ROHLU

MARCH 2012

ROHLU

ROHLU
( Thla tin chhuak )
A man : Thla khat Rs.5 /-

A CHHUNGA THU AWMTE Editorial

ROHLU

Kum 6-na

March

Editorial Board Editor Joint Editor News Editor : Rev. Dr. Chalhnuna. : Lalringliana. : Lalthangzauva. Pro. Pastor Laldanmawia PB.Hrangthana TD. Zalawmpuia : Lalromawia. : Rev. C. Zalianthanga Rochharliana. Pastor Sapthangi Rev.E.Lalzarlawma

1.Chi theh thu 2.Kan kohhran hming 3. Kum mak tak a ni- Fimkhur rawh 4. Bialfan, Lawmluh leh Jubilee 5. Farkawn lamah zel aw... 6. DWMWA Inkhawmpui Programmee 7. Kohhran News

Cir. Manager Members

HRIATTIRNA
District chhung a thawk tur Tirhkoh Pahnih (2) leh Missionary Pakhat (1) lak tur a ni a, Lawmman atan Rs.4000/-p.m a ni ang. A dil hun atan ni 23rd March 2012 thleng hun hawn a ni. Diltu chu Kohhrana fullmember a ni tur a ni a, kum 25 aia naupang lo a ni tur a ni. Thiamna lama Certificate neih ang ang dilnaah thil tel tur a ni. Rawngbawlnaa experience nei, kawppui (Nupui/Pasal) nei a ni tur a ni. Dilna hi District Office Chanmari; Aizawl (2305845) ah emaw, mahni Circuit Superintendent hnenah thehluh theih a ni ang.

Office Address : Wesleyan Methodist Church, Sub post office : Chanmari. Aizawl. Pin code : 796007 Telephone No. 2305845 / 9436351889 / 9862316121.
**Rohlu-a thu chhuah tur nei chuan engtik lai pawhin editor hnenah pek theih reng a ni. **Rohlu-a thu chhuah te hi editorial Board ngaihdan a ni vek lo. Regd. No. J. 22020 / 1/2006-DC(A) 93: Dated Aizawl, the 27th March 2007.
2

ROHLU

Tun thlaa kan Editorial Thupui atan Kan Kohhran Zawmpui tih thu hi i hmang teh ang. March 13-19 chhung hian Wesleyan Methodist Church of East India chuan Regional Conference 25th leh Silver Jubilee lawmna Rengkai Churachanpur-ah a nei dawn a. Mizoram District atang pawhin kan hotute an kal dawn a. Kan Kohhran, Mizoramin kan Zawmpui hnai ber chu Wesleyan Methodist Church of East India a ni a. He hunah hian Asia Area Director Dr.Romy Caringal Manila te, Dr. Ron McClung, USA te an lo tel dawn a. Inkhawmpui pawimawh tak a ni dawn a. Hei kum 2000 February ni 6 atang khan kum 13 lai chu Wesleyan Methodist Church of East India nen kan inzawm ta a. Kohhran reng reng hian, eng Kohhran pawh ni ila, zawmpui leh rawngbawlpui neih hauh loh chu thil tha a ni lo va, chuvangin, kan bul State chhungah, Manipur-ah te, Kachar (Assam) lamah te rawngbawlpui tur leh zawm tur kan nei hi thil vanneihthlak tak a ni. Amaherawhchu, duh angin rawngbawl danah te, inkaihhruaina lamah te kan la puitling tawk lo deuh va, kalhmang tha zawk kan zawn zel a la ngai a. Dawhthei takin, taima takin inzawmna vawng nung zelin kawng tha leh rawngbawl dan tha zawk zawng zel ila. Khawvelah hian kan Kohhranin Rawngbawlpui tha leh zawmpui tha a neih nan kan kohhranin a zawm hmasak ber tur chu Kohhran Lu ber Isua Krista a ni a. Amah Lal Isua pawhin a sawi a, Keimahah awm reng rawh u, kei pawh nangmahniah ka awm reng ang... keimah lovin engmah in ti thei si lo a ti a (Joh.15:4).
4

Editorial :

Lal Isua nena kan inzawmna danah chuan keinin engmah DAN kan siam ve thei lo va, Lal Isua thupek leh a zirtirna kan awih a, kan zui a, rinawm taka a rawng kan bawl a ngai a. chuvangin lal Isua pawh an chungah a lawm a, Bawih tha leh rinawm i ti tha e, tlem te chungah i rinawm a, tam tak chungah ka awmtir ang che, i Pu lawmnaah chuan lut rawh a ti thin, Hawh u, Lalpa bawihte kan ni si a, a rawng i bawl ang u.

