What do you think?
Rate this book
المانيفستو
ديوان جديد صدر فى يناير 2013......كحصاد مبدئى لعامين من الثورة و الحياة و أشياء أخرى
إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...
الدم ع الآيش....
و إن الحسين إحنا....
و مهما اتقتل عايش
إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...
الدم ع الآيش....
و إن الحسين إحنا....
و مهما اتقتل عايش
143 pages, Paperback
First published January 18, 2013
About the author
مصطفى إبراهيم
6 books6,783 followers• شاعر عامية مصري من مواليد محافظة الجيزة 1986
• أنهي دراسته الجامعيه بـكلية الهندسة جامعة القاهرة تخصص هندسة الطيران و الفضاء عام 2008
• • أصدر ديوانه الأول بعنوان " ويسترن يونيون فرع الهرم " عن دار ميريت للنشر في يناير 2011
• أصدر ديوانه الثاني بعنوان "المانيفستو" في 2013
• حصل على جائزة أحمد فؤاد نجم لشعر العامية بدورتها الأولى عام 2014 عن ديوان "المانيفستو"
• أصدر ديوانه الثالث بعنوان "الزمن" يناير 2020 عن دار الكرمة للنشر
• أنهي دراسته الجامعيه بـكلية الهندسة جامعة القاهرة تخصص هندسة الطيران و الفضاء عام 2008
• • أصدر ديوانه الأول بعنوان " ويسترن يونيون فرع الهرم " عن دار ميريت للنشر في يناير 2011
• أصدر ديوانه الثاني بعنوان "المانيفستو" في 2013
• حصل على جائزة أحمد فؤاد نجم لشعر العامية بدورتها الأولى عام 2014 عن ديوان "المانيفستو"
• أصدر ديوانه الثالث بعنوان "الزمن" يناير 2020 عن دار الكرمة للنشر
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 1,230 reviews
February 1, 2023
بناء على نصيحة قرأتها فى الجريدة و كانت نصيحة من مهندس زميل أثق فى رأيه جدا قال فيها ان من لم يقرأ المانيفستو لم يقرأ شعرا بعد و بالفعل قرأتها و أتوجه بخالص الشكر لصاحب النصيحة المهندس نجيب ساويرس :)
الديوان أغلبه موجود بصوت مصطفى إبراهيم نفسه على ساوند كلاود
حاجه عظيمة بجد
كله حلو بس ده من قصيدة تفرانيل
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف
June 3, 2024
أنا أحسن واحد يقدر يقنعك تحكي.. وما بِيحكيش
أنا أحسن واحد يقدر يقنعك تبكي.. وما بِيبكيش
أنا أحسن واحد يقنعك تفرح
وأحسن واحد يقنعك تجرح
أنا أحسن واحد ميت
يقدر يقنعك…
تعيش..
أرجوك يا زمان خبى المقدور..
الضلمة براح اكتر من النور..
سيبنى اتخيل أن أنا بختار..
قبل أما أعرف أن أنا مجبور..
أنا أحسن واحد يقدر يقنعك تبكي.. وما بِيبكيش
أنا أحسن واحد يقنعك تفرح
وأحسن واحد يقنعك تجرح
أنا أحسن واحد ميت
يقدر يقنعك…
تعيش..
أرجوك يا زمان خبى المقدور..
الضلمة براح اكتر من النور..
سيبنى اتخيل أن أنا بختار..
قبل أما أعرف أن أنا مجبور..
February 10, 2013
دايماً على قد ما تتساب ..سيب
وعلى قد ما واحشك أحباب ..غيب
كل الداين ..كان متداين
والدين بيلف بدون ترتيب
~~~~~~~~~~~~~~~~~~~~~~~~~~~~
شعر صادق ..ده أمر مفروغ منه
الجديد هو الصورة اللى كانت بتترسم
او اللى كانت الذاكرة بتسترجعها
مع بداية أول كلمة فى كل قصيدة
بتتكلم عن الثورة
مصطفى إبراهيم كان بيجرى الشريط لورا علشان مننساش
بيخليك تفتكر المشهد
بكل تفاصيله
بالصوت اللى فى الخلفية
دمعت كتير وانا بقراه
وافتكرت كل الناس اللى ماتت ...
وحاسبت نفسى بعدها على مرحلة اليأس
اللى استسلمتلها
" اليأس مش من حقنا "
كل اللى ماتوا
ماتوا بالأمل
وإحنا مش صح نعيش باليأس..." "
قرأته مرتين :)
وستسمر القراءة
يُنصح بشدة ..لكل من دب اليأس فى قلبه مرة أخرى
February 7, 2017
في ريفيو قديم وقت القراءة في 18 مايو 2013 يعني مما يقرب من 4 سنين.. كتبت إن نقد الشعر بالمفهوم الأكاديمي راح زمنه وحاليًا زمن الشعر اللي يا بيلمس شيء داخل الإنسان.. ويصبح شعر، أو لا يلمس شيء.. ويصبح لا شيء.. ومصطفى لمس بداخلنا جميعًا أشياء مش شيء واحد..
الديوان دا اسمه المانيفستو.. وهو مشتق من المسمى اللي أطلق على البيان الشيوعي اللي أطلقه ماركس وأنجلز واللي وضحوا فيه المبادئ الأساسية للعقيدة الشيوعية، والديوان دا كمان وضح فيه مصطفى المرارة اللي بيشعر بها رفاق الحلم الثوري، بعد أن فشلت ثورتهم.. سواء المرارة في القصايد اللي ضمنها وأبرزها "إني رأيت اليوم" اللي بتمزج بين مقتل الحسين واشتباكات محمد محمود.. وبترصد أبرز نقط التشابه بينهم.. أو المرارة اللي بتسببها القصايد كل مرة بنسمعها فيها أو بنقرأها.. وخصوصًا كلما تداعت الأوضاع وساءت الأحوال، وحاليًا احنا في عمق هوة الانهيار، وأصبحت الثورة حلم بعيد آمنا بيه بسذاجة مفرطة، وصدقناه ببلاهة حالمة ذقنا عقابنا على حلمها بشكل متباين، مفرط في القسوة رغم ذلك..
وبغض النظر عن أزمات اقتصادية أو تقييد الرأي وحرية التعبير (بمعنى أدق محو الرأي وحرية التعبير) ووجودنا تحت حكم عسكري بوليسي إلا إن الأسوأ على الإطلاق هو بيع هذا النظام للأرض.. الأرض اللي لا يمكن أبدًا تعويضها بأي شكل فضلاً عن شعور العار والمهانة!!
