‫ل‬

‫اللَسسللمم لعلميمكمم لولرمحلةم ال لوبَلبلركَالتمهم‬

9 ‫ال اكَب‬
‫ا الب‬.‫ا لالَبه الالب وحببده لشابريك لَببه‬.‫ال اكَب كَببيا والمحبد لب كَبثيا وسببحان الب بَكببرة واصبيل‬
‫ن وشاببعار‬،‫ا المحببد ل ب الَببذي جعببل هببذ الَيببوم عيببد لَلمحسببلمحي‬.‫اكَببب ال ب اكَببب ال ب اكَببب ول ب المحببد‬
‫ا الَلهببم صببل‬.‫ا اشاببهد ان لالَببه ال الب وحببده لشابريك لَببه واشاببهد ان ممحببد عبببده ورسبولَه‬.‫لَلسبلم‬
‫ا صبلة وسبلماا داعمحيب ماتلزامايب الب‬.‫وسبلم وبَببرك علببى سبيدنا ممحبد وعلبى ألَبه وصببحبه اجعيب‬
‫ا‬.‫ا عباد ال اوصيكم واياي بَتقوى ال وطاعته لَعلكم تفلحون‬.‫يوم الَقياماة‬
3 ‫ال اكَب‬
Siang jama’ah Ied yang berbahagia
Siwenni bujuru, sipongeng labunna matanna essoe iwenni, nappammula igote’ genrangnge,
maddeddu-deddu, mattalu-talu, maddendang dendang oninna mapparewe sumange’.
Nappani ripallawangenna oni genrangnge liboo sadda takabbere’E, mappakaraja, mappoji-
poji, kuetopa mappassewwa masse risesena puang Allah Ta’ala.

‫اكبرا اكبرا اكبرلاله ال ا هوا اكبر ا اكبر ول الحمد ا‬

Iyanaro sadda engkae riengkalinga, rimasiji’e, rimusallae, ribolae, riwiring lalengnge,

makkotopa paimeng ri onroang lainnae. Iyanae makkibettuangi makkeda iyae essoe irapisi
siddi esso marajana umma sellengnge, iyanaritu IEDIL ADHAA” iyare’ga Esso Alleppereng
karobae” padahal de’pa nasiaga ettana mappura laloe, sammaniha engkamopi tabbajo-wajo
riolo matatta, enrengnge mabbate ri atitta maneng, sengerenna uleng ramalang, sumange’na
puasae, sumange’na tarawe’E nennia hikma natampu’E “Alleppereng pittarae”. Naiyakia
iyae essoe takkapposi alleppereng karobae, iya mancajie bukti nenniya papparenggerrang
lao ripada idi’ maneng makkadae : iya idi’ rupa taue tuwo ri lino iyewe de’ natuwo matterru
teru, risewae wettu matu pasti mateki, de’ natuli manyameng terru taue risewae wettu matu
pasti to masessa. Engka wettunna tomario engkato wettunna nato terri.
Rilalenna iyae essoe, sininna tau engkae jamanna, tau engkae pangka’na, tau sogie,
ripallawangenna masyaraka’E, nasalai manengngi jamanna. Natutu’ kantoro’na, natutu
tokona, natutu bolana, napada lao pasilennerengngi allepperengnge, rigau engkana
pannessai akkatta tongeng-tongenna risese araja kuasanna puang Allahu Ta’ala. Pada
engkaki hadere rilalenna iyae onroangnge rigau engkata sipakario-sipakarennu tudang

