CHANCHINBU ENKAWLTUTE

Editor : Chanchinmawia (9615820416) Jt. Editor : K.Lalremsiama News Ed. : Lalnunsanga Fanai (9862120903), H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXII

Vawi : 5

Tahrik Ni : 3 Ramtuk thla (February) 2013 Phek 4

2013-AH YMA

Phek 3

SUB-COMMITTEE HRANG HRANG

Lawrkhawm
Lawmpuina Hlan
Dt 1.2.2013(Zirtawpni) zingkar khan Vengthlang North Branch YMA in College Road a an in sak thar YMA In chu Pu TT Zot hansanga, Champhai North bialtu MLA chuan hawngin he hunah hian kan Branch YMA chuan lawmpuina Dust Bin tha tak an hlan. YMA In hawnna hi an Branch Vice President Pu K Lalnuntluangan kaihruaiin YMA In Khuallian Pu TT Zothansangan thu a sawi a. He YMA In hi MP LAD Fund Rs 3,00,000 senga sak a ni.

Rukruk Hluar Tunlai hian Champhai khawpui chhungah rukruk leh dawr rawk adt. a tam thar hle a, Champhai Police hnenah tun thla chhung ringawt hian thubuai 22 ziahluh a awm tawh a, heng zingah hian rukruk thubuai a tam ber niin thu kan dawng. Sim Rawh U Taxi leh Auto Rickshaw hmanga ruihhlo sem kual thinte khan in Ruihhlo sem thin kha bansan tur leh sim turin kan inngen a. In sem lui anih chuan in chungah engpawh tleng se in sawi buai thei lovang. MUP Hruaitu Thar Kum 2013 a Vengthlang Unit MUP hruaitu thar te : President : Pu R Vanlallawma V.President : Pu Biaktluanga Secretary : Pu B Vanlalrova Asst.Secy : Pu RC Zahlira Treasurer : Pu PC Lianhrima Fin.Secy : Pu C Lalzuiliana

KUMPUAN SUB-COMMITTEE-IN HMA LA TAN

Ni 3 Ramtuk Thla 2013: Kum a thara, Vengthlang Branch YMA hnuaia Sub Committee hrang hrangten mahni hma zawn theuvah hma an la tan hlawm a. A bik takin YMA Kumpuan Ram leh Hnam Humhalh kawnga pawimawh tak Ruihhlo Do beihpui thlak turin Branch Kumpuan Sub Committee chu a inpuahchah mek a. Dt 29.01.2013(Thawhlehni) Zan khan Committee member an ruat tharte thukhawmin hmalak dan tur an rel a. Champhaia Daily Newspaper leh Cable TV ah Vengthlang leh Tuipui Bazar huamchhunga ruihhlo ti leh zuarte sim a, ti tawh lo tura ngenna leh a tiluite chunga action an lak dan tur chunchang chhuah nise an ti. Dt 30.01.2013(Nilaini) zingkar atangin Duty tanin an duty chinah pawh thuneitute hnena hlan tak an nei leh nual tawh a. No.4 leh Ganja pawh man an nei leh tan tawh a. Kumpuan Sub Committee hruaitute hnen atanga thu kan dawn danin Kumtharah hian veng chhung mi, Vengthlang Branch YMA Member nilai mek, Ruihlo zawnga vak an tam hle a, heng mite chungah hian kum dang ang lo takin thikthu a chhe duh bik hle a. Chuvangin, Vengthlang Branch YMA Member an mante chungah chuan action pawh lak nat bik deuh an duh thu YMA Palai Editorial Board an hrilh a ni. Tin, nikum lama Kumpuan hmalakna a, kan Branch YMA member ni thin, YMA Member an nihna hlihsak mi 5 te chu YMA Member an nihna hlihsak an nih angin thu leh awm hma chu thu hi a ngai renga kal tur a ni a. A tul dan a zirin hei aia action na zawk pawh lak theih reng a ni. Tin, Kumpuan hruaitute hian an hnathawh tha lo lai leh tanlak ngai laite finchhuah a, a tulna hmun apiangah ram leh hnam humhalh kawnga tanlakpui turin vengchhung mipuite min sawm a. Mahni awmna hmun apiangah Kumpuan duty kan ni vek a ni tih hria a, Drugs leh a kaihnawih laka kan khawtlang chhanhim tura ke pen turin mitin min ngen a ni. Kumin hian Record thar siam a la ni lova, nikum lam Branch Record atanga a lan danin kan Branch huamchhungah hian Ruihhlo ti, hriatchian leh sim hlei thei lo thalai 54 lai chhinchhiah an ni a. Tin, heng bakah hian thleirawl zual, ti zeuh zeuh anga lang, chhinchhiah zinga tel ve lo, ven ngai tak mi engemawzat an la awm a hriat a ni bawk.Tin, No-4 ni lem lo, Dendrite, Ganja zuk ching tleirawl pawh la ni pha lo engemawzat an awm tih hriat a ni a. Nu leh paten kan fate chinchang hriat chian a, an awmna hmun a dik leh dik loh thlithlai thin turin Kumpuan hruaitute chuan mipuite min chah bawk a ni. Heng, kum 14 hnuai lam leh kum 14-18 inkarte hi remchanga la kohkhawm a, Ruihhlo chungchanga inzirtir tul awmte inzirtirna hun la hman pawh a thuphung chuan tha an ti a, remchanga la rel turah an ngai a ni.

Kumpuan Duty
Nimin Dt 2.2.2013(Inrinni) khan zingkar atangin Kumpuan Sub Committee hmalaknain vengchhung duty neih a ni a, Nilengin duty hi neih a ni a, member thawkchhuak pawh an tha thawkhat hle a ni.

Kangmei Laka Fimkhur

Khua a thal leh tan ta hle a, khaw thenkhat phei chu kangmeiin a tibuai leh tan ta hle mai a. Kan veng chhung erawh vanneihthlak takin kan la him a. Amaherawhchu, fimkhur a ngai hle reng a. Mitin te kan in leh a velah kang mei chhuah thei tur zawnga bawlhlawh leh thildang hal mai mai lo turin kan inngen a. Tin, current a awm that tawk loh avangin Mombati chhit a tul thin a. Hei hi kangmei chhuahna tam tak zinga mi a ni thin a, fimkhur tlang ila a tha hle a ni.

Hnatlang
Nimin Dt 2.2.2013(Inrinni) khan Information Sub Committee chuan Information Line siam thain hnatlang an nei a. Line chhia leh nikum lama line hman thin, hman tawh lohte sengfel hna an thawk nghal.

Pem Thar
Pu B Lalnunzira te chhung chu New Champhai atangin kan Branch huamchhungah an rawn pem a. Tin, Pu C Thanthuama, te chhung pawh Bethel atangin an rawn pem thar bawk. vengthlang huamchhunga pemlut ten YMA pem lehkha lak vek tur a ni a. Tin, Pem lehkha lak dawn reng rengin chhungkaw hotuber EPIC ken tel ngei ngei a ngai a. Tin, EPIC nei lo tan Pem Lehkha lak theih a ni lo.

Chhiatni Thatni Fund

Section hruaituten chhiatni thatni fund leh YMA Membership fee an khawn mek a. Chhiat ni t hat ni fund hi chhungkaw khatah Rs 300 + member tinah Rs 10 a nih kha.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalrinawma, Lallawmzuala, Lawmsangzela, C. Vanlalhriata, CB Lalbiakdika, F. Lalruatpuia, F. Lalrindika, Jessy Lalmawizuala, Vanlalduhsaki, Vanlalruata, Lalbiakthanga Neuva Section :Vanlalzuia, Freddy-a, Vanlalruatzela, C. Lalrinthianghliama Khuangchera Section : Lalhriatpuia, Lalrinchhana, Rotluangpuia, Samuel Lalmuanzova, Lalmawipuia, Lalfelkima

