Chili - fargerik, hot og godt!

I år tok det litt av med dyrking av chili. Kanskje ikkje når eg samaliknar meg med dei argaste fantastane, men no har eg chili så det held langt ut i det nye året.
Eg tenkte at neste sesong så skal eg begrense meg, men det det ser heller ut til at det går andre vegen. I tillegg til det eg dyrka forrige sesong har eg også planer om å prøve meg på nokre nye sortar.

Kjekt med drivhus når ein dyrkar chili. Sunnmørske somrar er ikkje det ideelle klimaet for denne varmeelskande frukta. I fjor starta eg å så allereie i slutten av november, men denne sesongen har eg planar om å så i romjula. Chili har lang utviklingstid.

Her har eg hausta inn ein del av chilien, men framleis er det mykje igjen i drivhuset. Styrken på desse chiliane kan ikkje samanliknast med den ein får kjøpt på dei lokale butikkane her i bygda.

Her er Capsicum chinense 'Red Habanero', 'Chocolate Habanero' og 'Habalokia Yellow'

Capsicum annuum 'Red Long Slim Cayenne' og 'Orange Wonder'

I oktober er det slutt på sesonge, og eg haustar eg inn dei siste chiliane. Av avlinga lager eg krydder, marmelade som er kjempegodt på ost og kjeks, chiliolje og chilipaste. Chili kan også frysast.

Chilikrydder

        Chilimarmelade, chiliolje og chilipaste

Har du lyst til å prøve deg på å dyrke chili, eller vil du prøve deg på nye sortar så har eg billege frø for sal. Det er 10 frø i kvar pakke, og om du ikkje sår alle denne sesongen så er det ikkje noko i vegen for at du kan spare resten til neste år. Berre oppbevar dei kjøleg.

HER finn du omtale og bilder av dei sortane eg har. 

Følg meg gjerne på Facebook og på Instagram

Chilifrø til salgs.

Er du glad i chili er det ingenting i vegen for at du kan dyrke den sjølv. Chili har lang utviklingstid så den må såast allereie i januar. Når ein sår så tidleg må du ha ekstra lys for å få sterke og sunne plantar.
Chili er også varmekjære plantar så dei vil nok trivst best i vindusposten eller i eit drivhus. Bor du sør i landet kan kanskje ein varm solvegg også fungere. Eg bor på Sunnmøre, så mine chili har eg i drivhuset.

Alle frø er hausta frå eigne plantar og alle eg har sådd av eigne frø har vist seg å vere frøekte, men eg garanterer ingenting. Data oppgitt på dei ulike sortane når det gjeld avling er eiga erfaring. Styrke har eg funne hos leverandør der det er oppgitt.

Poser på 10 frø kr 15,- porto på kr 15 kjem i tillegg pr forsendelse.

Eg var veldig heldig med chilien i år. Den var også gjødsla etter alle kunsten regler då eg kjøpte ein oppstartspakke hos Arctic Chili.

Capsicum annuum 'Orange Wonder', middels store frukter og stor avling. Slett ikkje sterk :-)

Capsicum annuum 'Filius Blue', små frukt med stor avling. Flott plante med mørke blad. Styrke oppgitt til 20 000 - 30 000 SHU

Capsicum chinense 'Chocolate Habanero' store frukt, middels avling. Eg fekk 47 stk på ei plante i 10 liters potte. Styrke oppgitt til 425 000 SHU

Capsicum chinense 'Habalokia Yellow' store frukt, med stor avling, eg fekk 100 på ei plante i 10 liters potte. Styrke ukjent, men sterk!! Tipper ca 400 000 - 500 000 SHU TOMT

Capsicum chinense 'Red Habanero' stor frukt, stor avling. Ei plante i 10 liters potte gav 83 chili. Styrke ikkje oppgitt, men over middels sterk. TOMT

Capsicum chinense 'White Habanero' små frukt, middels avling. Styrke oppgitt til 300 000 SHU

Capsicum annuum 'Red Long Slim Cayenne' den første som gir modne chili, store frukt og stor avling. Styrke oppgitt til 30 000 - 50 000 SHU TOMT

Capsicum chinense 'Chocolate Bhutlah', store frukt, middels avling. Styrke ikkje oppgitt, men sterk.

