Manuel Remuñán Ferro

Manuel Remuñán Ferro

Biografía
Nacemento	17 de novembro de 1921 Santiago de Compostela, España
Morte	1 de febreiro de 2014 (92 anos) Santiago de Compostela, España
Educación	Universidade de Santiago de Compostela
Actividade
Ocupación	xurista, político
Membro de	Real Academia Galega (membro correspondente) (1983–2014)
Premios
(1997)  Medalla Castelao
Descrito pola fonte	Gallegos, (p.482-483)

Manuel Remuñán Ferro, nado en Santiago de Compostela o 17 de novembro de 1921 e finado na mesma vila o 1 de febreiro de 2014, foi profesor Doutor de Dereito Público e Privado e de Relacións Internacionais na Universidade de Santiago de Compostela durante máis de 40 anos, até que se xubilou.

Traxectoria

Naceu na Casa da Concha, actual sede do Consello Social da Universidade de Santiago de Compostela, na rúa da Conga. Foi xerente da empresa Fraga durante 25 anos, cargo que herdou do seu pai, profesor de Literatura na Universidade de Santiago de Compostela, que xestionaba o Teatro Principal e o Salón Teatro en Santiago. Adicouse, de xeito altruísta, a defensa do patrimonio histórico compostelán ao longo de máis de 50 anos polo que foi membro do comité español do ICOMOS, da Comisión de Defensa do Patrimonio Histórico Artístico de Santiago de Compostela e da Comisión Asesora da Cidade Histórica do Concello e asesor cultural da Xunta de Galicia na Comisión do Patrimonio Histórico da Cidade.

Tras as eleccións municipais de 1977 en Galicia foi elixido concelleiro en Santiago de Compostela pola lista de Unión de Centro Democrático, na que concorría como independente. Tivo un papel destacado nas medidas de rehabilitación para acadar que Santiago de Compostela fose declarada pola UNESCO coma Patrimonio da Humanidade, xunto con Xerardo Estévez, daquela alcalde de Santiago.

O 11 de decembro de 1983 ingresou como académico correspondente da Real Academia Galega.

Recoñecementos

• Medalla Castelao da Xunta de Galicia no ano 1997.
• Medalla de Ouro da Cidade de Santiago de Compostela.

Véxase tamén

Bibliografía

• "Remuñán Ferro, Manuel". Dicionario biográfico de Galicia 3. Ir Indo Edicións. 2010-2011. p. 160. 
• "Remuñán Ferro, Manuel". Enciclopedia Galega Universal. Ir Indo. 1999-2002. ISBN 84-7680-288-9. 
• Barrera, Feliciano, ed. (2002). "Remuñán Ferro, Manuel". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 482-483. ISBN 84-8064-113-4. 

Ligazóns externas

• Pino, Concha (31/1/2009) «La mejor hora para recorrer el casco viejo es por la noche» La Voz de Galicia (en castelán).
• "Remuñán Ferro, Manuel, 1921-2014". Autores Galegos na BUSC