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Champhai mamawh thenkhat

- Chvarte Tiau depa tlang pakhatah Champhai khawpui hi in ek beng a ni a. Tun atanga kum 20 kal leh tur ngaihtuah ta ila, kan khawpui hi chen harsa khawpin a tawt tawh ang tih hi thil awm thei tak a ni a. He khawpui hi chenna tlak loh khawpin a tawp ang em tih te thlengin ngaihtuah hmaih chi a ni lo. Tun maiah pawh hian mamawh tam tak kan nei ta. Chung zinga a ka ngaimawh zual tlem a zawng ka han thur chhuak hlek dawn a ni. Lirthei leh a dahna: Kan kawngpui hi kan siam hunlai khan kan lo dawn tawi khawp mai tih hi a hriat a, a zau lutuk tawh nia kan hriat kha kum 10 emaw a vei leh hlek chuan a lo zau i-khaw lo mai. Office kal hunlaiin dawr dung khu zuk thlir ve mai mai teh, traffic a jam ve tan der tawh a nia! Kan kawngpui zim hi chu a zauh theih zauh zel a ni a, a zauh theih loh lai tak hi kan buaina tur a la ni zel dawn niin a lang. Kawngpui dunga lirthei an dah phei chuan lirthei veivahna a tlem tawh hle a. Chuvangin lirthei dahna hmun tur bik, building emaw hmun awl zau lai chu kan mamawh ta niin a lang. Hetah tak hian eizawnna a inhawng thei bawk. Hmun hulum laiah hian ram dah ruah emaw, lirthei dahna tur bik hrim hrimin in sa ta ila, lirthei dah man kha lo khawn ta zel ila, kan khawpui kawng chet lutuk tur a chhawk zangkhai dawn bakah chhungkaw chawmna tawk sum hnar tha tak a ni thei bawk ang. Hei hi nakin atana ruahmanna anga kan ngai a nih chuan kan traffic kalphung hi nasa taka kan tihdanglam erawh a ngai vat thung ang. Tun ang hrim hi chuan kan kawngpuiin lirthei a zawh loh hun hi a hnai tawh hle a ni. Traffic jam hi khawpui zia a ni a, mahse mi maktaduai tel chenna hmuna thleng tur a ni. Chumi ni lova traffic jam hi a thleng a nih chuan khawpui ruahman lohah kan cheng mek tih hriat tur. Ruihhlo leh a kaihhnawih: Ruihhlo luhka ber kan ni tih hi chu phat rual a ni lova, thalai zingah ngawlvei pawh thahnem tak kan awm tih hi phat rual a ni hek lo. Ruihhlo lo lut tur theihtawpa kan do chung pawhin thalaite ruih khawp tur hi chu a bo tak tak thei chuang lova, tha han thlah ila chuan hei aia leta tam, man tlawm zawkin ruihhlo a hluar dawn tihna a ni. Hetianga kan do chung hian a sim aiin a ti thar an pun tual tual danah hian hmaih lianpui chu kan nei tih hi a lang chiang khawp mai. Tleirawl zingah hian ruihhlo ti lo tura inzirtirna hi kan nei chiah em? Inchhung khurah, zirna inah leh Kohhranah? Tleirawl zingah tun kum 2-3 kalta khan ruihhlo tih hi a hluar hle a, intihhmuh ang deuha a kal anga ngaih theih turin thil a thleng a nih kha. Ruihhlo ti lo tura inzirtirna leh inkaihhruaina mumal tak hi chu kan mamawh. Chhungkuaah chuan nu leh pate thahnem ngaihnaah a innghat a, zirna in bikah hian nitina inhrihhriatna turin zirlai ang deuhvin telh ta ila kan that phah ang em? Ruihhlo zuartute lah hi an chimawm khawp mai, a tithar turte chu a thlawna ruihhlo pek an hnial miah lo nia! Hengho hremna dan pawh hi khauh zawk kan mamawh em? Ruihhlo zawrh hi chu kan khap rem dawn lo, a hlawk lutuk! Sual lama huaisenna leh jail tan hreh loh chiah he eizawnna thawk tur hian a la ngai zui! Chuvangin kan thalaite chhan tura inzirtirna uar zawk hi chu kan mamawh niin a lang. Thli chhia: I lo chhut ve ngai em? Khawpui thli chhia hi Keilungliah lamah emaw Tuipui hnarah a luang khawm a, thui tak a luan hnuah in turin kan la chhuak leh a! Kan sorkar lam hian a thianghlim thei ang ber tur chuan han sawngbawl mah se a pawlhtu atang hian a ngainatawm tehchiam lo a ni. Chuta kan mamawh nia lang ta chu khawpui thli chhia sawngbawlna tur tha tak a ni. Kan thli chhia reng reng hi khawl hmang emaw kan tui tlan lo lama luan tir dan kan zawn a tul. A bawlhhlawh bik hi chu Solid Waste Management ti tura kalpui mek a ni a, a hlawhtlin theih chuan bawlhhlawhah hi chuan kan fihlim ang. Kan thli chhia sawngbawl dan turah erawh hi chuan ngaihtuahna thar kan sen a, kan thianghlim zawkna tur leh kan hrisel zawkna tura tihdan kan zawn a tul hle a ni.