جيلي (جيل مصطفى) الجيل الذي تفتح وعيه على حلم ثوري جميل وأمل مُلح في أن الأوضاع تصير أفضل ونصبح أمة توفر أبسط الحقوق الإنسانية، مش هنقول رفاهية أو ترف.. تحول إلى جيل منكوب.. يائس، مرتعش، بيخاف من ظله، تتوجه إليه أصابع الاتهام من نفسه قبل أن تتوجه من غيره..وغرق في دوامات جلد الذات المميتة..
(مصطفى نفسه دخل في عزلة اختيارية بعيدًا عن العالم معتزل الأحداث والناس بعد أن كان من أنشط الشباب الثوري وأكثرهم حيوية)
المانيفستو تأريخ لحقبة الحلم المبتسر وانزلاقنا إلى المنحدر الخطر.. نقرأه الآن ونحن في الهاوية فنترحم على أيام المظاهرات والنضال والحلم الثوري، أو نبتسم على مدى السذاجة التي كنا فيها ونكفر بالحلم..
لينك قصيدة ��لمانيفستو ع اليوتيوب بصوت مصطفى: https://goo.gl/mov9oI
لينك تحميل الديوان إلكترونيًا من جوجل درايف :https://goo.gl/FZhOo7
الديوان دا اسمه المانيفستو.. وهو مشتق من المسمى اللي أطلق على البيان الشيوعي اللي أطلقه ماركس وأنجلز واللي وضحوا فيه المبادئ الأساسية للعقيدة الشيوعية، والديوان دا كمان وضح فيه مصطفى المرارة اللي بيشعر بها رفاق الحلم الثوري، بعد أن فشلت ثورتهم.. سواء المرارة في القصايد اللي ضمنها وأبرزها "إني رأيت اليوم" اللي بتمزج بين مقتل الحسين واشتباكات محمد محمود.. وبترصد أبرز نقط التشابه بينهم.. أو المرارة اللي بتسببها القصايد كل مرة بنسمعها فيها أو بنقرأها.. وخصوصًا كلما تداعت الأوضاع وساءت الأحوال، وحاليًا احنا في عمق هوة الانهيار، وأصبحت الثورة حلم بعيد آمنا بيه بسذاجة مفرطة، وصدقناه ببلاهة حالمة ذقنا عقابنا على حلمها بشكل متباين، مفرط في القسوة رغم ذلك..
وبغض النظر عن أزمات اقتصادية أو تقييد الرأي وحرية التعبير (بمعنى أدق محو الرأي وحرية التعبير) ووجودنا تحت حكم عسكري بوليسي إلا إن الأسوأ على الإطلاق هو بيع هذا النظام للأرض.. الأرض اللي لا يمكن أبدًا تعويضها بأي شكل فضلاً عن شعور العار والمهانة!!
جيلي (جيل مصطفى) الجيل الذي تفتح وعيه على حلم ثوري جميل وأمل مُلح في أن الأوضاع تصير أفضل ونصبح أمة توفر أبسط الحقوق الإنسانية، مش هنقول رفاهية أو ترف.. تحول إلى جيل منكوب.. يائس، مرتعش، بيخاف من ظله، تتوجه إليه أصابع الاتهام من نفسه قبل أن تتوجه من غيره..وغرق في دوامات جلد الذات المميتة..
(مصطفى نفسه دخل في عزلة اختيارية بعيدًا عن العالم معتزل الأحداث والناس بعد أن كان من أنشط الشباب الثوري وأكثرهم حيوية)
المانيفستو تأريخ لحقبة الحلم المبتسر وانزلاقنا إلى المنحدر الخطر.. نقرأه الآن ونحن في الهاوية فنترحم على أيام المظاهرات والنضال والحلم الثوري، أو نبتسم على مدى السذاجة التي كنا فيها ونكفر بالحلم..
لينك قصيدة ��لمانيفستو ع اليوتيوب بصوت مصطفى: https://goo.gl/mov9oI
لينك تحميل الديوان إلكترونيًا من جوجل درايف :https://goo.gl/FZhOo7
February 7, 2017
إشتريت الديوان من شوية، خلصته من شوية، وقررت إن ده أعظم كتاب قريته في حياتي من شوية.. إنبهرت فعلا بالتحليلات الخاصة بال"دايرة".. وإنبهرت أكتر بالقصص المذكورة جوه.. قريت كل سطر مرتين أو تلاتة عالأقل قبل ما أبدأ في اللي بعده.. وكان في لحظات بتجمد فيها لا إرادياً عن القراية من هول الكلمات وكم العبقرية اللي ورا معانيها، ومابقدرش أعمل حاجة غير إني أفضل باصّة عالكلام لثواني لحد ما أستعيد القدرة علي التكملة.. دي تقريباً كانت من أجمل اللحظات اللي مريت بيها وأنا بقراه.
لو في إمكانية إني أديه ١٠٠ نجمة بدل ٥ بس ماكنتش هتردد ثانية.
شكراً علي هذه الرائعة :)
لو في إمكانية إني أديه ١٠٠ نجمة بدل ٥ بس ماكنتش هتردد ثانية.
شكراً علي هذه الرائعة :)
February 27, 2013
"يا دُنيا أنا بَكْتب للجاى بَعْدِيّا/ وأنا جاى بَعْدِى ألوف/ وإن كنت باخُد صِوَر/ للقِصة مش ليّا/ ف أنا نفسى غيرى يشوف".. جزء من "ديالوج" تستطيع حين تقرأه أن تحصل على إجابة سؤال لم تسأله عن شاعر إن لم تعرفه من خلال قصائده، فيمكنك أن تعرفه فى الصفوف الأولى لأى معركة، وإن لم تكن من رواد المعارك، فقراءتك لديوانه الأخير هى زيارة لخط النار فى كل المعارك التى احتوتها شوارع مصر طوال عامين من الثورة، واحتواها هو فى قلبه، بعد أن لضمها مع كلمات واقعية، وأسلوب سهل يحبه الجميع دون أن يقدروا على صياغة مثله، وبعد أن صبّها فى أفكار غير تقليدية نفّت شُبهة التكرار وجريمة الاستسهال، ليصنع منها فى النهاية ستاً وثلاثين قطعة شعرية هى مكونات ديوان "المانيفستو" الذى يحمل اسمه .. مصطفى إبراهيم.
