Giografia de l'Angola

L'Angola la xe na naxion de l'Africa Centrale . El teritorio el xe compreso intrà i 4° 22' e i 18° 02' Sud e i 11° 41' e 24° 05' Est. El paexe el xe on grande tavolato che el se sbasa in freta verso la costa e pi pianino verso el sentro del paexe.

Confini

L’Angola la confina co la Republica Democràtega del Congo par 2 511 km, a est la confina co lo Zanbia par 1 110 km e a sud co la Namibia par 1 376 km. La costa so l’Oceano Atlantego la xe longa 1 600 km.

Area

El teritorio de l'Angola el ga na superificie de 1 246.700 km².

Teritorio

El teritorio el xe caraterizá da na fasia de altopiani, el pi grando el xe quel de Bié, chel va da nord a sud, co náltitudine che la va da 700 a 1000 metri. El monte pi alto el xe el Morro de Moco, (2620 m s.lm.). Verso la costa, la scarpada la va da 50 a 100 km de larghexa. Verso l’interno, el altipian el disende lentamente verso el baxin del fiume Zanbexi. Qi se cata savane e tereni agricołi fertili. A sud, el clima el xe pi arido co che se riva rente del deserto del Kalahari. Se cata paró anca de i fiumi inportanti: Cuando, Cunene, e Cubango.

La costa

La costa la xe streta e qi se cata le pi gran sitá de l’Angola: Luanda, Benguela e Lobito. Anca l’exclave de Cabinda la xe so la costa. En tel nord, se cata fiumi – Mebridege, Loge, Dande – richi de acqua. Al sud, tra Luanda e Benguela, altri grandi fiumi i riva su la costa (Longa, Queve, Cubal, Balonbo). Pi se va a sud, e pi el clima el diventa arido, co fiumi picenini.