Fil 105 M4 PDF

College of Teacher Education
First Semester, A.Y. 2020-2021

MODYUL 4
“Ano ang Makrong kasanayan

Makrong kasanayan ng Pakikinig
Ang Patuturo ng Pakikinig”
Panimula
Ang nilalaman ng modyul na ito ay naglalayung bigyan pansin ang mga mag-aaral na may paraan
ng pag-unawa sa pakikinig. Gayon din ang mabigyan o malapatan ng natatanging estratehiya ang mga
mag-aaral na nakapokus o masnakatuon sa kasanayang pakikinig
Araw at Oras
I. Layunin
1. Nakikilala ang kahulugan ng makrong kasanayan.

2. Natutukoy ang importansya ng makrong kasanayan sa pakikinig
3. Nakakapagbigay ng estratehiya sa pagtuturo ng kasanayan sa pakikinig.
4. Nakakapagpakita ng halimbawang pwedeng sanayain sa pagtuturo ng makrong ksanayan sa
pakikinig
II. Leyktur
MAKRONG KASANAYAN SA PAKIKINIG
Ang pakikinig ay isang proseso ng pagtanggap ng mensahe mula sa tunog o salita na narinig. Ang
prosesong ito ay nagaganap sa pamamagitan ng auditory nerve at utak. Nagsisilbing stimuli ang tunog na
napakinggan, ito ay dadaan sa auditory nerve papunta sa utak upang bigyan ng pagpapakahulugan at
pagsusuri.
Ang pakikinig ay isang paraan sa pagtanggap ng mensahe sa pamamagitan ng pandinig. Mayroong
itong kumbinasyon ng tatlong bagay: tinanaggap na tunog, nauunawaan, natatandaan.
HADLANG SA PAKIKINIG
Pagbuo ng maling kaisipan - may pagkakataon na tayo ay nakikipag-usap sa ating sariling isipan habang
nakikinig at sa pamamagitan nito, ang nabubuo ay kung ano ang nabuong kaisipan natin at hindi ang
kabuuang nilalaman ng ating pinakikinggan.
Pagkiling sa sariling opinyon - nakabubuo tayo ng sarili nating kaisipan habang nakikinig sa isang
nagsasalita mula sa sarili nating opinyon na wala namang matibay na basehan.
Pagkakaiba-iba ng pakahulugan - ang nabubuo nating interpretasyon sa ating narinig ay maaaring iba sa
pakahulugan ng nagsasalita kaya kailangan dito ang paglilinaw sa pamamagitan ng pagtatanong sa
tagapagsalita kung anong kaisipan o ideya ang narinig na gustong linawin.
Pisikal na dahilan - isa rin sa hadlang sa pakikinig ang epekto ng kapaligiran.
Pagkakaiba ng kultura - posibleng mangyari na hindi natin matanggap ang mensaheng ipinadala ng
tagapagsalita dahil sa kaibahan ng kultura.
Suliraning pansarili - hindi natin gaanong mauunawaan ang ating pinakikinggan kung namamayani ang
ating pinakikinggan at umuukilkil sa ating isipan ang ating sariling problema sapagkat nakapokus tayo sa
problema at hindi sa ating pinakikinggan.
KABUTIHANG NAIDUDULOT NG AKTIBONG PAKIKINIG
• Napapaamo ang matigas na damdamin ng kapwa.
• Naiiwasan ang mga negatibong puna kung ang pakikinig ay ginamit sa wastong paraan.
• Mas madaling magtutulungan ang lahat dahil sa aktibong pakikinig.
• Mauunawaan ang kalagayan at posisyon ng iba kung makikinig sa kanya.
• Magkakasundo at magkakaunawaan ang lahat kung nakikinig sa bawat isa.
• Malalaman at masusubok ang kahinaan ng bawat isa.
MALING PANINIWALA SA PAKIKINIG

• Ang pakikinig ang pinakamadali sa apat na makrong kasanayan (pakikinig, pagsusulat,
pagbabasa, pagsasalita)
• Tanging marurunong lamang ang may kakayahang makinig ng mahusay.
• Hindi na kailangan ng plano sa pakikinig.
MGA PARAAN NG PAKIKINIG

- Maging handa sa pakikinig.
- Tukuyin ang mga pangunahing kaisipan.
- Magkaroon ng layunin sa pakikinig.
- Magbigay ng pokus sa pinakikinggan.
- Huwag punahin ang tagapagsalita at huwag husgahan agad ang mensaheng ipinararating.
- Isaisip at tandaan ang mga bagay na napakinggan.
URI NG PAKIKINIG
Passiv o Marginal - pakikinig na kung saan ang pinakikinggan ay di gaanong napagtutuunan ng pansin
dahil sa ibang gawain.
Atentiv - pakikinig ng taimtim at puno ng konsentrasyon. Ang layunin ng tagapakinig ay makakuha ng
kawastuhan ng pagkaunawa sa paksang narinig.
Analitikal - layunin ng pakikinig na ito na magbigay ng husga o reaksyon sa napakinggan.
Kritikal - mapanuring pakikinig, pagkuha ng mensahe at pagpapahalagang moral sa paksang narinig.
Apresyativ o Pagpapahalagang Pakikinig - pakikinig na ginagawa ng tao para sa sariling kasiyahan.
Paggamot - matulungan ng tagapakinig ang nagsasalita na madamayan sa pamamagitan ng pakikinig sa
suliranin ng nagsasalita.
Diskriminatibo - malaman ang pagkakaiba ng pasalita at di-pasalitang paraan ng komunikasyon.
KAHALAGAHAN NG PAKIKINIG
• Ang pakikinig ay isang mabisang paraan ng pagkuha ng impormasyon.
• Ang pakikinig ay nagsisilbing daan upang ang bawat isa ay magkaunawaan.
• Ito ay nangangailangan ng ibayong konsentrasyon sa pag-unawa.
• Ang pakikinig ay nakatutulong sa pagpapalawak ng kaalaman ng lahat.
• Ang pakikinig ay nakakatulong sa pag-unawa ng damdamin, kilos at gawi ng iba.
• Ito ay nakatutulong sa pagbuo ng pagkakaisa.
Narito ang mga hakbang na maaaring gawin sa istratejik na pakikinig:

• Ipaliwanag kung paano ginagamit ang istratehiya Ipakita kung paano ito isasagawa
• Ipamodelo ang istratehiya sa isang mag-aaral
• Hayaang ipaliwanag ng mag-aaral kung paano isinasagawa ang istratehiya
• Gumamit ng iba’t ibang istratejik na gawain sa pakikinig
• Ipalapat ang istratehiya sa iba’t ibang uri ng tekstong pakikinggan
Mapagpahalagang Pakikinig sa Panitikan

Isinasagawa upang mapahalagahan ang tekstong binasa ayon sa kung anong uri ng panitikan ito.
Halimbawa:
• Pagsasadula
• Pagsulat ng ibang katapusan/wakas ng kuwento
• Pagsulat ng reaksyong papel
• Sabayang bigkas
• Debate
• Paglalapat ng musika at interpretasyon sa sayaw
Bakit kailangang ituro ang pakikinig?

• Mahalaga sa pang-araw-araw na pakikipamuhay ( Wilga Rivers, 1981)
• “ Ang pagkatuto sa pagsasalita ng isang wika ay nakasalalay nang Malaki kung gaano mo ito
napakinggan nang mabuti, “ (Nida, 1957)
Kabutihang dulot ng aktibong pakikinig

1. Makinig at pahalagahan ang sinasabi ng kapwa upang mapaamo ang matigas na damdamin
2. Madaling maunawaan ang posisyon ng iba kung mataimtim na makikinig sa kanya
3. Maiiwasan ang negatibong pagpuna kung ginagamit ang pakikinig sa wastong paraan
4. Mawawala ang puwang ng di- pagkakaunawaan o di-pagkakasunduan kung nakikinig sa bawat
nagsasalita
5. Madaling matulungan ang kapwa sa pamamagitan ng pakikinig
6. Matutuklasan ang mga kahinaan ng bawat isa tungo sa pagbabago dahil masusuri at maaanalisa
ang mga ito sa pakikinig
MGA URI NG TAGAPAKINIG

• Eager Beaver Siya ang tagapakinig na ngiti nang ngiti o tangu nang tango habang may nagsasalita sa
kanyang harapan, ngunit kung naiintindihan niya ang kanyang naririnig ay isang malaking tanong.
• Sleeper Siya ang tipo ng tagapakinig na nauupo sa isang tahimik na sulok ng silid. Wala siyang tunay na
intensyong makinig.
• Tiger Siya ang tagapakinig na laging handang magbigay ng reaksyon sa anumang sasabihin ng
tagapagsalita upang sa bawat pagkakamali ay parang tigre siyang susugod at mananagpang
• Bewildered Siya ang tagapakinig na kahit na anong pilit ay walang maiintindihan sa naririnig. Kapansin-
pansin ang pagkunot ng kanyang noo, pagsimangot at anyong pagtataka o pagtatanong ang kawalan niya
ng malay sa kanyang mga naririnig.
• Frowner Siya ang tipo ng tagapakinig na wari bang lagi na lang may tanong at pagdududa. Makikita sa
kanyang mukha ang pagiging aktibo, ngunit ang totoo, hindi lubos ang kanyang pakikinig kundi isang
pagkukunwari lamang sapagkat ang hinihintay lamang niya ay ang oportunidad na makapagtanong para
makapag- paimpres.
• Relaxed Isa siyang problema sa isang nagsasalita. Paano’y kitang-kita sa kanya ang kawalan ng interes
sa pakikinig. Itinutuon ang kanyang atensyon sa ibang bagay at walang makitang iba pang reaksyon mula
sa kanya, positibo man o negatibo.
• Busy Bee Isa siya sa pinakaaayawang tagapakinig sa anumang pangkat, hindi lamang siya nakikinig,
abala rin siya sa ibang gawain tulad ng pagsusulat, pakikipagtsismisan sa katabi, pagsusuklay, o anumang
gawaing walang kaugnayan sa pakikinig.
• Two-eared Listener Siya ang pinakaepektibong tagapakinig, nakikinig siya gamit hindi lamang ang
kanyang tainga kundi maging ang kanyang utak. Lubos ang partisipasyon niya sa gawain ng pakikinig.
Makikita sa kanyang mukha ang kawilihan sa pakikinig.
Sanggunian
https://iriscollarin.tumblr.com/post/111455257110/makrong-kasanayan-sa-pakikinig
Inihanda ni
REYNARD G. PANGDIW

Fil 105 M4 PDF

Uploaded by

Copyright:

Available Formats

Fil 105 M4 PDF

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Fil 105 M4 PDF

Uploaded by

Copyright:

Available Formats

College of Teacher Education

First Semester, A.Y. 2020-2021

“Ano ang Makrong kasanayan

1. Nakikilala ang kahulugan ng makrong kasanayan.

MALING PANINIWALA SA PAKIKINIG

MGA PARAAN NG PAKIKINIG

Narito ang mga hakbang na maaaring gawin sa istratejik na pakikinig:

Mapagpahalagang Pakikinig sa Panitikan

Bakit kailangang ituro ang pakikinig?

Kabutihang dulot ng aktibong pakikinig

MGA URI NG TAGAPAKINIG

You might also like