Վյոշենսկայա
| Ստանիցա | |||
|---|---|---|---|
| Վյոշենսկայա | |||
| Вёшенская | |||
 | |||
| Երկիր |  Ռուսաստան | ||
| Երկրամաս | Ռոստովի մարզ | ||
| Շրջան | Շոլոխովսկի շրջան | ||
| Համայնք | Վյոշեսկոե գյուղական բնակավայր, Donetskiy Okrug? և Շոլոխովսկի շրջան | ||
| Առաջին հիշատակում | 1672 | ||
| Բնակչություն | 9317 մարդ (2002) | ||
| Ժամային գոտի | UTC+3 | ||
| Հեռախոսային կոդ | 86353 | ||
| Փոստային ինդեքս | 346262 | ||
| Փոստային դասիչ | 346270 | ||
| |||
Վյոշենսկայա (ռուս.՝ Вёшенская), ստանիցա Ռուսաստանի Ռոստովի մարզի Շոլոխովսկի շրջանում։ Մտնում է Վյոշենսկի գյուղական համայնքի կազմի մեջ։ 2002 թ. տվյալներով բնակչությունը կազմում է 9.317 մարդ։ Առաջին անգամ հիշատակվում է 1672 թվականին։
Աշխարհագրություն
[խմբագրել | խմբագրել կոդը]Վյոշենսկայա ստանիցան գտնվում է Դոն գետի ձախ ափին։ 1963 թվականին Միխայիլ Ալեքսանդրովիչ Շոլոխովի պատգամավորական ջանքերի շնորհիվ Միլլերովո քաղաքից, որի միջով անցնում է Մոսկվա-Դոնի Ռոստով մայրուղին և Հյուսիս Կովկասյան երկաթուղին, անցկացվեց 145 կմ երկարությամբ ասֆալտապատ ճանապարհ դեպի Բազկովսկայա ստանիցա, որը գտնվում է Դոնի աջ ափին` Վյոշենսկայա ստանիցայի դիմաց։ 1985 թվականին այդ ստանիցաների միջև կամուրջ կառուցվեց, որը փոխարինում էր լաստանավային անցմանը։ Ստանիցայի մոտակայքում գտնվում է օդանավակայանը, իսկ ստանիցայից 8 կմ հեռավորության վրա աճում է Վյոշենսկայայի կաղնին։
Պատմություն
[խմբագրել | խմբագրել կոդը]Վյոշկա կազակական քաղաքի մասին առաջին անգամ հիշատակվում է 1672 թվականին։ Վյոշենսկայան ձևավորվել է Չիգանցկ ստանիցայի կազակների վերաբնակեցման արդյունքում, որը ավերվել էր Բուլավինյան ապստամբությանը մասնակցելու համար։ Ստանիցայում ոչ մի տնտեսական ձեռնարկություն գոյություն չուներ, առևտուրն իրականացվում էր պարենային և արդյունաբերական ապրանքների կրպակներում։ 20-րդ դարի սկզբին Վյոշենսկայա գյուղում բնակվում էր մոտ 1200 մարդ։ 1913 թվականին Վյոշենսկի յուրտի և ստանիցայի տարածքում բնակվում էին 36989 կազակներ՝ չհաշված ոչ կազակական ծագում ունեցող բնակիչներին։ Ստանիցայի կազակները մարտնչել են ռուս-ճապոնական պատերազմում՝ Առաջին համաշխարհային պատերազմի ռազմաճակատներում։
Վոյսկա Դոնսկի մարզը ի սկզբանե գտնվում էր Ուստ-Մեդվեդիցկի օկրուգի կազմում, Վերին Դոնի օկրուգի ձևավորումից հետո ստանիցան դառնում է նրա վարչական կենտրոնը։ Քաղաքացիական պատերազմի ժամանակ ստանիցան բոլշևիկների իշխանության դեմ Վերին Դոնի ապստամբության կենտրոնն էր։ Ստանիցայում գործում էր խորհրդային տարիներին ավերված Սուրբ Երրորդության եկեղեցին։
Վյոշենսկայան համաշխարհային ճանաչում ձեռք բերեց ստանիցայի բնակիչ Միխայիլ Շոլոխովի «Խաղաղ Դոն» վեպի շնորհիվ, որը գրականության բնագավառում արժանացել էր Նոբելյան մրցանակի։ Գրողի մահից հետո 1984 թվականին այստեղ ստեղծվեց Միխայիլ Շոլոխովի անվան պետական արգելոց-թանգարանը։ Շոլոխովի բրոնզե կիսանդրին տեղադրվել է 1981 թվականի մայիսի 23-ին Դոն գետի ափին (քանդակագործ` Ա. Նովիկով, ճարտարապետ` Վ. Կլիմով)։ 1974-1975 թվականներին ստանիցայի մերձակայքում տեղի է ունեցել «Մարդկության մայրը» ռազմական դրամայի նկարահանումները։