1
majjijireng sipammase-mase. De’nagaga silaingenna arungnge na atae, de’nagaga silaingenna
tau sogie na tau kasi-asie, de’nagaga silaingenna tau engkae pangka’na na tau de’E pangka’na.
pada engkani tudang sielle’-elle’, sideppe tau kasi-asie natau sogie, tau matanrewe pangka’na
natau de’E pangka’na, tau mapparentaE na ra’ya’E.
Iyanae bukti makkeda : agamata agama sellengnge sangat menjunjung tinggi
persatuan dan kesatuan, menghargai perbedaan dan menjunjung tinggi harkat dan martabat
ummat manusia. “Mali Siparappe, rebba sipatokkong, malilu sipakainge’, natosiakkoling-
kolingeng, sirue menre tessirue nonno. Aganarimakkuannanaro aja’ laloki naengka massiddi
tai bembe, nesseriki idi’ umma sellengnge pada pakessingiwi assiddi-siddingetta rigau
engkata :
 Tessicarinnai ulaweng : bettuangenna ada de’ naricarinnai warang-mparatta narekko
ritujunna adecengengnge, decenna negarata, bangsata, naonco’ pasiha narekko
kepentinganna agamata.
 Tessi tangngareng linro, tessi sampongeng oring, tessi sobbungeng pamuttu, tessi
rebbang tangnga, tessi wilaiyyang janci, tessi ekkekeng cigerro, tessi lacakeng
tange’ : bettuanna, idi’ umma sellengnge naelorekki agamata situlung-tulung nenniya
siammase-masei.
UMMA SELLENG MALEBBI ENGKAE RIYAMASEI RIPUANG ALLAHU TA’ALA.
Iwenni essona SALASA 9 (asera) ompona Dzulhijjah, majjuta-juta eganna umma
selleng, oroane nenniya makkunrai pada engka manengngi maddeppungeng ripadang arafa,
rigau engkana maelo passukkui pakkasiwiang hajjina iyae taungnge. Naokkoniro onroangnge
sama rata taue, mappake pakeang mapute tenri jai, ritella pakeang “IHRAM”. Samannaiha
iyaro essoe pada-pada ri siddie esso maraja, iyanaritu esso assiruntukenna rupa taue sibawa
ale marajana Puang Allahu Ta’ala matti ri “PADANG MAHSYAR”. Nasaba engka manenni
siagae eganna rupa nenniya bangsa, oli mapute, oli mabolong, inge’ maccung, inge’ pennya,
mata Malibu, mata macikke. Tiada perbedaan Presiden dengan pasinden, Tiada perbedaan
raja dengan rakyat, Tiada perbedaan menteri dengan tukang patri, Tiada perbedaan
Gubernur dengan tukang cukur dan bubur, Tiada perbedaan Bupati dengan tukang pedati,
Tiada perbedaan camat dengan penjual tomat, Tiada perbedaan lurah dengan penjual buah,
Tiada perbedaan kepala desa dengan tarik becak, Tiada perbedaan kepala kampung dengan
penjual kangkung, Tiada perbedaan direktur dengan kondektur, tiada perbedaan antara
pembesar dengan orang kesasar, sarjana dengan orang biasa, semua gelar kebanggaan yang
sering digunakan merendahkan orang, saat itu ditinggalkan semuanya.

2
Sininna gelar’E, asogirengnge, abbatirengnge, pangka matanrewe, iya mabiasae ipake
pakatunai padatta rupa tau, Iyaro wettue rilegga manengngi. Semuanya sama dihadapan
Qadhi Rabbul Jalil, semua kecil di hadapan penguasa alam semesta, dan pada saat itu rambut
telah kusut, pakaian telah berdebu, badan telah lelah tetapi kegembiraan meresap di hati
tidak dapat dilukiskan dengan kata-kata. Gemuruh dan gegap gempita talbiah
dikumandangkan :

