Tournavys

Ne tournavys (van 't Franse tournevis) is e stik alloam da je kunt gebruukn vo vyzn in 'n twuk te droain.

Werkienge

Feitelik is 't e stoaln stave up een andvat. Et uutende van de stoave e zukke danige vorme dat 'n in de kop van e vyze past.

Soortn tournavyzn

Tournavyzn e j'in vele sôortn moatn. Ze verschilln in de lengte en de bridte omda j' toch voe iedere vyze nen gepaste tournavys zou vindn. J'e byvoorbeeld kruuskoppn en platte koppn (+ en -), moa j'et ton ook de speciallekes lik Philips, vierkantige, sterjes (torque) en umbraco's (zeskantn of inbus).

Der zyn ook vele merkn die under eigen vyzn uutvindn en dedee en ton ne speciaaln tournavys. Da's omda j' der zelve nie an zoe foefeln of den appareil te beveilign teegn prutsers of electrische spannienge.

Omda vele nu t'ope zit me vyzn gebruukn de meeste nu vysboormachienn, zo da je zelve nie moe droain en da'je rapper werk kunt levern me en constant resultoat deur het regelboare koppel. Het vôordêel van vyzn es da'je olles nog en poar kêer kunt demonteern en tôpe steekn zounder da't brokke verschêen volt. Me noagels es da zeekr nie 't gevol en riskeer'je me iedren klop voe d'andre verbindiengn los te doavrn.

Om de zoake flexibel t'oudn werden er nu voe de machienn olle sôorten kopkes verkocht, bits genoamd, die toeloatn me dezelfde machiene of universeeln tournavys olle meugelikke vyzn an te kunn.