ორალური სექსი

ორალური სექსი—სქესობური აქტი, ნამუსჷთ სქესობური ეფურაფა ვარ-და გუმოჯერჯება მუთმოხვადჷ პარტნიორიშ ოსქესე ორგანოეფიშ პიჯით ვარ-და ნინათ ფერაფიშ რზათ. ორალური სექსიშ გიშაკერძაფილ გვარობათ შილებე გობსხუნათ — ანალინგუსი.

მინეტი

მინეტი (ფრ.faire des minettes — ფერაფი, წკიტონი)— ორალური სექსიშ აკნაშაყარა ჯოხო რე, მუჟამსჷთ ოსქესე ორგანო ეფურუ პიჯით, ნინათ, კიბირეფით ვარ-და ყორყელით.

სინონიმეფი: პენილიქცია, ფალატორიზმი,(ბერძ. φαλλός — ოსქესე ასო).

ფელაცია (ლათ. fello — წუალა, წოწინი) — ორალური სექსიშ ფორმა, მუჟამსჷთ ჯუნათ, სირქუათ, ჩამინით ვარ-და წუალათ პენისი ვარ-და ჸვაჯიშ კაკალეფი ეთმეფურუ. მუჭოთ წესი, უმოსი ხვილაფა პენისიშ დუდს მითმიაჩამუ. გეძინაფონი სტიმულაციაშ სახეთ, პენისის ხეთ (ხელეფით) ეკინა-დოკინაშ სახეშ ყარაფის აკეთენა.

ირუმაცია (ლათ. irrumatio — ir- დინოხოლე + ruma კერტი) — ორალური სექსიშ ფორმა, ფელიაციაშე გინორთელო, პენისიშ ზოხო ფრიქციეფი პიჯიშ ქოქას. მემღები პარტნიორი პასიური სქიდუ. ირუმაციაშ გიშაკერძაფილ ფორმათ "ტომბა მინეტიშ" გვარობას გჷთმოსხუნჷნა (ინგლ. Deep Throat), ნამუთ პენისიშ ფრიქციას ხვალე ყორყელს (ხორხოტას) ითოლიშწორენს.

თირუა (ინგლ.Snowballing) ვარ-და "სპერმაშ თირუა" (ინგლ. Cum-Swapping) — ითოლწონენს პიჯიშ ქოქას ეაკულაციას სპერმაშ უკული პარტნიორ(ეფ)იშო გინოჩამათ ჯუნაშ, ინოფურტინიშ ვარ-და ინოჭვათირიშ რზათ. ლეჟვაწკჷმა ესვარუას სპერმა იჟვეპურუ დო ონტირონათ იძინას. თე ტექნიკა შხირას გჷმირინუაფუ პორნოს, მარა, რეალურ რინას მერკეთ.

ავტოფელაცია — სექსიშ თე გვარობა გოსხუნილი ოკო რდას, მუჭოთ მასტურბაციაშ ართ-ართი ფორმა. ავტოფელიაცია დორხველი პენისიშ წუალას, ჩამინს ვარ-და სირქუას ითოლისწორენს. თე გვარობას ხვალე ჟღვენდი ვარ-და ძალამ გჷრძე ასოშ მოღვენი ქომოლკოჩეფი გჷმირინუანა.

თაშნეშე ქოძირით

კუნილინგუსი