Er du interessert så send meg PM på Kristins Hage&Drivhus. Er du interessert i blomsterfrø kan du gå inn her. 

Du finn meg også på Instagram

Stiklinger av roser - lettare enn ein trur

Då har eg prøvd meg på noko eg ikkje kan, nemleg å ta stiklingar av roser. Eg var litt sein med å beskjere to av rosen som eg har, og då dei hadde komt godt i gang med spiringa syntes eg det var for gale å kaste alle dei fine stiklingane.

Heldigvis så googla eg ikkje korleis det skulle gjerast før etterpå for då hadde eg nok mista motet, det såg veldig avansert ut :-) Eg berre klipte og stakk dei langs pottekanten og plasserte dei i drivhuset. Med ein spireprosent på 80 så vart resultatet slett ikkje så verst.

Rosene eg prøvde meg på var 'New Dawn' og 'Lykkefund'. Lykkefund skulle vere den som var lettast å få til (las eg etterpå) men det viste eg at alle stiklingane av 'New Dawn' klarte seg i motsetnad til 'Lykkefund'

Eg hadde små forventningar til korleis dett ville gå, men etter 5 veker hadde dei fått flotte røter som stakk ut av hola under potta. No har eg potta dei om og eg burde nok også klippe dei så dei får ein buskete vekst. Litt usikker på når eg skal gjere det, men tenker det kanskje er lurt å vente ei stund.

No står dei i drivhuset og godgjer seg og det er berre å håpe på at dei vekse seg store og flotte etterkvart. Roser av av stiklingar er i motstnad til dei aller fleste rosene ein kjøpar rotekte, det vil sei at dei ikkje er poda på ei rot frå ei anna rose. 

Korleis dei vil klare seg ute gjennom ei vinter, og om dei kjem med rotskot er eg usikker på, men det kan ein sikkert lese seg til.

Du finn meir om hagen min på Kristins Hage&Drivhus og på InstagramEg blir alltid glad for nye følgere, så legg deg gjerne til :-)

Boakjølsnigler - mine erfaringar

Dette er ikkje eit innlegg til forsvar for boakjølsniglar (Limax maximus) heller ikkje ein vitenskapeleg studie, men eit innlegg om korleis eg har levd med ein relativ stor bestand boakjølsniglar i min hage.

Diskusjonane går høglytt på diverse hagefora rundt om på nettet der nokon hardnakka påstår at denne sniglen er "snill" og at den et brunskogsniglar (Arion vulgaris) andre meinar den er minst like glupsk som brunskogsnigel og gjer kort prosess.

Noko som er sikkert er at begge er framande arter i Norge som har blitt innført via hageplantar frå utlandet. Det i seg sjølv kvalifiserer nok til bekjempelse.

Her vil eg dele mine erfaringar om boakjølsnigelen som også går under namna leopardsnigel og tigersnigel.

I mange år har hagepusen Frøya, småfuglane, boakjølsniglane, Hosta, riddersporer, Dahlia og eg levd fredeleg side om side i hagen vår. Hagepusen Frøya er ingen jeger og let småfuglane vere i fred. Boakjølsniglane lar plantane vere i fred, og eg lar boakjølsniglane styre på med sitt utan innblanding.

Høyres reint ut som Edens hage før Eva fann eplet :-)

Etter kvart har eg fått ein ganske stor forekomst og eg finn dei overalt i hagen. Dei dukkar opp i blomsterkasser på verandaen, ute i beda og på plantebretta inne i drivhuset har fleire av dei bodd i vekevis medan eg har vore på sommarferie. Dette utan å gjere skade på plantane, og for meg ser det ut som dei har levd av daudt plantemateriale.

Denne rakkaren fann eg her ein av dagane inne i drivhuset på ein Dahlia som eg sådde tidlegare i år. Eg tok potta og sette den ut med boakjølsnigelen på for å sjå om han ville forsyne seg av delikatessen.

Når eg sjekka etter ei stund var den søkk borte, og planta var like heil. Det same var alle dei andre som sto inne i drivhuset. Den har nok bodd det i eit par dagar og blitt med inn etter at eg hadde dei ute til herding to dagar før. Kva den har levd av aner eg ikkje.

