Pierre Gaviniès
Pierre Gaviniès (Gavinies; * 11. Mai 1728 in Bordeaux; † 8. September 1800 in Paris), weer en franzöösch Vigelienspeler un Komponist.
Leben
[ännern | Bornkood ännern]Gaviniès weer de Söhn vun en Vigelienbauer un en vun de bedüüdenst franzöösch Vigelienspelerpersönlichkeiten vun dat 18. Johrhunnert. All mit datteihn Johren keem he all groot herut an de Siet vun den l'Abbé le fils nömmt Joseph-Barnabé Saint-Sevin (1727-1803) in en Duo vun Jean-Marie Leclair in de Concerts Spirituels. In ganz jung Johren hörr he to de bannig fraagt Virtuosen in Paris, he kunn sück dat sogor leisten, den Deenst in de königlich Kapell aftolehnen. As jung Kerl wurr he wegen en Affaire mit en adlig Hoffdaam to en een Johr lang Gefängnisstraaf veroordeelt. In de sösstiger Johren vun dat 18. Johrhunnert funnen sien Kompositschonen, sien Konzerte un sien Schölers en Tospröök ahn Bispeel.
Hüm verbunn en langjohrig un fruchtbor Tosommenarbeitn mit den Concerts Spirituels, deren Leitung he van 1773 bit 1777 mit François-Joseph Gossec un Simon Leduc (1742-1777) inneharr. In disse Periood beleev de Sinfonie concertante ehrn Hööchpunkt. Giovanni Battista Viotti hett hüm in vull Anerkennung sogor as den „franzööschen Tartini“ betekent.
Sien Sonaten hett he in barocker Traditschoon blots mit bezifferten Bass versehn schreven. Disse Kompositschonen stellen en stilistischen Övergang vun den Laatbarock to de Klassik dor.
In dat postrevolutionär Paris weer he af 1795 neben Pierre Rode, Pierre Baillot un Rodolphe Kreutzer een vun de Vigelienlehrers an dat nee grünnd Konservatorium.
Warken
[ännern | Bornkood ännern]- Opus 1; 6 Vigelienonaten 1760
- Le Prétendu intermède, de italieensch Kummedie in 3 Akten wurr an‘ 6. Nov. 1760 Paris eerstmals upführt.
- Recueil d'airs à 3 parties för 2 Vigelien, Bratsche un Bass 1763
- Opus 3; 6 Vigeliensonaten 1764
- Opus 4; 6 Vigelienkonzerte 1764
- 2 Suites sur des noëls (Wiehnachtssuiten) 1764
- 3 Solosonaten für Violine (insluutend Le Tombeau de Gaviniès) 1770
- Opus 5; 6 Vigeliensonaten 1774
- Sien hüüd bekanntst Wark sünd de (24)„Vingt-quatre Matinées, études caprices pour le violon“ van 1794.
