Saliva
| Saliva |
|---|
| instantia de: body fluid[*], class of anatomical entity[*] |
| subclasse de: digestive juice[*], secretion[*], particular anatomical entity[*] |
  
|
|
|
| Commons: Saliva |
Saliva[1] (tamben appellate sputo o bava) es un liquido que ultra aqua (99,5 %) contine enzymas, muco e sales. Illo es producite per le glandulas salivari:
- sub le lingua, sublinguari glandulas;
- sub le mandibula, submandibulari glandulas;
- sub le aures, parotide glandulas.
Le saliva contribue al dissimilation de amylo in le cavitate oral (usque 37 °C). Le secretion de saliva eveni e in relaxation (0,3 ml/min.) e post stimulation per un repasto, quando le glandula parotide functiona e augmenta le production de saliva usque a dece vices. Stimulation pote evenir per medios psychic: il suffice pensar a per exemplo le succo de un limon jalne pro stimular le production de saliva. Durante stress e certe maladias, p.ex. le maladia de Parkinson, le production pote augmentar dramaticamente. Labor muscular, febre, syndroma de Sjögren e certe medicamentos o diureticos, al contrario, pote diminuer le production de saliva. Animales ha quantitates differente de enzymas in lor saliva. Animales ruminante, p.ex. vaccas, ha nulle enzymas ma altere substantias pro inhiber alterationes de pH in le rumine. Aves tamben manca enzymas in saliva.
Le functiones del saliva es:
- unguer le dentes e le gingiva assi que illos non deveni desiccate;
- maintener un neutral pH pro proteger dentes de attaccos acide;
- inhiber bacterials proliferation;
- rinciar via restos de mangiata etc. ab le dentes;
- transportar substantias gustative al receptores de gusto in le papillas gustative. Le saliva solve le substantias de gusto assi que illos arriva in contacto con le superfacie del cellulas.
- comenciar le dissimilation del mangiar primarimente per le enzymas amylase e lipase.
Le saliva pote esser dividite in duo subgruppos, saliva serose e saliva mucose. Iste duo sortas de saliva es formate in duo sortas de cellulas.