Ram kang bawkin min hmuak a, kan khawlai a khu leh rum rum tawh a, tui harsa ta viau mai bawk. Thal va ek charin min nang chho tan a, zirlaite tan erawh hun pawimawh tawp a ni. Lehkhazir hi a mak ngawt mai, a hunlaia a peihawm loh lai hian a tlai hnuah inchhir hi a lo awl khawp mai a. A hunlaia ka lo zir tha lo kha chu aw tih hi tlai khaw hnu, engkim a pawi zawh vek tawh hnuah hian sawi chhuah hi a awl khawp mai. Chuvangin tuna zirlaite hi chuan in hmaa lo pen tawh hlawhchham titih hote hnung zui lo tur hian tuna in hun tha hi tangkai takin hmang tawp mai teh un. Exam turin kan inbuatsaih tluk tluk a, exam passed hi rahbi thar kaina zel a nih avangin a pawimawh hle a. Mahse exam ringawtah hian kan thiamna a awm tur a ni lo. Zirlaibu atanga hriat tur leh thiam tur reng reng thiamna hi thiamna dik tak puak chhuahna zawk a ni. By heart in kan zir a, a kum lehah kan thil zir chu kan theihnghilh mai thin a, chu ai chuan kan hriatna chu kan theihnghilh tawh rual loh tura kan hriat chian hi a tul tawh zawk a ni. Tunlai chhanah phei chuan inelna a nasa tawh a, chuvangin kan zirlai chin zel hi chu chiang taka kan hriat hi a tul hle a ni. Zirna hi thim ata eng a min hruai chhuaktu a ni a. He khawvel nunrawng tak, a chak lo eizo zel duh hmachhawn tura kan ralthuam min petu a nih avangin hun tha la neite hi chuan bawhpelh loh hram hram rawh u.

Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, Ramluahpuia, R. Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

VANAPA SECTION
Leader Asst Leader :Tv Lalremruata :Tv Christopher Chawngthanmawia Secretary :Pu V Laldinthara Asst Secretary :Tv Lalramzauva Chawngthu Treasurer :Nl Helen Lalramsangi Fin.Secretary :Pu PC Lalngaihtuahkima

YMA ADVISER
RC Zahlira (9615713078); C. Vanlalnema (9615142191); F. Lalfamkima (9856780794)

