Dibuho

Tungkol sa isang larawang iginuhit nang mabilis sa kamay lamang ang artikulo na ito. Para sa pagpaplanong naglalatag ng basehan para sa paggawa ng bawat isang bagay o sistema, tingnan ang Disenyo.

Ang dibuho ay isang larawang iginuhit nang mabilis sa kamay lamang at kadalasang hindi madalas na sinasadya bilang isang tapos na gawa. Ang dibuho ay maaaring gamitin sa iba’t ibang paraan: ito ay maaaring itala ang isang bagay na nakikita ng isang artista, ito ay maaaring ipangtala o para payabungin ang isang ideya para magamit sa hinaharap, o di kaya'y ito ay ginagamit bilang isang mabilis na paraan upang maisalarawan ng biswal ang isang imahen, ideya o prinsipyo.

Ang mga dibuho ay maaring gawin sa kahit anong materyal sa pang-guhit. Ang salitang "dibuho" ay pangkaraniwang tumutukoy sa mga biswal na gawain kung saan ginamit ang tuyong medyum tulad ng silverpoint, grapayt, lapis, uling, o pastel. Subalit ito'y maaaring tumukoy sa mga larawang kung saan ginamit ang panulat at tinta, bolpen, watercolor, at oil paint (pinturang langis). Ang dalawang huli ay karaniwang tinatawag na watercolor sketch at oil sketch. Maaaring imodelo ng isang iskultor ang mga tatlong-dimensyon na dibuho sa luad, plasticine, o waks.