Азербайджан

Азербайджан
Azərbaycan Respublikası

Азербайджанонь вастоц картаса

Азербайджан (Азербайджанонь республиксь) (азер.: Azərbaycan Respublikası) — Лямбеширень Кавказонь масторсь. Пряошец — Баку ошсь.

Азербайджан лемсь (сяда видеста «Азарбайджан» (آذربایجان)) арабияфт формац классикань персонь Āδarbāδāgān (Āδarbāyagān‎) валть, конац ётась кучкаперсонь Āturpātākān валть эзда. Сон канневи стама хоронипнень и этнонипнень ёткс, конат лисихть кодамовок юромонь оцязорхнень и вятихнень лемста. Тяса тя Мидиянь мекольце сатрапсь-ахименидсь Атропат (Āturpāt), конац минь эрадонк ингольдень 320-це кизоня васенцеда тись Мидиять кельме ширдень пялькссонза эсьотям мастор. Āturpātākān терминць тиф -akān кучкаперсонь патронимонь суффиксть вельде Āturpāt лемть эзда, кона кунардонь иранонь кяльста ётафневи кода "аралаф (иньару) толса".

VII—VIII вв. меле, мъзярда Ирантть фатязе Арабонь халифатсь, Āturpātākān топонимсь арабонь кяльть вельде шарсь «Азарбайджан»-кс (آذربایجان). Азербайджан лемсь - тя тюрконь формац "Азарбайджан" персонь топонимть. Сон кемокстафоль Азербайджанонь республикать мельге официальна 1918-це кизонь комсь сисемце майста Кавказфталонь сеймть мусульманонь фракциянц мархта. Эзонза сувсихне эсь пуромкссост састь мяльс азомс Азербайджантть эсьотямкс. А эсь пряснон лемдезь Азербайджанонь Мъзярапингонь Нациянь советокс. Тянь мархта тифтольхть ушеткст парламентонь сай пингонь республикати. Тя пуромксса кочкафтольхть президиум и вяти Нациянь советти, тяфтамкс арась Мамед Расулзаде. 28 майста Азербайджанць азфоль Демократиянь эсьотям Республикакс. Тянь мархта, В. Бартольдонь и А. Резонь мяльснон коряс, сърхксевсь марстоптомс Кавказфталонь кафта аймакнень Ширвантть и Аррантть лангса 18-це кизоня тиф Азербайджанонь Демократиянь Республикать и иранонь Азарбайджан аймакть, конань ламошкац эряенза ульсть тюркат.