Prevost

Quest articol chì l'è scrivud in lombard, con la Noeuva Ortografia Lombarda

El prevost de Ugiad Giovanni Tam cont el vestid tradizzional e la ferula. El mons. Tam l'era anca arciprevet

El prevost a l'è el titol che un presbiter el gh'ha se l'è el prelad preminent in d'una Gesa o territori. Despess l'è nomà un titol istoregh, ligad a 'na certa potenza de quella gesa in la storia - l'è inscì soratut per di parochie de Milan - ma in alter diocesi l'è inveci una sorta de vice del vescov che 'l gh'ha de coordenà i paroquie sota la soa giurisdizzion. In la Gesa Ambrosiana el gh'aveva l'important roeul de capo de la Piev e gh'heven di compit de gestion assee important, ma quand che el Giovanni Colombo l'ha abolid i piev l'è restad domà 'me atribuzzion d'onor.

L'è minga de sconfonder cont el decan o con l'arciprevet, anca se 'l capita che i roeul inn in corispondenza.

Riferiment

• Enciclopedia Treccani

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Prevost