Eit lite sommarprosjekt??

No kom sola til Vestlandet, og vi kan ta med oss både stoff og maskinparken vår ut!!

Då kan det kanskje passe å sy denne fine toalettveska/veska/posen (brukandes til litt av kvart!).

Mønsteret finn du på bloggen  her til Vanessa Christensson, sydd for Bernina.

Denne er sydd av jarekantar, men med fine lyse stoff, så då vert dette flott sommarsying!

Endå eit mønster....

Kom over endå eit mønster til ei toalettveske som er verdt å dele!

På bloggen Polarhjerte er det lagt ut mange flotte bilder med framgangsmåte steg for steg til denne. Du må ha eit stoff på 33x33 cm, så den vil ha ein ferdig storleik som er brukandes til all slags oppbevaring!

GOD SYHELG!!

Sy etter Moda-mønster!

På sida til Moda er det mange flotte tips og gratismønster.

Denne toalettveska/ pennalhus/????  Strippy Charm Pouch er enkel å sy og kan brukast til oppbevaring av litt av kvart. Her kan du bruke smårestar til stripene, men du kan også setje saman alt du har av restar og prøvelappar berre du endar opp med rett storleik på delane. For den erfarne quiltar er det sikkert ikkje problem å forstørre mønsteret ut frå denne ideen!

Mønsteret er berre på engelsk, men vi er vel blitt bra van med å ha fokus på tala/inchmåla, og då klarer vi å skjøne det meste. Om det er engelske ord du lurer på, kan du oversette ordet til norsk på DENNE sida! Det er også gode bilder av framgangsmåten på sida.

Tipset om dette mønsteret dukka opp på Quiltesiden på Facebook der Laila Kristin Skauge har lagt ut dette bildet under av det ho har sydd etter dette mønsteret.

Toalettveske!

Denne toalettveska er ekstra dekorativ med folder på sidene.

Mønsteret til denne dukka nyleg opp på ei Facebookside der det låg link, HER finn du den med framgangsmåte steg for steg med mange bilder.
Det er norske Siv Jane Aksdal som har lagt ut mønsteret, men alt er skrive på engelsk. Dette er ein liten sminkepung, i bakgrunnen på bildet under her, ser du ei større toalettveske.

Denne er det ikkje mønster til, men framgangsmåten er om lag den same til den. HER kan du laste ned mønsteret til den vesle sminkepungen gratis! Takk til Siv Jane som har laga mønsteret og delt det med oss!

Hexagon toalettveske!

Det er kanskje på tide å planlegge kva du skal styre med i påskeferien? Og skal du på ei hytte utan straum, så er det ikkje vits å ha med seg symaskina som vi er så avhengige av.

Lappeteknikken starta lenge før symaskina vart til, og det vart gjort veldig fint arbeid med nål og tråd.

På denne YouTube videoen  kan du sjå korleis du syr denne flotte toalettveska av 23 hexagon. Alt er sydd for hand, alle kantar og glidelåset ser du korleis du syr. Ut frå det eg trur, så er denne videoen frå Thailand, men det merkar du ikkje. Videoen er som ein stumfilm med svak musikk til.

Her er ikkje noko mønster, og det ser ut til at firmaet som har laga denne videoen, også sel mønster. Under her ser du bilde av kva du treng av utstyr.

Det du må finne ut av sjølv, er storleiken på hexagon. Det kan sjå ut som sidene i hexagon er ca 1 inch. Du kan nok sy den i alle storleikar av hexagon, for forholdet blir det same. Lengda på glidelås må du finne ut av til slutt. Dette er noko som vi heilt sikkert får til ved å følge med på videoen, lykke til med nål og tråd!!

Ei enkel toalettveske!

Eit lite tips til deg som planlegg å sy ei toalettveske, heilt enkel og passeleg stor. Stor nok til å putte oppi ein del saker som ein treng å ha med seg...., kanskje dette er den storleiken som vi snakka om på siste medlemsmøte???

Det er på bloggen Kreativt rom denne er å finne, og det er lagt ut nøyaktig framgangsmåte. HER kjem du til sida, og vi sender ei helsing til denne quiltaren som deler mønster med oss andre!

Underteikna har ikkje sydd denne toalettveska enno, så  akkurat kor stor den er ferdig, er vanskeleg å seie. Men klippemålet på stoffet er 24 x 52 cm. Det er nok også enkelt å forstørre opp toalettveska, men kanskje vil du sy ei først så du har noko å gå ut ifrå??

Ny toalettveske til ferieturen??

Om du treng deg ei ny toalettveske til ferien, så har "Liv i hus" laga ein steg-for-steg tutorial til denne fine modellen!

Ho har forklart godt med både tekst og bilder, og ho skriv i bloggen sin at ho gjerne vil ha tilbakemelding om nokon brukar mønsteret!