Consulta Ligure

ZE	Quésta pàgina a l'é scrîta in zenéize, segóndo a grafîa ofiçiâ

O stémma ofiçiâ da Consulta Ligure

A Consulta Ligure (ofiçialménte Consulta Ligure delle associazioni per la cultura, le arti, le tradizioni e la difesa dell'ambiente) a l'é 'n'asociaçión lìgure, fondâ do 1973, ch'a métte insémme 'na sciuscianténn-a d'òrganizaçioìn in gîo pi-â Ligùria, tùtte ligæ da-o fìn d'avardâ a seu léngoa e-e seu tradiçioìn.

Stöia

Tàrga co-o mòtto da Consulta Ligure conservâ inta sêde de A Campanassa, a Sànn-a.

«Se semmo incontræ, se semmo capii, fræ emmu, e n'on saveimmo»

(Mòtto da Consulta Ligure)

A stöia da Consulta Ligure a coménsa a-i 22 de novénbre do 1972, quànde gh'é stæto 'n incóntro fra ménbri de l'asociaçión A Compagna, de Zêna, con quélli de A Campanassa, de Sànn-a, fæto ch'o l'à fisòu e bâze de 'na fratelànsa che inte quàrche méize a l'à portòu a-a creaçión do nêuvo sodalìçio. S'é coscì arivòu a l'àtto de fondaçión da Consulta, firmòu a-i 24 de novénbre do 1973 a Zêna. O prìmmo prescidénte o l'é stæto o Luigi De Martini e, a l'inprinçìpio, o sodalìçio o se conponéiva de sétte asociaçioìn: A Campanassa, A Compagna, o Campanin Russu, a Cumpagnia d'i Ventemigliusi, a Famija Sanremasca, a Vecchia Alassio e a Vecchia Laigueglia.

Intànto chò-u nùmero di asociæ o l'à comensòu a crésce, l'é stæto inandiòu e prìmme iniçiatîve da Consulta, cómme o convégno de Sanrémmo do 1976, dónde l'é partîo o progètto do grànde Vocabolario delle parlate liguri, pubricòu tra o 1985 e o 1997. Do 2023, s'é tegnûo a-o tiâtro Eleonöra Duse de Zêna a fèsta pe-i çinquant'ànni de l'asociaçión, co-a parteçipaçión de cantànti, atoî e âtri personàggi do móndo colturâle e lengoìstico lìgure.

Lìsta di prescidénti

N°	Prescidénte	Coménso da càrega	Fìn da càrega
1	Luigi De Martini	1973	1975
2	Luigi Maiga	1975	1977
3	Franco Gallea	1977	1983
4	Enrico Carbone	1983	1993
5	Rocco Peluffo	1993	1997
6	Giovanni Carossini	1997	2003
7	Franco Salvadori	2003	2005
8	Elmo Bazzano	2006	09/2013
-	Franco Bampi	09/2013	14/06/2014
9	Franco Salvadori	15/06/2014	30/01/2018
-	Caterina Maggi	01/02/2018	17/11/2018
10	Giovanni Battista Robba	18/11/2018	12/05/2023
11	Giorgio Oddone	13/05/2023	in càrega

Ativitæ

A Consulta Ligure a gh'à cómme fìn quéllo d'avardâ e "pàtrie memöie" ligùsteghe inti cànpi da coltûa, da stöia, da letiatûa, de l'àrte, de tradiçioìn e, in mòddo particolâ, da seu léngoa, co-a diféiza de tùtti i seu parlæ. Pe de ciù, a l'inàndia e a l'intervégne inte de ativitæ ch'amîan d'avardâ o paizàggio lìgure e a seu identitæ anbientâle.

P'andâ aprêuvo a-i seu òbietîvi, a Consulta a l'à inandiòu di incóntri co-e outoritæ e co-e schêue, de manifestaçioìn e di convégni; gh'é stæto ànche a publicaçión d'êuvie in scê matêie mensonæ de d'âto cómme, prezénpio, o Vocabolario delle parlate liguri e o Dizionario biografico dei liguri. Pe mêzo de patrocìnni, a Consulta a l'arénba manifestaçioìn de tiâtro, de mùxica e de âtro génere ascì, de lóngo ligæ a-i seu òbietîvi.

Òrganizaçión

Strutûa

L'òrganizaçión da Consulta Ligure a l'é spartîa in sce ciù òrgani sociâli che, in particolâ, són o Conséggio, o Prescidénte, o Sovrinténdente Colturâle, a Zónta, o Colêgio di Revizoî e o Colêgio di Probivîri. O Conséggio o l'é l'òrgano ch'o delìbera in scî progràmmi de l'asociaçión e ch'o nòmina e âtre càreghe, o l'é formòu da 'n ménbro pe ògni asociaçión da Consulta. O Prescidénte o gh'à de fonçioìn de raprezentànsa e o l'arèsta in càrega pe quatr'ànni, co-a poscibilitæ d'êse elezûo 'n'âtra vòtta; méntre a Zónta a se cûa da mìssa in êuvia de deliberaçioìn do Conséggio. In sciâ fìn, i doî Colêgi són i òrgani responsàbili, rispetivaménte, da revixón di cónti e de questioìn legâli.