ROHLU

SYLLABUS TIH DIKNA Kum 2012 Sunday School Syllabus-ah Good Friday April ni 8 leh Ester Sunday 15 tia dah a ni a, kha kha tih sual palh a ni a. April ni 6 Good Friday leh ni 8 Ester Sunday tia dah zawk tur a ni e. Tih sual palhah leh thil dang fel tawk lo awmah Sunday School Zirtirtu leh Zirtu zawng zawngte chungah ngaihdam kan dil e.

ROHLU

CHI THEH THU

Rev.Dr.Chalhnuna

Chang thlan : Ngai teh u, buh chi thehtu buh chi thehin a feh a (Mat.13:3) Kan chang thlan thu hi han sawr-zim leh ila Chi thehtu chi thehin a feh a tiin. Mi tupawh, puitling chin chu chi thehtu nihna kan nei theuh a. Chi thehtu kan ni vek kan tih avangin kut-hnathawktute kan ni e kan tihna chu a ni lo. Chi hrang hrang leh theh dan chi hrang hrang a awm a. I han sawizui hlawm teh ang. 1. Kut hnathawktute tan : Tunlai, tun thla, February leh March thla hi Mizote tan Lo hal thla, thlai chi tuh hun, thlai chin hun, thlai chi theh hun leh thlai chi lin hun a ni a. Tichuan, chi thehtu chu chi thehin a feh-a tih chu kan tidik mek a ni. Bible ngeiin, engkim tan hun ruat a awm: tuh hun te, seng hun te, a awm thu min hrilh a. Kan hna thawh, kan kut kawih, kan lo leh kan huan te an lo hlawk theih nan kan tihve theih tawk awm te chu: i) A hun takah thlai ching rawh: Thlai chin nan hun bi dik a pawimawh lutuk. Buh chu February thlaah i tuh chuan a tha lo vang. A that loh pawhin Pathianin mawh a phur lo vang. Kan hriat leh kan tihve theih chin-thlai chin hun dik kan hman a ngai a. Chu chu Pathian pawhin a thantir thin. ii) A chinna hmun, a bi duhtui rawh. Sawhthing te, bal te, bahra te alu te hi tak hle se kan duh a. Mahse, kan cinna bi kan duhtui thin lo va, an tak thei lo va, an
6

Sawhthing i ni ta a, tuthlawh te tak tein i leng tawk lekah an phum che a, lianpui puiin i thang thei dawn em ni? Chu ai chuan tuthlawh lian deuhvin, zau tawkin lei han lai dur se tichuan sawhthing pawhin lianpuia than a duh ang chu.Buh leh thlai zawng zawngin hei hi min chah dan a ni. Buh chi pawhin an awmna bi an sawisel ve bawk. Kan duhtuisak lo lutuk reng a ni. Tichuan, a hun takah, a hmun dik takah kan thlaite ching ila tichuan a let tam takin an lo rah dawn nia. Kan ramah thil a to chak si a, Antam tel khat Rs.20 a ni a, lo kan nei lo a nih pawhin chuktuah huan tal neih tum ila. Chuktuah huan tih tham kan nei lo a nih pawhin tap tiat lek pawh neih tur ngaihtuah ila a thaang. thil a harsa sawt em mai. 2. Miin a theh apiang, chu mi vek chu a seng dawn si a. Hei hi Bible-a kan hmuh angin chhunzawm ila: mahni tisa lama thehtu chuan tisaa mi chhiatna a seng a, Thlarau lama thehtu erawh chuan Thlarauva mi chatuanna nunna a seng dawn a ni. Tuh rah seng tih hi Thuthlung Hlui hun tawngkam bik a ni vek lo. Thuthlung Thar hunah pawh a la dik zel mai. Thahnemngai taka rawngbawltu Tirhkoh Paula chuan Tuh tlem, theh tlem chuan a at tlem ang a, theh tam chuan a at tam bawk ang tiin min fuih a. Lal Isua ngei pawhin Bawih tha leh rinawm i ti tha e, tlem te chungah i rinawm a, tam tak chungah ka awmtir ang che a tih kha. Eng chi nge kan tuh thin? Pathian thlai chite chu engte nge ni? Bible chang pahnih inmil lo tak tak la chhuak ila: Khawlohna lei leta buaina tuh chuan a ngai vek an seng leh thin tih kan hmu a (Joba.4:8).
7