YMA Thuvawn : YMA chu tanpui ngaite tanpuitu a ni

Football History a chhiatna rapthlak zualte

Sawmteipa
Luzhniki Disaster (October 20, 1982) : He chhiatna rapthlak tak hian mihring nunna pawh a suat hnem hle a ni. Moscow a Lenin stadium a thil thleng a ni a, FC Spartak Moscow leh HFC Haarlem ten UEFA Cup second round an khelh tuma thil thleng a ni. Inkhel zawh hmain Police ten fans te chu hawdarh tawh turin an nawr a, chhuahna tereuhte an anchhuah mup mup lai takin FC Spartak Moscow lam hian hun tawp dawnah goal an khung leh ta hlauh mai, chumi boruak chhim tuma a chhuaktawh rawn luh leh tum leh chhuak mekte chu an intibuai ta a, mi 340 lai maiin nunna an chan phah a ni. He thil thleng avang hian police leh security te pawh dem an hlawh hle nghe nghe a ni. Peru v Argentina (24 May, 1964) : Football vanga buaina chhuak rapthlak berte zing a mi a ni a, Lima(Peru) a National Stadium- ah Olympic qualifying match an khelh tum a thleng a ni. Inkhel pawimawh tak a ni a, inkhelh tan hma atang pawn player-te ah leh fans-ah te boruak a sang sa em em a. Inkhelh tan hnu minute hnihna lekah Peru lam hian goal an thun ta!! Mahse mak tak maiin referee ten an pawmlo a, fans-te thinrim chu field chhungah rawn tlanlut chiamin in phek sualna a thleng ta a, mi 300 chuang zet ten nunna an chan a, 500 chuang laiin hliam na tak an tawrh phah bawk a ni. Hillsborough Disaster (15 April, 1989) : Liverpool leh Nottingham Forest ten Sheffield football stadium a FA Cup semi-final an khelh tum a thil thleng a ni a, Liverpool fans thahnem tak ten stadium a luh tumin nasa takin an innek luih luih a, buaina a chhuak mai ang tih hlauvin police ho chuan an luhtir ta mai reng a, mahse tumloh lam daihah chhiatna rapthlak a thlen phah ta zawk a ni, Stadium chung chhawng (terrace) an tih mai thin chuan a dawl leh si lo a, mipui tam lutuk avang chuan a terrace chu a chim ta a, tamtak an tla thla ruih ruih a, tamtak a hnuaiah a delh bawk a, mi 96 laiin nunna an chan a, 174 in hliam na tak an tuar bawk, heng chhiatna tawktu te hi Liverpool fans deuh vek anni nghe nghe. Uluk taka chhuichian a nih hnu a police-te thiamloh tih hmuhchhuah a ni a, British history a football chhiatna rapthlak ber a chhal a ni. Heysel Satdium Disaster (29 May, 1985) : Hei pawh hi Liverpool Fans te tana tawrhna bawk a ni.Liverpool leh Juventus ten Belgium a Heysel Stadium-a European Cup Final an khelh tum a chhiatna thleng a ni a, Inkhelh tan hma lawkin fans te zingah buaina a chhuak chiam a, a reh fel hnu lawka a aia buaina lian zawk a thleng zui leh nghal a, a hma a kan sawi tawh Terrace bawk kha chuan chim leh in mi 39 laiin nunna an chan phah a, 600 chuang zetin hliam an tuar bawk. Heng zawng zawng zingah hian Juventus fans te chu mi 32 chauh anni. Buaina rapthlak zawk a thlenzui lohnan match chu khelh tlang tho a ni a, Michel Platini a penalty hmangin Juventus hi 1-0 in an chak nghe nghe a ni. The Munich Air Disaster (6 February, 1958) : Hei erawh hi chu Manchester United chhungkua a chhiatna thleng a ni ve thung. Mahse buaina siam leh Stadium chim tihvel vang a ni ve lo a, thlawhna chetsual vang a ni. Red Star Belgrade(Yogoslavia) te nen European Cup quarter-final an khelh zawh hnu lawkah a ni a, an ram lamah thlawk haw mekin, Munich ah fuel/petrol an thun a, chuta tanga an thlawkchhuak leh tur chu chesualin Manchester United history a chhiatna rapthlak ber a thleng ta a ni. Player pariat (Geoff Bent, Roger Byrne, Eddie Colman, Duncan Edwards, Mark Jones, David Pegg, Tommy Taylor leh Billy Whelan) ten nunna an chan a, Man Utd staff member pathum, journalist pariat leh midang pali(4) te an thi tel bawk. Hetih laia an Manager hmingthang tak Matt Busby a pawn hliam na tak a tuar nge nghe a ni. Chumai bakah hemi kum hian Manchester United-te hian English League title a zawna vawithum lak a tum mek bawk a, mahse an hlawhchham phah chiang hle a ni.

@ Awle ek hmang tangkai hmasa ber chu Egypt ho an ni a, BC 2000 vel khan an lo hmang tangkai daih tawh. @ Bagpipe hi a tirah chuan beram vun thi tawh atanga siam thin a ni. @ Zawhte hian ultrasound an hre thei. @ Paraguay ah chuan thih thlenga inbeihna, dueling hi phal a ni a, mahse a intum turte kha blood donor ah an inregister chauhvin phal a ni thung. @ Naupang hi thal laiin an thang nasa ber. @ Celcuis leh Fahrenheit inthlauhna hria la, -40 degree ah hian degree celcius hi degree Fahrenheit engzat nge le? An inang chiah! @ Taj Mahal-a satute kha tunge an nih hi a hriat miah loh a, a satute kha Shah Jahan-a khan an kut a tansak lova, in sak an khawih leh tawh loh nan a siam lian hlawm thung. @ Tun thla hi Black History Month a ni. @ Mei zuk sim zinga thi hma ber chu Johan Katsu a ni a, April ni 5, 1979 khan a dairy ah "Mei zuk ka sim e" tiin a ziak a, thla khat hnuah a boral. @ "Goodbye" hi "God bye" tih atanga rawn chhuak a ni a, "Pathianin awmpui che rawh se" tihna a ni a, Mizo tawng chuang "Dam takin" tihna! @ Taj Mahal chungchangah bawk hian let leh ta ila, Shah Jahan-a kha a fapa-in a hun hnuhnung lamah a man a nih kha. A fapa kha a hel a ni hran lova, Shah Jahan-a khan Taj Mahal epah hian thlan in dang, Black Taj Mahal sak leh a tum a, an lalram sum leh paiin a tuar nasa lutuk tur vengin a fapa khan a paihthla a ni. Mum Taj-i Taj Mahala an zalh dawn khan an phumna lei chawpin an la a, an zalh a ni. Muslim danah chuan thi tawh phawrh hi thil thiang lo a ni.

I hria em ?

Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION
Leader Asst Leader Secretary Asst Secretary Treasurer Fin.Secretary :Tv Lalpekliana :Pu Lalrobula :Tv C Zorammuana :Tv Lalrammawia :Nl F Lalchhanhimi :Pu C Zoremsiama

TAITESENA SECTION
Leader Asst Leader Secretary :Pu H Zarzoliana :Pu T Daniala :Tv Lalhmachhuana Fanai Asst Secretary :Tv Lalrinawma Treasurer :Nl H Ramengmawii Fin.Secretary :Pu H Lalrammuana

KHUANGCHERA SECTION
Leader Asst Leader Secretary Asst Secretary :Pu C Zonunpuia :Tv Lalawmpuia Sailo :Pu C Vanlalpeka :Pu Lalthangmawia Kawlni Treasurer :Nl Lalruatkimi Fin.Secretary :Pu Zohmingthanga

