Ron Flockhart

Ron Flockhart nado en Edimburgo o 16 de xuño de 1923 e finado en Dandenong Ranges, Victoria, Australia o 12 de abril de 1962 foi un piloto de carreiras británico. Participou en 14 Grandes Premios do campionato do mundo de Fórmula 1, conseguindo un podio final e gañou a carreiras das 24 Horas de Le Mans na serie sportscar dúas veces.

Ron Flockhart

Biografía
Nacemento	16 de xuño de 1923 Edimburgo, Reino Unido
Morte	12 de abril de 1962 (38 anos) Dandenong Ranges, Australia (en)
Causa da morte	morte accidental, accidente ou incidente de aviación
Actividade
Ocupación	piloto de Fórmula Un (1954–1960), aviador, piloto de automobilismo
Deporte	automobilismo
Traxectoria   Equipo Vehículo empregado - British Racing Motors - Cooper Car Company - Connaught Engineering - Team Lotus - Écurie Ecosse
Participou en
	24 Horas de Le Mans

Andaina nas carreiras

Flockhart comezou a competir en 1951 nun coche Joe Potts de Fórmula 3. Comprou o famoso ERA R4D de Raymond Mays e en 1953 tivo unha tempada moi exitosa, batendo a un dos BRM oficiais en Goodwood. Alcanzou os podios en Goodwood, Charterhall, Snetterton e Crystal Palace, así como varios éxitos en subidas a montaña.

En 1956, pilotando para o equipo escocés Ecurie Ecosse, gañou as 24 Horas de Le Mans de 1956, compartindo un ex Jaguar D-type oficial con Ninian Sanderson. O ano seguinte gañou outra vez co mesmo equipo, esta vez compartindo con Ivor Bueb, establecendo un récord de distancia de 4.398´0 km.

Intentos de marcas de voo e morte

A principios dos anos 60 o United Dominions Trust fixo plans para romper a marca de tempo que se tardaba en voar de Sydney a Londres para lograr publicidade para o seu equipo UDT Laystall. Compraron en Australia un Mustang da segunda guerra mundial construído por Commonwealth Aircraft Corporation e contrataron a Flockhart para facer o intento. Partiu de Sydney no Mustang, rexistrado como G-ARKD, o 28 de febreiro de 1961 e logo de varios atrasos debido ao mal tempo finalmente terminou o intento en Atenas debido a problemas do motor. Flockhart entrou posteriormente no London-Cardiff Air Race, que se celebraría en xuño dese ano, pero retirouse porque o G-ARKD aínda estaba en Atenas. O G-ARKD foi abandonado e comprouse en Australia outro CAC Mustang, rexistrado como VH-UWB, para que Flockhart fixera un segundo intento Sydney-Londres. O 12 de abril de 1962, mentres realizaba un voo de proba na preparación para o intento de marca, Flockhart estrelou o VH-UWB debido ao mal tempo preto de Kallista, Vitoria e morreu.

Rexistro de carreiras

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	Pos.	Pts
1954	Prince Bira	Maserati 250F	Maserati 250F1 2.5 L6	ARX	500	BEL	FRA	GBR Ret*	ALE	SUI	ITA	ESP			NC	0
1956	Owen Racing Organisation	BRM P25	BRM P25 2.5 L4	ARX	MON	500	BEL	FRA	GBR Ret	ALE					14º	4
	Connaught Engineering	Connaught B	Alta GP 2.5 L4								ITA 3
1957	Owen Racing Organisation	BRM P25	BRM P25 2.5 L4	ARX	MON Ret	500	FRA Ret	GBR	ALE	PES	ITA				NC	0
1958	R.R.C. Walker Racing Team	Cooper T43	Climax FPF 2.0 L4	ARX	MON NSC	NED	500	BEL	FRA	GBR	ALE	POR	ITA		NC	0
	Owen Racing Organisation	BRM P25	BRM P25 2.5 L4											MAR Ret
1959	Owen Racing Organisation	BRM P25	BRM P25 2.5 L4	MON Ret	500	NED	FRA 6	GBR Ret	ALE	POR 7	ITA 13	USA			NC	0
1960	Team Lotus	Lotus 18	Climax FPF 2.5 L4	ARX	MON	500	NED	BEL	FRA 6	GBR	POR	ITA			25º	1
	Cooper Car Company	Cooper T51											USA Ret

*Compartíu pilotaxe con Prince Bira

Véxase tamén

Ligazóns externas

• Ron Flockhart profile at The 500 Owners Association