Loving Books Quotes

“And it occurred to her that reading was, among other things, a muscle and one that she had seemingly developed. She could read the novel with ease and great pleasure, laughing at remarks, they were hardly jokes, that she had not even noticed before.”
― Alan Bennett, The Uncommon Reader

“THE POWER OF LOVE : "ប្រាជ្ញាជីវិត" សៀវភៅដំបូង តែក្របនេះបោះពុម្ពលើកទី ៧ ហើយ។ ក្នុងសិក្ខាសាលា សំណួរដំបូងរបស់សិក្ខាកាមដែលគុំចង់សួរមកយូរហើយគឺ តើលោកគ្រូធ្វើដូចម្តេចខ្លះទើបទទួលជោគជ័យជាអ្នកនិពន្ធ? ខ្ញុំឆ្លើយថា ខ្ញុំអត់ដឹងទេ គឺវាកើតឡើងដោយធម្មជាតិ តែខ្ញុំគ្រាន់តែចាំថា ខ្ញុំស្រឡាញ់សៀវភៅលើសពីអ្វីទាំងអស់ សូម្បីតែសម័យប៉ុលពតដែលជន្លៀសខ្ញុំឲ្យទៅនៅស្រែក៏ខ្ញុំឆ្លៀតប្រមូលសៀវភៅដាក់តាមខ្លួនរហូតដល់មួយបាវ(ព្រោះពីដំបូងមិនបានដឹងថាគេចង់កម្ទេចពួកសិស្សក្បាលរឹងឯណា តែក្រោយមកទើបភ័យខ្លួនក៏យកសៀវភៅទៅកប់ដី ហើយក៏ក្លាយជាចំណីកណ្តៀរអស់ទៅ) ក្រោយមកទៀត ក្នុងជីវិតរបស់ខ្ញុំ ខ្ញុំមិនដែលស្តាយលុយក្នុងការទិញសៀវភៅទេ ខ្ញុំសុខចិត្តអត់អ្វីផ្សេងលើកលែងតែបាយ (ប្រិយមិត្តអាចចោទខ្ញុំបាន ព្រោះខ្ញុំជាអ្នកលក់សៀវភៅ) បន្ទាប់មកខ្ញុំក៏សន្និដ្ឋានថា ជំហានទីមួយ គឺការស្រឡាញ់ការអាន អានដើម្បីក្រេបយកចំណេះពីសៀវភៅ ការតស៊ូអានដើម្បីសាងជីវិតខ្លួនឯងនេះហើយទើបធ្វើឲ្យយើងមានទិន្នន័យជាច្រើននៅក្នុងខួរក្បាល ហើយយើងមានទំនុកចិត្តថា បើគំនិតទាំងនោះវាជួយខ្លួនយើងបានហើយ ដូច្នេះវាក៏នឹងអាចជួយអ្នកដទៃបានដូចគ្នា បើសៀវភៅវាជាដុំមាសសម្រាប់ខ្លួនយើងបាន វាក៏អាចក្លាយជាដុំមាសសម្រាប់អ្នកអានបានដូចគ្នា ដូច្នេះហើយទើបខ្ញុំមានជំនឿថា សៀវភៅនេះមិនចោលលុយទេ ទោះមានបណ្ណាគារជាច្រើនប្រកែកមិនព្រមទទួលក៏ដោយ។ ទីបំផុតអ្នកអានក៏ចាប់ផ្តើមដឹងថាវាជាដុំមាសបន្តិចម្តងៗ។ មានវេជ្ជបណ្ឌិតម្នាក់នៅទួលសង្កែ ដែលខ្ញុំបានជូនសៀវភៅគាត់មួយក្បាល ក្រោយមកគាត់បានប្រាប់ខ្ញុំថា "បងឲ្យសៀវភៅខ្ញុំមួយក្បាលនេះមានតម្លៃថ្លៃលើសពី ១០០០ ដុល្លារទៅទៀត" ។ គឺសៀវភៅមួយនេះហើយដែលនាំឲ្យកើតមានសៀវភៅក្រោយៗជាបន្តរហូតមកដល់សព្វថ្ងៃ ដូច្នេះ កាលបើមានការស្រឡាញ់ជក់ចិត្តកើតឡើង មិនថាជាសៀវភៅទេ ទោះជារឿងអ្វីក៏ដោយ វានឹងជំរុញឲ្យមានការតស៊ូពុះពារកើតឡើងដោយស្វ័យប្រវត្តិ តែខ្ញុំសូមផ្តាំទុកជាមុន បើត្រឹមតែចង់ល្បីឈ្មោះ(ដើម្បីអត្តាផ្ទាល់ខ្លួន) ដោយគ្មានក្តីស្រឡាញ់ នោះធម្មជាតិនឹងមិនអាចជួយរុញច្រានយើងបានឡើយ។ តាមពិតក្នុងវិថីឈានទៅរកការតែងនិពន្ធវាមានកត្តារួមផ្សំជាច្រើនទៀតដែលខ្ញុំមានអត្ថបទចំនួន ១២ ទំព័រចែកឲ្យសម្រាប់ជាការជួយណែនាំ តែរឿងសំខាន់គឺ "ក្តីស្រឡាញ់"និង "កម្រិតខ្ពស់ឬទាប" របស់វាដែលជាជំហានដំបូងនេះឯង។”
― Kim Channa