YMA Kumpuan : Ram Leh Hnam Humhalh

Lawrkhawm
Conspiracy Theory thenkhat: T hur uk lehk habu: National Treasure 2: Book of Secrets en tawh kha chuan kan hriain a rinawm. Khawvela mihring thiltithei bera chhal ngam America President khuan thuruk ziahna lehkhabu an kawl a, an hunlaia thuruk pawimawh chu ziak kai zelin President lo awm leh tur hnenah an inhlan chhawng thin angin an rawn lantir a nih kha. National Treasure-ah chuan he lehkhabu hi National Library of Congress ah a awm a, rangkachak khawpui an zawn hmuh theihna turin he lehkhabu hi an zawng chhuak a nih kha. He lehkhabu-ah hian UFO chungchang te, President thah tawh chungchang bakah thuruk hrang hrang tam tak a awm anga ngaih a ni. He lehkhabu hi phuahchawp mai mai a lo ni hauh lo mai! A awm tak tak a, mahse a chhunga thu chuang tura an ngaih erawh chu a inang lo hret zawk ni. President hian President hlui atanga charge a lak dawnin lehkha dahna 'briefcase' an inhlan chhawng thin a, chu chu President Book of Secrets an ti a, chutah chuan nuclear code te, America ram venhimna kawnga thuruk pawimawh tak tak te bakah an ram chhung inrelbawlna thuruk thenkhat te a awm thung a. Mahse conspiracy theorist te chuan hei aia thuk zawk, khawvel nghawrnghing dawt thei thuruk, America sorkarin a zep anga an puh te hi a chuang tel vekin an ring nghet ve tlat thung a ni. Osama a la dam?: Navy SEAL ten Abbotabad-ah Osama Bin Laden an that a, mahse a ruang thlalak tihchhuah engmah a awm loh avangin Osama hi a la dam anga ngaihna a awm a, sorkar chuan Osama hi a thi ngei tihah tang tlat mah se Conspiracy theorist te chuan World Trade Centre kha sutthluk ni lovin phihthluk a ni zawk tih thu an kalpui zelna atangin Osama thi turin an la ruat thei lova, Afghanistan tlang khawkrawka biru lovin America ah ngei a biru niin an ring a ni. Tinreng damdawi: Michael Crichton-a novel The Andromeda Strain atangin he conspiracy theory hi a rawn lar tan a, US sorkar khuan medical research hautak deuh mai a ruk tein a nei a, kan taksaa natna awm zawng zawng tichhe thei tur damdawi siam chhuah a ni a. Hei hi Michael Crichton-a hian a phuahchawp mai mai ring lo tawk an awm a, US sorkar hian he beihpui hi hlawhtling takin a nei a, ni khat thil thuah cancer, AIDS leh natna awm tawh phawt chu tidam thei a, mahse zawrh chhuah erawh a ni lo thung a. A chhan chu he damdawi an enchhinna te chu an thi zel a, a chhan chu he damdawi avang hian kan taksaa natna do pawl chuan tihtur nei tawh hek lo, kan taksa chuan a paihchhuak a, hei hian mihring thihna a thlen thei niin an ngai a ni.

AK-47

J In thar a Floor tile phah chu

chhuat nawh pawh a ziaawm ta hle mai, hisap fuh chat chat khawp mai. - Pu Mamuana, President J Kei pawh Washing Machine ka lei nghal chat a lawm. - Sena, Vice President J In va za hpui aw m ve, Vawkchaw chhum bak ka ti duh lo reng reng. - Pu Athara, Asst Secy J Kei chu engmah ka thawk hreh lo, mahse, fate hmuh lai ngei a, nu berin min tir kher hi chu a hrehawm ve thin khawp mai. - Pu Vla, Fin.Secy J A va hrehawm hmel hlawm ve - Pathana, Treasurer J Lalthleka Junior ka nih hi - Nghingte-a, K-Sec J Kim Kima hi Bullet a nei a, palian deuh mawl deuhvah a inngai ve ringawt. - Richard-a, V Sec J Bialnute hian mi lo ban ve zeuh zeuh tawh a, chung zawng zawng ai chuan Biate kan kal tuma ILP min dil tum baka rilru nat ka la nei lo, Dingpui - Sawmpuia, T-Sec J Leather jacket leh shot gun nen chuan thawk chhuak ila, Rally Terminator ka ni mai... Pu David-a, T-Sec

He thil hi ngun takin lu thingin han en chhin teh... Computer atanga a lan dan a nih chuan tu tha emaw i hmu mai ang.

Published, Edited and Printed by Chanchinmawia for and on behalf of Vengthlang Branch YMA