ROHLU

Zawlnei Hosea chuan Mahni tan felna tuh ula, khawngaihna seng rawh u tiin thurawn min pe a (Hos. 10:12). Dik tak chuan tunlaia ringtuten kan tlakchham lian tak chu Kristian Nun kan tih hi a ni. Nundan kan uluk lo va, sual kan palzam, tawngkam mawi te, tawngkam hawihhawm te kan ngaihtuah lo. Nun inngaitlawm neih pawh kan tum hek lo. Kan inthlahdah hle niin a lang e. Lei chi in ni e Lal Isuan min tih ang hian hawh u, kan chetzia zawng zawngah i lo thianghlim tawh ang u. A nih loh vek leh: Ani ka tan leiah ka ching ang a; Lainatdawnglovi chu ka lainat ang a, Kaminilova chu, Ka mi i ni, a ti ang a, tin, anin, Ka Pathian i ni a ti ang tih hi kan za

ROHLU

ROHLU

KAN KOHHRAN HMING Kum 2011 District Conference rorel angin kan Kohhran hming (Official Name) Wesleyan Methodist Church tih hi Logo leh Sign Board-ah hman vek \ha kan ti a. Hei hi kumin District Conference pawh khan a nemnghet nawn a (no. 47). Khawvel huapa kan kohhran Dan Bu thar berin India rama kan kohhran min \hen hran dan leh kan hming min ziaksak dan chu Sap\awngin hetiang hi a ni. India ram hmun thumah min \hen a. 1. The Wesleyan Methodist Church of Western India. 2. The Wesleyan Methodist Church of Central India. 3. The Wesleyan Methodist Church of East India, tiin. Keini Mizoram te, Manipur te, Assam te, Tripura te hi 3-na hnuaia mi kan ni a. Tichuan, India ram anga kan Address huap zau pakhat chu Wesleyan Methodist Church of East India a lo ni ta a. Hei hi kan hming pum zau ber pakhat chu a ni phawt a. A pahnihna chu Mizoram huap hming a ni a. Hetiangin:-WESLEYAN METHODIST CHURCH; MIZORAM (Sap\awnga The dah a ngai lo) Tin, a pathumna khaw pakhat chauh huap hming chu :E.g WESLEYAN METHODIST CHURCH FARKAWN / EDENTHAR Etc.tiin. Tin, kan kohhran hming Sign-Board-a kan tar hian kohhran chhinchiahna Logo telh zel a ni bawk a. Logo-a kan thu ziak leh sign-board- a kan thuziak kha a inang ngei tur a ni. A danglam thiang lo. 9

ROHLU

Kan Sign Board thu ziak leh logo thu ziak a inmil lo a nih chuan siam\hat thuai District Conference 2011 leh 2012 rorelna chuan a phut a ni. Logo a thuziak-ah hian -Wesleyan Church tih chauh ni lovin Methodist telh tur a ni. Hetiang hian :-

KUM MAK TAK A NI- FIMHUR RAWH

ROHLU

Tin, kan kohhran Wesleyan Methodist kohhran Logo hian engte nge an entir? 1. Seki kual, ni lo Berampa ki, Tawtawrawt tlangarh atangin 2. Fiah vak lovin Lei a lo chhuak a. 3. Chu Leiah chuan Thuro ni awm tak i hmu ang. 4. Berampa ki chuan Kraws a kual hnan a. Hei hian:a) Pentikos niah Leite insem darhin ringtute chungah a chuang theuh angin kan chungah Lalpa Thlarau chu a awm a. Kan Lei hi Chanchin Tha hril nan a hmang duh. Thlarau Thianghlim keinin tia thu kan sawi a ngai. b) Tirhkoh Paula sawi angin Keini erawh chuan Krista khenbeh thu kan hril \hin a nih hi: tih thu te, (I Kor. 1:23) Krista Kraws lo chu ka chhuan loh tur zia mai chu a tih ang khan a chhuang apiangin Lalpa chu chhuang rawh se tih entirna an ni. c) Krista din kohhran chu Isua Krista leh a thihna Kraws leh a thawhlehnaa innghat leh din a ni.
10

Kumin 2012 hi Khawchhak Pawiho chuan Phiang Kum an ti a. Mizo, Khawthlang lam chuan Behliang Kum kan ti mai ang. Engvanga Behliang Kum an ti nge kan hre chiah lo va, Khaw Ro kum tihna niin a lang. Khaw-ro kumah hian Lo hal a kang tha a, buh leh bal pawh a hlawk thin a. Chuvangin, pi leh puten Behliang kum: an lo ti thin a ni. Hetiang khaw -ro kum hi dannaranin Kum Zuang tia kan sawi mai Leap Year kumah a thleng duh bik a. Kuminah pawh kan ramah kang-mei kan tuar hle mai a. In tam tak a kang ta. Tin, khawvel hmun zau zawkah pawh In kang te, ram kang te kan hre tam hle a ni, Khua a ro va, KANG MEI LAKAH I FIMKHUR THEIH ANG U. Tin, kumina kan Calendar hi a hlauhawm zawnga sawi theih tak mai a ni a. Ni leh thla, chunglam hervelho pathiana betute chuan eng thlaah pawh number 13 hi an duh vak lo va, tin, chawlhkar niah pawh zirtawpni hi an ngaizawng lo deuh bawk a. Chumi thil pahnih innang fuh ni 13-na leh Zirtawpni an innan phei hi chuan Ni tha lo an ti a, vanduaina a awm duh an ti thin. Hetianga ni 13-na leh Zirtawp intawng hi kum tin a awm ziah lo va, mahse a awm fo thin a. Tin, kum khat chhunga vawihnih an intawn fuh kum pawh a awm fo thin. Kumin phei hi chuan zirtawp ni leh ni 13-na vawithum an intawng a ni. Chung nite chu January 13 te, April 13 te leh July 13 te an ni. Hetiang hi kum 2015 ah te, 2026, 2037-ah te pawh an thleng leh ang. A hlauhawm zawnga sawi zel chuan hetiang kumah
11