‫ ان الحمد والنعمة لك‬،‫ لبيك لشريك لك لبيك‬،‫لبيك اللهم لبيك‬

... ‫والملك ل شريك له‬
Artinya : Kami sambut panggilanmu Ya Allah, kami datang memenuhi panggilanmu Ya Allah,
segala puji dan sanjungan, segala kekuasaan hanya milikMu ya Allah.
Nappai Makkedai Puang Allah Ta’ala lao ri Malaeka’e:
Puadangngi riyamanenna tau pangoloengngi limanna ri langi’e majeppunna masiriwi
Puangmu biarkan bawangngi limanna atanna rigau engkana kosong”.
Semua permohonan pada saat itu dikabulkan, semua permintaan ketika itu
diperkenankan, yaitu permohonan yang disertai dengan usaha dan setiap permintaan yang
dibarengi dengan usaha, menegakkan kebajikan. Upe’paha nennia alabappaha napunnai tau
pasilennerengngi pakkasiwiang hajjie rigau engkana Puang Allah Ta’ala nakkattai simata-
mata. Makkedai Nabitta Muhammad SAW: ALHAJJUL MABRUR LAISA LAHU JAZAAUN ILLAL
JANNAH" Naiyya hajji ritarimae degaga pamale’na sangadinna suruga.
Naiyya riakkattai haji mabrur iyanaritu haji ripapolewi nasaba ati macinnong,
nasibawai nyameng kininnawa. Bettuanna, degaga akkata sangadinna nasaba atturu lao ri
parentana puang Allahu taala. Naiyya haji mabrur, mannesai ri loroseng ada tongenge,
nenniya ri gau mannessae. Bettuanna saisaini pole ri tanra-tanranna tau bolaiyengi haji
mabrur iyanaritu tongeppi napoadai adae, namalempu taro gau. Nasaba pura kipahanni
makkedae, saddaemitu mabbinru ada, adaE mabbinru gau, gau’E mabbinru tau. Naiyya
riasenge tau, tessilaingengi adanna nenniya gaunna. Naiyya ada tongenge gau ritarimae ri
sesena Allah taala. Narimmakkoannaro, ikkeng purae pasilennerengi pakkasiwiang hajjiE,
attumanniki pole ri gau salaE nenniya sala gauE, alitutui aleta pole ri sala kedoE nenniya
kedo salaE, assampeyakki pole ri ada salaE nenniya sala adaE, toddo puliwi atekka essaE,
sarekkoammengi aja takawase’-wase’, bolaiwi gettengnge, warekkengngi ada tongengnge,
mumalempu taro gau. Insya Allah mancajiki tau bolai haji mabrur. nasabari natopada
muttama ri suruga pammasena Allah Taala.

3
 Jaji, engka laloki pakessingi niya’ta tungke-tungke pegautta amala. Nasaba aga gunana
amala’e narekko de’natarimai Puang Allahu Ta’ala, engkabawangngi sia-sia, bellang linroe,
makkaddaro uttue, cappu warang parangnge, degaga naruntu sangadinna saisai tau pille
bawang nenniya tau rogi.
Narimakkuannanaro pada tanekki taneng-taneng deceng, sappoi nasaba Asyhadu
Anlaa Ilaaha Illallah Waasyhadu Anna Muhammadan Rasulullah, narialitutui nasaba
sempajang lima wettu, ribajai nasaba’ sekke, naribollo nasaba puasa, naccolli nasaba haji
mabrur, nabbua nasaba suruga, riengngalai nasaba lunra riona Puang Allahu Ta’ala. Narekko
manasuni risamponi nasaba cenning ati nyameng kininnawa, narijagai nasaba’ jakkammana
nanrei balawo sere ati, nalepe’I cicca poji ale, nabboloangngi lima takabborokeng, natossaju
ritengngalaleng, nasapu ripale napucappa.
Hadirin Hadirat yang berbahagia
Iyatona EssoE nataggiling parenggeratta lao risejarana pangulutta nabi Ibrahim
riwettu engkana riparentaiyyang pole ripuang Allahu Taala, sarekkoammengi nagerei ana’na
riasengE Ismail. Menurut sejaraE, mappulo taunni Ibrahim mallaibine, naikiya de’pagaga
ana’na. masarani atinna nawai-nawai pekkogani matti narekko matei, igana patterui
ammanarenna. Gangkanna riparentaiyyani ritu Ibrahim ribainena (Sitti Sarah)
sarekkoammengi napobinei pattettenna riasenge Sitti Hajar. Riwettu puranana nakawingi
Sitti Hajar mellau doanni paimeng nabi Ibrahim makkeda:
     