مع قراءتك للقطع التى قرر مصطفى أن يبدأ بها فصول ديوانه السبعة، ستعرف إن كنت لا تعرف- أن له علاقة بالهندسة، فمهندس الطيران قرر أن يبدأ تأملاته الشعرية بوضع "قواعد الدايرة السبعة" فى كل بداية من بدايات "المانيفستو" وكأنه يمنح القارئ فرصة للتوقف والتفكير فى الحياة بشكل أوسع من نظرته الضيقة للأمور التى قد يعتقدها بديهية، ليترك قارئه بعدها يعيش حياة شاب مكتئب مع قصيدة تكرر عنوانها ثلاثاً، "تفرانيل" "50، 75، 100" بدأ بكل "عقار" منها فصل من الفصول الثلاثة الأولى فى الديوان، واستمر فى بدايات الفصول الأربعة الأخرى يمنح القارئ فرصة للتعرف على الحياة من منظور حكيم "شعره غامق.. بس قلبه مطقطق أبيض من زمان"، بقصائد "المولوية، خمس خمسات، سِيب، ديالوج"، قبل أن يعود بعد القصيدة الأولى من كل فصل ليضع المارين على سطوره فى قلب الثورة، قلبها الحقيقى، برائحة البارود ودموع الخل وطلقات الخ��طوش، بدماء الشهداء، ولهيب المولوتوف وحضور الشماريخ، وهو يمنحهم خلاصة عامين قضاهما الشاعر فوق الأسفلت، يلملم - دون أن يدرى - مشاهد تحتويها قصائده "فلان الفلانى، سفينة نوح، مع الثورة ذلك أفضل جداً، دين الجدعنة، الأنبيا كتيرة، بنى هذا الوطن، ثم دارت اللمونة، دولة الثوار، دعاء الدبابة، بِندعيلكو، ورق النتيجة، من هوامش السيرة غير الذاتية لمحمد محمود، كَعِشق الكراسى لواحد ما جاش".. قبل أن يصل للذروة الشعرية فى الخيال والوصف والإبداع فى القصيدة الملحمية السينمائية "إنى رأيت اليوم"، ليختم بعدها الديوان بخبرته الميدانية الثورية المشاغبة فى "المانيفستو".. ومن فرط كرمه تكتشف على صفحات الديوان سبع عشرة قطعة شعرية نثرها على الصفحات دون أن يُضمنها فى الفهرست.. وكأنه يمنح ضيوفه عربون صداقة من شاعر كبير شاب.. "يدين بدين الجدعنة".
March 24, 2013
مصطفى إبراهيم ، يقرأك ولا تقرأه
أنت لا تقرأ ديواناً للشعر
أنت تقرأ كلاماً كُنت في أمس الحاجة إلى قوله ولا تجد الطريقة المناسبة !!
تضحك احياناً وتتعجب من أين عرف ما كُنت تريد
وأحياناً أخرى تبكي .. كيف استطاع وصف المشهد بكل تفاصيله هكذا !!
هذا الديوان مُخيف !!
عندما تجد من يعلم ما بداخلك دون أن يعرفك أو تعرفه ، تشعر بالخوف !
أنت لا تقرأ ديواناً للشعر
أنت تقرأ كلاماً كُنت في أمس الحاجة إلى قوله ولا تجد الطريقة المناسبة !!
تضحك احياناً وتتعجب من أين عرف ما كُنت تريد
وأحياناً أخرى تبكي .. كيف استطاع وصف المشهد بكل تفاصيله هكذا !!
هذا الديوان مُخيف !!
عندما تجد من يعلم ما بداخلك دون أن يعرفك أو تعرفه ، تشعر بالخوف !
August 6, 2015
و لأن أى حاجه بتفكرنى بيها بتحزنى و بتخلينى أكتئب و لأن
" التاريخ ضمن الغنايم ييكتبه الكسبان "
ولأن لازم يكون فيه شاهد على اللى حصل كان لازم "المنافيستو " يتكتب .
ولإن فيه حاجات مصطفى إبراهيم أول واحد يعبر عنها و عننا هنشوف فالديوان حاجات زى دى ..
"قاللى الدرويش
-مش عايز أطول …أنا عايز أعيش
إنتا اللي فهمت الزهد بلاء
-إزاي حزهد ف حاجات ما عييش ؟
يا حمار دي فضيلة الإستغناء
ونا كنت استغنيت بمزاجي ؟
أنا اسمي يئست و ما استغنتش
إيه الزهد ف إني أما آجي
اشتري ما بجيبش عشان ملقتش ؟
فيه فرق مابين صبر العاجز
علشان مابقاش حاجة ف ايده
وبين واحد أصلا مش عايز
غير زي مابس يعوز سيده
صدقني أنا زاهد بالصدفة ..أو من غير قصد
أنا طاير آه …لاكن علشان مش لاقي الأرض
صدقني أنا كان نفسي أتعلق ف حاجات ياما
و أعيش إحساس إن أنا فعلا من غيرها حموت
أنا أعرف اعيش .. "
****
" ومتحوجناش لجاى .. مجاش
و ترضينا بما جبته "
****
ممكن مكنش بفهم فالشعر او حتى ساعات مبحبوش ويمكن ده زى ما ناس كتير بتقول ميكونش شعر بس فالاخر هو حاجه حلوه وبتحسسك بحاجات مختلفه وبتخدك لاماكن تانيه وانا بقرا علشان كده ..
مش مهم ده المُهم انه حاجه حلوه .. :))
" التاريخ ضمن الغنايم ييكتبه الكسبان "
ولأن لازم يكون فيه شاهد على اللى حصل كان لازم "المنافيستو " يتكتب .
ولإن فيه حاجات مصطفى إبراهيم أول واحد يعبر عنها و عننا هنشوف فالديوان حاجات زى دى ..
"قاللى الدرويش
-مش عايز أطول …أنا عايز أعيش
إنتا اللي فهمت الزهد بلاء
-إزاي حزهد ف حاجات ما عييش ؟
يا حمار دي فضيلة الإستغناء
ونا كنت استغنيت بمزاجي ؟
أنا اسمي يئست و ما استغنتش
إيه الزهد ف إني أما آجي
اشتري ما بجيبش عشان ملقتش ؟
فيه فرق مابين صبر العاجز
علشان مابقاش حاجة ف ايده
وبين واحد أصلا مش عايز
غير زي مابس يعوز سيده
صدقني أنا زاهد بالصدفة ..أو من غير قصد
أنا طاير آه …لاكن علشان مش لاقي الأرض
صدقني أنا كان نفسي أتعلق ف حاجات ياما
و أعيش إحساس إن أنا فعلا من غيرها حموت
أنا أعرف اعيش .. "
****
" ومتحوجناش لجاى .. مجاش
و ترضينا بما جبته "
****
ممكن مكنش بفهم فالشعر او حتى ساعات مبحبوش ويمكن ده زى ما ناس كتير بتقول ميكونش شعر بس فالاخر هو حاجه حلوه وبتحسسك بحاجات مختلفه وبتخدك لاماكن تانيه وانا بقرا علشان كده ..
مش مهم ده المُهم انه حاجه حلوه .. :))
May 6, 2019
يا شايلينكوا على الأكتاف
بننعى دمكم بهتاف
و ندعيلكوا
غموس الناس و عيشها الحاف
بيدعيلكوا
و درس العربى ف الأرياف
بيدعيلكوا
و كل جنية زيادة ف جيب
موظف هيئة الإنتاج
و ابنى اللى ف علم الغيب
و أمى اللى حتلقى علاج
و أرض المعتقل لما
حتفضى.. أكيد حتدعيلكوا
و كل ظلومة ما اتظلمتش
و كلمة حق ما اتكتمتش
و كل قلم نِقِص ف القسم
و كل علامة مش ف الجسم
بتدعى لكل وش و إسم
من اللى عندكم ...منا
يجوز حيكونوا من جيلنا
يجوز حيكونوا أولادنا
يجوز حيكونوا م الاتنين
لكن ندرن عليا و دين
لا تيجى عيالنا تشبهكوا
تبوس على رجل أصغر شاب
و ترفع رايته زى ما حب
و تحفظ صم أساميكوا
و من آخر نفر فيكوا
لأولكوا
حتدعيلكوا
January 25, 2013
مصطفى بيثبت طول الوقت عبقريته .. وغباء المقولة القديمة دي
قصايد مصطفى أكبر دليل إن
"أجمل الشعر "أصدقه
رائع
قصايد مصطفى أكبر دليل إن
"أجمل الشعر "أصدقه
رائع
February 18, 2013
خمس نجوم متكفيش بصراحه
مصطفى ابراهيم شاعر الثورة المصرية
اجمل ما قيل عن الثورة
ديوان اكثر من رائع لا يوصف بجد
كل صفحه فيه اجمل من الى قبلها
حبست الدمعه كتير وانا بقرا بس جيت للاخر ومقدرتش
ترجمه لاحداث الثورة فكل ما فيها
مستحيل تقراه مرة واحده بس :)
“أنا أحسن واحد يقنعك تحكي…
ومابيحكيش…
وأحسن واحد يقنعك تبكي…
...وما بيبكيش…
أنا أحسن واحد يقنعك تفرح….
وأحسن واحد يقنعك تجرح
أنا أحسن واحد ميت….
يقدر يقنعك تعيش
___________________
“وراكل كلمة سبتها و طلعت فيه كلمتين مارضوش .
ورا كل دمعة سبتها و نزلت فيه دمعتين مارضوش .
وراكل كاس حزن فضيته بالنسيان
فيه ألف كاس مليان بيزيدوا مابيفضوش”
ــــــــــــــــــــــ
إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...الدم ع الآيش
و إن الحسين إحنا....
و مهما اتقتل .. عايش
ـــــــــــــــــــــ
يا شعب مستناش
خد حقه بدراعه
يا وطن مابيسعناش
واحنا الى بنساعه
الدم لون واحد
مفهوش عبيد ولا سيد
وان بعتوا دم شهيد .. بكره ... هتتباعوا
_______________________
تفرانيل 50-75-100 شــــــــــابوه بجد للتلاته :)
مصطفى ابراهيم شاعر الثورة المصرية
اجمل ما قيل عن الثورة
ديوان اكثر من رائع لا يوصف بجد
كل صفحه فيه اجمل من الى قبلها
حبست الدمعه كتير وانا بقرا بس جيت للاخر ومقدرتش
ترجمه لاحداث الثورة فكل ما فيها
مستحيل تقراه مرة واحده بس :)
“أنا أحسن واحد يقنعك تحكي…
ومابيحكيش…
وأحسن واحد يقنعك تبكي…
...وما بيبكيش…
أنا أحسن واحد يقنعك تفرح….
وأحسن واحد يقنعك تجرح
أنا أحسن واحد ميت….
يقدر يقنعك تعيش
___________________
“وراكل كلمة سبتها و طلعت فيه كلمتين مارضوش .
ورا كل دمعة سبتها و نزلت فيه دمعتين مارضوش .
وراكل كاس حزن فضيته بالنسيان
فيه ألف كاس مليان بيزيدوا مابيفضوش”
ــــــــــــــــــــــ
إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...الدم ع الآيش
و إن الحسين إحنا....
و مهما اتقتل .. عايش
ـــــــــــــــــــــ
يا شعب مستناش
خد حقه بدراعه
يا وطن مابيسعناش
واحنا الى بنساعه
الدم لون واحد
مفهوش عبيد ولا سيد
وان بعتوا دم شهيد .. بكره ... هتتباعوا
_______________________
تفرانيل 50-75-100 شــــــــــابوه بجد للتلاته :)
July 15, 2021
بقابل قد ما بقابل
وأفارق قد ما بفارق
وما اتعلّمش
بلخبط في الأسامي عشان
بخاف أنسى
بلخبط في الحياة علشان
بخاف لا ما أعيشش
بقالي كتير ما بتكلمش
بخاف يبقى الكلام متعاد
ما كمّلتش ف أيّ رحيل
ما كمّلتش في أيّ قُعاد
وبِدّي للحياة بالكاد
ما يكفيها
ويِكفيني..
شرور البهدلة فيها
قراءة ثانية بتاريخ 15 يوليو2021 ، نفس الدهشة، ونفس الوجع والقهر
وأفارق قد ما بفارق
وما اتعلّمش
بلخبط في الأسامي عشان
بخاف أنسى
بلخبط في الحياة علشان
بخاف لا ما أعيشش
بقالي كتير ما بتكلمش
بخاف يبقى الكلام متعاد
ما كمّلتش ف أيّ رحيل
ما كمّلتش في أيّ قُعاد
وبِدّي للحياة بالكاد
ما يكفيها
ويِكفيني..
شرور البهدلة فيها
قراءة ثانية بتاريخ 15 يوليو2021 ، نفس الدهشة، ونفس الوجع والقهر
February 20, 2013
قال الشهيد للشهيد فى السما السادسة,مين كان من الانبيا مش قلة مندسة,وحكى الشهيد للشهيد م السما السابعة عن ثورة تانية هتيجى..؟أقوى من الاولى"ختام قصيدة مع الثورة ذلك افضل جدا"بس خلاص.
