العشق السادي Quotes

“انا زى زيـــــــــك ....معنديش حاجه تمنعنى من دخول جهنم
غير قوله
يــــــــــــــا رب”
― أحمد العايدي, العشق السادي

“للأسف ...
النور رجع
بس انـــــــا
مبقتش أشوف”
― أحمد العايدي, العشق السادي

“ملعونه كل الاسئله
لما الجواب يوصل غلط”
― أحمد العايدي, العشق السادي

“يعمل أيه اللى قلبه ...
بين صوابعك
غير يطيعك
حتى لو عصاك
مش طالعه منى
بحق ديقى ...للسما
غير همهمه ...
يمكن بيبانك ليا
لسا مقفله
بس انا
آسف يا رب”
― أحمد العايدي, العشق السادي

“إذا كان نصيبك
كل ما تلمس قلب
يموتك
قول : يارب
قلبي اللي بين
صوابعك ..
بتقّلبه
كيف ماتشاء ..
نِفسه بس
فـ ضحكة صغيرة
و بعدين يموت”
― أحمد العايدي, العشق السادي

“انا خايف جدا
زيك
مرعوب
من كتر ما عايزك”
― أحمد العايدي, العشق السادي

“ربنا
عرفوه بالحب”
― أحمد العايدي, العشق السادي

“انا قلبى كما الحمام
مودى و ملهوش لجام
لو هج يهج خالص
يا ينام فى حضن اليمام”
― أحمد العايدي, العشق السادي

“اتنازلت نزلت للآخر في عشقي
واللي يتنازل في الهوي..
يشرب علي مهله الهوان..
دِبلتْ خدود الورد
من خّتْم الخناجر..
والطعنة 'تقريبا'..
كل ما بتدبل..
تبان”
― أحمد العايدي, العشق السادي

“انا زيك ...لابس دورى ..يا عبيطه العشق ..عبيط
مفهوش ص و تزبيط ”
― أحمد العايدي, العشق السادي

“حبيبك بيعشق معاك ألف حد
وتسأل يقولك
مفيش أي حد
ويحلف ويزعل
كأن اللي كان
هزار دمه بارد
ليقلب بجد”
― أحمد العايدي, العشق السادي

“أنا آخر حد بيحبك
وأكتر حد تسيبيه يبكي
بس عمري ما سبت انطباع
أزور الأماكن في لحظة رحيلك
وأجس الكراسي
فلو لسا دافية
بطرف الصوابع
هاغمض.. فاشوف”
― أحمد العايدي, العشق السادي

“ربنا
ما أجهلنا .. لما أجمله
ما أجمله
ما أهملنا .. لما أمهله”
― أحمد العايدي, العشق السادي

“العيون لو تطول
تدخل في بعض
تعملها ..
كأن الحب أقرب
للعمي !”
― أحمد العايدي, العشق السادي