Balkans
Ch't' articl'ye fut c'menchie en Jèrriais
|
Les Balkans (
Balkans), ch'est eune expression géographique pouor des parties d'Ûrope.
Les montangnes
[amendaer | modifier le wikicode]Les Balkans sont eune chaîne dé montangnes tchi lus êtrueûlent avaû 560km dans l'su'êt' d'l'Ûrope, d'la Néthe Mé, par la Bulgarie et jusqu'en Sèrbie d'l'Êst. Nou peut dithe qu'ches montangnes sont l'but des monts Carpatchiens mais i' sont s'pathées d'ches'-chîn par la riviéthe Danube. Lé nom Balkan veint du Turtchais et sîngnifie des "monts bouaîsis".
Lé longis
[amendaer | modifier le wikicode]Les montangnes ont donné lus nom à tout l'longis des Balkans en d'ssouos d'la chaîne, bordant par l'Vouêt, l'Sud et eune partie d'l'Êst la Mé du Mitan, et par eune partie d'l'Êst la Néthe Mé. Chutte région d'l'Ûrope a dans les 55 millions d'gens dans un tèrritouaithe dé dans les 550,000 km².
Nou n'est pon d'avis tch'est qu'i' sont les pays des Balkans et y'en a tch'aime mus dithe qu'ch'est pus à co l'Ûrope du Su'êt'. Mais tch'est qu'i' sont les pays en Ûrope du Su'êt' n'est pon accordé nitout.
Les pays des Balkans
[amendaer | modifier le wikicode]Ches pays sont les cheins les pus souvent înclius dans les Balkans:
- Albannie
- Bosnie
- Bulgarie
- Croatie
- Nièrmont
- Grêce
- Macédouaine du Nord
- Sèrbie
- la partie Ûropéenne d'la Turtchie
Y'en a tchi dithent qu'ches'-chîn sont ès Balkans étout:
