LAWRKHAWM

Sermon
Vol No. XIII | Issue No. 649 | Pathianni Kar tin chhuak | Date : 7
th
September, 2014
Kum 2014 Branch Thupui : I Puan In zauh rawh Isaia 54 : 2
Ramthar Campaign
Beihrual Programme kan
hmang mek zel a, 5 -
7.9.2014 chhung hian
Rev.Lalchhuanmawia chuan
Ramthar Campaign neiin kan
Kohhranah hun a rawn
hmang. Beihrual Inkhawmah
hian kohhran mipuite a tam
thei ang inkhawm i tum zel
ang u.
Marka Group
Marka Group chuan Group
Ip an sem kha an rawn
khawn leh dawn a, group
member ten thilpek ah
thahnemngai takin tan i la ang
u.
Luka Group
Luka Group ten Electric Bill
leh Tui Bill an rawn khawn
leh dawn a, Kohhran mipuite
khawngaiha lo pek tir turin an
ngen a ni.
Bawm Inleng
Ni 31.8.2014 khan KTP
Bawm Inleng chu kumin
chhunga a tumhnih nan hawn
leh a ni a, Rs.1881/- hmuh a
ni. BawmInleng hi remchang
hmasa ah len tir leh tur a ni a,
member ten thilpek ah tan i
la zel ang u.
Naupang Inkhawmpui
Naupang Inkhawmpui kan lo
hnaih ta hle a, theih tawpa
inbuatsaih mek zel a ni a, nu
leh paten kan fate
inkhawmpui tur leh chang zir
turin i fuih sauh sauh ang u.
Beihrual Inkhawm kim
KTP member Beihrual
Inkhawm kimte hnenah
Branch chuan lawmman a pe
leh dawn a, naupang
inkhawmpui avanga kan
Biak Ina inkhawm thei lo te
pawh inkhawm anga chhiar
an ni ang.
DIKNA LEH THIANGHLIMNA
Thinlunga thianghlimte chu an eng a thawl e; Pathian an la hmu dawn si a.
Matthaia 5:8
Pi F. Lalsangmawii
Kan Lal Isua chuan a nihna zirtirtu a nih a hre chiang hle. Hmun hran hran a a
kalin mi a hmuhte a zir zelin a zirtir thin a. Thudik hrul leh phuahchawp leh duhthusamte
a sawi mai mai lo. Tih tak takna leh inpekna nen a zirtir a, a dik zia lantirna turin chetzia
in a lantir thin. Chuvangin a zirtirna dawngtute chuan an ngaina a an zui thin reng a ni.
Chung a zirtirnaah chuan Pathian hmangaihna hmangaih let ve turin a zirtir tam ber a ni.
Lal Isua zirtirna tlangpui deuh deuhte
chu:-
1. Chhandamna thu:- Mihring sual a boral
tawhte chhanchhuah a chhandam kan nih leh
theihna kawng min kawhhmuh a. Amah rin
chauh hi chatuan nunna awmchhun a ni. Chu
chhandamna chu sawi mai duhtawk lovin a
taka changin Kraws-ah min tawrhsak a min
tlan ta a ni. Amah ngeiin, Kei hi Kawng leh
Thutak leh Nunna chu ka ni a tih kha.
2. Hmangaihna thu:- Hmangaihna hi Pathian
ze pawimawh ber ani. Lal Isuan, Thupek
khaikhawmna a ti hial a ni. Lal Isua chuan
mi zawng zawng tih duhtawk mai lovin
hmelmate pawh hmangaih a an tana tawngtai
turin min zirtir a ni. Mihring thinlung atang
chuan a harsa hle, mahse Hla siamtu chuan,
Hringfate tello chuan ka tlei lo hmangaihna
a ti, a ti hial a ni. Mi zawng zawngin a hnen
kan thlen aduh avangin sawi mai duhtawk
lovin kan Pathian chuan a Fapa min pekah
hian a hmangaihna chu a lantir chiang hle a
ni.
