) Venghlui, Aizawl

Published by Republic Veng Branch YMA, Printed at Zo-Awm Press, Khatla, Copy750