February 16, 2013
أفضل وأهم وأمتع ما قرأت عن الثورة حتى الآن. مصطفى يوم رأيته في الاتحادية، أيقنت أنه شاعر الثورة بامتياز. من كتب مانفيستو ومع الثورة ذلك أفضل جداً وإني رأيت الحسين، شخص شارك وشعر وكتب. من القصائد التي لا تُنسى أيضاً تفرانيل والمولوية. من مميزات مصطفى أن شعره لا يُنسى.
January 29, 2013
لو كان بإيدى كنت اخترات اللى يقراه بالواحد .. مش اى حد هيحس بالكلام ده كله ..
فى ناس هتسمتع بالقصائد الانسانية وشوية كلام عن الفضفضة والحب
لكن اللى هيقراه ويعيشه كامل
اللى هيعيش الشهادة عن أحداث كربلاء ..
اللى فعلا هيعيش " إنى رأيت اليوم " وهيشوف شاشة سينيما بتتفتح قدامه .. ..
أنا عاوز واحد مع الثورة من قبل يوم 25 ..
واحد هتف يسقط حكم العسكر من اول يوم ..
واحد شم الغاز لغاية ما اتعمى فى محمد محمود ..
واحد شاف عيون اللى حواليه بتطير .. وشال ناس دمها بيدلدق فى محمد محمود..
واحد عصر لمون أو قاطع لأن اللمون كان صعب عليه ..
واحد مكمل لغاية دلوقتى ..
واحد بيحس وعنده دم
..
الليل كما الغربال
أما النهار بيلم
والعبرة باللى ابتدى
قبل العدد ما يتم
---------------
وافق على الهدنه إذا سحبو الكلاب
لو سابو خليك انتا أخر حد ساب
-واحد بيفرق فى العدد جدا
وعشان كده .. أول ما تلقى إن الصفوف ناقصاك
- وسع مكانك للى جاى وراك
فى ناس هتسمتع بالقصائد الانسانية وشوية كلام عن الفضفضة والحب
لكن اللى هيقراه ويعيشه كامل
اللى هيعيش الشهادة عن أحداث كربلاء ..
اللى فعلا هيعيش " إنى رأيت اليوم " وهيشوف شاشة سينيما بتتفتح قدامه .. ..
أنا عاوز واحد مع الثورة من قبل يوم 25 ..
واحد هتف يسقط حكم العسكر من اول يوم ..
واحد شم الغاز لغاية ما اتعمى فى محمد محمود ..
واحد شاف عيون اللى حواليه بتطير .. وشال ناس دمها بيدلدق فى محمد محمود..
واحد عصر لمون أو قاطع لأن اللمون كان صعب عليه ..
واحد مكمل لغاية دلوقتى ..
واحد بيحس وعنده دم
..
الليل كما الغربال
أما النهار بيلم
والعبرة باللى ابتدى
قبل العدد ما يتم
---------------
وافق على الهدنه إذا سحبو الكلاب
لو سابو خليك انتا أخر حد ساب
-واحد بيفرق فى العدد جدا
وعشان كده .. أول ما تلقى إن الصفوف ناقصاك
- وسع مكانك للى جاى وراك
February 12, 2018
المانيفستو - ديوان لطيف
الدم لون واحد
مفهوش لا عبيد ولا سيد
وإن بِعتوا دم شهيد.. بكرا...هتتباعوا
***
أنا أحسن واحد يقدر يقنعك تحكي...وما بيحكيش
أنا أحسن واحد يقدر يقنعك تبكي.. ومابيبكيش
أنا أحسن واحد يقدر يقنعك تفرح
أنا أحسن واحد يقدر يقنعك تجرح
أنا أحسن واحد ميت..يقدر يقنعك..تعيش
***
ما سبتش شيء ما جربتوش
ولا جربته وما سبتوش
بحب العود... وأحب الناي
وأموت وأعرف حقيقي إزاي
حاجات من دي
ساعات بتدب فيها الروح
من اللمس ومن الأنفاس
فتبقى حية أكثر من البشر والناس
ما فيش إحساس لحسن الخط ولسوئه
ما بيعديش
ما فيش لا طعم ولا حاجة من الي بتدوقه مسيره يعيش
بحلوه ومره كله بيتسخط لمفيش
***
يرجع شهيد...يتزف
بالبدلة متقطعة
وبدم ع الدبلة
***
الماضي بيمضي حضور
يوميا ف الكشوفات
مين قال امبارح فات؟
أنا لسه مقابله امبارح
بيخوف واحد ماشي
في الشارع بعد الجاي
بيقطم واحد حي
ويندم واحد مات
وساعات يوعظ وينظر
وساعات يضحك ويهزر
***
دايما على قد ما تتساب...سيب
وعلى قد ما واحشك أحباب غيب
***
التاريخ ضمن الغنايم وبيكتبوا الكسبان
January 25, 2013
مصطفى ابراه��م بيبدع للمرة التانية بديوان أنأح من اللى قبله رغم أنى لو قرأت دلوقت ويسترن يونيون هلاقيه أنأح من المانيفستو وأرجع أقرأ المانيفستو ألاقيه أنأح وهكذا لحد ما نستقر فى الآخر أن مصطفى من أفضل الشعراء الشباب ان لم يكن الأفضل بديوانين قمة فى الجمال
ديوان خلاصته " الصدق " كل كلمة بيكتبها حاسسها ومصدقها 200% مش مجرد موهبه وبيكتب حرفين
هقرأ الديوان فى خلال اليومين الجيين أكثر من مره .. وكل مره هقرأه لأول مرة
عجبنى جدا جدا جدا " مانيفستو " انى رأيت اليوم "المولوية " تفرانيل 100 " والباقى طبعا رائع :)
دُمت مبدع يا درش :)
ديوان خلاصته " الصدق " كل كلمة بيكتبها حاسسها ومصدقها 200% مش مجرد موهبه وبيكتب حرفين
هقرأ الديوان فى خلال اليومين الجيين أكثر من مره .. وكل مره هقرأه لأول مرة
عجبنى جدا جدا جدا " مانيفستو " انى رأيت اليوم "المولوية " تفرانيل 100 " والباقى طبعا رائع :)
دُمت مبدع يا درش :)
January 24, 2013
أنا مش من الناس إللي بتستنا الكتب تنزل, بس ده من الكتب القليلة إللي كنت مستنيها خاصة بعد ما قريت الديوان الأول لمصطفى "ويسترن يونيون فرع الهرم"
هتفرح, هتزعل, هتتحسر, هتفكر, و بعد ما تخلص هيجيلك إحساس بالنشوة غير مُبرر, الكتاب الوحيد إللي حكى الثورة زي ما أنا شايفها بعيدًا عن تحليلات النخبة العقيمة, كلام اتكتب وسط الضرب مش في مكتب مُكيف.