3.Rinawmna:- Kan Pathian thu ah khan
(Tirh:5) rinawm loh pawizia leh
hlauhawmzia kan hmu a, Saphiri leh
Anania-te nupa khan mihring bum lovin
Pathian an bum a ni. An chan a rapthlak hle
mai. Kan ram Kristian ramah hian
rinawmlohna, hleprukna, hlemhletna
bawlhhlawh tir rengte hi malmak in Lal Isua
zirtirna angin rinawmna leh dikna lal tir i
la, kan entawn leh min hruaitu a tan mi
rinawm LAL ISUA KRISTA hi hman i tum
ang u.
4. Ringtute awmdan tur:- Ringtu chu
khawvel thil damchhung khawsak
ngaihtuahna ten a ti buai a, rilru bulbal
neilote awmdan ang a awm lovin Pathian
thu atangin Nunkhaw nawmna/
Engthawlna a nei a ni. Ringtu chuan he
khawvel hi a vawng thianghlimin ati nuam
tur a ni. Vawiin hian i nunnah miten Lal Isua
nun leh mizia an hmu em le!!
Kan Lal Isua zirtirna hi mimal tinte
tana nun hlimna leh lawmna a ni a. A
zawmtu tan chatuan nunna taksa leh thlarau
malsawmna a ni. Heng chauh pawh hi kan
zawm chuan Pathian kan la hmu ngei ang.
Lalpan a thu malsawm rawh se.
HLAWHTLING TUR CHUAN......
Nitin mihring kan hmachhawn 90% hi a thimzawnga thil thlir thin mi an ni. Chhang
kan ken pawhin chhang tlang aiin a khemlai kher an hmu thin a, tui an in pawhin no tlang bal
lai kher an hmu thin. Heng mite hnen atang hian fakna emaw, nangmah tichak tura fuihna thu
emaw dawn beisei suh. I nihna atang khan hnuk chhuak thei lo che mahse, i dinhmun mek
aia hniamdaiha pawhthlak duhtu che an ni. Chuvangin heng mite hi hlau la, an lakah inveng
fimkhur la, an zingah awm suh la, i duhthusammitthla kha rukbo tir hek suh........

PUAL

N
A
U
P
A

N G
Page 2
Lalrinkima
Lalnghilhlova
R. Zomuansanga
H. Lalengmawii
Agents Agents
EDITORIALBOARD
Editor : Lalnunzira - 8732078931
J oint Editor : Lalhmangaiha - 9856954021
Lalbiakzuala Sailo - 9774378954
News Editor : R.Lalhmunsanga - 9774395131
Contributing Editors : Lalramhluni - 9856149280
B. Lalthanzami - 9862360331
H. Lalhmachhuani - 9774367236
Lalmuanpuii - 8575158771
R. Zohmingliana - 8974589814
H.Lalremruata - 9615715528
Circulation Manager : Lallawmsanga - 9862800141
Vanlalzawni
Lalrinchhani
Debbie Lalmuanawmi
C. Lalthlamuani
VAWI I N SUNDAY SCHOOL ZI RLAI
Beginner :
Primary :
Junior :
Intermediate :
Sacrament :
Senior : Ringtu mawhphurhna - Midangte
chungah
Puitling : Chibai bukna leh Kolossa Kohhran
nihna.
NPSS
Inkhawmpui
inbuatsaihna
India ram Kohhran hruaitu pakhat chuan, "
Mizo Kohhran a din chhung chu zai hi a reh tawh lo
vang; Mizo Kohhran te an zai chhung chuan
Kohhran hi a nung reng dawn a ni," ti-a a sawi thu
Kristian hla bu phek hmasa vei lamah a inziak a.
Kristianna rawn luh hma atangin mizote hi zai mi
hnam kan ni a, an awm khawm let let tawh chuan
pakhat in khuang a la a, an zai chawt zel niin an
sawi thin.
