کیریبین سمندر
کیریبین لہندے ادھ کرہ دا اک سمندر اے جہڑا اصل چ بحر اوقیانوس دا حصہ اے ۔ ایہہ سمندر خلیج میکسیکو دے چڑھدے دکھن چ واقع اے تے دکھن چ دکھنی امریکا لہندے تے دکھن چ میکسیکو تے گھبلے امریکا تے چڑھدے چ کیوبا ، ہسپانولیا ، جمیکا تے پورٹو ریکو سمیت کئی جزیرےآں دے وچکار گھرئیا ہو ئیا اے ۔ بحیرہ کیریبیئن دا پورا علاقہ تے غرب الہند دے جزیرے تے نال لگدے ساحلاں نوں مجموعی طور تے کیریبیئن آکھئیا جاندا اے ۔
بحیرہ کیریبیئن نمکین پانی دے وڈے سمندراں چون اک اے تے تقریبا 2754000 مربع کلومیٹر تے پھیلئیا ہوئیا اے ۔ اس دی سب توں ڈوہنگی تھاں کیوبا تے جمیکا دے وچکار کے مین جزائر دے لاگے اے ، جتھے اس دی گہرائی 7686 میٹر اے ۔ کیریبیئن ساحلی علاقے چ کئی خلیجاں نیں جنہآں چ خلیج وینزویلا ، خلیچ ڈارین ، خلیج موسکیٹو تے خلیج ہونڈیورس مشہور نیں ۔