Her er brettet med Dahlia inne i drivhuset. Bak fremste bladet ser ein boakjølsnigelen.

Det er hagar i nabolaget som har brunsniglar. For eit par år sidan fann eg også nokre få eksemplar i hagen min som eg gjorde kort prosess med. Dei siste åra har eg ikkje funne ein einaste ein. Om det er fordi eg har såpass mange boa vil eg ikkje påstå, dette er berre kva eg registrerar.

Når dette er sagt, og som dei fleste veit så var ikkje Eva og Adam så lenge i Paradis for i fjor tok eg dei på fersk gjerning for fyrste gong i ei av verandakassene der dei forsynt seg med nyplanta Dahlia. Det var berre nokre små stubbar som sto igjen.
Også nyplanta aspargesbønner i kjøkkenhagen fekk gjennomgå, men om det var boakjølsniglar eller åkersniglar veit eg ikkje. Dei små grå åkersniglane er glupske dei også.
Eg har også tidlegare år observert at boakjølsniglar har ete opp kronblad til margeritter som sto i same blomsterkasse.

Etter fleire år i fredeleg sameksistens har eg no konkludert med at forekomsten av boakjølsniglar har blitt for stor alt med at eg har latt dei leve i fred, og at eg no må reduser forekomsten. Planen er å strø ut Ferramol på dei mest utsatte plassane og ta ein og annan runde med saksa.

Eg trur at boakjølsnigler kan halde brunsniglane på avstand, og at dei gjer mindre skade på levande plantemateriale så lenge forkomsten er på eit fornuftig nivå. Vil presisere, dette er IKKJE baste på vitenskapeleg fakta, berre på mine erfaringer!

"Tru kan ein gjere i kirka, for alt det andre gi meg fakta"

Etter ekle sniglebilder føler eg trong for å vise ein kunstnar i det å ta livet med ro og berre nyte. Ingen er betre på det enn min trufaste medgartnar Hagepusen Frøya.

Du finn meir om hagen min på Kristins Hage&Drivhus og på Instagram. 

Eg blir alltid glad for nye følgere, så legg deg gjerne til :-)

Det blomstrar i vårhagen.

Det er ei herlig tid no framover og for kvar dag som går er det noko nytt som blomstrar i hagen. Småfuglane kvitrar og rett som det er stikk dei hovudet inn i fuglekassene som eg har rundt omkring i hagen for å sjå om det er ein passande stad å bygge reir.
Her er litt av dagens fotofangst :-)

Primula juliae ein lav primula med lysande kvite blomstrar. Ein av mine favorittar.

Alpeklematisen som står i ei krukke på verandaen har allereie fått knoppar.

Hacquetia epipactis limefarga blomstrar som står i fleire månadar. Denne veit eg ikkje det norske namnet på, er det nokon som kan hjelpe?

Pulsatilla - kubjelle har dukka opp med sine lodne knoppar. Mjuke og gode å ta på. Pulsatilla er vakker når dei står i knopp, flotte når dei blomstrar, og minst like vakker med sin "bustete" frøstand.

Forsythia - gullbusk lyser godt opp der den står lengst nede i hagen. Eg er ikkje spesielt glad i gult, men om våren synes eg det er ein passande farge.

Sånn til slutt :-) Her er hagepusen Frøya som tar oppgåva med å passe på drivhuset alvorleg.

Her finn du meg og hagepusen Frøya på Facebook Kristins Hage&Drivhus og her på Instagram følg oss gjerne om du vil.

Ein ny vår

No har bloggen min fått seg ei skikkeleg vårreingjering med ny layout og nytt namn. Alt dette takka vere ei kjekk og totalt, for meg ukjent dame som tok kontakt via facebook. No har Rie Aleksandra rydda litt og samstundes fått meg i gang med blogging igjen.
Rie Aleksandra er no i ferd med å opprette bloggen Cicerone. Her finn du mange nyttige lenker til mellom anna hagestell, fermentering og matlaging. Vel verd eit besøk.