Bettuanna : Eee…puang…tapakkedalirilaloka wija-wija madeceng
Agana ritarimani parellau doanna Nabi Ibrahim nasaba riwerenni ana orowane pole
ripuang Allahu taala riyasengE Ismail. Namariona Nabi Ibrahim nasaba riwerenna ana
orowane masabbara, mengkalinga ada, matturu riparentaE, ana ripuminasae, caiyyana
matanna, buana atinna, intang mabborong-poronna, rahasia aruddani temmappettunna,
angolong temmabbokona tubunna, buah hati belahan jiwa. Siang jadi angan-angan, malam
jadi impian, kepadanya kasih tertumpu iyanaritu ana’ sibatu-batue riyasengnge Ismail.
Riwettu narapina umuru’na Ismail 7 taung, rimunri pura memenni makkaroba
Ibrahim 1000 kajunna bembe nennia 100 kajunna unta, nainappa mekkeda Ibrahim beneng
engka ana orowaneku nainappa naparentaiyakka puang Allah Taala makkarobangngi
majeppu uwakkarobattoi. Alhasil…, engkana sewwa wettu riparengkalinganni sadda rilaleng
nippinna Ibrahim, nariujina teppe’na Nabi Ibrahim rigau engkana riparentaiyyanni ritu
sarekkoammengngi napadduppai tinja’na ri puang Allah Taala untuk gerei ana’na Ismail,
iyyanaritu ana’ kaminang ripujinna, ana’ riellau rilaleng darari, iyyanaritu ana’ malebu

4
namalebu ittello, macaca namacaca jarung, tudang nassolla-solla, polei napapole nyamemeng
kininnawa, pasalai nataro sengereng, ana’ mangkalinga ada nenniya maturu riparentaE.
Ripannippini Ibrahim makkedaE : E…..Ibrahim paddupani tinja’mu, naiyya Nabi Ibrahim
riwettu paseddinna, denapaja pikkiriki nippinna, makkeda iyyaro parentaE polekoiga
ripuang Allahu Taala iyarega pole koi risetangE. Gangkanna ripannipisi paimeng Ibrahim
rilaleng tinrona, makkeda; Eee.. Ibrahim paduppani tinja’Mu riolo, aga Nabi Ibrahim
ma’geresi 100 unta macommo, rimunri puranasi makkaroba Nabi Ibrahim mangkalingasi
sadda rilaleng tinrona makkeda; E…..Ibrahim majeppu puang Allah Taala nasuroki gere’I
ana’mu, aga na talinge’na Nabi Ibrahim rianu pura natinjakengngE riolo.
Namajeppu sitonge-tongenna Nabi Ibrahim temmaka napujinna ana’na naekiya
mariase’pi pappojinna lao ri puang Allah Taala. Nasaba pura kipahanni makkeda naiyya
parentana puang Allah Taala polo papa, polo panni, musti riturusi. “Pura Ba’bara
sompekku, pura tangkisi gulikku, ulebbirengngi tellengnge natowalie”.
Naiyya riwettu maelo’nana Nabi Ibrahim padupai tinja’na, naolli’ni ana’na nasapui-
sapui ulunna ana’na, napoadangngi makkedaE :
‫ر‬ ‫ر‬ ‫ر‬
‫ك رفان رظ ظرر ر‬
‫ما ر‬
‫ذا ت رررى‬ ‫ح ر‬ ‫ي إ منني أررى مفي ال ر ر‬
‫مرنام م أنني أذ رب ر ظ‬ ‫رقا ر‬
‫ل رياب ظن ر ي‬
Bettuanna : “E……ana’ku (Ismail) majeppu ana’ kuwitaki rilaleng nippikku majeppu ugere’ki,
pekkogi tangnga’ta ana’?”
Nasaba iyyaro Ismail saisa ana’ matturu ritomatoanna namaraja sabbara, de’
namalampe nawa-nawa pikkirikiwi pakkutananna ambo’na, aga nabaliwi sibawa madeceng
naisibawai ada mappaseng makkedaE :
‫رقا ر ر‬
‫ن‬
‫ري ر‬
‫صاب م م‬
‫ن ال ي‬
‫م ر‬ ‫شارء الل ي ظ‬
‫ه م‬ ‫ن ر‬
‫جد ظمني إ م ر‬
‫ست ر م‬ ‫ما ت ظؤ ر ر‬
‫مظر ر‬ ‫ت افرعر ر‬
‫ل ر‬ ‫ل رياأب ر م‬
Bettuanna : “E……ambo tapadduppani aga naparentaiyakki puang Allah Taala, Insya Allah
mattipi talolongekka saisa tau sabbara.”
Denasanna-sannai nabi Ibrahim tetti uwae matanna, uwaE mata sukkuru, riwettu
naengkalingana pappebalinna ana’ ripojinna, matturu ritopajajianna.
De’gaga tau’tauna Ismail maelo rigere, nasaba tattaneng mettoi ri laleng atinna
makkedae: walaupun tinggal kepalaku, badanku terlentang di tanah, aku siap sedia atas
perintah Allah. Biar hancur luluh badan jasmani, asal rohani jangan rusak demi perintah
Allah. Demikian kalau iman berbicara penjara laksana istana Syurga. Tiang gantungan
laksana lambaian bidadari dari syurga. Maut adalah pintu gerbang syurga yang menanti.
Degaga mawatang ri sesena. Laut akan kurenangi, gunung akan kudaki, demi mencapai ridha

