Sample Essay - Buwan NG Wika

Wika: Pinagkaisang Kaisipan ng Bayan
Arats, lodi, bes, charot, yataps, gg, carps, pics, BV, anue, aqouh, at oppa ay kilala bilang balbal,
conyo, Korean, English, at jejemon. Ito ang mga lingguahe na uso sa mga kabataan ngayon. Dahil na rin
sa impluwensya ng social media at mga nauuso ngayon, madalas mas nauunang matutunan ng mga bata
ang ang mga ito kaysa sa purong kinagisnang katutubong wika. Sa katunayan, ang wika ay tunay ngang
nagbabago at kabilang dito ang patuloy na pagdaragdag ng mga salitang sinalin sa Filipino. Masama ba
ang impormal na pananalita at dayuhang wika para sa ating kultura? Kung tunay ngang mahal natin ang
ating bansa, bakit iniiwasan natin gamitin ang wikang Filipino ayon sa layunin ng kanyang pagkatatag?
Nawawala na ang mga bihasang kabataan sa pananlita ng sariling wika habang lumilipas ang panahon,
napag-isipan mo ba kung hindi tayong mga susunod na henerasyon ng Pilipinas ang magpapayabong
nito, sino?
Ang wikang Filipino na kinikilala bilang pambansang wika, ay ang pinakamabisang palatandaan
ng ating pagkakakilanlan bilang Pilipino. Ito rin ay isang yaman na ipinamana sa atin ng ating hinalinhang
henerasyon, simula pa sa kapanahunan ni Manuel L. Quezon. Pasulat man o pabigkas ang ating wika ay
syang nagbubukod sa atin sa ibang bansa. Ito’y nagsisilbing bigkis na nag-uugnay sa mahigit pitong-
libong isla ng Pilipinas upang makapagpahayag at magkaunawaan tayo sa ating kapwa na siyang bubuo
ng mas mabuti at nagkakaisang samahan. Hindi pa ito nagtatagal mula ng maitatag ang wikang Filipino
kaya’t patuloy pa rin ang paglinang nito kaya dapat nating alagaan at igalang ang wikang Filipino hindi
lamang para sa ating pagkakakilanlan ngayon kundi sa darating pang henerasyon.
Napakahalaga ng wikang Filipino sa pagpreserba ng ating makabayang kasaysayan, sa nagdaang

taong 2018 noong ika-23 ng Abril ipinasa ng Kongreso ang House Bill 1022, National Writing System Act
kung saan sinusulong ang paggamit ng baybayin bilang sistema ng pagsusulat ng bansa. Ang pagbalik
muli natin sa ninunong paraan ng pagsusulat o baybayin ay labis na nagpapahiwatig bago pa man tayo
nakilala bilang melting pot ng Timog-silangan Asya mayroon tayong mayamang kultura. Hatid ng
pananakop ng mga dayuhan ang kaisipang kolonyal na siyang dahilan kung bakit mas pinipili ng iba
talikuran ang sariling kaugalian. Hindi niyo ba alam naiipamalas natin ang ating karunungan at
kakayahan sa pagbabahagi ng ating kultura sa mga dayuhan? Ayon sa datos ng USA Inquirer News
pangatlo ang Tagalog sa pinaka ginagamit na lingguahe sa Amerika; pangatlo sa California, sumunod
naman sa Nevada at ang Ilocano bilang ang pinakaginagamit na dayuhing wika sa Hawaii. Sa mabilis na
palitan ng impormasyon ngayon mas lalo dapat tayong nang-eenganyong ipakita ang napakagandang
kultura ng Pilipinas.
Nakakalumbay isipin na sa kabila ng kahalagahan ng ating wikang katutubo, unti-unti nang

napapabayaan ang paggamit ng wikang Filipino. Ang kaisipang kolonyal, Short Message Service (SMS), at
ang ating pagnanais makipagsabayan sa agos mga tanyag at uso ay higit na nagtulak sa ating ipawalang-
bahala ang puro at sopistikadong paggamit ng Filipino. Kung iniibig natin ang tunay na pagsulong ng
ating wika hindi dahilan ang pangingibang bansa para kalimutan mo mag Filipino kung si Dr. Jose Rizal na
kilala bilang isang polyglot ang siyang nagsabi ng katagang “Ang hindi magmahal sa sariling wika ay higit
pa sa hayop at malansang isda,”. Hindi rin makatwiran ang pagbintang sa globalisasyon kung kaya’t hindi
ka makapag salita ng deretsong Filipino kung ang Japan, Tsina, at Alemanya ay tinangkilik ang sariling
wika at hindi naging hadlang ito sa kanilang pag-usbong. Bakit kung sino pa ang nakatataas sa buhay at
may kakayanang makapag-aral sa prestihiyosong paaralan ang siyang naglalapastangan sa lingguahe ng
Pilipinas?
Hindi niyo ba alam noong unang lumapag ang barko ng mga kastila sa Pilipinas, nakalimbag sa
baybayin ang kanilang panitikang ibinahagi sa bansa. Isa itong patunay na ang halaga ng wika ay
nakaayon sa gumagamit nito. Kung paano natin gamitin ang wikang Filipino at pahalagahan ito ay siya
rin ang magtatala ng kanyang kahalagahan sa mundo. Sa isang daan at pitongpu’t lima na wika sa
Pilipinas, ang Agta Dicamay at Villaviciosa, Ayta Tayabas, Katabaga, at Ermitano creole ay mga wikang
hindi na ginagamit at kinalaunan ay nawala na. Huwag natin hintayin na maging lipas rin ang purong
wikang Filipino. Isa itong ebidensya ng ating ipinaglabang kalayaan sa mga dayuhan mananakop,
ebidensya ng ating kultura, at ng pagmamahal sa Pilipinas. Ang wika ay binubuo ng mga hibla ng titik,
simbolo, at bigkas na walang katuturan ‘pag nag-iisa ngunit naipapakita ang tunay na halaga kung
pagsasamahin upang bumuo ng isang munting salita na maaaring maging pangungusap na lilikha ng
kuwento hanggang sa dahilan kung bakit alam natin ang kasaysayan ng bansa. Tulad ng bansa, kung saan
ang nag-iisang mamamayan ay limitado sa paggawa ngunit mahalagang pagkaisahin upang buuin at
isakatuparan ang tunay na layunin ng bayan. Kung hindi ka ang Pilipinong minamahal ang inang bayan,
sino ka?

Sample Essay - Buwan NG Wika

Uploaded by

Copyright:

Available Formats

Sample Essay - Buwan NG Wika

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Sample Essay - Buwan NG Wika

Uploaded by

Copyright:

Available Formats

Wika: Pinagkaisang Kaisipan ng Bayan

Napakahalaga ng wikang Filipino sa pagpreserba ng ating makabayang kasaysayan, sa nagdaang

Nakakalumbay isipin na sa kabila ng kahalagahan ng ating wikang katutubo, unti-unti nang

You might also like