Բնակչություն
[խմբագրել | խմբագրել կոդը]| 1920[1] | 1939[2] |
|---|---|
| 2082 | 4208 |
Բնակչության թվաքանակ
[խմբագրել | խմբագրել կոդը]| Տարի | 1959[3] | 1939[4] | 1979[5] | 1989[6] | 2002[7] | 2010 |
|---|---|---|---|---|---|---|
| Բնակիչ | 4319 | 6965 | 7865 | 9578 | 9317 | 9261 |
Մշակույթ
[խմբագրել | խմբագրել կոդը]«Շոլոխովյան գարուն» փառատոնը ստանիցայում անցկացվում է ամեն տարի գարնանը, մայիսի վերջին հանգստյան օրերին[8]։ Ամեն տարի մայիսին Վյոշենսկայայի ձիանոցներում անցկացվում է կազակական ձիասպորտի և ձիավարման «Վյոշենսկի Շերմիցի» փառատոնը։
Հայտնի բնակիչներ և բնիկներ
[խմբագրել | խմբագրել կոդը]- Նիկոլայ Ալեքսանդրովիչ Բուլավին (1931-1987) – ԽՄԿԿ Վյոշենսկի շրջկոմի առաջին քարտուղար, Միխայիլ Շոլոխովի անվան պետական արգելոց-թանգարանի առաջին տնօրեն։
- Խարլամպի Վասիլևիչ Երմակով(1891-1927) - քաղաքացիական պատերազմի մասնակից, Գրիգորի Մելեխովի նախատիպերից մեկը Միխայիլ Շոլոխովի «Խաղաղ Դոն» վեպում։
- Ալեքսանդր Պավլովիչ Ժդանով (1938-2006) - ռուս նկարիչ։
- Վլադիմիր Ալեքսանդրովիչ Կորգուտով (ծն. 1965) - Ռուսաստանի բանակի գնդապետ, Ռուսաստանի Դաշնության հերոս։
- Կրասնով, Նիկոլայ Իվանովիչ (1833-1900) - ռուս գեներալ-լեյտենանտ, ռազմական պատմաբան և գրող։
- Միխայիլ Անդրեևիչ Նիկուլին (1898-1985) - ռուս խորհրդային գրող։
- Միխայիլ Ալեքսանդրովիչ Շոլոխով (1905-1984) - ռուս խորհրդային գրող, գրականության ոլորտում Նոբելյան մրցանակի դափնեկիր։
- Ալեքսեյ Վարֆոլոմեևիչ Շչելակովսկի (1899-1959) – խորհրդային ռազմական ղեկավար, գեներալ-լեյտենանտ։
Ծանոթագրություններ
[խմբագրել | խմբագրել կոդը]- ↑ «Предварительные итоги переписи населения 28 августа 1920 года. Труды ЦСУ. Том 1 Вып. 1-5 Выпуск 3. Население 58 губерний Европейской и Азиатской России» (PDF). Արխիվացված է օրիգինալից (PDF) 2016 թ․ ապրիլի 6-ին. Վերցված է 2019 թ․ սեպտեմբերի 26-ին.
- ↑ Демоскоп Weekly — Приложение. Справочник статистических показателей
- ↑ Всесоюзная перепись населения 1959 года. Численность сельского населения РСФСР - жителей сельских населённых пунктов - районных центров по полу
- ↑ Всесоюзная перепись населения 1970 года. Численность сельского населения РСФСР - жителей сельских населенных пунктов - районных центров по полу.
- ↑ Всесоюзная перепись населения 1970 года. Численность сельского населения РСФСР - жителей сельских населенных пунктов - районных центров по полу.
- ↑ Всесоюзная перепись населения 1989 года. Численность сельского населения РСФСР - жителей сельских населённых пунктов - районных центров по полу.
- ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
- ↑ «Шолоховская весна»
Գրականություն
[խմբագրել | խմբագրել կոդը]- Жбанников А. С., Жбанникова М. И. От Вежи до Вёшек. — Ростов-на-Дону: Издательство «Странник», 2008. — 356 с. — ISBN 978-5-902477-49-5.
- Жбанников А. С. Михаил Шолохов — больше, чем писатель. — Ростов-на-Дону, 2006. — 272 с. — ISBN 5-87257-154-2.