5
Allah SWT. Matemua watakkale, temmate rampe-rampe, matemuwa mapatae maatepa
dua tellu massolla-solla’E.
Aga maelo tongenni Nabi Ibrahim gerei Ismail, gangkanna nasuroni bainena Nabi
Ibrahim riasengngE St. Hajar panguju madecengI ana’na ritu, pappakei pakeang kaminang
makessingngE, nainappa mala piso kaminang matarengngE sibawa tulu, gangkanna naolli’ni
ana’na lao riseddie onrong masino-sinoe rireppe’na seddie batu ri Mina, agana madeppe’ni
Nabi Ibrahim ri ana’na, maelo tongenni kasi gere’I ana’na.
Aga nappasenna Ismail lao ri ambo’na, nasaba dua tellu pappaseng, rimakkedanna :
- “E….ambo” engkaro naseng nyawaku, temmaka cinnaku tuo sipammase-mase sibawa idi
na indo’ku, naiyakia nakarana parentana puatta relaka tagere.
- “E….ambo” narekko maelo’ki kasi gere’ka matu, uwellau ri idi ambo serekkoammengngi
tasioi kasi duaE limakku nennia ajeku bara aja urapa-rapa sabani upeddiriki ambo.
- “E….ambo” uwellautoi kasi ri idi ambo tapangolo laloi rupakku ri tanae,
sarekkoammengngi aja tatangngai matakku, namessi ammeng bua-buata mitaka.
- “E….ambo” talilingngi pakiatta nakenna ammengngi dara, naita matti indo’ku namasara
atinna, nassabari namakurang appalatta.
- “E….ambo” tataaroi kasi matareng pisota, nennia tapagattiriwi narekko tagere’ka,
sarekkoammengngi namalomo riseseku bara de umasessa.
- “E….ambo” narekko matena matu tapalettukeng laloka kasi selleng uddanikku ri indo’ku
nasaba temmakaharo maeloku mopa mewai siraga-raga mpale’I uwae susu sitetti’na, roja
siwenninna nennia nanre sitimpuna naiyakia makkotoniro pura nappattentue puang
Allah Taala.
- “E….ambo” narekko purana tagere salaini onrokku nainappa talaiwi pakeakku
tatiwirengngi indo’ku, bara engka mancaji parengngerang passengereng pallawa uddani.
- “E….ambo” ajana nattama ananaE ri bolaE, bara de kasi natuli messi bua-buana indo’ku
mingngerakka nennia saba’ni napolei u’dani’
Ri munri purana mappaseng Ismail lao ri ambo’na aga narisio’ni Ismail nainappani
naalani pisona Ibrahim, akkatta maelo gere’i ana’na, aga nasoronni pisona pangulutta
Ibrahim naikia teyai makkanre pisoE, ure teya pettu, dara teya massolo, uli teya sape, juku
teya malara, nasaba narekko elona puang Allah Taala temmakkanre anu matarengngE,
teppatoddo anu maciru’E, temmakkangu apie, teppaunoi anu mausoe, narekko de nasituru
elo’na Puang Allahu Ta’ala de nullei kajajiang.
Makkoniro kajajiangngE risesena Nabi Ibrahim sibawa an’na Ismail, nasaba araja
kuasangngenna puang Allah Taala denamaelo makkanre pisoE ri ellonna Ismail. Padahal