hian Chet-sualna (Accident) a thleng tam a, inthahna leh buaina a tam duh an ti thin. Tin, lir nghing a tam a, chhiat rupna a thleng duh bik an ti. An ti tiin a chungah thu kan titawp a. Hetiang hi, heng aia nasa hi thil mak tak tak leh hlauhawm tak tak an lo thleng thin dawn tih chu kan Bible-in min hrilh a. Lal Isua ngei pawhin Indo thu leh Indo thu thangte in hriat hunin mangang suh ang che u; chung chu a lo thleng tur reng a ni. Nimahsela tawpna chu a la ni rih lo vang. Hnam hrang leh hnam hrang an indovang a, ram hrang leh ram hrang an indovang a, hmun hrang hrangah lirte a nghing ang a, tam te a tla ang, chung chu nau vei tantirhna a ni a ti a, (Mk. 13:7-8). Khawvelah hian thil tha lo te, thil hlauhawm te, thil rapthlak te sawi tur an tam khawp mai. Mahse chungte chuan min siam tha lo va, kan ngaihtuah buai vak pawh a tul lo. Chutiang khawvela cheng ni mah ila kan awmna tur leh kan ngaihtuah tur ber chu he Sam thu hi lo ni mawlh rawh se:Pathian chu kan inhumhimna leh kan chakna, Mangan laia tanpui vartu hnai reng a ni. Chuvangin leilung hi lo danglamin, tlangte hi tuifinriat Chhung daihah insawn mah sela kan hlau lo vang; A tuite chu ri hum humin phul bulh bulh mah sela Kan hlau chuang hek lo vang. Hnam tin an ri hum hum a, ramte chu a nghing a:

ROHLU

ROHLU BIAL FAN, LAWMLUH LEH JUBILLEE Rev.C.Zalianthanga Krismas leh Kumthar lawmna hunte kan han hmang zova, Kohhranten kan lo tih tawh \hin dan pangngaiin Jan. 1825,2012 chhungin District Conference tluang takin kan hmang zova. Rorelnain a lo ruahman angin hmabak thil lawmawm kan thlen chak em em Farkawn Kohhran Local thar lawmluhna hun hmang turin kan inbuatsaih a. Chumi rualin kohhran ten hun hlimawm tak kan chan zinga mi Zokhawthar Local-in din kum sawm cham lawmna (Tin Jubilee) buatsaih a ni bawk. Dt.8.2.2012 nia Zokhawthar pana kal turin kan lo inbuatsaiha, mahse, vanduaithlak takin kan kohhran a mi kan rawngbawlpui Pi Lalrengliani chu hemi ni hi a ruang ni a lo ni ta a, vuiliam zet a lo ngaih tak avangin kan vuiliam zeta, a tukah Zokhawthar direct-a ban turin Pastor Sapthangi, Pi Lalramliani leh Pi Hrangkapkimi (B-tei) te ho hmeithai rual nen kan chho hova, an ni hi Dist.Hmeichhe bial fanga kal an ni. Kan kal tluanga, Zokhawthar chu hma takah kan thlenga. A tuk 10.2.12 chu Tin Jubilee ni a ni a. Champhai Circuit an che \ha hle a, kohhran \halai zaipawl nen an thawk changtlung hle a, min tiphuisui hle mai. Luiral lam a chheh vel khuate an lo sawm bawk a, mikhual unaute nen hlim tlang takin kan hmang hova, vawkpa thau lian tawk talhin, sadang lei bawk nen Jubilee ruai pawh hlim tlang takin kan \heh ho a ni. Tual chhung mite \hahnem ngaihnain Evan.Zoliankunga chu Crusade nei turin an lo sawma, Zirtawp zan atanga Chawlhni zan thleng rawngbawlna hunin a khat vek a.Chawlhni chawhma erawh Lalpa Zanriah Sacrament leh Baptisma Sacrament-te neih a ni. A dang zawng chu Crusade boruakin
13

