Pieter Bruegel de Ole

De nedderlandschen Sprickwöör

De Toorn vun Babel

Pieter Brueghel de Ole (* twischen 1525 un 1530 in Breda oder Bree; † 5. September 1569 in Brüssel) weer en Maler vun de nedderlandsche Renaissance. He is bekannt för siene Biller vun’t Buernleven in’t Flandern vun dat 16. Johrhunnert.

Leven

Bruegel weer en Schöler vun Pieter Coecke van Aelst. He arbeid toeerst in Antwerpen un siedel sik – na ene Reis na Italien twischen 1552 un 1555 – denn 1563 in Brüssel an.

Sien ganz egenen Stil liggt twischen Manierismus un Barock. Een vun siene bekanntsten Warken is dat Bild De nedderlandschen Sprickwöör (hüüt in de Gemäldegalerie in Berlin), op dat över eenhunnert nedderlandsche Sprickwöör to’n Deel grotesk dorstellt warrt.

He weer de Vader vun Pieter Bruegel de Junge un vun Jan Bruegel de Ole un begrünn dormit en ganze Malerdynastie.

Literatur

• Roger H. Marijnissen: Bruegel. Das vollständige Werk, Köln 2003, ISBN 3-89340-046-X.
• Rainald Grosshans: Pieter Bruegel d. Ä.: Die niederländischen Sprichwörter. Berlin: Gemäldegalerie 2003, ISBN 3-88609-484-7.
• Martin Missfeldt: Pieter Bruegel d. Ä.: Die niederländischen Sprichwörter. CD-ROM, DUPLICON, 1998, ISBN 3-936697-02-7.

Weblenken

Pieter Bruegel. Mehr Biller, Videos oder Audiodateien to’t Thema gifft dat bi Wikimedia Commons.