6
nabettangngi pisona Nabi Ibrahim ri batue mapue dua batue pannesai atarengenna pisoE.
Gangkanna ri utusna Malaikat Jibril ri puang Allah Taala, narisulleanni ritu pole ri puang
Allah Taala nasaba seddi kibase’ yarega bembe macommo pole risuruga iyatonaro nagere
Ibrahim. Gangkanna mangkalingani Ibrahim sadda pole ri puang Allah Taala makkeda :
         

Bettuanna : “E….Ibrahim majeppu pura mupadduppani nippimmu, namajeppu sitongeng-

tongenna makkoniro riwereng pamale lao ri tau mappadecengnge.

Allahu Akbar 3 x Walillahil Hamd

Naiyya tona essoE, nariparentaiyakki makkaroba ri sesena ikkeng umma selleng engkaE
paulle. Rimakkedanna puang Allah taala :
            

Bettuwanna : namajeppunna puang Allah taala pura nawerekko maega pappenyameng,

narimakkoannanaro patettongngi sempajange nakarana Allah taala, nennia akkarobako.
Naiyya tau maccaccaE lao riko iyanaritu tau pusa (mappettu pammasena).
Allahu Akbar 3 x Walillahil Hamd
Iyae essoe risesena tau paulle waramparang, maserro lebbi toi makkaroba, iya
mancajie tanra atturuta ri Puang Allahu Ta’ala, sibawa saisani laleng riola untuk paddeppe’i
alewe risesena Puang Allahu Ta’ala. Nenniya saisato tanra akkacoe risarea’na nabi Ibrahim
sibawa Ismail AS. Nasaba nigi-nigi tau riwereng asagenangeng waramparang untuk
makkaroba naluru de’ nakkaroba aja’tona nahadereki onrong allepperengnge, turu napoadae
nabitta makkeda :

“Barang siapa yang mempunyai kelapangan rizki tapi tidak mau berkorban maka hendaknya
jangan mendekati tempat shalat kami”.
Narimakkuannanaro aja laloki naengka kabbetti tanru tedong, bettuanna massekkekengi
waramparatta nasaba iyatu tau sekke’e mabelai pole rifadanna rufa tau, mabelai pole
risuruga nenniya mabelai pole ri Puang ‫ ل تعالى‬kuwaetofa macawei pole riranaka.
Makkeda toi anre gurutta Pahikmae : engkatu sipa’ nacecca ladde Puang Allahu Ta’ala
salessewwanna ritu :
1. Tau Sogi namasekke, kikkiri gellang galempong cekkong paku jembatang.
2. Tau Kasi-asi namaborro

7
3. Tau mapparenta nade’ na adele, makkadai tomatoae : naiya tau mapparenta de’e na adele
pada laona lopi ritengngana tasi loangnge mattojang nairi anging).
4. Kallolo namakuttu, makkadai tomatoae : E… Kalaki’ aja monro sawe ri wiring lalengnge,
narekko degaga pallaummu jokka-jokkako ri pasa’e, muengkalinga ada pabbalu, akka-
akka’I ajemu lao ri bottingnge, mutoling ada pappakkeade, nennia lettu-lettu’ko ri masijie
muala ada pangaja mumainge’.
5. Makkunrai namakurang siri, makkedai tomatoae : naiya makkunrai de’e sirina padai
laona kaju de’e pejjena, aga tokko murisenge’ tebbue tonrong salo kemmena pajinna