Kristianna a rawn luh hnu pawh in kan ze
pangngai chu kan thlah lo va, Pathian chawimawi
nan kan zai nasa hle. Kan Kohhran nung leh nung
lo tehna pawh kohhran zai a tui leh tui lovah a ni
thin. thlarau nun a chauh leh ngui chang te a min
tiharh thartu chu fakna hla hi a ni fo. Lawmte
lawmpui nan kan zai a., mitthi lumen na ah pawh
zankhua in kan zai thin.
Heti khawp hian zai hian Mizote nunah hmun
pawimawh a chang a, kan la zai zel dawn bawk a ni.
Chau te leh khup zawi tawh te hi hla thu hmanga
kaih harh an ni fo a, Pathianin zai hi rawngbawlna
hmanraw pawimawh takah a la hmang zel dawn
niin a hriat.
Zai chauh hi Pathian chawimawi dan kan
hriat chhun a ni ang tih erawh a hlauhawm. Mari'n
" Ka nun hian Lalpa a chawimawi e," a ti thei hi a
mawi hle mai. Nuna Pathian chawimawi thinte bula
chen leh khawsak hi a nuam a, kan nun hian Pathian
a chawimawi nasat poh leh kan ram hi a nuam deuh
deuh dawn a ni.
"Lalpa chu fak rawh u, a hun ah te hun lo ah
te pawh fak zel ang u"
AUGUST THLA PATHIAN RAM
THAWHLAWM
Ip lut zat : 158
Ip lut Percentage : 87.78%
Pathian ram : Rs. 1,54,703.00
Ramthar : Rs. 71,408.00
Tualchhung : Rs. 2,01,855.00
Total : Rs. 4,27,966.00
#Tanpui ngai te tanpui hi Isua duh zawng leh lawm zawng a ni
Chei chhuak rawh........
A chei mawi ber lawmman pek a ni ang.....

Page 3
Isua Krista rinna leh Amah anna kawnga thalaite hruai Kohhran Kutke ni tura thalaite buatsaih
Kohhran hnathawh tihpuitlin Krista Chanchintha puandarh
K.T.P THIL TUMTE
2014 BEIHRUAL PROGRAMME
Published & Typeset by TheKristian Thalai Pawl : Chhinga Veng East Branch. Printed at T.M Offset, Canteen kual, Aizawl. Copies 180
Thiltha ti atan Krista Isuaah chuan siama awmin, Ama kutchhuak kan ni si a,
chu thiltha tih chu kan awmna turin Pathianin a buatsaih lawk a ni. (Ephesi 2:10)

Page 4
I N K H A W M P R O G R A M M E
Chawhma : Sunday School
Zirlai 33-na
Ramthar Campaign
Chawhnu
Thusawitu : Rev. Lalchhuanmawia
Zan
Thusawitu : Rev. Lalchhuanmawia
PATHIANNI KTP TAWNGTAI INKHAWM
Zai Hruaitu : Tv. Zohmingliana
KeyBoard : C. Lalthanzama
Hruaitu : Pu R. Lalhmunsanga
Tantu : Tv. Lalrinhlua
NAUPANG CHAWHNU INKHAWM
&
TLEIRAWL INKHAWM
Mahni Department theuhah Inkhawmpui
inbuatsaihna a hun hman tur a ni ang.
RUIHHLO NGAITE ENKAWLNAAH
HIAN ENGTIN NGE AWMZE NEI
ZAWKA HMA KAN LAK ANG?
A hun : 30 September, 2014
Ahmun : Aijal Club
Tv. Daniel Vanlalfala
He hun hi World Vision India (WVI), United
Nation Office On Drugs Crime (UNODC) leh
Mizoram Drug Users Forum (MDUF) te tang kawp
chuan buatsaihin Central KTP te hriatpuina in Aizawl
khawpui chhunga KTP te, member pakhat theuh tal tel
turin min sawm a, kei ni Branch pawh kan tel ve a,
khawpui chhunga tel tura sawm te kan kal tha hle a ni.