12

ROHLU hle mai. 12.2.2012 Thawhtanniah chuan Champhaiah kan riak chho leh ta a, a tukah Ngur-ah kan kala, Upa C. Kaprothanga leh Pro. Pastor Sanghmingthanga te nen kan kala, inkhawm kan nei a, Lalpa Zanriah Sacrament leh Baptisma te kan va nei nghal bawk. Ngur khua chu Champhai nen a inhnaih bawk a, inkhawm banah duh tawk kan inkawmho hnuah kan haw a, zan dar 10:00-ah Champhai kan thleng theia, zing khawvawta hawn ai chuan a ziaawm deuh.Nilai leh Ninga ni chu a laklawh deuh avangin Champhai-ah kan cham hahdam ta a. Dt. 17.2.2012 Zirtawp ni chuan Farkawn lam panin Champhai leh a Circuit chhung Local dang dang atanga kalte nen Bus lian leh Scorpio nen kan kal ta ham hama, tluang takin kan kala, Vaphai kan thlenin kan la hma deuh bawk nen Vaphai ramin an rama Fiara tui ni ngeia an sawi, tunhma pipuite sulhnu leh thurochhiah kal zel atangtea a dik ngei a ni an tih chu kan han en a, a tui awmdan a chanchin a\ang chuan a lunglen thlak hle mai. Rei awm lovin kan leta, Farkawn lam panin kan kal zela, tlai dan 4:00-ah kan thleng thei. Tualchhung an lo inbuatsaih hle mai a, thingpui nen min lo hmuak a, tichuan kan thlenna tur hmunah min dah ta sang sang a. Zan dar 7:00 ah kan han inkhawm a, \antirh a\angin zai boruak leh thusawi boruak a \ha hle a, Evan. Hrangcheuvan hun a hmanga, minute 57 chhung thu a sawia,kan hlawk hle a ni ang, Pu Vuanan, Kha chen Sermon-a Pu Liana leh Pu Rova in harh \hat hle a\angin sermon a nungin Pathianin mal a sawm a ni tih a hriat theih a ti alawm !!. A tuk Ni 18 nipui ni chu kan han hmang \ana le! Zingkarah vawktalh leh ruai tur buatsaiha thil ngaihtuah a ngaih avangin dar 11:00-ah kan \ana, lawmluh programmee te kan hmang a, sermon hunte hman a nih bawk avangin hlim taka hun kan
14

ROHLU Hunawl hman \hat nan tiin Farkawn fiara tuite chu kan va en ho leh ta a, a tuite kan in a, thlate kan la a, a hmunah dar chanve \ha vel kan awm a, kan let leh ta a, ruai \heh a lo hun chiah a, hlimtlang takin Local thar lawmna ruai chu kan \heh ho ta a ni. Zan Inkhawm boruak a \ha kal zela, zai boruakin boruak a tinung em em a, kan inkhawmna inah pawh ngun taka siam rema inhnawh fe ngai khawpin inkhawmte kan \ha a, a hlimawm hle. Dt.19.2.2012 Chawlhni chawhma lamah Lalpa Zanriah Sacrament kan nei, Baptisma te kan nei bawk. Inkhawm kan \ha a, inkhawm banah thingpui in hona te kan neia, chawhnu inkhawm kan nei leh a. Kan inkhawm lah chu a hnuhnung tawlh tawlha, boruak a nuam tawlh tawlh emaw tih turin a awm a, zan a rei tawlh tawlh a, zai a kal deuh deuha, thu lah a tla \ha deuh deuh bawk nen sawi duh ve si, hun chang lo pawh mi tam tak kan awm hial a ni. Kham lo takin thlasik zan dar 11:00 pelh hnu feah kan \in ta hlawm a ni. A tuk ni 20 Thawh\an ni chu mikhual tan hawn chhuah ni a ni a, zing chaw kan ei hma a 8:30-ah kan chhuak a. Vaphai khawdai chawngtui khawlu a awm Hmanlai Thasiama se no neihna (Pi Engpuii Champhai chuan Thasiama no neihna a ti a eng nge dik zawk ang?) kan en phei a, thil dangdai tak a ni a, a chung lawnna an siam \haa, siam loh nise mi tam tak kal ngam a har viau ang. Tuna an siam \hat hnuah pawh Pi Rami leh a anpui deuh deuhte chuan an lawn ngam chuang lo, an ral thlir tawp mai a ni. Thenkhat chuan hetiangah sialin no a nei tak tak a ngem an ti hial a ni-Mahse, Lasi zawl an ti miau a. Kan thil hmuh duhte kan en zawh chuan kan kal chhunzawm leh ta a. Bialfan la hmabak kan nih avangin Pro. Pastor Laldanmawia leh Pu Vanlalzuia te nen Dungtlangah kan cham bang nghal a. Zanah kan inkhawma, Lalpa zanriah
15