Allahu Akbar 3 x Walillahil Hamd

Naekiyya parellu ripadecengi pahatta risesena akkarobangnge, makkeda iyaro
akkarobangnge appalanna lao ri tau makkarobae, naiyya akkarobangenna (sapi iyarega
bembe rigereE), ribage-bagei lao ritau kasi-asiE nenniya ana beu-beuE, nappani ri bage-bage
lao ritau makkarobae nenniya tau weddingnge riparapisi. Narekko makkoniro tentuanna
makkarobani asenna. Naekiya narekko akkarobangenge (sapi iyarega bembe ri gereE) de’
naripakketawa tau kasi-asiE nenniya ana’ beu-beuE, padahal engkametoi kasi’ tau kasi-asiE
nenniya ana’ beu-beuE, tettong mabbatang ale-alena, mappammula ri renrenna sapiE iyarega
rigerena olo-olokoloE, nallolisu caridona, naemme elona, mitai daging akkarobangnge ri
bage-bage, nalani sappusenna, nalani amurena. nawerenni siakkantorokenna, napallaingenni
siappaggurunna, nataronganni langgananna, ri salla’ni saisa nasaba natajengngi
punggawana, gangkanna cappu dagingnge ri bage-bage, naekiya de’mana gaga mewai ada,
paleccei daging sitekke, iya noddingnge ria’ala passala babua. Narekko makkoiro carana, de’
takkaroba asenna, naekiyya maggere sapiki iyarega olokkolomi bawang. Narimakkoannanaro
atutuki, jangan sampai ri asengngi aleta makkaroba, padahal maggere mani bawang.
Allahu Akbar 3 X Walilillahilhamd
Sebagai kesimpulan iyyae wettue, dua tellu aggurung maraja masero sipato riala bokong
temmawari ritiwi lesu ribolata, yanaritu:
1. Idi tau matoa orowane engkalaloki malai aggurung lao ripangulutta nabi Ibrahim, de’
nakkeda ana’na relai makkarobangngi untuk pasilennerengi parentana puang Allahu
taala.
2. Idi tau matowae engka laloki malai aggurung maraja lao ripangulutta nabi Ibrahim,
namoni parentana puang Allahu taala maelo napapole nellau toi riolo tangngana ana’na.
3. Idi makkunraiye engka laloki mala aggurung maraja lao ribainena Ibrahim, denahalangi
lakkainna pasilennerengngi parentana puang Allahu taala.

8
Idi selessurekku umuru’ maloloe, orowane makkunrai pada alani contoh ri pangulutta Ismail,
namoni alena relato igere riambo’na, asseleng parentana mua Puang Allahu Ta’ala. Sekali
melangkah takkan mundur walau maut menghadangnya sebelum tercapai tujuan dan cita-
citanya, yanaritu pammase nenniya riona Puang Allahu Ta’ala.

Allahu Akbar 3 X Walilillahilhamd

Riolo tekkusalainnai iyyae onrong malebbie, kupomenasai palettukengngi dua tellu
pappasenna anre gurutta rimakkedanna: Tetto bata’ko nasaba lempu, mubessi kelling nasaba
getteng, akkawaliko nasaba ada tongeng, mutettong indo ambo temmappasilaingeng,
muposipa’I sipa’na uwaiyye nalai mariawaE namaladde riakkegunang ri’iyya manenna anu
ripancajiE.
Tellu gau passalama’ki ri lino:
1. Apecakki narekko teyaki mareppa’
2. Allemmaki narekko teyaki polo
3. Akkompe’ki narekko teyaki pettu.
Makkedatosi pappasenna tau riolota, engka 5 sewwa-sewwa makessing, naikiya lebbi
masero kessippi narekko engkatoi rilimae rupanna tau naonroi iyanaritu,
1. Iyyaro alabongE makessingi naikiya masero kessippi narekko tau sogiE Malabo
2. Iyyaro anniniE riparentaE makessingi, naikiya lebbi kessippi narekko tau panritaE
mannini
3. Iyyaro sabbara’E makessingi, naikiya masero kessippi nareko tau kasi-asiE sabbara
4. Iyyaro tobaE makessingi, naikiya lebbi kessippi narekko tau maloloe toba
5. Iyyaro siriE makessing, naikiya lebbi kessippi narekko makkunraiyye matanre siri
Namamuare’I puang Allahu ta’ala simata nainrikki lao riapatiroanna, nasabari
nakisalama ri lino wanua paccobaE, narilolongeng pammase nenniya pakkamasena Allah
Ta’ala riesso rimunrinna. Amin…Amin…Amin

‫ا وتقبببل مانب ومانكببم تل وتببه‬.‫بَارك ال ل ولَكم ف الَقرآن الَعظيم ونفعن واياكَم با فيه مان اليات والَذكَر الكيببم‬
‫ا‬.‫انه هو الَسمحيع الَعليم‬