Ny språkdrakt vert det også då eg no prøvar på å blåse støvet av nynorsken.
Som sunnmøring ligg det meg meir naturleg å skrive nynorsk enn bokmål. Dessverre så har den blitt litt rusten med åra, så garva nynorskfolk vil nok finne ein og annan skrivefeil. Korriger meg gjerne - eg er ikkje hårsår :-)

Her hos meg er alt som vanleg på denne tida av året. Frø til spiring på kjøkenet, fullt på planterommet, og drivhuset byrjar å bli fullt det også.

 






















Cordyline har klart vinteren bra i drivhuset i vinter. Nokre tørre tuppar på blada, men det får heller våge seg. Tomatane er flytta ut, og er allereie byrja å blomstre. Sådde vel tidleg denne sesongen.

Sjøl om eg er langt framfor skjema så vil eg tru det er ei stund til eg får nyte smaken av desse.

Vil du sjå meir frå hagen min og korleis eg toppar chiliplantar kan du gå inn på facebooksida mi og legg deg gjerne til:

Kristins Hage&Drivhus eller på Instagram

Berre for å sagt det så var det gamle namnet på bloggen min "New Dawn: Min hageverden"

Chillimarmelade

Eg er ikkje av den som likar meg så godt på kjøkkenet, men å lage eit eller anna av heimedyrka urter, tomat og chili er alltid moro. No har eg prøvd meg på chilimarmelade.

Marmelade er rask og enkel å lage, og smakar nydeleg til kjeks og blå muggost :-)

I oppskriften skulle det vere 100g paprika, og 100g chili, men med mine heimedyrka reduserte eg mengda til 50g chili og auka mengda paprika tilsvarande, og bra var det....

Den ble rikeleg sterk nok!

Her er dei sortane eg dyrka i år. Frå venstre: Capsicum annuum 'Long Red Slim Cayenne'

30 000 - 50 000 SHU, Capsicum chinense 'Chocolate Habanero' 425 000 SHU, Capsicum chinense 'White Habanero' 300 000 SHU og Capsicum annuum L. 'Filius Blue' 20 000 - 30 000 SHU.

Eit godt tips - bruk hansker når du kutter opp chili med denne styrken. Det gjekk to dager før det slutta å svi i fingertuppane!

I marmeladen brukt eg 'Choclate Habanero' og 'Filius Blue', sistnevnte blir først lilla før dei går over til raudt.

Oppskriften på Trines Matblogg

Det er mykje godt ein kan lage av chili. Har du lyst til å prøve deg på å dyrke din eigen kortreiste så her eg frø til sals her

Du finn meg også på facebook og instagram

Bildedryss fra drivhuset

Nå er det vår både ute og inne i drivhuset. Det er en herlig tid vi går i møte og plutselig må nesten alt gjøres på en gang.
Klippe, gjødsle, potte om, så de siste frøene, sette kvitløk (jeg har best erfaring med å sette den på våren og ikke høsten), rake plenen, luke i beda og sikker mye mer som jeg ikke kommer på i farten.

Sånn ser det ut i drivhuset i dag.

Chilli, paprika og agurk

Oliventreet har klar seg bra i drivhuset i vinter. Forrige vintre vannet jeg for lite, og det mistet absolutt alle bladene. Heldigvis kom de igjen.

Den ene chilliplanten har fått knopper.

Og det samme har flere av tomatplantene.

Det er snart på tide å potte om tomatene i større potter, men jeg har ikke plass ennå, så jeg må vente til jeg har fått ut en del av det andre plantene.

Cosmos som jeg akkurat har toppet. Toppen som jeg klipte av satte jeg ned i samme potte. De så litt slappe ut, men det kan jo være at de slår rot :-)

Dahliane som jeg sådde vokser i rekordfart.

Auberginer er det første gang jeg prøver meg på. Skal bli spennende å se om det frukt senere i år.

Blomstrer gjør det også. Pelargonia som jeg ikke husker navnet på i farta.

Flere bilder fra hage og drivhus finner du på facebooksiden min Kristins Hage&Drivhus.

Hyggelig om du vil følge siden min, og liker du den så del den gjerne på facebooksiden din.

Fortsatt god påske :-)