Eslam Abdelghany's Reviews > المانيفستو

Rate this book

Clear rating

1 of 5 stars 2 of 5 stars 3 of 5 stars 4 of 5 stars 5 of 5 stars

المانيفستو
by

مصطفى إبراهيم (Goodreads Author)

Eslam Abdelghany's review

Dec 31, 2012

it was amazing

قال الشهيد للشهيد فى السما السادسة,مين كان من الانبيا مش قلة مندسة,وحكى الشهيد للشهيد م السما السابعة عن ثورة تانية هتيجى..؟أقوى من الاولى"ختام قصيدة مع الثورة ذلك افضل جدا"بس خلاص.

15 likes · Like ∙ flag

Sign into Goodreads to see if any of your friends have read المانيفستو.

Quotes Eslam Liked

“75 ترانفيل
انا فاضل لسه معايا
كام ( اول مرة ) ف جيبى ؟
كام عود كبريت ف العلبة
مارضيش يولع ع الفاضى ؟
كام عود مالوش ولا سابقة
ف الحرق الا المرة دى ؟
اول مرة ادخل سيما مع بنت كانت ف اعدادى
كان كدة للموضوع قيمة
و بعديها خلاص بقى عادى
انا اسف جدا جدا
ع اول مرة اتحرقت
ع الفاضى و مش وياكى
و ابوسك اول بوسة
تتباس اصلا ف حياتى
و اتأسف بعدك تانى
ع اول مرة معاكى
و اتأسف تانى و تالت
ع كل كلام اتقال
و احرق ف حاجات اتقالت
كانت لازم تتشال
لبتوع الدور الجاى
و الجاى ابقى من الفايت
و ميت بيسلم ع حى
و الميت و ان كان تافه
ف بيفضل مالهوش زى
ف انا هفضل فاكر مى
و اول ايد بنت امسكها
و اول شيكولاتة هدية
و اول توصيل للبيت
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
متشكر جدا جدا
ع وقتك تانى يا دكتور
- العفو يا سيدى اتفضل
و اديتنى روشتتى تانى
مشطوب منها اربع تسطر
- مش حاسس انك احسن
- من اخر مرة تجيلى ؟
مش حاسس اصلا حاجة
و ع ايدك اديلى
ساعتين عمال اتكلم
و مش فاكر نص كلامنا
- السبت الجاى معادنا ؟
لا دنتا الحد .. نسيت
- خد بالك بقى من نفسك
- و فيه دوا هنكرره تانى
انا اصلا هبقى كويس
و مفيش حاجة مضايقانى
و اخدت الباب ف اديا
و ما صدقت انى مشيت
.......................
كان فاضل لسه سيجارة
ف العلبة لقيتها معايا
بس استخسرت اشربها
قبل اما اوصل للبيت”
― مصطفى إبراهيم, المانيفستو

113 likes

“مفيش احساس لحسن الحظ و لسوئه مبيعديش .. مفيش ولا طعم حاجة من اللى بتدوقه مسيره يعيش .. بحلوه و بمره كله بيتسخط لمفيش
يا سبحان اللى بيعودنا ع الحاجة فننساها .. و بيخفف كاسات الناس بميه بدال ما يملاها .. عشان طعم اللى فيها يروح .. عشان طعم اللى فيها يجف
يقولوا مجازا المجروح اذا خد ع الوجع .. بيخف .... تلف عليه سواقى الكون تدوب اللى فات ف الجاى
فسبحانه لما قال منها جعلنا ( كل شئ حى )”
― مصطفى إبراهيم, المانيفستو

141 likes

“فرق السرعات جوا الدايرة
بينك و ما بين كل الماشيين
هو اللى هيقدر يضمنلك
إن انتا تقابل ناس تانيين”
― مصطفى إبراهيم, المانيفستو

89 likes

“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”
― مصطفى إبراهيم, المانيفستو

1574 likes

“أبعد نُقطة بِالنِسبالك
جُوَّا الدايرة... هِيَّ مكانك
ولأن أساساً ف الدايرة
هنا هوَّ هناك
ف طبيعي تحس انك عايش
باتنين جُوَّاك”
― مصطفى إبراهيم, المانيفستو

500 likes

“سيب
دايما على قد ما تتساب.. سيب
و على قد ما واحشك أحباب.. غيب
كل الداين.. كان متداين
والدين بيلف بدون ترتيب
أنا عمرى ما كنت بجرح قصد.. لحد ما قلبى اتجرح قصد
أنا جانى وقاضى ومجنى عليه
وطلعت براءة فـ حكم النقض
أنا دومينو ف صف ومش قصدى
كان نفسى أسند قمت موقع
أنا شايل قلبى ف محفظتى
وأول ما تجيلى فلوس.. بدفع
أنا عادى ودورى مالوش سوكسيه
بس دى أرزاق.. والدنيا نصيب
عمر ما فيه عادى بيسأل ليه
من الأصل اتساب... وليه هيسيب!”
― مصطفى إبراهيم, المانيفستو

368 likes

“يا خالق كل شئ ناقص .. كمالته معاك
يا شايل م الحاجات حتة .. بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته”
― مصطفى إبراهيم, المانيفستو

455 likes