ROHLU

ROHLU

A tuk thawhlehni chu zingah kan chhuak a, Sazep-ah tukthuan kan ei phei a, Zanah inkhawmna kan neia, Lalpa Zanriah Sacrament kan kil hova, hun hlimawm tak kan hmang a, banah tual chhung hruaitute nen kan inkawm hova, kohhran hmalak dan leh rilrua awmte kan share hova a nuam phian mai. Ni 22.2.2012 Nilai zingah Sazep atangin kan chhuak a, Champhaiah tuk\huan kan ei pheia, zanah inkhawmna kan neia, Baptisma leh Lalpa Zanriah Sacrament kan kil ho. Inkhawm kan \ha a, Baptisma chang pawh 12 lai an awm a, tun \umah hian khaw dang danga mi nen mi 20 laiin Baptisma an chang a ni. Ni 23 ni pawh zingah inkutsuih \hat nan hun kan hmanga, nupa tuak rukin in kutsuih \hatna an nei ( a baa innei an lo \hahnem hle) Hetiang hian Pathian kaihhruainain hun pawimawh tak tak leh hlimawm tak tak kan hmang thei a, a lawmawm hle. A bik takin Farkawn kohhran thar lawmnaah fatu leh tualchhung mite pawimawh hrang hranga an inpekna a sang hle a, an thil tih zawng zawngah lawmthu kan sawi a ni. Chutichuan, ni 23 ni vek hian 10:00 AM ah Sumoin Aizawl kan pan ve ta vang vanga, tlai 6:00 ah chuan min lo ngai em em tute hnenah dam tak leh tluang takin ka thleng ta a ni.

FARKAWN LAMAH ZEL AW By Rev.Dr. Chalhnuna. Kan kohhran hruaitute leh Farkawn Local hruaitute ruahmanna angin February ni 18 leh 19 khan Farkawn Local thar lawmluhna chu hlim takin neih a ni ta a. Farkawn khuaa kan Kohhran a lo ding tlat mai hian min tilawm em em mai a. Tunah chuan Mizoram leh Burma ram inrina Champhai District chhungah khaw parukah kan kohhran an lo ding ta a. Chungte chu hmar lam atangin sawi tan ila Ngur-ah te, Champhai-ah te, Zokhawthar-ah te, Sazep-ah te, Dungtlang-ah leh Farkawn-ah te an ni a. Champhai District huam chhung ram leilung leh a boruak hrim hrim hi Mizorama hmun nuam lai ber a tih theih a. A tlang dung a hrawin a sei a. Chhim leh hmar zawngin a inzam a. A leilung a nghet a, kalkawng a \ha a, leimin a tlem bawk a. Tin, Champhai District leh a chhim lam ram te hi Mizorama hmun sang lai ber te an ni hlawm a. Mau leh rua a tlem a, thing chang, thing pa tamna a ni. Bible ram, Israel rama thing awm, Thing-sasua pawh hmuh tur a tam hle a, Far thing pawh a tam bawk. Tunah hian Hnahlan-ah te, Ngur-ah te, Champhai-ah te Grape huan \ha tak tak te an awm tawh a, a chhim lamah pawh Farkawn thlengin Grape huan an siam mek bawk a. Rei lo teah Champhai tlangdung hi Grape huan ropui tak a la ni thuai dawn a ni. Kan sawi tum tak Farkawna Wesleyan Methodist Kohhran a lo ding ta mai hi thil mak a ni a, Pathian khawngaihna kan dawn liau liau a ni e. Farkawna Wesleyan Methodist kohhran a lo ding hian Lal Isua thusawi pakhat
17