مصطفى إيراهيم بالديوان ده تفوق على توقعاتي إللي كانت عاليا جدًا, إلى كل واحد شم غاز,اتضرب عليه خرطوش, نزل في مظاهرة الديوان ده مكتوبلك :)
هتفرح, هتزعل, هتتحسر, هتفكر, و بعد ما تخلص هيجيلك إحساس بالنشوة غير مُبرر, الكتاب الوحيد إللي حكى الثورة زي ما أنا شايفها بعيدًا عن تحليلات النخبة العقيمة, كلام اتكتب وسط الضرب مش في مكتب مُكيف.
مصطفى إيراهيم بالديوان ده تفوق على توقعاتي إللي كانت عاليا جدًا, إلى كل واحد شم غاز,اتضرب عليه خرطوش, نزل في مظاهرة الديوان ده مكتوبلك :)
August 5, 2016
و في ذلك الوقت الذي ظننت فيه أني نسيت كل شئ و أني صرت,أخيراً,لا أهتم لأمر هذا البلد التعيس أتي هذا الديوان القصير و ذكرني بكل شئ.. أنا أهتم ,لا زلت أهتم ..
هذا الكتيب توثيق للثورة و الميادين ..للوجع المصري
مصطفي إبراهيم شاعر موهوب ,تطوّر عن المانيفستو هنا كثيراََ,يحتاج لتقديم شئ مختلف في المرة الأخري و أن يبتكر له أسلوباََ منفرداً..
لكن و الحق يقال ,مصطفي إبراهيم شاعر شديد الموهبة :)
هذا الكتيب توثيق للثورة و الميادين ..للوجع المصري
مصطفي إبراهيم شاعر موهوب ,تطوّر عن المانيفستو هنا كثيراََ,يحتاج لتقديم شئ مختلف في المرة الأخري و أن يبتكر له أسلوباََ منفرداً..
لكن و الحق يقال ,مصطفي إبراهيم شاعر شديد الموهبة :)
February 8, 2013
ماينفعش يتقال عليه ديوان بصراحة .. ده يتقال علية الة الزمن مثلا .. حاجة كده بتنقلك لعالم تانى خالص والله .. ربنا يحميك يامصطفى و تستمر على كده
November 3, 2014
ديوان يستحق يوم كامل من النحس و الأذى للحصول عليه و على توقيع صاحبه ،، كل من شهد الثورة محتاج يقرأه لكن بدرجات متفاوتة ،،، يثبت المتفائل و يصحي اللي نخ و يفوق اللي اتضحك عليه .... افتقدت "إهداء" زي اللي كان في ويسترن يونيون ، لكنه عوضه بتقسيمة مميزة ...باختصار حاجة كده شغل فنادق :)
October 23, 2015
عظيم..عظيم..عظيم!
ديوان العصر و كلّ عصر !
لشاعر العصر و كلّ عصر، أيضًا !
الديون عبارة عن فكرة، وفكرته عبقرية،
مصطفي إبراهيم، أحد هؤلاء "الكُتّاب" الذين
تُطلق عليهم لقب كاتب، ولا يجعلونك تندم
على ظنّك فيهم أبدًّا، قرأت قصائده أكثر من
عددها. و مع ذلك لم تُصيبني سهام الملل،
قصائد متفرقة مُتماسكة
خير شاهد على أحزان البلد وناسها وميادينها
وأهلها.. عالثورة! -قلمه مميز- و غير قابل للتقليد
مؤخرًا، لحظت كذا شخص يحاول تقليده،
و العرض كان مبتذل لأبعد الحدود، مجرد نسخ لا أكثر.
أما عن مصطفي إبراهيم كموهبة "عكس السير"
يعلم معني أن تكون "شاعر" و إنها مسؤولية
فاهم إن العبرة مش بعدد القصايد ولا بقافيتها،
فاهم ازاي يوصل اللي عاوز يقوله بقوة و يأثر
في الناس،بيشرَّح المجتمع البائس بطريقة
بائسة جميلة.
الشعر عشقي
أعشق من القصائد، ذات المغزى والقضية!
مقتطفات من المانيفستو:-
(ت)
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب ، تبُص ف عين إصحابك الطايرة ،
شوف مين من الآخر دفع لو زيهم إدفع..
تلت الرصاص نحو العدو ،تلتينه للخاين..
الطعنة جاية من هنا مش من هناك
تعب النهاردة غير تعب بكره ، الوقت مش دايما معاك.
تحتك فيه ناس عاوزة الأمل ، مش عاوزه؟
… سيبهولهم!
(و)
وسّع الجبهة لو إنتوا كتير ، و ضيقها لو إنتوا أقل
ولع شماريخ وسطكوا أول ما تلقى الرتم قل
وقّع لُمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة،حتى لو
فاهمين غلط ، فيه ناس كتير متلخبطة،
اكسب عدد،و اكسب غطا..
وزع عيونك فوق و تحت،و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل..
وفّر بديل.
وافق على الهدنة إذا سحبوا الكلاب
لو سابوا خليك انتا آخر حد ساب
واحد بيفرق ف العدد جدًّا
و عشان كده..
أول ما تلقى إن الصفوف ناقصاك،
وسع مكانك للي جاي وراك.
أنا اكتشفت إني حافظة 85% منه!
و ده شيء لو تعلمون عظيم :D
إلي ويسترن يونيون فرع الهرم..
