Oude IJssel
| Oude IJssel | |||
| elv | |||
 Oude IJssel ved Doetinchem
| |||
| Land |  Tyskland,  Nederland
| ||
|---|---|---|---|
| Lengd | 80 km | ||
| Kjelde | Borken i Nordrhein-Westfalen | ||
| Munning | IJssel | ||
 Oude IJssel 51°47′40″N 6°49′50″E / 51.794444444444°N 6.8305555555556°E | |||
| Wikimedia Commons: Oude IJssel | |||
Oude IJssel, eller Alte Issel på tysk (begge namna tyder «Gamle IJssel»), er ei elv i Tyskland og Nederland, og ei av sideelvane til IJssel frå høgre med ei lengd på 80 km. IJssel er ein av greinene i Rhindeltaet. Oude IJssel var den øvre leia til IJssel fram til ein grov ut ein kanal til Rhinen, sannsynlegvis i romartida.
Rhinen vart då det største bidraget til IJssel, sjølv om relativt lite av vatnet i Rhinen renn denne vegen og inn i IJssel-systemet. Forskjellige sideelvar kan stundom gje ganske mykje vatn til den totale vassføringa i elva, t.d. elvane Berkel og Schipbeek. IJssel er den einaste greina av Rhindeltaet som mottar sideelvar i staden for å spreie seg ut i fleire greiner. Berre nær munningen av IJssel delar ho seg opp i fleire greiner i det litle IJsseldeltaet.
Kjelda til Oude IJssel ligg nær Borken i Nordrhein-Westfalen i Tyskland. Ho renn først sørvestover før ho nesten når Rhinen nær Wesel, der ho snur nordvestover. Etter Isselburg kryssar ho grensa til Nederland (provinsen Gelderland). Ho renn gjennom Doetinchem og munnar ut i IJssel i Doesburg.
Kjelder
[endre | endre wikiteksten]- Denne artikkelen bygger på «Oude IJssel» frå Wikipedia på engelsk, den 11. juni 2007.