16

ROHLU

ROHLU

chuan hmanhmawh taka Chanchin Tha hril turin a zirtirte a tir a. Dak ulang lote en rawh u, tun a pangin seng turin a >ng a ni. In thawh rim loh at turin ka tirh che u kha a ti a, (Joh.4:35,37). Kan Kohhranin kan tuh rah pawh ni lo, kan thawh rah pawh ni hek lo Unau duhawm tak takin kan kohhran min-zawm duh hi Pathian hnathawh, a khawngaihna kan chan, malsawmna kan dawn liau liau a ni a. Chuvangin Farkawn Local chugah leh Pathian chungah lawmthu i hril zel ang u. A bul lama kan sawi tawh angin February ni 18,19 khan Farkawn Local nemnghehna hlimawm tak chu neih a ni ta a. Champhai Circuit a ni bawk a, Champhai Local a\angin Nuho zaipawl te, Thalai zaipawl te, leh upahote an kal \ha a. Sazep leh Dungtlang a\ang te, Zokhawthar a\ang tein mi kan kal \ha bawk a. Kan hlim hle a ni. Aizawl lam a\angin kan hotute kim takin an kal bawk a. Tin, kan kohhran Hmeichhia Wesleyan Methodist Women Association (WMWA) ten District Bial fan Programme an nei pah bawk nen kan changtlung hle a ni. Hlim takin zirtawp zan a\angin Inrinni nileng leh zan leh Pathianni zan thlengin inkhawmna kan nei a. Pathian Thlarau awmpuina pawh kan dawng hle a ni. Pathian chu fakin awm rawh se! Thawh\anniah chuan mikhualte chu kan haw leh ta a. Mahse, vanneihthlak takin chamchilhtu Evan. Hrangcheuva a awm hlauh mai a, hlim takin Grusade an neizui ta zel a. Farkawn Local hruaitute chu heng mite hi an ni: Upate : 1. J.C Sangawia. 2. T.C Lalmalsawma Leaderte: 1. Rintluanga, Tlau, Chairman
18

Farkawn Local kan lawmluhnaah hian thil pakhat tihhmaih kan nei a. Chu chu Farkawn Local Sign-board kan lo buatsaih hauh lo mai a. He thilah hian Circuit Hq. Champhai bawkin mawhphurhna lo la se a \ha ang. Nalh takin heti hian lo tar teh se: WESLEYAN METHODIST CHURCH FARKAWN Farkawn Local nemnghet tura kal min tichaktu chi hrang hrang an awm a. Chungte chu Fiara tui te, Thasiama Se no neihna te leh pipute sulhnu tam tak an awm bawk a. Hengte pawh hi kan beisei ang ngeiin kan hmu a, kal leh chak tak chungin kan haw leh ta a ni. Hun \ha leh ni lawmawm min petu kan Pathian hming fakin awm rawh se! Amen. Pathianin rem a tih chuan Biak In te kan la sa ang a, a lawmna leh hawnna te kan la nei leh ang chu. Chutiang chu a nih theih nan kan zain Pathian hnenah i \awng\ai \

19

ROHLU

WESLEYAN METHODIST WOMEN ASSOCIATION MIZORAM DISTRICT

ROHLU 25.3.2012 (Pathian Ni) Chawhma Chairman :Pi Khuangi Cpi Tantu :Pi Nunsangi Falkawn Thilpek hlantu :Pi Vanlalheli Eden. Sermon :Rev. C.Zalianthanga DS 25.3.2012 (Pathian Ni) Chawhnu Chairman :Pi Lalrinpuii Kola. Tantu :Pi Zardinpuii Zkt. Thilpek hlantu :Pi Thaneihchhiari Dungtlang Sermon :Evan. Lalrintluanga Farkawn 25.3.2012 (Pathian Ni) Zan Chairman :Pi Lalramliani Chan. Tantu :Pi Rosangpuii Cpi Thilpek hlantu :Pi Chawnghmingmawii Lunglei Sermon :Pastor Sapthangi KOHHRAN NEWS: * Aizawl Circuit Naupang Sunday School huaihawtnain Dt.4.3.2012 (Sunday Chawhnu) khan Edenthar Local-ah Zirtirtu Course neih a ni a, Aizawl Circuit chhunga Chanmari leh Edenthar Local atangin Zirtirtu an tel tha hle.Tlai lamah chawhlui kilho nghal a ni bawk. Zirtirtuten hlawkthlak an ti hle. * March ni 8 khan Chanmari Local WMYF chuan Project tuak nan Biak In-ah Blanket suin hnatlang an nei. Chanmari Local Thalaite hian kum 2012 chhung hian Bass Guiter leh 21 Combo lei ngei tumin Project-ah an nei meka, Project tuaknana phal taka Blanket leh thawmhnaw lo suk tirtu kohhranhote chungah an lawm hle.

INKHAWMPUI PROGRAMME

A hmun : Edenthar Local A hun : 23-25th March, 2012 Thupui : Nangnin min thlang lo, Keiman ka thlang zawk a che u Joh. 15:16. Inkhawmpui hawngtu : Rev. C. Zalianthanga DS. 23.3.2012 (Zirtawp Zan) Chairman :Pi Ngurmawii Edn. Tantu :Pi Saichhingpuii Chan. Thilpek hlantu :Pi Tlangthanmawii Kol. Sermon :Evan. Zoliankunga Azl. 24.3.2012 (Inrin ni) Chawhma Chairman :Pi Vanlalveni Zkt. Tantu :Nguncheri Dungtlang Thilpek hlantu :Pi Thahleimeni Farkawn. Sermon :Pro. Pastor Laldanmawia 24.3.2012 (Inrin ni) Chawhnu Chairman :Pi Hmangaihzuali Gosen Tantu :Pi Chawikimi Ngur Thilpek hlantu :Pi Parmawii Sazep Sermon :Evan. Sanglianthianga 24.3.2012 (Inrin ni) Zan Chairman :Pi PC Laltlanthangi Lunglei. Tantu :Pi Kawlthangi Edn. Thilpek hlantu :Pi Chhunkimi Gosen. Sermon :Evan. Runrosiama
20

ROHLU KOHHRAN NEWS * Champhai Local chuan kumin chhung ngeia Biak In sak zawh an tum a, tunah hian mithiam Architech ruaiin hma an la mek a ni. * Champhai Kohhran Hmeichhiate chuan District WMWA Inkhawmpui huna rem tur zantin hla an zir meka, inbuatsaihna tha tak nena inkhawmpui hman an tum hle a ni. * Champhai Local chuan kan hma lawka lo thleng tur Tumkau Ni, Good Friday leh Easter Sunday te chu thingpui leh chhang nen hlim taka hman an tum a ni. * Sazep Local chuan Pathian chakna rinchhanin hmasawnna kawng an zawh mek a, WMYF hruaitu tur in ruat felin phur takin hma an la a, Budget tuakin hna chi hrang hrang an thawk thin a ni. * Champhai Circuit-a Kohhran thanlenna ngaihtuahtu Committee chuan an Circuit chhunga rawngbawl turin Evan. Laltlanthanga an chah leh mek. * Champhai Circuit Sunday School Union Committee chuan Dt. 2.3.12 zirtawp zan khan Pastor Quarter-ah NPSS inkhawmpui chungchang an rel a, Circuit huap NPSS inkhawmpui vawi 4-na chu Dt. 29-30 September thla khian Champhai Local-ah neih leh nise tiin a rel a, thil pawimawh chi hrang hrang leh Budget chungchangte sawi zui nghal a ni. Inkhawmpui Budget hetiang hian an siam: Farkawn, Ngur, Dungtlang, Sazep Local te chu Rs. 500/- theuh, Zokhawthar Rs.1000/-, Champhai Local Rs. 4000/-. * DWMWA Inkhawmpui March ni 23-25-a Edenthar Biak Ina neih turah Local hrang hrang Kohhran hmeichhiaten Hla zir leh tul pawimawh hrang hrang tiin an inpuahchah meka, a bik takin a thlengtu tur Edenthar Local Kohhran hmeichhi22

ROHLU India rama Kristiante tihduhdah dan tarlanna Rising Anti-Christian Voilence-2011 tichhuak India rama Kristian te tihduhdahna kum 2011 chhunga a thlen dan report, Rising Anti-Christian Voilence-2011 chu Catholic Secular Forum ten tichhuakin he report-ah hian nikum chhung khan India ramah Kristian te tihduhdahna vawi 1000 aia tam a thleng tih tarlan a ni a, a rapthlak zual tum 250 chuang a thleng bawk. Heng an zirchianna atan hian sawrkar records, media report leh hmun hrang hranga NGO report te an lakkhawm a ni. He report-a a lan dan hian Karnataka State chu Kristiante tiduhdahna thlen tam berna State 10 zinga pakhatna niin Orissa chu pahnihna a ni a, Karnataka leh Orissa te hi Andra Pradesh, Madhya Pradesh, Chhattisgarh, Kerala, Maharastra, Uttar Pradesh, Tamil Nadu leh Jammu & Kashmir ten an dawt a ni. He an report-ah hian Kristian te chunga tihduhdahna hrang hrang intihhlumna te, pawngsual te, hliampui in tawrh tir te, Kristian Biak In tihchhiat te, Bible leh Kristian sakhaw bungraw pawimawh tichhiat leh tihbawrhban te, dik lo taka Kristian te Jail-a tantir te, Foreign Missionary-te thawnhaw leh kutthlak chungchang etc. case te a tel a. He report kar hmasaa tihchhuah a nih tum hian Bombay leh Karnataka High Court-a Judge hna lo thawk tawh thin Justice Michael Saldanha chuan heng report te hi finfiahna awm thlap an nih thu a sawiin, Karnakata State-ah bik hian Kristian-te nekchepna leh tihduhdahna hi nitin vawi 3 chuang thleng ang a ni a, mahse Orissa ang erawh chuan Kristiante tihlumna record erawh a awm tam lem lo niin a sawi. Heng report tichhuaktu Mumbai-a inkulh Catholic Secular Forum hotu Joseph Dias chuan he report phochhuahnaah hian Kristian te tihduhdah an nih chhan sawi langin tunhnaia Kristian tiduhdaha nekcheptute chhuanlam tlanglawn ber
23