Sleipnir

Sleipnir is n deer uut de Noordse en Germaanse mythologie. Hi-j is et achtbeanege peerd van den oppergod Wodan, dat um deur den heamel noar de underweald droog. Hi-j is alderbastend stark en et snelste peerd dat besteet.

Sleipnir is et kind van Loki en Svadilfari.

Geboorte van Sleipnir

Toon den dondergod Thor in et noorden reuzen an et afmaken was, kwam nen vermomden vorstreus zich anbeden in Asgard. Op veurweerde dat e de zunne en de moane krig en Freya tot ziene vrouw mag maken, zol hi-j in 6 moanden tied de af-ebrokken muurn van Asgard herstellen. De goden gingen akkoord, dervan uutgoande dat dizzen reus den zwoaren taak nooit in dee korte tied zol können woarmaken. Hierbi-j vroog den vorstreus wal of e hierveur zien peerd, Svadilfari, mocht bruuken. Loki was den god den hierop inging, nog veur de aandere goden eure stemmen leten heuren.

Toon den reus 3 dagen veur tied den burcht zowat kloar had - hi-j mös enkel de poorte nog bouwen - waren de goden alderbastend helleg op Loki. Zo zollen zi-j ja de zunne, de moane en Freya kwietraken en zollen Loki veur altied folteren. Dizzen verzun echter nen list. Hi-j veraanderden zichzelf in ne witte merrie, en lokken Svadilfari vort van de hrimthurs. Dizzen wodden hierdeur zo hels, dat hi-j dreks begun de mure van Asgard oaverni-j of te breaken. Op dee tied kwam Thor weerumme en sloog um dood mit zienen hamer, Mjolnir.

Mit de bevalling van Loki kwam Sleipnir, den afstammeling van zowal Loki en et peerd Svadilfari. Sliepnir zol volgens völle leu Ieslaand hebben emaakt tiedens zien eersten vootstap op de eerde.

Sliepnir zol later ok ziene "zuster" Hel dood emaakt hebben moar wöd tiedens ragnarok (ende van de tieden) op-egeaten deur zienen "breur" Fenrir, den reusachtegen wolf.

Al Loki's kinder hebt éen ding gemeen, et bunt munsters; howal Sleipnir den enigen goodn is

Wodan zol Sleipnir later ok winnen tiedens nen race mit nen reus.

Wettensweerdegheden

Een roestvri-jstoaln beeld van Sliepnir ku'j vinden in Wednesbury (= Wodans burcht) in Engeland.
Sliepnir leaft teggenwoordig in Nederlaand veurt as Amerigo, et peerd van Sinterkloas.