He hun hi ngawlvei te chung chang mithiam bik
te leh ruihhlo ngai tawh damna chang (recovering
addict) ten thupui hrang hrang hmangin zirtirna leh
sawihona hun kan hmang a ni. Kohhran a Thalai Pawl
te hi pawl lian kan nih avangin ruihhlo ngai mekte
chhawm dawl leh an sal tanna atanga chhan chhuak turin
kan pawi mawh hle a, Branch tin ah Evangelism Cell
Sub Committee kan nei theuha, ngawl vei te leh mi hla
pualin tawngtaina pawh kan hmang thin a, a tha hle a ni.
Ngawlvei te chhanchhuak tur hian tawngtai mai duh
tawk lovin kan chet chhuah a ngai a, an harsatna te
hrethiam chunga dawhtheihna leh hmangaihna nen an
harsatna te kan sutkian pui thei a ni.
Ruihhlo ngaih emaw, Drugs Addiction hi
Mizoram mai ni lovin khawvel pum hian hun rei tawh
tak ata alo hmelhriat tawh a ni. Kum 1980 chho atang
khan Mizo hnam hian Drugs hi alo buaipui ve tan a, a
tirah Heroin hmang sawi tur an awm ve zeuh zeuh laiin,
1990 a in herchhuah meuh chuan Spasmo-Proxyvon
chuan kan thalai zingah bu a khuar tan a, a nghawng loh
chhungkua chu sawitur an awm zeuh zeuh chauh a ni.
Tun kan dinhmunah chuan MSACS chhiarpui hnuhnung
ber chuan kan ramah hian ruihhlo a inchiu (IDU), 1200
chuang zet awm niin a ngai.
Kan ram dinhmun chhe mek thlir chungin, WVI,
UNODC, MDUF te tang kawp chuan tuna awmze nei
zawk leh tangkai zawk a ruihhlo ngaite chhawmdawl
hna hi a hlawhtlin zawk nan, Kohhran tinah ruihhlo in
atih buai mek te chhanchhuah an nih theih nan Drug
Crisis Response Cell dinpui hi a tul tiin rawtna a siam
a ni.
Engnge Drug Crisis Response Cell chu? Veng tinah
Kohhran a awm ang bawk hian ruihhlo ngai hi an awm
bawk a. Chutiang bawkin Kohhran tinah hian ruihhlo
ngaite chhawm dawl leh chhanchhuah lama tui an awm
theuh a ni. He Cell hian chung mite chu telkhawm
in, an thahnemngaihna chu chhawr tangkai se,
mahni Kohhran theuhah ruihhlo ngaihna emaw
addiction nghawng hi an buaipui dawn a ni.
Eng nge an thawh ang :
(a) Counselling & Referral : Hei hian individual
leh group (chhungkua, Nupa emaw thianho) a
huam ang. Drugs Users ten an mamawh ang
counseling (IDU Specific) an dawn theih nan, hemi
titur a ruatte chu WVI, UNODC leh MDUF te
chuan training an pe thei a ni.
(b) Overdose Management : Overdose avanga
nunna chan hian tlem lam apan loh avang hian
apawimawh hle a ni. He chhan chhuahna hi Kohhran
leh Veng tinah hei aia tha zawka thawh a nih theih
nan, MDUF te chuan in-depth training engtik lai
pawn a pe reng thei a ni.
(c) Awareness & Prevention : Ruihhlo ngaihna
kan buai pui hian ati mek te bakah ala tilo, kum
naupang zawk te hi hmaih theih an nilo. Ruihhlo
that lohna inhrilh hre turin a titawh, sim tawh hi an
tha ber a. He Cell nena tang kawpin WVI leh MDUF
chuan aduh hnenah heng thu chah hi tha zawk leh
awmze nei zawkin a thlen thei a ni.
TUNKAR CHANGVAWN
Philipi 1 : 29
Krista avanga amah in rin chauh ni lovin,
amah avanga in tuar pawh phal a ni si a.