Biarritz
|
Por samtitola artikolo vidu la paĝon Biarritz (stacidomo). |
| Biarritz | |||||
|---|---|---|---|---|---|
 La granda strando de Biarritz.
| |||||
komunumo en Francio  vd
| |||||
|
|
| ||||
| Flago | Blazono | ||||
| Administrado | |||||
| Statuso | Urbo | ||||
| Lando | Francio | ||||
| Regiono | Nova Akvitanio | ||||
| Departemento | Pyrénées-Atlantiques | ||||
| Arondismento | Bayonne | ||||
| Kantono | Ĉefurbo de 2 kantonoj | ||||
| |||||
| INSEE kodo | 64122 [+] | ||||
| Poŝtkodo | 64200 | ||||
| En TTT | Oficiala retejo [+] | ||||
| Politiko | |||||
| Urbestro | Maider Arosteguy (LR) (2020-2026) | ||||
| Demografio | |||||
| Loĝantaro | 25 764 (2021) [+] | ||||
| Loĝdenso | 2 210 loĝ./km² | ||||
| Geografio | |||||
| Geografia situo | 43° 29′ N, 1° 33′ U (mapo)43.480555555556-1.5572222222222Koordinatoj: 43° 29′ N, 1° 33′ U (mapo) | ||||
| Alto | De 0 al 85 m | ||||
| Areo | 11,66 km² (1 166 ha) [+] | ||||
| Horzono | UTC +1 (+2 somere) | ||||
| |||||
| |||||
|
| |||||
| Alia projekto | |||||
 Vikimedia Komunejo Biarritz [+]
| |||||
Biarritz [bjaric] (okcitanlingve Biàrritz, eŭsklingve Miarritze) estas mezgranda franca komunumo lokita en la departemento Pyrénées-Atlantiques kaj en la regiono Nova Akvitanio. Ĝi havas proksimume 30.000 loĝantojn, kiujn oni kutime nomigas Biarrots [bjaro].
Biarritz estas unu el la plej prestiĝaj banlokaj urboj de la franca atlantika bordo. La strando de la urbo plie ĝuas potencajn ondojn, kaj ĝi fariĝis tial mondfama loko por surfado.
Geografio
Biarritz situas sudokcidente de Francio, en la departemento Pyrénées-Atlantiques, proksime al la hispana landlimo kaj ĉe la Atlantika Oceano.
La najbaraj komunumoj estas Anglet norde, Bidart sude, Arbonne kaj Arcangues sudoriente.
Historio
Biarritz estas mondfama banloka urbo depost la 19-a jarcento : ĝi estis origine nur eta fiŝista vilaĝo kiam Victor Hugo malkovris ĝin en 1843.
Sed fakte, oceanaj banoj estis jam laŭmodaj ekde 1784 : tie ekzemple banis sin Napoléon Bonaparte en 1808. Napoleono la 3-a pliposte konstruis palacon je la formo de la litero "E" : tio ekaltiris multajn gravulojn el la tuta Eŭropo. En Biarritz Otto von Bismarck trafis Napoleonon la 3-an en septembro 1865 por akiri francan subtenon de la prusa eksterpolitiko.
Vidindaĵoj
- La "roko de la Virgo" estas la vera simbolo de Biarritz. Tiu roko estis konstruita laŭ ordono de Napoleono la 3-a. El tiu roko oni povas vidi la tutan oceanbordon.
- La "vilao Eugénie", aŭ "Hotelo de la Palaco".
- La "lumturo de Biarritz", starigita en 1834, estas tre utila gvido-punkto sur tiu parto de la atlantika bordo.
- La "Akvariejo de Biarritz"
- La "muzeo de la ĉokolado"
- "Asiatica", muzeo pri orienta arto grupiganta baratajn, tibetajn, nepalajn kaj ĉinajn artaĵojn.
Lokaj famuloj
- Naskiĝis en Biarritz :
- Jean Borotra (1898-1994), tenisisto.
- André Navarra, violonĉelisto.
- Pauline Carton (1884-1974), teatra kaj kina aktorino.
- André Dassary (1912-1987), opera kantisto.
- Léopold Eyharts (1957-), kosmonaŭto.
- Arnaud Massy (1877-1950), sportisto.
- Maurice Journeau (1898-1999), komponisto.
Vidu ankaŭ
- Biarritz (stacidomo)
- Biarritz-Ville (stacidomo)
- Komunumoj de Pyrénées-Atlantiques
- Lapurdo
- Listo de urboj de Francio