Sociedade Suíza de Numismática

Sociedade Suíza de Numismática
Tipo	organización
Data de fundación	1879
Sede	Zürich
País	Suíza
Na rede
http://www.numisuisse.ch/11543/index.html
[ editar datos en Wikidata ]

A Sociedade Suíza de Numismática (en francés: Société Suisse de Numismatique -SSN-; en alemán: Schweizerische Numismatische Gesellschaft -SNG-; en italiano: Società Svizzera di Numismatica -SSN-) é unha sociedade erudita suíza sen ánimo de lucro fundada en 1879, constituída por individuos e institucións co interese común da numismática antiga e moderna, da que promove a investigación en todas as súas ramas.

Os seus asociados reciben as publicacións periódicas da Sociedade e poden asistir á biblioteca especializada e a diversos encontros e eventos de tipo académico e comercial.

A Sociedade é membro, pola súa vez, da Academia Suíza de Humanidades e Ciencias Sociais.

Día Numismático de Suíza

A Scociedade Suíza de Numismática organiza anualmente, desde 2004, o Día Numismático de Suíza (Numismatische Tage Schweiz). Non seu transcurso ten lugar a asemblea xeral da Sociedade e diversas actividades como conferencias, visitas guiadas etc. En cada edición, esta xornada ten lugar nunha cidade diferente e en colaboración con asociacións numismáticas locais ou rexionais.

• 2004: Winterthur.
• 2005: Lucerna.
• 2006: Friburgo.
• 2007: Berna.
• 2008: Sankt Gallen.
• 2009: Dijon (Francia).
• 2010: Solothurn.
• 2011: Sion.
• 2012: Hall in Tyrol.
• 2013: Basilea.
• 2014: Olten.
• 2015: Neuchâtel.
• 2016: Zürich.
• 2017: Winterthur.
• 2018: Liestal.
• 2019: Vaduz (Liechtenstein)

Publicacións

Publicacións periódicas

A sociedade conta con dúas prestixiosas publicacións periódicas: a "Revista Suíza de Numismática" e a "Gaceta Numismática Suíza". Ambas publican estudos sobre os máis diversos aspectos da numismática, tanto en alemán, francés e italiano, as linguas oficiais da Sociedade, como en inglés. A diferenza entre as dúas publicacións non é temática senón que refire á extensión dos artigos que publican, máis extensos na "Revista" que na "Gaceta".

• Schweizerische Numismatische Rundschau / Revue Suisse de Numismatique / Rivista Svizzera di Numismatica. Revista de periodicidade anual.
• Schweizer Münzblätter / Gazette Numismatique Suisse / Gazzetta Numismatica Svizzera. Revista de periodicidade tremestral. Fundouse en 1949, con Herbert Cahn como o seu primeiro director.

Series monográfícas

A SNG/SSN leva a cabo, ademais, unha grande actividade editorial no relativo á publicación de monografías. Á parte dalgúns títulos soltos, os libros editados pola entidade adscríbense a algunha das súas series:

• Schweizerische Münzkataloge ("Catálogos de Moedas Suízas"). Serie de nove títulos publicados ente 1959 e 1991.
  • (1959): Cahn, E. B. Fribourg.
  • (1961): Dolivo, D. Les monnaies de l'évêché de Lausanne.
  • (1963): Jaeger, K.: Lavanchy, C. Die Münzprägungen des Kantons Appenzell-Ausserrhoden und der "neuen" Kantone der Schweiz von 1802. St. Gallen, Graubünden, Aargau, Thurgau, Tessin, Waadt.
  • (1965): Greter-Stückelberger, R. Obwalden im 18. und 19. Jahrhundert. Nidwalden im 19. Jahrhundert.
  • (1969): Tobler, E. Appenzell-Innerrhoden. Appenzell-Ausserrhoden.
  • (1971): Wielandt, F. Die Basler Münzprägung von der Merowingerzeit bis zur Verpfändung der bischöflichen Münze an die Stadt im Jahre 1373.
  • (1972): Simmen, J.; Solothurn, H. Neu bearbeitet und ergänzt durch die Helvetische Münzenzeitung.
  • (1983): Püntener, A.; Schwarz, D. Die Münzprägung der drei Länder Uri, Schwyz und Nidwaiden in Bellinzona und Altdorf. – Die Münzen von Uri. – Die Münzen von Nidwalden.
  • (1991): Della Casa, M. La monetazione cantonale ticinese, 1813-1848.
• Typos. Serie activa entre 1975 e 1984, composta por monografías sobre numismática antiga (moeda grega, celta, romana e xudía).
  • (1975): Weidauer, L. Probleme der frühen Elektronprägung.
  • (1977): Simonetta, B. The Coins of the Cappadocian Kings.
  • (1978): Furtwängler, A. Monnaies grecques en Gaule: Le trésor d'Auriol et le monnayage de Massalia, 535/520-450 av. J.-C.
  • (1983): Schulte, B. Die Goldprägung der gallischen Kaiser von Postumus bis Tetricus. ISBN 9783794123469
  • (1984): Deppert-Lippitz, B. Untersuchungen zur Münzprägung Milets vom vierten bis ersten Jahrhundert v.Chr.
  • (1984): Mildenberg, L. The Coinage of the Bar Kokhba War. ISBN 978-3794126347
• Schweizer Studien zur Numismatik ("Estudos Suízos dobre Numismática"). Serie aberta, desde 2008, na que se publica a práctica totalidade dos estudos actuiais da Sociedade.
  • (2008): Hurter, S. Die Didrachmenprägung von Segesta. Berna. ISBN 978-3-033-01564-7
  • (2008): Tobler, E.; Zäch, B.; Nussbaum, S. Die Münzprägung der Stadt St. Gallen 1407 bis 1797. ISBN 978-3-907047-06-4
  • (2013): Drost, V. Le monnayage de Maxence (306.312 après J.-C.). ISBN 978-3-033-03991-9

Véxase tamén

Outros artigos

• Lista de asociacións numismáticas

Bibliografía

• (1979). "Die Geschichte der Schweizerischen Numismatischen Gesellschaft". En Revue Suisse de numismatique. Schweizerische Numismatische Rundschau. Tomo 58.

Ligazóns externas

• Sitio web da Sociedade Numismática Suíza Arquivado 07 de abril de 2019 en Wayback Machine.
• Perfil en Facebook da entidade