February 2, 2013
عارف يعني إيه لما تقرأ كل صفحة كأنها الصفحة الوحيدة في الكتاب؟
وإنك تقرأ كل كلمة كأنها هي الأكثر أهمية؟
وإنك تلهث وراء الكلمات دون أن تكترث للوقت أو أي شئ من حولك؟
عندما تفرض الموهبة نفسها بكل تألق وروعة
دون أن تجعل القارئ يبحث عنها بين السطور والصفحات كباقي الشعراء المعاصرين
من أكثر الناس اللي بيأثروا فيا جداً وبصدق كلامهم وبيوصلني جداً جداً
موهوب لدرجة مرعبة ويجعلك تفتخر أنك معاصر كتاباته
أفضل من كتب عن الثورة في رأي الخاص و المتواضع وأشعاره في هذا الديوان وما قبله أجمل وأكثر ماكتب عن الثورة ألماً
الفواصل بين الأشعار فعلاً من أجمل ما قرأت.. لأ هو فعلاً من أقيم الدواوين اللي عندي
لو ماعيشتش مشاعر الثورة هتعيشها لو قرأت الديوان
ولو مالك في الشعر المعاصر أو الشعر أصلاً، مصطفى إبراهيم هيغير وجهة نظرك تماماً
كالعادة من أعمال مصطفى هتحس إنك لازم تقراه أكثر من مرة
مش عشان مش فاهم ولكن عشان حابب ومتذوق للكلام
أبسط وأجمل ما كتب لتأريخ أحزان وأفراح وإحباطات وشجاعة الثورة المصرية
أنا كنت مستنية الديوان ده، ومخيبش ظني أبداً :))
يستحق أن تطلق عليه ديوان شعر :)
أنا أحسن واحد يقنعك تحكي
ومابيحكيش
وأحسن واحد يقنعك تبكي
وما بيبكيش…
أنا أحسن واحد يقنعك تفرح
وأحسن واحد يقنعك تجرح
أنا أحسن واحد ميت
يقدر يقنعك….تعيش…
وإنك تقرأ كل كلمة كأنها هي الأكثر أهمية؟
وإنك تلهث وراء الكلمات دون أن تكترث للوقت أو أي شئ من حولك؟
عندما تفرض الموهبة نفسها بكل تألق وروعة
دون أن تجعل القارئ يبحث عنها بين السطور والصفحات كباقي الشعراء المعاصرين
من أكثر الناس اللي بيأثروا فيا جداً وبصدق كلامهم وبيوصلني جداً جداً
موهوب لدرجة مرعبة ويجعلك تفتخر أنك معاصر كتاباته
أفضل من كتب عن الثورة في رأي الخاص و المتواضع وأشعاره في هذا الديوان وما قبله أجمل وأكثر ماكتب عن الثورة ألماً
الفواصل بين الأشعار فعلاً من أجمل ما قرأت.. لأ هو فعلاً من أقيم الدواوين اللي عندي
لو ماعيشتش مشاعر الثورة هتعيشها لو قرأت الديوان
ولو مالك في الشعر المعاصر أو الشعر أصلاً، مصطفى إبراهيم هيغير وجهة نظرك تماماً
كالعادة من أعمال مصطفى هتحس إنك لازم تقراه أكثر من مرة
مش عشان مش فاهم ولكن عشان حابب ومتذوق للكلام
أبسط وأجمل ما كتب لتأريخ أحزان وأفراح وإحباطات وشجاعة الثورة المصرية
أنا كنت مستنية الديوان ده، ومخيبش ظني أبداً :))
يستحق أن تطلق عليه ديوان شعر :)
أنا أحسن واحد يقنعك تحكي
ومابيحكيش
وأحسن واحد يقنعك تبكي
وما بيبكيش…
أنا أحسن واحد يقنعك تفرح
وأحسن واحد يقنعك تجرح
أنا أحسن واحد ميت
يقدر يقنعك….تعيش…
September 22, 2013
قليل أوى لما شعر يبهرنى
مصطفى, وصفك, دقتك, احساسك, ثوريتك, التعبير عنها بشكل مختلف وواقعى مؤلم جدا, تجاربك الشخصية وجمال قلمك يستحق حقًا الاحترام
بوركت وبورك قلمك
مصطفى, وصفك, دقتك, احساسك, ثوريتك, التعبير عنها بشكل مختلف وواقعى مؤلم جدا, تجاربك الشخصية وجمال قلمك يستحق حقًا الاحترام
بوركت وبورك قلمك
April 12, 2015
ما زال مصطفى إبراهيم موهوبا، لكن قصائد هذا الديوان متباينة الجودة. أجودها كان أقصرها، كبعض الفواصل القصيرة ومتتالية "قواعد الدائرة".
December 11, 2023
واحد من أقرب الدواوين لقلبي ومن أفضل دواوين العامية المصرية عموما؛ قرأته ما يكفي من المرات لأحفظ معظم قصائده وأحب دايما أرجع أفتحه.
تحفة مصطفى إبراهيم بلا شك.
تحفة مصطفى إبراهيم بلا شك.
October 6, 2013
لست من محبى الشعر العامى ماعدا طبعاً المبدع صلاح جاهين .. وقد قرأت كثيراً تعليقات أصدقاء الجودريدز عنه وشعرت انهم بالطبع يبالغون !!
ولكن عزيزى الشاعر /المهندس مصطفى ابراهيم نجح تماماً فى مفاجأتى وانتزاع آهات الاعجاب مع أول قراءة ثم الصمت والتركيز الشديد فى المرة الثانية ..
المانيفستو هى مجموعة قصائد عامية حقاً .. كتبت بدموع من شاهد الثورة صدقاً وليس على شاشات التلفاز .. من حمل رفاقه الشهداء .. من لم يتخل عن حلمهم ..
هناك الكثير من الألم والوجع وانت تقرأ :
دين الجدعنة - ثم دارت الليمونة - إنى رأيت اليوم
شاعر رائع الموهبة .. أتمنى له المزيد من النجاح
----------------------------------------------------
أدين بدين الجدعنة وبدين رفاق الدرب
وبقولة احنا .. مش انا .. ف المعمعة والضرب
وبدين ما كنت مصدقه .. ف المعركة الأولى
وبدين جثث فى المشرحة .. أساميها مجهولة
وأدين من ساب .. على الأسفلت .. إخواته مقتولة
واقوله التوبة مقبولة .. الا فى وقت الحرب
-----------------------------------------------------
مين بقى فاضل معاك؟
حبة باعوا لليهود
حبة باعوا لآل سعود
وانتا يا شعبى كعادتك
عمر ما حد اشتراك
مشيوا أصحاب المصالح
ومشيوا ثوار السواك
والميدان دايماً كعادته
مش بيفضل فيه .. سِواك
-------------------------------------------------------
إنى رأيت اليوم .. الصورة من برة
وقلت الحسين لِسّه .. هيموت كمان مرة
إنى رأيت اليوم .. فيما يرى الثائر
إن الحسين ملموم .. فوق جثته ��ساكر
بيدغدغوه بالشوم .. كل أمّا ييجى يقوم
وإن البشر واقفة .. تبكى بدل ما تحوش
وإن العلم مصفاة .. م السونكى والخرطوش
وإن الطريق مفروش .. بالدم للآخر
إنى رأيت اليوم .. الدم على الآيش
وإن الحسين احنا ..
مهما اتقتل .. عايش
بالمناسبة .. هذا هو الكتاب الثلاثمائة الذى أقوم بتقييمه على الجودريدز .. ربما شعرت انه رقم يستحق الاحتفال قليلاً :-)
ولكن عزيزى الشاعر /المهندس مصطفى ابراهيم نجح تماماً فى مفاجأتى وانتزاع آهات الاعجاب مع أول قراءة ثم الصمت والتركيز الشديد فى المرة الثانية ..