Ménbri

A-o 2024, a Consulta Ligure a l'inclùdde inta seu ræ 63 asociaçioìn, pe tòsto 50.000 sòcci in tùtto. In particolâ, spartîo pe provìnsa, gh'é:

Inpéia

• Cumpagnia d'i Ventemigliusi, de Vintimìggia
• Amici dei Giardini Botanici Hanbury, da Mórtora (Vintimìggia)
• Associazione Culturale A Cria, de Valebónn-a
• Famija Sanremasca, de Sanrémmo
• Compagnia Stabile Città di Sanremo, de Sanrémmo
• Circolo Ligustico Arte e Ambiente, de Sanrémmo
• A Vaštéra, da Tæra Brigàsca
• Cumpagnia Armasca, de l'Àrma (Tàggia)
• Centro Culturale Tabiese, de Tàggia
• Amici di Bellissimi, de Belìscimi (O Doçêo)
• Le Muse, de Inpêia
• Communitas Diani, de Diàn
• Circolo Culturale Cà de Pujö, de Poieu (Sàn Bertomê)
• Cumpagnia du Servu, do Çèrvo

Sànn-a

• Vecchia Laigueglia, de Laigoéggia
• Associazione Vecchia Alassio, de Aràsce
• Veggia Arbenga, de Arbénga
• Associazione Amici di Peagna, de Peàgna (O Çeiâ)
• Forum Culturale Borghetto Santo Spirito, do Borghétto
• Associazione Vecchia Loano, de Lêua
• Centro Culturale Jus Tenes, de Giusténixe
• Centro Storico Culturale San Pietro, de Bórxi (Bòrxi e Verézzi)
• Centro Storico del Finale, do Finâ
• Civitas Nauli, de Nöi
• Circolo Socio Culturale "Pontorno", de Spotórno
• L'Îzua, de Berzézzi
• A Campanassa, de Sànn-a
• Compagnia di Prosa La Torretta, de Sànn-a
• Centro Culturale Celle, de Çélle
• U Campanin Russu, de Vâze
• Associazione Internazionale Caterinati - Gruppo di Varazze, de Vâze
• Gruppo Teatrale Don Bosco, de Vâze
• Riofreddo Insieme, de Refréido (Meriâdo)

• Fondazione Nilde Bormioli, de Càiri
• Associazione "Antichi Liguri e Colombo nato a Savona", de Çéngio

Zêna

• Torre dei Saraceni, de Rensén
• A Compagna, de Zêna
• Amici della Biblioteca Franzoniana, de Zêna
• Associazione Amici del Teatro Rina e Gilberto Govi, de Zêna
• Associazione Liguri nel Mondo, de Zêna
• Associazione Repubblica di Genova, de Zêna
• Associazione Ligure-Zeneize de Rapàllo
• Conseggio pe-o patrimònio linguistico ligure, de Zêna
• Arciconfraternita del Chinotto, de Séstri Ponénte (Zêna)
• Avanti Tutta Compagnia Stabile Teatro R. & G. Govi, de Bösanæo (Zêna)
• Nuova Compagnia dell'Allegria, de Rîeu (Zêna)
• Compagnia Teatrale San Fruttuoso, de Sàn Frotôzo (Zêna)
• Compagnia TeatralNervi, de Nèrvi (Zêna)
• Associazione Buio Pesto, de Bogiàsco
• L'ardiciocca, de Récco
• Museo Marinaro "Gio Bono Ferrari", de Camóggi
• Caroggio Drito, de Rapàllo
• O Castello, de Ciâvai
• Società Economica di Chiavari, de Ciâvai
• Centro di Cultura La Torre, de Léivi
• O Leûdo, de Séstri Levànte
• I Villezzanti, de Dâgna
• Amici di Pentema, de Péntema (Torìggia)

Spézza

• APS Enrico Calzolari Pro Monte Caprione, de Lèrze
• Società Marittima di Mutuo Soccorso 1852, de Lèrze

Fêua da Ligùria

• Ràixe, progètto da Cooperativa Millepiedi de Sant'Antîoco
• Pro Loco Carloforte, de Carlofòrte
• A Maina, de Carlofòrte
• Académie des Langues Dialectales, de Mónego
• Dî Ghi Di Scé, de Bonifàçio

Nòtte

Nòtte a-o tèsto

Nòtte bibliogràfiche

Âtri progètti

Altri progetti

• Wikimedia Commons

• Wikimedia Commons a contêgne di files in sce Consulta Ligure

Ligàmmi de fêua

• (IT) Scîto ofiçiâ, in sce consultaligure.org. URL consultòu o 13 arvî 2024.
• (IT) Mesàggio do prof. Franco Gallea pe-i 50 ànni da Consulta, in sce youtube.com. URL consultòu o 13 arvî 2024.