Gulasj

Ungarsk gulasj.

Gulasj i Sverige med nybakt brød og vin.

Foto: Jonas Nordström

Gulasj (ungarsk gulyás) er ei kjøttgryte med småskore oksekjøtt i sterkt krydra saus. Gulasj har opphav ifrå Ungarn.

Gulasj er nasjonalretten til Ungarn. I opphavslandet vert han servert som ei suppe. I Austerrike, Tsjekkia og Slovakia – tidlegare ein del av Austerrike-Ungarn – har ein sine eigne variantar, som stundom vert servert med knödel eller gnocchi. Sidan 9. sekel har ungararar laga gulasj, som seinare kring 1800-talet spreidde seg til resten av Europa.

Ingrediensar

Gulasj med svinekjøtt, bilete frå Szeged i Ungarn.

Det finst mange ulike oppskrifter på gulasj i Ungarn og resten av Sentraleuropa. Gulasj vert som regel laga med oksekjøtt eller flesk, men ein kan også nytta ein eller fleire andre kjøttsortar i same gryterett.

Paprikapulver, lauk og karve vert nytta som tradisjonell smakstilsetjing, men også svart peparkorn og laurbærblad, timian, oregano og persille. Potet vert ofte nytta i gulasj, men han kan òg lagast med csipetke eller spätzle – ein type pasta som får koka med i suppa. Gulrøter, pastinakk, raud eller grøn paprika og selleri er grønsaker som oftast vert nytta i gulasj.

Liknande rett

Pörkölt er ein liknande rett, men er ein litt tjukkare gryterett laga med kjøtt og same krydder, då utan karve.

Kjelder

• Denne artikkelen bygger på «Gulasch» frå Wikipedia på svensk, den 2. august 2023.

Bakgrunnsstoff

Commons har multimedium som gjeld: Gulasj

• Gulasj-oppskrift av Lise Finckenhagen i nrk.no
• Carolyn Bánfalvi. «Gulyás: The Ultimate Hungarian Soup (Recipe) [Oppskrift]» (på engelsk). Taste Hungary.