المانيفستو هى مجموعة قصائد عامية حقاً .. كتبت بدموع من شاهد الثورة صدقاً وليس على شاشات التلفاز .. من حمل رفاقه الشهداء .. من لم يتخل عن حلمهم ..
هناك الكثير من الألم والوجع وانت تقرأ :
دين الجدعنة - ثم دارت الليمونة - إنى رأيت اليوم
شاعر رائع الموهبة .. أتمنى له المزيد من النجاح
----------------------------------------------------
أدين بدين الجدعنة وبدين رفاق الدرب
وبقولة احنا .. مش انا .. ف المعمعة والضرب
وبدين ما كنت مصدقه .. ف المعركة الأولى
وبدين جثث فى المشرحة .. أساميها مجهولة
وأدين من ساب .. على الأسفلت .. إخواته مقتولة
واقوله التوبة مقبولة .. الا فى وقت الحرب
-----------------------------------------------------
مين بقى فاضل معاك؟
حبة باعوا لليهود
حبة باعوا لآل سعود
وانتا يا شعبى كعادتك
عمر ما حد اشتراك
مشيوا أصحاب المصالح
ومشيوا ثوار السواك
والميدان دايماً كعادته
مش بيفضل فيه .. سِواك
-------------------------------------------------------
إنى رأيت اليوم .. الصورة من برة
وقلت الحسين لِسّه .. هيموت كمان مرة
إنى رأيت اليوم .. فيما يرى الثائر
إن الحسين ملموم .. فوق جثته ��ساكر
بيدغدغوه بالشوم .. كل أمّا ييجى يقوم
وإن البشر واقفة .. تبكى بدل ما تحوش
وإن العلم مصفاة .. م السونكى والخرطوش
وإن الطريق مفروش .. بالدم للآخر
إنى رأيت اليوم .. الدم على الآيش
وإن الحسين احنا ..
مهما اتقتل .. عايش
بالمناسبة .. هذا هو الكتاب الثلاثمائة الذى أقوم بتقييمه على الجودريدز .. ربما شعرت انه رقم يستحق الاحتفال قليلاً :-)
January 27, 2013
.
مافيش أروع من ده شعر ولا أجمل من ده ديوان ممكن تقراه لشعراء هذا الزمان
مصطفى ابراهيم يجسد الثورة المصرية بتطورتها وأحلامها ورومانسيتها وغضبها وانحرافتها والتصميم على المغامرة لنهايتها فى أبيات شعرية غاية فى الجمال والروعة .. انا اتأثرت بأكثر من قصيد حتى البكاء ، وفرحت بأكثر من قصيد حتى الإنتشاء .. مصطفى ابن جيله ، وابن الثورة ، وابن أحلامنا كلها اللى متعلقة فى ديل البلد دي
لو مكانتش بتحب الشعر .. أقرا الديوان ده وهتحبه
لو مكنتش عارف أهمية الثورة .. أقرا الديوان ده وهتعرف
لو مكنتش مؤمن بالثورة نفسها .. أقرا الديوان ده وهتبقى اكتر واحد مؤمن بيها
الصدق اللى جوه الديوان ، هو نفس الصدق اللى فى قلب مصطفى
وقلب كل مصرى مؤمن بالثورة والحرية .. والأهم مؤمن بمصر
.
مافيش أروع من ده شعر ولا أجمل من ده ديوان ممكن تقراه لشعراء هذا الزمان
مصطفى ابراهيم يجسد الثورة المصرية بتطورتها وأحلامها ورومانسيتها وغضبها وانحرافتها والتصميم على المغامرة لنهايتها فى أبيات شعرية غاية فى الجمال والروعة .. انا اتأثرت بأكثر من قصيد حتى البكاء ، وفرحت بأكثر من قصيد حتى الإنتشاء .. مصطفى ابن جيله ، وابن الثورة ، وابن أحلامنا كلها اللى متعلقة فى ديل البلد دي
لو مكانتش بتحب الشعر .. أقرا الديوان ده وهتحبه
لو مكنتش عارف أهمية الثورة .. أقرا الديوان ده وهتعرف
لو مكنتش مؤمن بالثورة نفسها .. أقرا الديوان ده وهتبقى اكتر واحد مؤمن بيها
الصدق اللى جوه الديوان ، هو نفس الصدق اللى فى قلب مصطفى
وقلب كل مصرى مؤمن بالثورة والحرية .. والأهم مؤمن بمصر
.
March 24, 2013
قال الشهيد للشهيد في السما السادسة
مِين كان مِن الأنبيا مش قِلة مُندسة؟
وحكى الشهيد للشهيد م السما السابعة
عن ثورة تانية هتيجي .. أقوى م الأولى !
مصطفى إبراهيم رائع ومفاجئ وعظيم كالكثير من الهدايا التي منحتها إيانا ثورة 25 يناير
المجد للثورة و دروايشها :)
مِين كان مِن الأنبيا مش قِلة مُندسة؟
وحكى الشهيد للشهيد م السما السابعة
عن ثورة تانية هتيجي .. أقوى م الأولى !
مصطفى إبراهيم رائع ومفاجئ وعظيم كالكثير من الهدايا التي منحتها إيانا ثورة 25 يناير
المجد للثورة و دروايشها :)
December 29, 2018
"الفرق بين الديوان ده والأغاني اللى غنوها للثورة أو "ع الثورة
هو بالظبط الفرق بين واحد نزل الميدان وبين واحد شاف الثورة شوية أحداث على التليفزيون
مصطفى ابراهيم مكنش بيكتب أشعار وخلاص
ده كان بيأرخ أحداث ومشاعر وتفاصيل صغيرة جدا
التفاصيل دي هي اللي الثوار هيفتكروها طول عمرهم
مهما شوهوا الميدان ومهما ابتذلوا معاني الثورة الجميلة
عبقرية الديوان ده هتفضل شاهدة على حاجة عظيمة جدا حصلت فى مصر ولسه هتكمل إن شاء الله
هو بالظبط الفرق بين واحد نزل الميدان وبين واحد شاف الثورة شوية أحداث على التليفزيون
مصطفى ابراهيم مكنش بيكتب أشعار وخلاص
ده كان بيأرخ أحداث ومشاعر وتفاصيل صغيرة جدا
التفاصيل دي هي اللي الثوار هيفتكروها طول عمرهم
مهما شوهوا الميدان ومهما ابتذلوا معاني الثورة الجميلة
عبقرية الديوان ده هتفضل شاهدة على حاجة عظيمة جدا حصلت فى مصر ولسه هتكمل إن شاء الله
Displaying 1 - 30 of 1,230 reviews